უკრაინის საგარეო საქმეთა მინისტრი, დმიტრო კულება ევროკომისიის გადაწყვეტილებას უკრაინისთვის ევროკავშირის წევრობის კანდიდატის სტატუსის მინიჭებასთან დაკავშირებით, სოციალურ ქსელ ,,ტვიტერში” ეხმიანება.
,,ევროპის ისტორია იქმნება, ჩვენ მივესალმებით ევროკომისიის გადაწყვეტილებას, რომ უკრაინას უნდა მიენიჭოს ევროკავშირის კანდიდატის სტატუსი ევროკავშირის სამიტზე მომავალ კვირას. ეს იქნება ევროპული ლიდერობის ნათელი დადასტურება და უკრაინის შემდგომი ტრანსფორმაციებისთვის უზარმაზარი სტიმული,”- განაცხადა კულებამ.
