უკრაინული მედიის ინფორმაციით, მარიუპოლის ,,აზოვსტალის” ქარხნიდან ევაკუირებული ჯარისკაცები , რუსეთის მიერ კონტროლირებად ქალაქ ოლენივკაში, ყოფილ სასჯელაღსრულების დაწესებულებაში გადაიყვანეს.
50-მდე მძიმედ დაშავებული სამხედრო გუშინ ღამით რუსეთის მიერ კონტროლირებად ტერიტორიაზე, საავადმყოფოში გადაიყვანეს, ხოლო 200-ზე მეტი ჯარისკაცი ოლენივკაში, დონეცკის მახლობლად.
შეგახსენებთ, უკრაინა აზოვსტალიდან ევაკუირებულ სამხედროებს რუს ტყვეებში გაცვლის, თუმცა კრემლი ამას ოფიციალურად არ ადასტურებს. ამ დროისთვის უცნობია, თუ რა გარანტიები გასცა რუსულმა მხარემ ევაკუირებულთან დაკავშირებით.
