აშშ-ს სახელმწიფო მდივანმა, ენტონი ბლინკენმა განაცხადა, რომ ვაშინგტონი განიხილავს შესაძლებლობას რუსეთის ტერორიზმის სპონსორად აღიარების შესახებ. ამის შესახებ ბლინკენმა სენატის ასიგნებების კომიტეტში მოსმენისას ისაუბრა.
„ჩვენ განვიხილავთ ამას, იურისტები სწავლობენ ამ საკითხს. ცხადია, რუსები ატერორებენ უკრაინელ ხალხს. იურისტები მუშაობენ, რათა დარწმუნდნენ, რომ დაცული იქნება კანონით გათვალისწინებული საფუძვლები“,- აღნიშნა ბლინკენმა.
