თბილისის ჩუღურეთის რაიონში, ხუდადოვის ტყეში, პატრიარქის ინიციატივითა და კურთხევით ახალი ეკლესია აშენდება.
როგორც თბილისის საკრებულოში ჩუღურეთის რაიონის მაჟორიტარი დეპუტატი რიმა ბერაძე ფეისბუქის საკუთარ გვერდზე წერს, ჩუღურეთის რაიონში სულ 19 ეკლესიაა, თუმცა აღნიშნულ ტერიტორიაზე აქამდე ტაძარი არ არსებობდა.
“პატრიარქის ინიციატივითა და კურთხევით, ხუდადოვის ტყეში შვილმკვდარი დედების ტაძარი აშენდება, რომლის მშენებლობას დღეს ჩაეყარა საფუძველი. სულ მალე აქაურობას ჩვენი სულიერი კიდევ ერთი გუშაგი დაამშვენებს”, – წერს დეპუტატი.