„დავასუსტეთ ადამიანები, გავაღატაკეთ ეკონომიკა, ვისი პასუხისმგებლობაა ეს?“ – იაგო ხვიჩია

საქართველოს პარლამენტის წევრი, „გირჩის“ ერთ-ერთი ლიდერი იაგო ხვიჩია ე.წ. მწვანე პასპორტების გაუქმებასთან დაკავშირებით განცხადებას აკეთებ და ამბობს, რომ ხელისუფლებამ გადაწყვეტელების მიღება დააგვიანა.

„როგორც იქნა, მიხვდა მმართველი პარტია რომ მწვანე პასპორტები უაზრობა იყო და უნდა გაეუქმებინა. გილოცავთ ამ შესანიშნავ მიგნებას, რომელიც მიღებიდან 41 დღე დაგაგვიანდათ რატომღაც. მგონი ყველასთვის თვალნათელია რამხელა შეცდომა იყო ეს.  25 ათას ადამიანზე დადასტურებული ინფორმაცია გვაქვს და რეალურად სამჯერ მეტი.  მივაღწიეთ საბოლოო ჯამში-დავასუსტეთ ადამიანები, გავაღატაკეთ ეკონომიკა. ვისი პასუხისმგებლობაა ეს? დღესაც იგივეს ვაგრძელებთ. შეცდომის არაღიარების თვალსაზრისით“, – აღნიშნა  იაგო ხვიჩიამ პარლამენტის პლენარულ სხდომაზე.

მისი თქმით, ხელისუფლების კოვიდ-პანდემიის საწინააღმდეგო პოლიტიკამ, რომელსაც ოპოზიციაც ემხრობოდა, ადამიანების წინააღმდეგ იმუშავა. მისივე თქმით, დღესაც იგივე გრძელდება შეცდომის არაღიარების თვალსაზრისით.

„25 ათასი ადამიანია დღეს ინფიცირებული, ჩვენ გვახსოვს როდესაც 5 ადამიანი იყო ინფიცირებული, აეროპორტიდან ხალხს ხსნიდით და მიგყავდათ აბასთუმანში. ეს ყველაფერი ხდებოდა ოპოზიციის ლოცვა კურთხევით. ცოლ-ქმრის წინ, მანქანაში ჯდომას კრძალავდით, გზებს რეცხავდით, ბოლოს მწვანე პასპორტები შემოიღეთ, ბიზნესების გაკოტრება, ათასნაირი შეზღუდვები. გრძნობთ თუ არა თავს დამნაშავედ ჩვენს წინაშე, იმ ხალხის წინაშე, რომელიც ამ ყველაფრის შედეგად ზარალდებოდა.  კორონას წინააღმდეგ არაფერმა იმუშავა, მაგრამ ყველაფერმა იმუშავა ადამიანების წინააღმდეგ. ვისი პასუხისმგებლობაა ეს? ამას ვინც უჭერდა მხარს როგორც ხელისუფლებიდან, ისე ოპოზიციიდან, იღებს თუ არა რამენაირ პასუხისმგებლობას, თუნდაც  პოლიტიკურს“, – განაცხადა იაგო ხვიჩიამ.

 

მსგავსი თემები