ხმაური იყო ბათუმის საერთაშორისო საუნივერსიტეტო ჰოსპიტალში. გარდაიცვალა ახალშობილი, შეკრებილნი კი ამაში ექიმებს ადანაშაულებენ და მათ გულგრილობას, უყურადღებობას მიაწერენ.
ბათუმის საერთაშორისო საუნივერსიტეტო ჰოსპიტალში გუშინ სამშობიარო ტკივილებით ანა ჭყონია მოათავსეს. ოჯახის წევრების თქმით, კლინიკაში ახალშობილის გარდაცვალების შესახებ ინფორმაცია დღეს მიაწოდეს.
არსებობს ინფორმაცია, რომ ნაყოფი მკვდრადშობილი იყო. ახალშობილის ცხედარი ექსპერტიზის ბიუროშია გადასვენებული და დასკვნას ელოდებიან. ამასთან, კლინიკაში შიდა მოკვლევა მიმდინარეობს.