პოეტი და საზოგადო მოღვაწე რეზო ამაშუკელი 85 წლის ასაკში გარდაიცვალა. ცნობილი პოეტის შემოქმედება მკითხველმა 1957 წლიდან იხილა. ლექსებისა და პოემების გარდა, რეზო ამაშუკელს არაერთ წიგნზე აქვს ნამუშევარი.
ის იყო საქართველოს მწერალთა კავშირის მდივანი; შოთა რუსთაველის საზოგადოების თავმჯდომარის პირველი მოადგილე. მოქალაქეთა კავშირის თავმჯდომარის მოადგილე. ასევე, არის თბილისის საპატიო მოქალაქე. მიღებული აქვს ღირსების ორდენი.
