ვარკეთილში “ბესთ მარკეტი” გაძარცვეს. შემთხვევა დაახლოებით ერთი საათის წინ მოხდა. არსებული ინფორმაციით, მარკეტში დანით შეიარაღებული პირი შეიჭრა და თანხის წაღებაც მოახერხა. წინასწარი ინფორმაციით, საუბარია დაახლოებით 500 ლარზე.
ამ წუთებში მე-4 მიკრორაიონში მდებარე მაღაზია ყვითელი ლენტითაა შემოსაზღვრული და სამართალდამცველები საგამოძიებო მოქმედებებს ატარებენ. საქმეზე გამოძიება 178 მუხლით დაიწყო, რაც ძარცვას გულისხმობს.
