საქართველოს მთავრობა “კანაფის კონტროლის შესახებ” კანონპროექტის პაკეტს პარლამენტიდან გაიწვევს.
როგორც შინაგან საქმეთა მინისტრმა გიორგი გახარიამ ჟურნალისტებს საქართველოს კათოლიკოს-პატრიარქ ილია მეორესთან შეხვედრის შემდეგ განუცხადა, მთავრობამ საკანონმდებლო ინიციატივის პარლამენტიდან გაწვევის გადაწყვეტილება მიიღო, თუმცა მიაჩნია, რომ პროექტი იურიდიული თვალსაზრისით გამართული იყო და გასაწვევი არაფერი სჭირდა.
” რაკი საკითხს პოლიტიკური კონტექსტი მიეცა, საზოგადოების განწყობის გათვალისწინებით, მთავრობა საკანონმდებლო ინიციატივის გაწვევას დათანხმდა”, – აცხადებს გიორგი გახარია.
საზოგადოებრივი მოძრაობა “ქართული მარშის” ლიდერების ერთ-ერთი მოთხოვნა “ქართული ოცნების” მიმართ, რომლის დაკმაყოფილების შემთხვევაში ისინი მხარს დაუჭერენ პრეზიდენტობის კანდიდატ სალომე ზურაბიშვილს, სწორედ საქართველოში მარიხუანის კულტივაციაზე უარის თქმას შეეხებოდა.