კიევის სასამართლომ პეტრო პოროშენკოს დაკავების თანხმობა გასცა. ყოფილი პრეზიდენტი ამ დროისთვის უკრაინაში არ იმყოფება. ის ვარშავაშია და სამშობლოში დაბრუნებას, სავარაუდოდ, იანვრის შუა რიცხვებში გეგმავს.
უკრაინის გამოძიების ბიურომ ყოფილი პრეზიდენტის წინააღმდეგ გამოძიება სახელმწიფო ღალატის, ტერორიზმის დაფინანსებისა და ტერორისტული ორგანიზაციის ჩამოყალიბების მუხლებით დაიწყო. საქმე ოკუპირებული დონეცკისა და ლუგანსკის ტერიტორიებიდან ქვანახშირის არალეგალურ გატანას ეხება. ვრცელდება ინფორმაცია, რომ გირაოს სახით ერთი მილიარდი გრივნაა გათვალისწინებული.
უკრაინის მეხუთე პრეზიდენტი მის წინააღმდეგ დაწყებულ საგამოძიებო პროცესს სიგიჟეს უწოდებს.
