მიხეილ სააკაშვილი დღევანდელ სასამართლო პროცესზე, რომელიც 7 ნოემბრის საქმეს ეხებოდა, წერილს ავრცელებს. როგორც პატიმრობაში მყოფი პრეზიდენტი წერს, 7 ნოემბრის მოვლენები მას ძალიან არ მოეწონა.
„7 ნოემბრის საქმეზე” მასამართლებენ და ბრალდება ეფუძნება მხოლოდ ორ ჩვენებას – გენერალ ზაზა გოგავას, რომელიც საჯაროდ აცხადებს, რომ არაფერი დამირღვევია და ნინო ბურჯანაძეს, რომელიც საუბრობს მხოლოდ “პოლიტიკურ პასუხისმგებლობებზე”. 7 ნოემბრის მოვლენები მე ძალიან არ მომეწონა, იმდენად რომ გავაკეთე ის, რაც მსოფლიოში ძალიან ცოტა ლიდერს გაუკეთებია. გადავდექი, შევამცირე ჩემი საპრეზიდენტო ვადა და ახალ არჩევნებზე წავედი. ქართველმა ხალხმა გამომიტანა მაშინ ვერდიქტი და დამაბრუნა საპრეზიდენტო სასახლეში.
ამიხსენით ახლა, რას მედავება 20 ივნისის და 5 ივლისის ავტორი ხელისუფლება? ნუთუ მართლა ასე ბნელა?”, – წერს მიხეილ სააკაშვილი.
შეგახსენებთ, რომ დღეს, საქალაქო სასამართლოში მიხეილ სააკაშვილის სასამართლო პროცესი გაიმართა, რომელსაც თავად ბრალდებული არ დასწრებია.
