“ნატოში უკრაინის გაწევრიანება მხოლოდ კიევისა და ნატოს გადასაწყვეტია” – აშშ

ხუთშაბათს აშშ-ისა და უკრაინის პრეზიდენტების, ჯო ბაიდენისა და ვოლოდიმირ ზელენსკის სატელეფონო საუბრის შემდეგ, თეთრ სახლში განაცხადეს, რომ ნატოში უკრაინის გაწევრიანება, რასაც მკვეთრად ეწინააღმდეგება მოსკოვი, მხოლოდ და მხოლოდ თავად უკრაინისა და ნატოს საქმეა.

მაგრამ, როგორც თეთრი სახლის პრესმდივანმა ჯენ საკიმ თქვა, არსებობს გარკვეული მოთხოვნები რიგ საკითხებში, მათ შორისაა კორუფცია და სხვა პუნქტები.

მანამდე ჯო ბაიდენმა განაცხადა, რომ პარასკევს, 10 დეკემბერს აპირებს გამოაცხადოს შეხვედრის შესახებ, რომელშიც მონაწილეობას მიიღებენ რუსეთი და ნატოში აშშ-ის ოთხი მოკავშირე. რომელ ქვეყნებზეა ლაპარაკი, არ დაუზუსტებიათ. აშშ-ის პრეზიდენტის თქმით, შეხვედრის მიზანია, ისაუბრონ რუსეთის წუხილზე ნატოს გაფართოების თაობაზე და შეთანხმებების მიღწევაზე, რომლებიც რეგიონში დაძაბულობის შემცირებას შეუწყობდა ხელს.

მსგავსი თემები