პატიმრობაში მყოფი მიხეილ სააკაშვილი აცხადებს, რომ თავს სუსტად გრძნობს რის გამოც, ხვალინდელ სასამართლო პროცესზე დასწრებას ვერ შეძლებს.
„მადლობა ჟურნალისტებს თავდადებისთვის და სიცივეში დგომისთვის. გორი 4-ჯერ უფრო ცივია, ვიდრე თბილისი. გატყობინებთ, რომ ხვალ სისუსტის გამო დიდი ალბათობით ვერ დავესწრები პროცესს, (ძალიან ადრე რომ არ ადგეთ). იმედია პრესცენტრი ნორმალურად ამუშავდა“, – წერს სააკაშვილი წერილში, რომელიც გორის სამხედრო ჰოსპიტალიდან მიხეილ სააკაშვილის დედამ, გიული ალასანიამ გამოიტანა.
თბილისის საქალაქო სასამართლო, ხვალ მიხეილ სააკაშვილის მხრიდან სახელმწიფო საზღვრის უკანონო კვეთის საქმეს განიხილავს.
