“არ გვაქვს სიურპრიზები ურთიერთობაში” – ასე უპასუხა თავდაცვის მინისტრმა ჯუანშერ ბურჭულაძემ აშშ-სა და საქართველოს თავდაცვის უწყებებს შორის შეთანხმების გაფორმების შემდგომ ერთობლივ პრესკონფერენციაზე დასმულ კითხვას, რომელიც ასე ჟღერდა: – ბატონო მინისტრო, ყველაფერს იღებთ აშშ-სგან, რაც გჭირდებათ?
“ჩვენი ურთიერთთანამშრომლობა არის სინქრონულ რეჟიმში. ჩვენ ერთმანეთის პარალელურად ვდგამთ ნაბიჯებს და არ გვაქვს სიურპრიზები ურთიერთობაში,”-უპასუხა მინისტრმა მედიის წარმომადგენელს.