ევროპარლამენტის კონსერვატორებისა და რეფორმისტების ფრაქცია (ECR) საქართველოს ხელისუფლებას მიხეილ სააკაშვილის დაუყოვნებლივ გათავისუფლებისკენ მოუწოდებს.
გავრცელებულ განცხადებაში ნათქვამია, რომ ECR ღრმად შეშფოთებულია საქართველოს პროდასავლელი პრეზიდენტისა და ყველაზე დიდი ოპოზიციური პარტიის ლიდერის დაკავებით.
“ბატონ სააკაშვილს სრული უფლება ჰქონდა დაბრუნებულიყო მის სამშობლოში. ბრალდებები, რომლებიც მმართველ პარტიას მის წინააღმდეგ აქვს წარდგენილი სრულიად უსაფუძვლოა. ქართველ ხალხს სრული უფლება აქვს თავიანთი ლიდერი თავად აირჩიონ. პოლიტიკოსებმა საკითხები თავისუფლად უნდა განიხილონ და არა ციხიდან გამოგზავნილი წერილებით.
ბატონ სააკაშვილს აქვს შთამბეჭდავი ისტორია, როგორც საქართველოს რეფორმატორს, რომელმაც ქვეყანა დემოკრატიის გზაზე დააყენა.
ცხადია, რომ ბატონი სააკაშვილის პროევროპულ და პროტრანსატლანტიკურ პოზიციას, საქართველოში ავტორიტარული რუსეთის შეჭრა მოჰყვა, რომელიც საქართველოში შეეცადა გაენადგურებინა დემოკრატიული გაზაფხული.
ERC ასევე შეგახსენებთ, რომ მიხეილ სააკაშვილის ქმედებებმა პოსტსაბჭოთა საქართველოში პირველად გახადა ძალაუფლების მშვიდობიანი გადაცემა შესაძლებელი.
მტკიცედ გვჯერა, რომ პოლიტიკური რევანში არ უნდა იყოს გზა, რომლითაც საქართველოს ხელისუფლებამ უნდა იაროს, განსაკუთრებით ადამიანის უფლებათა ევროპული სასამართლოს მიერ სააკაშვილის მთავრობის სხვა ოფიციალური პირების შესახებ გამოტანილი გადაწყვეტილებების შემდეგ, რომლითაც მათ წინააღმდეგ საქმეები პოლიტიკურად მოტივირებულად აღიარეს.
ECR საქართველოს ხელისუფლებას მოუწოდებს მოუხსნან ბრალდებები მიხეილ სააკაშვილს და დაუყოვნებლივ გაათავისუფლონ ის პატიმრობიდან”, – ნათქვამია განცხადებაში.
