ეკოლოგიური კატასტროფა რუსეთში – ორ ქალაქში შავი თოვლი მოვიდა, მიმდინარეობს გამოძიება

პროკურატურამ საგამოძიებო მოქმედებების მას შემდეგ დაიწყო, რაც მასობრივი ინფორმაციის საშუშალებებში შავი თოვლის შესახებ ინფორმაცია გავრცელდა. თოვლი კემეროვოს ოლქის ორ ქალაქში, პროკოპიევსკსა და კისელევსკში, რამდენიმე დღის წინ მოვიდა.  ​როგორც კელეროვის პროკურატურაში აცხადებენ, ეკოლოგიური დაბინძურება პროკოპიევსკის გადამამუშავებელი ფაბრიკიდან ნახშირის მტვერის სახით გამოფრქვევამ გამოწვია. მიმდინარეობს შემოწმება იმის დასადგენად, იყო თუ არა დარღვეული გარემოს დაბინძურების ნორმები.   იმავდროულად, კელეროვის გუბერნატორის წარმომადგენლობაში აცხადებენ, რომ გადამამუშავებელი ფაბრიკის გარდა, გარემოს დაბინძურების მიზეზი შესაძლოა ქვანახშირის საცავები, ტრანსპორტი და საწარმოები იყოს.  “გუბერნიის თითქმის ყველა დასახლებულ პუნქტში შეიქმნა მსგავსი პრობლემა, სადაც თოვლი მოვიდა. თავის დროზე გაზის ქსელის განვითარება არ იყო მხარდაჭერილი, ამიტომ, მოსახლეობის დიდი ნაწილი…

მეტი...

მცხეთა და გელათი იუნესკომ საფრთხეში მყოფი მსოფლიო ძეგლების სიიდან ამოიღო

განათლების, მეცნიერებისა და კულტურის კომიტეტის თავმჯდომარე მარიამ ჯაშის განცხადებით, კულტურული მემკვიდრეობის დაცვის ეროვნულმა სააგენტომ, კულტურული მემკვიდრეობის დაცვის მიმართულებით, 2018 – 2019 წლებში უპრეცედენტო სარეაბილიტაციო და სარესტავრაციო სამუშაოები განახორციელა.  ბორჯომში გამართულ კომიტეტის სხდომაზე, დეპუტატებმა კულტურული მემკვიდრეობის დაცვის ეროვნული სააგენტოს 2018 წელს შესრულებული სამუშაოს ანგარიში მოისმინა. სააგენტოს დირექტორმა, ნიკოლოზ ანთიძემ, 2019 წლის სამოქმედო გეგმის ანგარიში წარმოადგინა და საკანონმდებლო მიმართულებით არსებულ გამოწვევებზე ისაუბრა.  მისი თქმით, 2018 წელს, მნიშვნელოვანი კულტურული მემკვიდრეობის ძეგლების რეაბილიტაცია განხორციელდა. სააგენტო 40 ძეგლის რეაბილიტაციაზე მუშაობდა. ესენია: კუმურდო, ვარძია, უფლისციხის ინფრასტრუქტურა, ნიკორწმინდა, გორისციხე, ნიკო დადიანის სასახლე, სვანეთის კოშკები და მაჩუბები, მეტეხის ტაძარი, სენაკის ხორავას…

მეტი...

“ჩვენ ძალიან მნიშვნელოვან და ძლიერ მხარდამჭერ გზავნილებს ვიღებთ” – მამუკა ბახტაძე

რეზოლუციაში, რომელიც აშშ-ის კონგრესს წარედგინა, ძლიერი მხარდამჭერი გზავნილია საქართველოსთვის, – ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყების წინ გამართულ ბრიფინგზე განაცხადა. მთავრობის მეთაურის თქმით, აშშ-ის კონგრესს წარედგინა რეზოლუცია, რომელშიც დაგმობილია სირიის მიერ საქართველოს რეგიონების – აფხაზეთისა და ცხინვალის რეგიონის დამოუკიდებლობის აღიარება. პრემიერ-მინისტრის განცხადებით, რეზოლუციაში, კიდევ ერთხელ არის ხაზგასმული აშშ-ის მტკიცე მხარდაჭერა საქართველოს სუვერენიტეტისა და ტერიტორიული მთლიანობისადმი და დაგმობილია რუსეთის მიერ საქართველოს რეგიონების ოკუპაცია.  „თუ დააკვირდებით ბოლო პერიოდის დინამიკას, ჩვენ ძალიან მნიშვნელოვან და ძლიერ მხარდამჭერ გზავნილებს ვიღებთ ჩვენი მეგობრებისგან და მინდა დიდი მადლობა გადავუხადო მათ ამ მხარდაჭერისთვის. უმნიშვნელოვანესია აშშ-ის…

მეტი...

მსოფლიო ავიაგიგანტ Boeing -ს საქართველო თვითმფრინავის კომპოზიტური ნაწილებით მოამარაგებს 

საქართველოში წარმოებული პირველი პროდუქცია მსოფილიო ავიაგიგანტ Boeing -სთვის დამზადდა. „საპარტნიორო ფონდისა“ და ისრაელის კომპანია „Elbit Cyclone“-ის ერთობლივი პროექტის, თვითმფრინავების კომპოზიტური ნაწილების ქარხანამ ( ATC ) პროდუქციის შესყიდვასთან დაკავშირებით პირველი დოკუმენტი გააფორმა. როგორც საპარტნიორო ფონდის საინვესტიციო დეპარტამენტის დირექტორი და პროექტის მენეჯერი ნინო ჩოლოყაშვილი აცხადებს, სამოქალაქო თვითმფრინავების კომპოზიტური ნაწილების მწარმოებელი ქარხანა ქვეყანაში ინვესტიციების მოზიდვისთვის საუკეთესო მაგალითია. საწარმომ სატესტო რეჟიმში მუშაობა დაასრულა და სარეალიზაციოდ პირველი პროდუქციის გამოშვება უკვე დაიწყო. ამ დროისთვის ქარხანაში 120-ზე მეტი ადამიანი მუშაობს, რომლებმაც კვალიფიკაციის ასამაღლებლად გადამზადება ისრაელის კომპანია „ელბიტ საიკლონის“ სპეციალისტებთან გაიარეს. სწავლება ეტაპობრივად გრძელდება. ქარხნის სრულად დატვირთვის შემდეგ…

მეტი...

თბილისის ჯაზ-ფესტივალს გიტარისტი პეტ მეთინი ეწვევა

თბილისის 22-ე ჯაზ -ფესტივალს 20 გრემის მფლობელი, ლეგენდარული ამერიკელი ჯაზ გიტარისტი პეტ მეთინი ეწვევა, რომელიც ღია ცის ქვეშ მსმენელის წინაშე პროექტით – Missouri Skies and More წარდგება. ფესტივალში, მონაწილეობას მიიღებენ თბილისის სიმფონიური ორკესტრი, ვახტანგ კახიძის დირიჟორობით, თბილისის მერიის ბიგ ბენდი და კონსერვატორიის ჯაზის ფაკულტეტის სტუდენტები, რევაზ კიკნაძის ხელმძღვანელობით. როგორც სამინისტროში “მედიაცენტრ მთავარს” განუცხადეს, თბილისის 22-ე ჯაზ ფესტივალი 28 თებერვალს, კონსერვატორიის დიდ დარბაზში, ახალი პროექტით Tbilisi Big Band & New Jazz Generation გაიხსნება. “ეს იქნება კონცერტი, სადაც ძველი თაობა შეხვდება ახალს და სხვადასხვა თაობის მუსიკოსები მსმენელს ჯაზურ კომპოზიციებს შესთავაზებენ”, – აცხადებენ…

მეტი...

თეირანში, ქრისტიანულ სასაფლაოზე არსებულ ეკლესიას რეაბილიტაცია ჩაუტარდება

ირანის დედაქალაქ თეირანში, ქართველი საზოგადო მოღვაწისა და ბიზნესმენის, აკაკი ხოშტარიას მიერ XX საუკუნეში აგებული, მცირე ზომის ეკლესიის რეაბილიტაციას საქართველოს კულტურული მემკვიდრეობის დაცვის ეროვნული სააგენტო ირანულ მხარესთან პარტნიორობით განახორციელებს. სამუშაოები მიმდინარე წელს დაიწყება და მას საქართველოს მხარე დააფინანსებს.   კონსტრუქციული მდგრადობის მხრივ ამჟამად რთულ მდგომარეობაში მარმარილოს ქვის არქიტექტურული ნაგებობა და გადაუდებელ სარესტავრაციო ჩარევას საჭიროებს. როგორც “მედიაცენტრ მთავარს” სააგენტოში განუცხადეს, არქიტექტორ-რესტავრატორების მიერ სრულად აიზომა საკულტო ნაგებობა, რომელიც ქართული სასულიერო ხუროთმოძღვრების ერთადერთი ნიმუშია ირანის ისლამური რესპუბლიკის ტერიტორიაზე. მათივე განმარტებით, ანაზომებისა და ფოტო მასალის მიხედვით სააგენტო მიმდინარე წელსვე უზრუნველყოფს რეაბილიტაციის საპროექტო დოკუმენტაციის მომზადებას. სარეაბილიტაციო…

მეტი...

ქართველი მშვიდობისმყოფელები ავღანეთიდან უდანაკარგოდ დაბრუნდნენ

საქართველოს შეიარაღებული ძალების II ქვეითი ბრიგადის ნაკრები ასეული ავღანეთიდან სამშობლოში უდანაკარგოდ დაბრუნდა. ქართველ მშვიდობისმყოფელებს თბილისის საერთაშორისო აეროპორტში საქართველოს თავდაცვის ძალების დასავლეთის სარდალი, ბრიგადის გენერალი გიორგი მათიაშვილი, II ქვეითი ბრიგადის მეთაური, ვიცე-პოლკოვნიკი კობა გრიგოლია და საქართველოში გერმანიის თავდაცვის ატაშეს შტაბის ბიუროს ხელმძღვანელი, მასტერ სერჟანტი, ვლადიმირ კნაუბი დახვდნენ. მათ ჯარისკაცებს მისიის წარმატებით შესრულებისთვის მადლობა გადაუხადეს, მშვიდობით დაბრუნება მიულოცეს და მომავალ საქმიანობაში წარმატებები უსურვეს. II ქვეითი ბრიგადის ნაკრები ასეული ავღანეთის ისლამურ რესპუბლიკაში, მაზარ-ი-შარიფში საერთაშორისო სამშვიდობო მისიას 7 თვის განმავლობაში გერმანული სარდლობის დაქვემდებარებაში ასრულებდა. ქართველი სამხედროების მთავარ ამოცანას ბაზა „მარმალის“ უსაფრთხოების დაცვა და სწრაფი…

მეტი...

ქუთაისის საერთაშორისო აეროპორტს, ევროპის ქალაქებისკენ, 6 ახალი მიმართულება დაემატება

ქუთაისის საერთაშორისო აეროპორტს, ევროპის ქალაქების მიმართულებით, პირველი აგვისტოდან 6 ახალი რეისი დაეამატება. ავიაკომპანია Wizz Air -ი ფრენებს ბრიუსელში, კოპენჰაგენში, ბაზელში, ეინდჰოვენში, ტალინსა და ბარიში განახორციელებს. როგორც პრემიერ-მინისტრმა მამუკა ბახტაძემ დღეს, მთავრობის სხდომის დაწყებამდე გამართულ ბრიფინგზე განაცხადა, შედეგად ქვეყნის ეკონომიკაში დამატებით 100 მილიონი აშშ დოლარის ინვესტიცია განხორციელდება. პრემიერმა, ასევე, ისაუბრა ამერიკული გამოცემა Global Finance -ის 2019 წლის რეიტინგზე და განაცხადა, რომ საქართველო მსოფლიოს ყველაზე უსაფრთხო ქვეყნების სიაში, უსაფრთხოების მაჩვენებლით საქართველო რეგიონში ლიდერია. მამუკა ბახტაძის თქმით, მსოფლიოს 128 ქვეყნიდან, საქართველომ უსაფრთხოების თვალსაზრისით 9,68 ქულა დააგროვა. ჩვენ ვართ 49-ე ადგილზე. ეს არის ძალიან დიდი…

მეტი...

სტრასბურგის სასამართლოს გადაწყვეტილება დიდი გამარჯვებაა ჩვენი ქვეყნისთვის – არჩილ თალაკვაძე

საპარლამენტო უმრავლესობის ლიდერი არჩილ თალაკვაძე სტრასბურგის სასამართლოს გადაწყვეტილებას გამოეხმაურა და მას საქართველოსთვის დიდი გამარჯვება უწოდა.  „ამ გადაწყვეტილებამ, რომლითაც ევროპულმა სასამართლომ რუსეთის ფედერაციის მხრიდან ჩვენი მოქალაქეების მიმართ უფლებების დარღვევა დაადგინა და რუსეთს კომპენსაცია დააკისრა – კიდევ ერთხელ აჩვენა, რომ სიმართლემ დიდი და პატარა ქვეყნები არ იცის და ვისაც მეტი ძალა აქვს, იმას ყველაფერი არ გაუვა. იუსტიციის სამინისტრომ დიდი სამუშაო გასწია და ეს მნიშვნელოვანი საქმე წარმატებით დაასრულა, რისთვისაც მადლობას იმსახურებს!“ – განაცხადა თალაკვაძემ. აღსანიშნავია, რომ ადამიანის უფლებათა ევროპული სასამართლოს გადაწყვეტილებით, რუსეთმა საქართველოს 1 500 მოქალაქეს არამატერიალური ზიანის მიყენებისთვის, კომპენსაციის სახით, 10 მილიონი ევრო უნდა გადაუხადოს.

მეტი...

“ჩვენ, პრაქტიკულად, ნატო-ს კართან ვართ” – პრეზიდენტი სალომე ზურაბიშვილი

პრეზიდენტი სალომე ზურაბიშვილი აცხადებს, რომ მისი 6-წლიანი მანდატის ერთ-ერთი პრიორიტეტი საქართველოს ნატო-ს და ევროკავშირში გაწევრიანებაა, რაც ასევე არის  საქართველოს მოსახლეობისა და ქართველი ერის არჩევანი.  ბრიუსელში ვიზიტის შემდეგ პრეზიდენტმა დღეს პირველი პრესკონფერენცია გამართა და საქართველოს სვლას ევროატლანტიკურ სტრუქტურებში ინტეგრაციისკენ წარმატებული უწოდა, რამაც, მისივე თქმით, უზრუნველყო საქართველოს მეტი უსაფრთხოება, მისი თავდაცვის ძალების მეტი მზაობა და მეტი მოდერნიზაცია.  როგორც სალომე ზურაბიშვილი აცხადებს, ქვეყნის პრეზიდენტის რანგში მისი პირველი საგარეო ვიზიტი ბრიუსელში არის იმის დემონსტრირება, თუ საქართველოსთვის რამდენად მნიშვნელოვანია ნატო-სთან კავშირები.    “ჩვენ, პრაქტიკულად, ნატოს კართან ვართ”, – აცხადებს პრეზიდენტი. რაც შეეხება მაპ-ის მიღებას, პრეზიდენტ სალომე…

მეტი...

პუტინმა და ერდოღანმა სირიიდან აშშ-ს სამხედროების გასვლის შემდეგ, შესაძლო ვაკუუმზე ისაუბრეს

კრემლში, რუსეთისა და თურქეთის პრეზიდენტების ვლადიმერ პუტინის და რეჯეფ თაიფ ერდოღანის შეხვედრა გაიმართა. ორი ქვეყნის ლიდერმა სირიის პრობლემა და სამხედრო-ტექნიკური თანამშრომლობის საკითხები განიხილეს. რუსეთის პრეზიდენტმა, ვლადიმერ პუტინმა იმედი გამოთქვა, რომ მოსკოვი ანკარასთან ერთად სიტუაციის სტაბილიზაციას შეეცდება. “საუბარი შეეხო იმას, თუ როგორ მოვახდინოთ გავლენა სირიაში მოვლენების შემდგომ განვითარებაზე, მას მერე რაც ამერიკის შეერთებული შტატების ხელმძღვანელობამ, ქვეყნის ჩრდილო აღმოსავლეთ რეგიონიდან ჯარების გაყვანის გადაწყვეტილება მიიღო. თუ კი ასეთი გეგმა რეალურად განხორციელდება, ის პოზიტიური ნაბიჯად იქცევა და სტაბილიზაციას შეუწყობს ხელს”, – განაცხადა ვლადიმერ პუტინმა. რეჯეფ თაიფ ერდოღანმა აღნიშნა, რომ რუსეთისა და თურქეთის ერთადერთი მიზანი, სირიის…

მეტი...

თბილისს ცნობილი პერუელი მწერალი, ნობელის პრემიის ლაურეატი მარიო ვარგას ლიოსა ეწვევა

თანამედროვეობის ყველაზე ცნობილი და აღიარებული პერუელი ავტორი, პოლიტიკოსი, ჟურნალისტი, ესეისტი, პრეზიდენტობის ყოფილი კანდიდატი მარიო ვარგას ლიოსა, საქართველოს მეუღლესთან ერთად სექტემბრის შუა რიცხვებში ესტუმრება. ეს კავკასიაში მისი პირველი ვიზიტი იქნება. თბილისში ხუთდღიანი ვიზიტის ფარგლებში დაგეგმილია ავტორის შეხვედრები არა მარტო ქართველ, არამედ სომეხ და აზერბაიჯანელ გამომცემლებთან და მთარგმნელებთან. გაიმართება შეხვედრები ქართველ მკითხველთან და სტუდენტებთან. ავტორთან შეთანხმებით მზადდება სპეციალური კულტურული პროგრამა, რომლის მიზანია მარიო ვარგას ლიოსასთვის ქართული ლიტერატურის, კულტურისა და ისტორიის შესახებ მნიშვნელოვანი ინფორმაციის მიწოდება. მსოფლიო რანგის მწერლის ვიზიტის შესახებ საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, მინისტრის მოადგილემ მიხეილ გიორგაძემ,…

მეტი...

„თავშესაფრის მაძიებელთა რიცხვი პროგრესულად იზრდება“ – ფრანგი დიპლომატი ვიზალიბერალიზაციის პრობლემებზე

„თავშესაფრის მაძიებელთა გაზრდილი დონე შენგენის წევრს სახელმწიფოებს უფლებას აძლევს, შეჩერების მექანიზმი აამუშაოს, მაგრამ, პოლიტიკურად, ამისი გაკეთება არ გვსურს. არ გვინდა, მათ გამო, ვინ ცუდად იქცევა, ისინი დაისაჯონ, ვინც კარგად იქცევიან“ – ასეთია ფრანგი დიპლომატის გზავნილი საქართველოს მოსახლეობისა და ხელისუფლების მიმართ. საფრანგეთის ელჩი პასკალ მენიე საქართველოს მოქალაქეების მხრიდან ვიზალიბერალიზაციის უხეშ დარღვევებზე ალაპარაკდა. როგორც ელჩმა აღნიშნა, თავშესაფრის მაძიებელთა რიცხვი პროგრესულად გაიზარდა, რაც შეჩერების მექანიზმის ამოქმედების წინაპირობაა, თუმცა, ქვეყნები ამისგან თავს იკავებენ. „საფრანგეთი, შვედეთი, გერმანია, საბერძნეთი და შვეიცარია თავშესაფრის მაძიებელთა ძალინ მკვეთრი ზრდის პრობლემის წინაშეა. საფრანგეთის მაგალითს თუ ავიღებთ, ვიზალიბერალიზაციამდე ჩვენ დაახლოებით 2000…

მეტი...

ვილნიუსი – თბილისის მიმართულებით პირდაპირი ავიარეისები ამოქმედდება

​ლიეტუვას რესპუბლიკის პრემიერ-მინისტრ საულიუს სკვერნელისის განცხადებით, აპრილიდან ამოქმედდება პირდაპირი ავიარეისები ვილნიუსი-თბილისის მიმართულებით, რაც ხელს შეუწყობს ტურიზმის და ბიზნესკავშირების განვითარებას.   ​ლიეტუვას ოფიციალური ვიზიტით საქართველოს პრემიერ-მინისტრი მამუკა ბახტაძე სტუმრობს. ეს პრემიერის რანგში, ბახტაძის პირველი ვიზიტია მეგობარ ქვეყანაში.   როგორც შეხვედრის დასრულების შემდეგ საულიუს სკვერნელისიმ ჟურნალისტებს განუცხადა, ლიეტუვა მრავალი წელია, განსაკუთრებულ ყურადღებას უთმობს საქართველოსთან ურთიერთობებს და ამ კურსის გაგრძელებას მომავალშიც გეგმავს. ამ ქვეყნის ხელისუფლება საქართველოს დამოუკიდებლობასა და ტერიტორიულ მთლიანობას, მის მისწრაფებას ევროკავშირისა და ნატო-სკენ ყოველთვის უჭერდა მხარს და მომავალშიც ასე გაგრძელდება.  “მიმდინარე წელს ჩვენ აღვნიშნავთ დიპლომატიური ურთიერთობების 25 წლისთავს. ჩვენი დიპლომატიური ისტორია 550 წელზე მეტს…

მეტი...

დღეს, მთვარე სისხლისფერი გახდება

მსოფლიოს მოსახლეობის ნაწილი მთვარის სრული დაბნელების მოწმე გახდება. მთვარე დედამიწასთან ახლოს მდებარე ორბიტაზე გაივლის, რის გამოც, ციური სხეულის ხილვადი დიამეტრი 8%-ით გაიზრდება. ჩვენი პლანეტა მზესა და მთვარეს შორის ზუსტად 1 საათი და 3 წუთით დარჩება . ამ დროს დედამიწის თანამგზავრი წითელ ფერს იღებს და მას “სისხლიან მთვარეს” უწოდებენ. პროცესს ყველაზე უკეთ თვალს, ჩრდილოეთ და სამხრეთ ამერიკის, ასევე დასავლეთ ევროპისა და ჩრდილოეთ აფრიკის მცხოვრებლები ადევნებენ.

მეტი...

ამერიკის საელჩო თანაუგრძნობს ქართველ ხალხს

ამერიკის შეერთებული შტატების საელჩო საქართველოში, თანაუგრძნობს ქართველ ხალხს 16 იანვარს, თბილისში, დიდ დიღომში მომხდარი ტრაგედიის გამო. “ვფიქრობთ ჩვენს ქართველ მეგობრებზე და ვლოცულობთ მათთვის”, – ნათქვამია საელჩოს მიერ გავრცელებულ განცხადებაში. The United States Embassy wishes to express its heartfelt condolences to the people of Georgia in light of the January 16 tragedy in Didi Dighomi. Our thoughts and prayers are with our Georgian friends. აღსანიშნავია, რომ თბილისში, დიდ დიღომში, ავთანდილის ქუჩაზე, საცხოვრებელ კორპუსში, გუშინ, 16 იანვარს, საღამოს 9 საათზე, ბუნებრივი აირის გაჟონვის შედეგად მომხდარ აფეთქებას 4 ადამიანის სიცოცხლე შეეწირა, მათ შორის…

მეტი...

“ჩემთვის ადვილი იქნებოდა, უკრაინელებისთვის ეკლესიის დამოუკიდებლობის მილოცვა” – სალომე ზურაბიშვილი

საქართველოს პრეზიდენტი სალომე ზურაბიშვილი სოციალურ ქსელ “Twitter”-ზე უკრაინის ავტოკეფალიის საკითხს ეხმაურება და აცხადებს, რომ საქართველოს, მისი მილოცვით საფრთხეს ვერ შეუქმნის. პრეზიდენტი აღნიშნავს, რომ  დამოუკიდებელი ეკლესიის შექმნის მილოცვა უკრაინელებისთვის ინდივიდუალურად უფრო ადვილი იქნება.  “პირადად ჩემთვის ადვილი იქნებოდა, უკრაინელებისთვის ეკლესიის დამოუკიდებლობის მილოცვა. ბუნებრივია, რომ ყველა საკუთარ წარსულს განიხილავს, მაგრამ როგორც პრეზიდენტს, დიდი პასუხისმგებლობა მაკისრია. თუ ჩვენი პატრიარქი ფრთხილობს, გარკვეული შედეგებს გამო სიფრთხილეს იჩენს. პირადად მე ვითარებას ვერ გავამწვავებ,” – წერს სალომე ზურაბიშვილი სოციალურ ქსელში. შეგახსნებთ, რომ 6 იანვარს მსოფლიო პატრიარქმა ბართლომემ ავტოკეფალიის დამადასტურებელი მოწმობა, ტომოსი გადასცა უკრაინის მართლმადიდებელი ეკლესიის მეთაურს, მიტროპოლიტ ეპიფანეს. დოკუმენტის საზეიმო…

მეტი...

დედამ ჩვილი პარკინგზე გაჩერებულ ავტომობილში, წერილთან ერთად დატოვა

ახალ ზელანდიაში, ახალგაზრდა დედამ, თავის ჩვილთან ერთად, მაღაზიაში წასვლა გადაწყვიტა. როდესაც ადგილზე მივიდა, პატარას ეძინა. დედა შვილის გაღვიძებას მოერიდა, ამიტომ ჩვილი პარკინგზე გაჩერებულ ავტომობილში დატოვა, ვარდისფერ საბანზე, რომელიც ბავშვს ჰქონდა გადაფარებული, წერილი დატოვა, თვითონ კი საყიდლებზე გადავიდა.   „ჩემი დედიკო მაღაზიაშია შესული. თუ მე რამე დამჭირდება, დედას ამ ნომერზე დაურეკეთ”, – ეწერა წერილში და ტელეფონის ნომერიც იქვე იყო მითითებული. ჩვილმა ერთი წყვილის ყურადღება მიიპყრო, რომლებმაც იქვე გააჩერეს ავტომობილი. დილის 9:00 საათი, შაბათი იყო. თბილი ამინდი იდგა. წყვილი ღელავდა, რომ ავტომობილის ჩახუთულ სალონში უმეთვალყურეოდ დატოვებული პატარა ცუდად გახდებოდა. მათ დედას დაურეკეს და მოსთხოვეს,…

მეტი...

უკრაინის საკითხში საქართველოს საპატრიარქოს პოზიციას ეჭვქვეშ ვერ დავაყენებ – გია ჟორჟოლიანი

ფრაქცია „ქართული ოცნება – სოციალ-დემოკრატების“ თავმჯდომარე გია ჟორჟოლიანი აცხადებს, რომ უკრაინის ეკლესიის ავტოკეფალიის მხარდაჭერასთან დაკავშირებით, საქართველოს საპატრიარქოს ოფიციალური პოზიცია გაცხადებულია და არავითარი საფუძველი არ აქვს მათი პოზიციის სისწორეში ეჭვი შეიტანოს. “ეს არ გამიკეთებია არასდროს და არც ახლა გავაკეთებ ამას, რომ ჩავერიო საპატრიარქოს პოზიციაში. საპატრიარქო ამბობს, რომ ის, გარკვეული პროცედურების და პროცესის ფარგლებში გამოხატავს თავის პოზიციას და ამას დააფიქსირებს. საპატრიარქოს პოზიციაში ჩემი ჩარევა არაადეკვატური იქნება, რადგან ეს საჭიროებს იმ ცოდნას, რომელიც მე ნამდვილად არ მაქვს. არ შეიძლება ცალკეულმა ადამიანმა ამაზე ისაუბროს, მაშინ რა საჭიროა მღვდელმთავრები და სინოდი”, – განაცხადა გია ჟორჟოლიანმა “მედიაცენტრ მთავარში”…

მეტი...

შურისძიების გამო მამაკაცმა ქალაქის მერი ხალხის თვალწინ, სცენაზე მოკლა

პოლონეთის ქალაქ გდანსკის მერი, პავლე ადამოვიჩი, რომელიც საქველმოქმედო კონცერტზე სიტყვით გამოსვლისას სცენაზე დანით დაჭრეს, საავადმყოფოში დღეს გარდაიცვალა.  ახალგაზრდა მამაკაცი ქალაქის მერს 13 იანვარს, იმ დროს დაესხა თავს, როცა პავლე ადამოვიჩმა კონცერტზე შეკრებილი აუდიტორიის წინაშე სიტყვით გამოსვლა დაასრულა. თავდამსხმელმა მას სასიკვდილო ჭრილობა გულ-მკერდის არეში მიაყენა. ამის შემდეგ, დამნაშავე რამდენიმე წამის განმავლობაში სცენაზე დააბიჯებდა და ტრიუმფალურად იქნევდა ხელებს, შემდეგ წამყვანს ხელიდან მიკროფონი გამოგლიჯა და ხალხს მიმართა: “მე მქვია სტეფანე, უდანაშაულოდ ვიჯექი ციხეში. “სამოქალაქო პლატფორმამ” (პოლიტიკური პარტია, რომლის წევრიც იყო პავლე ადამოვიჩი) გამაწამა. ამიტომ მოკვდა ის (მერი)”.   სამართალდამცველები სცენაზე ავიდნენ და თავდამსხმელი დააკავეს. …

მეტი...

უკრაინა ეკლესიის დამოუკიდებლობის ისტორიულ დოკუმენტს დღეს მიიღებს

უკრაინა ისტორიული დოკუმენტის მოლოდინშია. უკრაინის ეკლესიის ავტოკეფალიის ხელმოწერილ დოკუმენტს ეკლესიის წინამძღოლი დღეს ოფიციალურად მიიღებს. მიტროპოლიტ ეპიფანეს ავტოკეფალიის ტომოსს თავად მსოფლიო პატრიარქი გადასცემს. უკრაინის მართლმადიდებელი ეკლესია დამოუკიდებელია. ამ ისტორიული მოვლენის ღონისძიება კი სტამბულში გაიმართა. დოკუმენტს მსოფლიო პატრიარქმა ხელი უკვე მოაწერა. მანამდე კი უკრაინის პრეზიდენტმა ხელი მოაწერა კანონს, რომელიც უკრაინის ეკლესიის სახელწოდების შეცვლას ითვალისწინებს. უკრაინის ეკლესიის დამოუკიდებლობის დამადასტურებელი სიგელის ხელმოწერის ცერემონიას ქვეყნის პრეზიდენტი, პეტრო პოროშენკოც ესწრებოდა. დოკუმენტის ტექსტს უკრაინის მოსახლეობას 7 იანვარს, კიევის წმინდა სოფიას ტაძარში გააცნობენ. კონსტანტინოპოლის პატრიარქმა მსოფლიოს ავტოკეფალური ეკლესიების ლიდერებს მიმართა და მოუწოდა, უკრაინის ეკლესიის დამოუკიდებლობას მხარი დაუჭირონ. ამ…

მეტი...

სახელმწიფო ჰიმნის შესრულებისას მოსკოვში ხიდი ჩაინგრა

მოსკოვში, გორკის პარკში მოწყობილ საციგურაო მოედანზე საფეხმავლო ხიდი ახალი წლის ღამით, იმ დროს ჩაინგრა, როცა რუსეთის ფედერაციის სახელმწიფო ჰიმნი სრულდებოდა, – ამის შესახებ ინტერნეტსაიტი censor.net.ua იტყობინება. ​როგორც მოსკოვის ჯანდაცვის დეპარტამენტი იტყობინება, 13 ადამიანი დაზარალდა, თუმცა ძლიერი ტრავმები არ აღენიშნებათ. შემთხვევის ადგილას მისულმა სასწრაფო სამედიცინო დახმარების ბრიგადამ დაზარალებულებს დახმარება აღმოუჩინა. ფაქტის ამსახველი ვიდეო სოციალურ ქსელში გავრცელდა, სადაც ჩანს, რომ ჩანგრევის მომენტში ხის ხიდზე უამრავი ადამიანი იმყოფებოდა. შემთხვევის შედეგად ხიდის მიმდებარე ტერიტორია გადაიკეტა, თუმცა ყინულზე ციგურებით გართობას მოქალაქეები კვლავ განაგრძობდნენ. ​ახალი წლის ღამით გორკის პარკში 6-საათიანი საახალწლო კონცერტი იმართებოდა. როგორც მოსკოვის მერიაში აცხადებენ, ხიდის კონსტრუქცია…

მეტი...

10-სართულიანი სახლის ერთი სადარბაზო მთლიანად ჩამოინგრა, 4 ადამიანი დაიღუპა

4 ადამიანი დაიღუპა 31 დეკემბერს, რუსეთის ფედერაციაში, მაგნიტოგორსკში, ათსართულიან საცხოვრებელ სახლში მომხდარი აფეთქების შედეგად. აფეთქების მიზეზი, ოფიციალური ვერსიით ბუნებრივი აირია. ადგილზე შექმნილია ოპერატიული შტაბი. მაშველებს მოსკოვიდან ელოდებიან, – ამის შესახებ Интерфакс -ი იტყობინება. ​როგორც ჟურნალისტებს ჩელიაბინსკის ოლქის გუბერნატორმა, ოლეგ კლიმოვმა განუცხადა, აფეთქება სახლის მეშვიდე სადარბაზოში მოხდა, სადაც 120 ადამიანი ცხოვრობს. ამ დროისთვის 19 ადამიანია ევაკუირებული, მათ შორის 7 ბავშვია. მისივე ინფორმაციით, სახლს სულ 12 სადარბაზო აქვს და შენობაში მთლიანად 500 ადამიანი ცხოვრობს. “ადგილობრივი დროის, 13:00 საათის მდგომარეობით, სახლში 111 მუდმივი მობინადრეა  დარეგისტრირებული, 9 ქირით ცხოვრობს, – სულ 120 ადამიანი. ცნობილია…

მეტი...

ქართული წარწერით სეულის სცენაზე

სამხრეთ კორეული ბოი ბენდის, EXO – ს წევრებს სეჰუნსა და ჩანიოლს ქართველი დიზაინერის, დემნა გვასალიას ტანსაცმელი ეცვათ SBS Gayo Daejun 2018-ზე. სეჰუნის მაისურზე გამოსახული იყო საქართველოს დროშა წარწერით “საქართველო – Georgia”, ხოლო ჩანიოლის მაისურის საყელოს “უფალო შეგვიწყალენ” ეწერა. SM Entertainment – მა EXO 2012 წლის 8 აპრილს დაადებიუტა. ჯგუფში თავდაპირველად 12 წევრი იყო, თუმცა ახლა 9 მომღერლისგან შედგება. ესენი არიან: კაი, სეჰუნი, ბექიონი, სუჰო, ლეი, ჩენი, დიო, ქსიუმინი, ჩანიოლი (Kai, Sehun, Beakhyun, Suho, Lay, Chen, D.O. Xiumin, Chanyeol). იგი ძალიან პოპულარულია როგორც სამხრეთ კორეაში, ისე მთელ მსოფლიოში.

მეტი...

საფრანგეთი ყალბი ინფორმაციის გამავრცელებლებს დააპატიმრებს და 75 000 ევროთი დააჯარიმებს

საფრანგეთის მთავრობა, იმ საინფორმაციო საშუალებებს, რომლებიც ყალბ ინფორმაციას ავრცელებენ, მკაცრ სანქციებს უწესებს. საუბარია პატიმრობასა და 75 000 ევროს ოდენობის ჯარიმაზე. კანონი ცრუ ინფორმაციის გამავრცელებლების შესახებ, საფრანგეთის პარლამენტმა ერთი თვის უკან მიიღო. საფრანგეთის ახალი კანონი საარჩევნო პერიოდზე ვრცელდება და სანქციაზე გადაწყვეტიელბის უფლებას მოსამართლეებს ანიჭებს. კანონპროექტის ინიციატორი თავად საფრანგეთის პრეზიდენტი ემანუელ მაკრონია. „ეს არის აუცილებელი პირობა თავისუფალი, ღია და უსაფრთხო ინტერნეტისთვის, როგორც ეს მის დამფუძნებელ მამებს ჰქონდათ წარმოდგენილი“ – ასეთია მაკრონის გზავნილი. კანონი საფრანგეთს უფლებას აძლევს, ნებისმიერი უცხოური ტელევიზია გათიშოს, რომელიც „ყალბ ახალი ამბებს“ ავრცელებს. რაც შეეხება სანქციას, კანონის დამრღვევს ერთ წლიანი…

მეტი...

“სადაც არ უნდა გვყავდეს ოჯახი, სიყვარული ყველაფერია” – ბარაკ ობამა სანტა კლაუსის ფორმაში

“ჰო, ჰო, ჰო… შობას გილოცავთ!!” – ამ სიტყვებით მიულოცა აშშ-ის ყოფილმა პრეზიდენტმა, ბარაკ ობამამ, ვაშინგტონის ბავშვთა ჰოსპიტალის პაციენტებს. აშშ-ის 44-ე პრეზიდენტი ჰოსპიტალში, სანტა კლაუსის ქუდში გამოწყობილი და საჩუქრებით სავსე ტომრით მივიდა. ყოფილმა პრეზიდენტმა საჩუქრები ბავშვებთან ერთად, ჰოსპიტლის თანამშრომლებსაც გადასცა. “სადაც არ უნდა გვყავდეს ოჯახი, სიყვარული ყველაფერია” – უთხრა ჰოსპიტალში მყოფ ბავშვებს ბარაკ ობამამ. ვაშინგტონის ბავშვთა ჰოსპიტალს 2009-14 წლებში ტრადიციულად ბარაკ ობამას მეუღლე მიშელ ობამა სტუმრობდა.

მეტი...

ამ მძიმე მომენტში, ქართველი ხალხი ფრანგი ხალხის გვერდით დგას​ – პრემიერი 

​საქართველოს პრემიერ მინისტრი მამუკა ბახტაძე საფრანგეთში, ქალაქ სტრასბურგის საშობაო ბაზრობაზე მომხდარი ტრაგედიის გამო მწუხარებას გამოთქვამს და ქართველი ხალხის სახელით თანადგომას უცხადებს საფრანგეთს. „ღრმად დამწუხრებული ვარ სტრასბურგის საშობაო ბაზრობაზე საშინელი თავდასხმის გამო. ჩვენი ფიქრები მიმართულია ყველა იმ ადამიანისკენ, ვისზეც ეს არაადამიანური ქმედება და შეტევა განხორციელდა. ქართველი ხალხი, ამ მძიმე მომენტში, ფრანგი ხალხის გვერდით დგას”, – წერს საქართველოს პრემიერ-მინისტრი სოციალურ ქსელ “ტვიტერში”, საკუთარ გვერდზე. საფრანგეთში, ქალაქ სტრასბურგში, საშობაო ბაზრობასთან ახლოს, შეიარაღებულმა პირმა ცეცხლი გახსნა, რის შედეგად, მოკლულია სამი და დაჭრილია 12 ადამიანი. 6-ის მდგომარეობა მძიმეა. მომხდარის შემდეგ, უსაფრთხოების ზომები საფრანგეთის ყველა საშობაო…

მეტი...

სალომე ზურაბიშვილი პრეზიდენტის რანგში პირველად ბრიუსელში ჩავა

28 ნოემბრის საპრეზიდენტო არჩევნების მეორე ტურში გამარჯვებული სალომე ზურაბიშვილი, პრეზიდენტის რანგში პირველი ოფიციალური ვიზიტით ბელგიაში, კერძოდ ქალაქ ბრიუსელში ჩავა, სადაც მდებარეობს ნატო-ს და ევროკავშირის ოფისები. “აუცილებელია, ჩვენ ეს კავშირები გავაძლიეროთ”, – ამის შესახებ ზურაბიშვილმა, კავკასიასა და ცენტრალურ აზიაში ნატო-ს გენერალური მდივნის სპეციალურ წარმომადგენელთან, ჯეიმს აპატურაისთან შეხვედრის შემდეგ განაცხადა. როგორც სალომე ზურაბიშვილმა ჟურნალისტებს განუცხადა, აპატურაისთან შეხვედრისას  საუბარი შეეხო საქართველოსა და ნატო-ს თანამშრომლობას, ასევე ნატო-ს მუდმივ მხარდაჭერას ყველა იმ საკითხზე, რომელიც საქართველოს მთავარი გამოწვევად რჩება – ტერიტორიული მთლიანობა, კონფლიქტები, საოკუპაციო ხაზი და ქვეყნის მოსახლეობისთვის უსაფრთხოების გაზრდა. მისივე ინფორმაციით, ასევე, საუბარი შეეხო კიბერუსაფრთხოებას და ცრუ…

მეტი...

სტრასბურგის საშობაო ბაზრობასთან მოკლულია 3, დაჭრილია 12 ადამიანი

საფრანგეთში, ქალაქ სტრასბურგში, საშობაო ბაზრობასთან ახლოს, შეიარაღებულმა პირმა ცეცხლი გახსნა, რის შედეგად, მოკლულია სამი და დაჭრილია 12 ადამიანი. 6-ის მდგომარეობა მძიმეა. ადგილობრივი ტელეარხ BFMTV -ის ინფორმაციით, თავდამსხმელი მიიმალა. მომხდარზე გამოძიება საფრანგეთის კონტრტერორისტულმა პროკურორმა დაიწყო. სროლების შემდეგ, საღამოს საათებში, ქალაქში საზოგადოებრივი ტრანსპორტის მოძრაობა შეწყდა. უსაფრთხოების თვალსაზრისით, სრული მარშრუტით არც ავტობუსები და არც ტრამვაი იმოძრავებს. მომხდარის შემდეგ, უსაფრთხოების ზომები საფრანგეთის ყველა საშობაო ბაზრობის მიმდებარედ გამკაცრდება. დაიკეტა ევროპარლამენტის შენობაც, რომელიც სტრასბურგში მომხდარი შემთხვევის ადგილთან ახლოს მდებარეობს. წინასწარი ინფორმაციით, თავდამსხმელი 29 წლისაა და სავარაუდოდ სწორედ სტრასბურგში დაიბადა. იგი ქურდობისთვის იძებნებოდა.

მეტი...

დასრულდა ნიკოლ პაშინიანის ხელისუფლებაში მოსვლის მარათონი – ამირან სალუქვაძე

სომხეთის საპარლამენტო არჩევნებით, რომლებშიც მხოლოდ სამმა პარტიამ გადალახა 5%-იანი ბარიერი, ნიკოლ პაშინიანმა დაასრულა მისი ბრძოლის მთავარი ეტაპი და პარლამენტზე სრული, 100%-იანი კონტროლი მოიპოვა. პარლამენტში 70,5% მოიპოვა პაშინიანის პარტიამ “ჩემი ნაბიჯი” და მისმა მოკავშირეებმა “აყვავებულმა სომხეთმა” და “ნათელმა სომხეთმა” 8 და 6%-ით, შესაბამისად. სომხეთის კონსტიტუციით ერთ პარტიას არ შეიძლება ჰქონდეს ხმათა 2/3-ზე მეტი. შესაბამისად, ამ შედეგებით, 2/3-ს მიიღებს ნ. პაშინიანის პარტია, ხოლო 1/3 მიღებული ხმების შესაბამისად პროპორციულად გადანაწილდება დანარჩენ ორ პარტიაზე. პარლამენტში ვერ მოხვდნენ ყოფილი მმართველი ძალა, რესპუბლიკური პარტია, ასევე, ჩვენთვის კარგად ცნობილი, დაშნაკციუთუნი. ფაქტობრივად, შეგვიძლია ვთქვათ, რომ ნიკოლ პაშინიანი საკონსტიტუციო უმრავლესობას…

მეტი...

აშშ-ს დიპლომატის დაბლოკვის შესახებ ინფორმაცია ტყუილია და დამაზიანებელი – საგარეო საქმეთა სამინისტრო

​საგარეო საქმეთა მინისტრის მოადგილე ხათუნა თოთლაძე კატეგორიულად უარყოფს, ქართული მხარის მიერ აშშ-ს ელჩობის კანდიდატის დაბლოკვის შესახებ გავრცელებულ ინფორმაციას და აცხადებს, რომ ამერიკის შეერთებული შტატები საქართველოს სტრატეგიული პარტნიორია, ხოლო მედიის მხრიდან მსგავსი ინფორმაციის გავრცელება დამაზიანებელია. ” ეს ინფორმაცია სიმართლეს არ შეესაბამება და ამ საკითხზე განმარტებები პოლიტიკოსებმაც გააკეთეს. ამერიკის შეერთებულ შტატებზე ვსაუბრობთ, რომელიც საქართველოს სტრატეგიული პარტნიორია, ამიტომ ვფიქრობ, რომ მსგავსი ხასიათის განცხადებების გამეორება დამაზიანებელია, მათ შორის მედიის მხრიდან“, – განაცხადა ხათუნა თოთლაძემ. შეგახსენებთ, რომ ამერიკული გამოცემა Foreign Policy ანონიმურ წყაროებზე დაყრდნობით წერს,  რომ საქართველოს მთავრობამ აშშ-ის ელჩად ამერიკელი დიპლომატის ბრიჯიტ ბრინქის კანდიდატურა იმის…

მეტი...

სალომე ზურაბიშვილსა და მაიკ პომპეოს შორის სატელეფონო საუბარი შედგა   

საქართველოს ახლად არჩეული პრეზიდენტი სალომე ზურაბიშვილი აშშ -ს სახელმწიფო მდივან მაიკ პომპეოს ტელეფონით ესაუბრა. მან ზურაბიშვილს არჩევნებში გამარჯვება მიულოცა, სახელმწიფო საქმეში წარმატება უსურვა და იმედია გამოთქვა, რომ საქართველოს ახალი პრეზიდენტი აშშ-ში ვიზიტს, უახლოეს მომავალში განახორციელებს. როგორც “მედიაცენტრ მთავარს” პრეზიდენტის პრესსამსახურიდან აცნობეს, მაიკ პომპეომ სალომე ზურაბიშვილთან საუბრისას კიდევ ერთხელ დააფიქსირა აშშ-ს მხრიდან საქართველოს ტერიტორიული მთლიანობისა და სუვერენიტეტის მხარდაჭერა.

მეტი...

სალომე ზურაბიშვილის გზავნილებს ევროკავშირი ძლიერ მხარდაჭერას უცხადებს – კარლ ჰარცელი 

საქართველოს ახალარჩეული პრეზიდენტი სალომე ზურაბიშვილი, ევროკავშირის ელჩს საქართველოში კარლ ჰარცელს შეხვდა და სხვა საკითხებთან ერთად, ევროკავშირთან თანამშრომლობაზე ისაუბრეს. როგორც შეხვედრის შემდეგ კარლ ჰარცელმა განაცხადა, სალომე ზურაბიშვილის გზავნილებს ევროკავშირი ძლიერ მხარდაჭერას უცხადებს. ელჩი ასევე დაინტერესდა ახალი პრეზიდენტის გეგმებით და საზოგადოების შერიგების პროცესთან დაკავშირებული ხედვით. „ეს იყო პირველი შეხვედრა ევროკავშირის ელჩთან არჩევნების შემდეგ. მკითხა, როგორია პირველი გეგმები.  დაინტერესდა როგორ ვაპირებდი მუშაობას და რას ნიშნავდა ჩემთვის შერიგების პროცესი, რაც საზოგადოებასთან უნდა დაიწყოს. მესამე და ალბათ, ყველაზე მნიშვნელოვანი, რასაც შეეხო საუბარი, იყო ის საერთო გეგმები, რაც შეიძლება არსებობდეს ევროკავშირთან თანამშრომლობის კუთხით. ძალიან ბევრი რამ არის, რაც შეიძლება, გაკეთდეს“, – განუცხადა…

მეტი...

ნატო-ს მინისტერიალზე უაღრესად პოზიტიური შეფასებები მივიღეთ – დავით ზალკალიანი

​საგარეო საქმეთა მინისტრ დავით ზალკალიანის განცხადებით, ნატო-ში გამართულ შეხვედრაზე საქართველოს მისამართით კრიტიკული შენიშვნები არ გაკეთებულა, რასაც აშშ-ს სახელმწიფო მდივნის განცხადებებიც ადასტურებს, რომელიც მან გააკეთა ამ შეხვედრის შემდეგ, სადაც საუბარი არის საქართველოს ნატო-ში გაწევრიანებაზე და თავსებადობაზე ნატო-ს სტანდარტებთან ყველა მიმართულებით. როგორც დავით ზალკალიანი აცხადებს, ხელისუფლება ყველა იმ რეკომენდაციაზე მუშაობს, რომელიც, 2018 წლის საპრეზიდენტო არჩევნებთან დაკავშირებით, საერთაშორისო დამკვირვებლებისგან მიიღეს. ​დავით ზალკალიანის თქმით, უფრო მეტიც, ნატო-ს მინისტერიალის ფარგლებში ჩრდილოატლანტიკურ საბჭოსთან გამართულ შეხვედრაზე საქართველომ უაღრესად პოზიტიური შეფასებები მიიღო, მათ შორის დემოკრატიული რეფორმების განხორციელების თვალსაზრისით. რაც შეეხება საპრეზიდენტო არჩევნებს, მინისტრის თქმით, სახელმწიფო დეპარტამენტის წარმომადგენლის მიერ გაკეთებულ იმავე…

მეტი...

რუსეთი უკრაინის წინააღმდეგ – “ევროპული საქართველო” პარლამენტს რეზოლუციას წარუდგენს

პარლამენტის ბიუროს სხდომაზე დეპუტატები დღეს, 3 დეკემბერს, რუსეთის მიერ უკრაინის საწინააღმდეგოდ მიმართული ქმედებების დაგმობის თაობაზე “ევროპული საქართველოს“ მიერ მომზადებული რეზოლუციის პროექტს განიხილავენ. როგორც პროექტის ავტორები აცხადებენ. დოკუმენტის არსი იმასი მდგომარეობს, რომ  საქართველოს პარლამენტმა, როგორც საგარეო კურსის განმსაზღვრელმა, რუსეთის ფედერაციის მხრიდან ოკუპაციასთან და ოკუპირებული რეგიონების ანექსიისკენ გადადგმულ ნაბიჯებთან დაკავშირებით სახელმწიფოს პოზიცია გამოხატოს. რეზოლუციის პროექტში აღნიშნულია, რომ 2018 წლის 25 ნოემბერს რუსეთის ფედერაციამ უკრაინასთან მიმართ მორიგი აგრესიული ნაბიჯი გადადგა და თავს უკრაინულ ხომალდებს დაესხა, რომლებიც ქერჩის სრუტეში გადაადგილებას ცდილობდნენ. პროექტში ნათქვამია, რომ რუსეთის ფედერაციამ დაკეტა ქერჩის სრუტე, შეზღუდა იქ გადაადგილების თავისუფლება და უკრაინული…

მეტი...

სალომე ზურაბიშვილმა პოლონეთის პრეზიდენტისგან მიწვევა მიიღო

პოლონეთის რესპუბლიკის პრეზიდენტი ანდჟეი დუდა, სალომე ზურაბიშვილს საქართველოს პრეზიდენტად არჩევას ულოცავს და თავის ქვეყანაში ეპატიჟება. “პოლონურ-ქართულ ურთიერთობებს ახასიათებს უმაღლეს დონეზე პოლიტიკური კავშირების მაღალი ინტენსიურობა, რაც ჩვენი საზოგადოების მოლოდინების თანახმად, მომავალშიც უნდა იქნეს შენარჩუნებული. გთხოვთ, ქალბატონო პრეზიდენტო მიიღეთ ჩემი მოწვევა პოლონეთში ვიზიტთან დაკავშირებით, შესაძლო უახლოეს ვადაში”, – ნათქვამია პოლონეთის პრეზიდენტის წერილში. ანდჟეი დუდა გამოთქვამს რწმენას, რომ ტრადიციული და ნაყოფიერი პოლონურ-ქართული მეგობრობა, კვლავაც, დინამიურად განვითარდება, რაც სარგებელს მოუტანს ორივე ქვეყანას და ერებს. მისივე თქმით, პოლონეთი უცვლელად უჭერს მხარს საქართველოს ტერიტორიულ მთლიანობას, მის საერთაშორისოდ აღიარებულ საზღვრებში და ასევე მხარს უჭერს მის ევროპულ და ევროატლანტიკურ…

მეტი...