კონგრესის კომიტეტმა დაამტკიცა დოკუმენტი, რომელშიც საქართველოსთვის გამოყოფილი დახმარების 15%-ის პირობებია წარმოდგენილი

შეერთებული შტატების კონგრესის წარმომადგენელთა პალატის ასიგნაციების კომიტეტმა დაამტკიცა კანონპროექტი, რომელშიც საქართველოს დაფინანსებაზეცაა საუბარი. კანონპროექტს მხარი 29 კანონმდებელმა, 21-ის წინააღმდეგ დაუჭირა. დოკუმენტის თანახმად, საქართველო 2021 წელს დახმარების სახით 132 მილიონ ზე მეტ დოლარს მიიღებს, დახმარების 15% კი შესაძლოა იქამდე შეჩერდეს, სანამ შტატების სახელმწიფო მდივანი კომიტეტს არ წარუდგენს ანგარიშს იმის შესახებ, რომ საქართველოს მთავრობა ეფექტურ ნაბიჯებს დგამს დემოკრატიული ინსტიტუტების გაძლიერების, კორუფციასთან ბრძოლისა და კერძო სექტორში კანონის უზენაესობის, მათ შორის უცხოური ბიზნესის უფლებების დაცვის კუთხით.

მეტი...

ავღანეთში 28 ქართველ სამხედროს კორონავირუსი დაუდგინდა

საქართველოს თავდაცვის ძალების ნატო-ს „მტკიცე მხარდაჭერის მისიაში“ ავღანეთში როტაციით მყოფი კონტინგენტიდან 28 სამხედრო მოსამსახურე, რომელთაც შესაბამისი ტესტირებისას კოვიდვირუსი დაუდასტურდათ, სპეციალური რეისით გერმანიის საჰაერო ძალების სამხედრო თვითმფრინავით, როტაციით გათვალისწინებულ ვადამდე რამდენიმე კვირით ადრე, საქართველოში ჩამოიყვანეს, – ამის შესახებ საქართველოს თავდაცვის სამინისტროს ინფორმაციაშია ნათქვამი. „მათ თან ახლდათ ექიმები და სხვა სამედიცინო პერსონალი ბუნდესვერის სხვადასხვა დანაყოფებიდან. სამხედროების სამედიცინო მდგომარეობა დამაკმაყოფილებელია. რაც შეეხება სიმპტომატიკას, ის გართულებებისა და ჩივილების გარეშე მიმდინარეობს. ხოლო ინფიცირების წყარო უკავშირდება ადგილობრივ ავღანელ პერსონალს. აღსანიშნავია, რომ საქართველოში ჩამოფრენამდე, სამხედრო მოსამსახურეები, როგორც ნატო-ს სარდლობას დაქვემდებარებული პირადი შემადგენლობა, ნატო-ს მიერ დადგენილი წესების სრული დაცვით, მოთავსებულები იყვნენ სპეციალურ საიზოლაციო სივრცეებში და შესაბამისად, მისიაში…

მეტი...

“სააკაშვილის სამარცხვინო განცხადებებზე საზოგადოებას სამართლიანი რეაგირება ექნება” – ირაკლი სესიაშვილი

„არავის გაკვირვებია, სააკაშვილის მორიგი სამარცხვინო პროპაგანდა და ტყუილებით გაჯერებული განცხადება. პირდაპირ ვიტყოდი, პოლიტიკური ბაქიბუქი. ის არის პოლიტიკური დამნაშავე თავისი ქვეყნის წინაშე და ძებნილია ქართული მართლმსაჯულების მიერ“ – განაცხადა საპარლამენტო უმრავლესობის წევრმა, თავდაცვისა და უშიშროების კომიტეტის თავმჯდომარე ირაკლი სესიაშვილმა. ირაკლი სესიაშვილის განცხადებით, სააკაშვილის პოლიტიკურ პროპაგანდას ქართული საზოგადოება კარგად იცნობს და მის ასეთ სამარცხვინო განცხადებებზე სამართლიანი რეაგირება აქვს. „სააკაშვილი წარმოადგენს უკრაინის ხელისუფლებას და საჯარო მოხელეა. შესაბამისად, როცა ის საუბრობს საქართველოს მთავრობის ლეგიტიმაციაზე, თავისთავად ცხადია ეს რეაგირების გარეშე არ დარჩება, რადგან ამაზე პასუხი უკრაინას მოეთხოვება. მის პოლიტიკურ პროპაგანდას ქართული საზოგადოება კარგად იცნობს. ეს…

მეტი...

“ფულის სავარაუდო გათეთრება კეზერაშვილის ცნობილ მეთოდებს უკავშირდება” – ირაკლი სესიაშვილი

პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, შესაბამისი კომპეტენტური სამსახურების მიერ დადასტურებული ფაქტია, რომ თავდაცვის სამინისტროში, წლების განმავლობაში, სააკაშვილის მმართველობის დროს კორუფციის პრობლემა არსებობდა. მისივე თქმით, დაკარგულია დაახლოებით მილიარდ ნახევარი ლარი და სწორედ კეზერაშვილის დროს, რამდენიმე ასეული მილიონია გაფლანგული. აღნიშნული კომენტარით სესიაშვილი გამოეხმაურა ისრაელის მედიის მიერ გავრცელებულ ინფორმაციას, რომლის მიხედვითაც, ისრაელის პროკურატურა საქართველოს თავდაცვის ყოფილი მინისტრის, დავით კეზერაშვილის ახლო ნათესავის, მიხაელ ბენიმინისა და მისი სამი ბიზნესპარტნიორის წინააღმდეგ ბრალის წარდგენას გეგმავს. ირაკლი სესიაშვილის განმარტებით, ისრაელის მიერ წამოწყებული საქმე, მისთვის კიდევ ერთი დამადასტურებელი ფაქტია, რომ ფულის სავარაუდო გათეთრებაზე საუბარი კეზერაშვილის ცნობილ მეთოდებს უკავშირდება. „ჩვენი…

მეტი...

სომხეთიდან გურჯაანში ატმის შესაძენად ჩასულ ტრაილერის მძღოლს COVID-19 დაუდასტურდა

სომხეთიდან გურჯაანში ატმის შესაძენად ჩასულ ტრაილერის მძღოლს კორონავირუსი დაუდასტურდა. ახალგაზრდა კაცი სოფელ ჩუმლაყში სამაცივრე მეურნეობაში იმყოფებოდა, საიდანაც ხილის წაღებას სომხეთში აპირებდა. დაავადებათა კონტროლისა და საზოგადოებრივი ჯანმრთელობის ცენტრის კახეთის განყოფილების ხელმძღვანელის, ნელი ხიზანიშვილის ინფორმაციით, მას covid-19-ზე ნიმუში საზღვარზე შემოსვლის მომენტშიც აუღეს, თუმცა მაშინ პასუხი უარყოფითი იყო. მისივე განმარტებით, უცხო ქვეყნის მოქალაქის ადგილსამყოფელს სპეციალისტებმა გუშინვე დროულად მიაკვლიეს. ის ბოჭორიშვილის კლინიკაშია გადაყვანილი და ამ ეტაპზე სიმპტომები არ აღენიშნება.  ეპიდემიოლოგები ყველა შესაძლო კონტაქტს უკვე იკვლევენ. ამასთან, ეს არის იმპორტირებული შემთხვევა და წყაროს დადგენა ფაქტობრივად, შეუძლებელია.

მეტი...

“თავი სამართლებელი მართლა არავის აქვს, იქ მივდივარ კალათბურთის სათამაშოდ” – თორნიკე შენგელიამ რუსულ CSKA-სთან 3 წლიანი ხელშეკრულება გააფორმა

საქართველოს ეროვნული ნაკრების კაპიტანმა რუსულ კლუბთან 3 წლიანი ხელშეკრულება გააფორმა და ის ახლა მოსკოვის CSKA-ს კალათბურთელია. შენგელიას საქართველოს ეროვნული ნაკრების ყველა შეხვედრაში შეეძლება მონაწილეობა. ქართველმა კალათბურთელმა წარმატებით გაიარა სამედიცინო შემოწმება, აგვისტოში შენგელია მოსკოვში ჩავა და ახალი სეზონისთვის მზადებას დაიწყებს. მოსკოვის “არმიელთა” ცენტრალურ კლუბს 97 წლიანი ისტორია აქვს, ამ ხნის მანძილზე CSKA-მ 8-ჯერ მოახერხა ევროლიგის მოგება. ამ დროისთვის ევროპის საკლუბო რეიტინგში “არმიელები” პირველ ადგილზე იმყოფებიან. “კონტრაქტი არის სამწლიანი. ყოველ ზაფხულს მექნება იმის საშუალება, რომ გადავიდე ამერიკის რომელიმე გუნდში თუ იქნება დაინტერესება. თავი სამართლებელი მართლა არავის აქვს, იქ მივდივარ კალათბურთის სათამაშოდ. ჩემი გარემოება არ განსაზღვრავს ვინ…

მეტი...

დავით კეზერაშვილის ახლო ნათესავის, მიხაელ ბენიმინისა და მისი სამი ბიზნესპარტნიორის წინააღმდეგ ბრალის წარდგენა იგეგმება

ისრაელის პროკურატურა საქართველოს თავდაცვის ყოფილი მინისტრის, დავით კეზერაშვილის ახლო ნათესავის, მიხაელ ბენიმინისა და მისი სამი ბიზნესპარტნიორის წინააღმდეგ ბრალის წარდგენას გეგმავს. ამის შესახებ ინფორმაციას ისრაელის მედია ავრცელებს. საქმე ეხება 11.5 მილიონი დოლარის შემოსავლის  შესახებ საგადასახადო სამსახურისთვის ინფორმაციის დამალვას. გამოძიების ინფორმაციით, თანხა ბიზნესპარტნიორებმა მათ მიერვე დაარსებული კომპანია „თავდაცვითი ფარის“ საშუალებით, საქართველოსთვის სამხედრო სფეროში გაწეული კონსულტაციების, სამხედრო წვრთნებით უზრუნველყოფისა და საქართველოსთვის შეიარაღების მიყიდვასთან დაკავშირებით შუამდგომლობისთვის 2007-2009 წლებში მიიღეს. ისრაელის პროკურატურაში ეჭვობენ, რომ ბიზნესპარტნიორებმა შექმნეს კომპანიების ქსელი და საბანკო ანგარიშები ისრაელში, საქართველოში, შვეიცარიასა და კუნძულ გერნსზე, რომელთა საშუალებითაც ისინი საქართველოს თავდაცვის სამინისტროსგან შემოსავალს იღებდნენ და გადასახადებისთვის თავის არიდებით თანხას ინაწილებდნენ.…

მეტი...

“ჩვენთვის ყველაზე მნიშვნელოვანია მოქალაქეების ჯანმრთელობა, უსაფრთხოება და ეს ყველაფერი ხელს უწყობს ვირუსის გავრცელების კონტროლს” – გიორგი გახარია

ჩვენ ვიქნებით ფრთხილები, მაგრამ თანმიმდევრულები, გავითვალისწინებთ როგორც ჩვენი მოქალაქეების უსაფრთხოებას და ჯანმრთელობას, ასევე ჩვენი ქვეყნის სტუმრების ჯანმრთელობას, ასევე ჩვენი ქვეყნის ეკონომიკის აღორძინების მნიშვნელობასაც, – ამის შესახებ საქართველოს პრემიერ-მინისტრმა, გიორგი გახარიამ, მთავრობის სხდომაზე განაცხადა. პრემიერის თქმით, მთავრობა თანმიმდევრულად დგამს ფრთხილ ნაბიჯებს, რაც გამოიხატება იმაში, რომ საგარეო საქმეთა სამინისტრომ შესაბამისი დავალების თანახმად გამართა მოლაპარაკებები, რის შედეგადაც, ხუთი პარტნიორი ქვეყნის მოქალაქეებისთვის საქართველოს საზღვრები გაიხსნება. „რამდენიმე დღის წინ, ევროკავშირმა საქართველო15 უსაფრთხო ქვეყნის სიაში შეიყვანა, რაც ერთის მხრივ, ნიშნავს ჩვენი ქვეყნის, მოქალაქეების, მთავრობის, ჩვენი ერთობლივი შრომის შედეგების დაფასებას, მაგრამ ამავე დროს, გვაკისრებს უზარმაზარ პასუხისმგებლობას, პირველ რიგში…

მეტი...

მსოფლიოში კორონავირუსის დადასტურებული შემთხვევების რაოდენობამ 12 მილიონს გადააჭარბა

ჯონ ჰოპკინსის უნივერსიტეტის მონაცემებით, მსოფლიოში კორონავირუსით ინფიცირებულთა რიცხვმა 12 მილიონს გადააჭარბა. კერძოდ, დადასტურებული შემთხვევების რაოდენობა 12 მილიონ 12 ათასს აღემატბეა. COVID-19-მა უკვე 548 ათას ადამიანზე მეტი იმსხვერპლა. 7 მილიონზე მეტი პაციენტი გამოჯანმრთელდა. პირველ ადგილს ინფიცირებულთა რაოდენობით კვლავ შეერთებული შტატები იკავებს, მეორე ადგილზე ბრაზილიაა, მესამე პოზიციაზე კი ინდოეთი. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

მეტი...

საქართველოს მოქალაქეები კარანტინში მოხვდებიან, უცხოელები – არა

საკოორდინაციო საბჭოს გადაწყვეტილებას, რომლითაც კარანტინი უცხოეთიდან შემოსულ მხოლოდ საქართველოს მოქალაქეებს შეეხებათ, საზოგადოება არათანაბარ პირობებში ჩაყენებად და უსამართლო გადაწყვეტიებად აფასებს. პრემიერ-მინისტრის პრეს-სპიკერი კი განმარტავს, რომ უცხოელი ვიზიტორის შემთხვევაში გაცილებით ნაკლებია იმ პირთა წრე, ვისთანაც მას პირდაპირი კონტაქტი აქვს, ხოლო საქართველოს მოქალაქის შემთხვევაში ეს წრე გაცილებით ფართოა.  „შესაბამისად, ეპიდემიოლოგიური საფრთხეების გათვალისწინებით, მიღებულია აღნიშნული რეგულაცია. ეს არ არის დისკრიმინაცია და არათანაბარი მდგომარეობა. ჩვენ ვსაუბრობთ ამ 5 სახელმწიფოს მოქალაქეებსა და რეზიდენტებზე, რომლებსაც საზღვრებს ვუხსნით უპირობოდ და ამავდროულად, ვიჩენთ სიფრთხილეს, რომელიც საჭიროა პანდემიის პირობებში და ჩვენს მოქალაქეებს, მეტი უსაფრთხოებისთვის ვთავაზობთ 14-დღიანი კარანტინით უზრუნველყოფას. ყველა აღიარებს…

მეტი...

ევროკავშირშიც არიან სახელმწიფოები, რომლებმაც არ გაუხსნეს საზღვარი ევროკავშირის წევრ სხვა სახელმწიფოს

“მინდა მივმართო თითოეულ ჩვენს თანამოქალაქეს,  ძალიან ყურადღებით იყვნენ, როდესაც თავიანთ მოგზაურობას დაგეგმავენ, რადგან რეგულაციები და სტანდარტები არის ცვალებადი” – აცხადებს  პრემიერ-მინისტრის მრჩეველი ირაკლი ჩიქოვანი. მისივე ინფორმაციით,   ყველა სახელმწიფო ხელმძღვანელობის მის ხელთ არსებული გარემოებებით და ვითარებით. პრემიერის მრჩევლის განცხადებით, ევროკავშირშიც არიან სახელმწიფოები, რომლებმაც არა აუცილებელი მიზნებისთვის საზღვარი არ გაუხსნეს ევროკავშირის წევრ სხვა სახელმწიფოს მოქალაქეებს. „საბოლოო შედეგი თავიდან ბოლომდე დამოკიდებულია იმ ვითარებაზე, რაც იქნება ეპიდემიოლოგიური თვალსაზრისით, ასევე, დამოკიდებულია იმაზე, თუ რა ურთიერთობები და მიმოსვლა არსებობს იმ სახელმწიფოებს შორის, რომლებიც არ არიან იმ 15 სახელმწიფოს შორის, რომელიც გამოცხადებულია, როგორც უსაფრთხო სახელმწიფო, ასევე ევროკავშირის…

მეტი...

უსაფრთხო ქვეყნების მსოფლიო რეიტინგში საქართველო მე-4 ადგილზე გავიდა

კრიმინალისა​გან თავისუფალი, უსაფრთხო ქვეყნების მსოფლიო რეიტინგში საქართველო მსოფლიოს 133 ქვეყანას შორის მე-4 ადგილზე გავიდა, ევროპაში კი 1-ელ ადგილზეა. გამოკვლევას მსოფლიოს მოწინავე სარეიტინგო პლატფორმა „Nubeo“ წელიწადში ორჯერ აწარმოებს, რომელმაც ამჯერად 2020 წლის პირველი ნახევრის კვლევის შედეგები გამოაქვეყნა. აღსანიშნავია, რომ საქართველო უსაფრთხო ქვეყნების რეიტინგში 2019 წელს(ასევე 2019 წლის პირველ ნახევარში) 6 ადგილს იკავებდა. 2020 წლის პირველი ნახევრის შედეგებით კი ქვეყნის პოზიცია ორი ადგილით გაუმჯობესდა. კრიმინალისაგან თავისუფლების ამ რეიტინგში საქართველოს მხოლოდ ყატარი, ტაივანი და არაბეთის გაერთიანებული ემირატები უსწრებს. რეიტინგში ბოლო პოზიციაზე სამხრეთ აფრიკა, პაპუა ახალი გვინეა და ვენესუელა გავიდა. ცნობისათვის 2012 წელს საქართველო რეიტინგში მე-20 ადგილზე იმყოფებოდა.

მეტი...

“პანდემიის პერიოდში მთავრობის მიერ გატარებული ღონისძიებები მსოფლიო პრაქტიკის შესაბამისია” – საერთაშორისო ექსპერტები

საერთაშორისო ექსპერტების შეფასებით, პანდემიის პერიოდში მთავრობის მიერ გატარებული ღონისძიებები მსოფლიო პრაქტიკას შეესაბამება და ქვეყნის რესურსებთან შედარებით მასშტაბურია. მათ ეს პოზიცია, ფინანსთა მინისტრთან და პრემიერ-მინისტრის მრჩეველთან შეხვედრის დროს დააფიქსირეს.  “შეხვედრის მიზანი იყო შეგვეჯერებინა უცხოელი და ადგილობრივი ექსპერტების პოზიციები და მთავრობას გამოემუშავებინა ისეთი გეგმა, რომელიც ადგილობრივ რეალობას შეესაბამება,”- განაცხადა საქართველოს ფინანსთა მინისტრმა ივანე მაჭავარიანმა.  შეხვედრაზე განიხილეს გლობალური პანდემიის გავლენა საქართველოს ეკონომიკაზე და რეკომენდაციები ქვეყანაში ფისკალური პოლიტიკის სამომავლო განვითარების კუთხით. საუბარი ასევე შეეხო ინვესტიციების მხარდაჭერის მიმართულებას. “განვიხილეთ ფისკალური პოლიტიკის ძირითადი მიმართულებები, რაც ექსპერტების მიერ შეფასდა, როგორც პანდემიის მიმდინარეობის პერიოდში, ასევე მომდევნო ღონისძიებებიც. განსაკუთრებული აქცენტი…

მეტი...

“მონაცემებში იქნება მგზავრების ადგილსამყოფელის შესახებ ინფორმაცია, თუ სად იმყოფებოდა ეს მგზავრი ბოლო 14 დღის განმავლობაში” – ეკატერინე ტიკარაძე

საქართველოს ჯანდაცვის მინისტრის ეკატერინე ტიკარაძის განცხადებით, ქვეყანას საზღვრებზე მონიტორინგთან და ინფიცირების შემთხვევების გამოვლენასთან დაკავშირებით საკმაოდ დიდი გამოცდილება აქვს. აქედან გამომდინარე, ტიკარაძის განცხადებით, აქვს მოლოდინი, პროცესი სროლად კონტროლქვეშ იქნება. „საზღვრების გახსნასთან დაკავშირებით ჩვენ გვაქვს საკმაოდ დიდი გამოცდილება, თუ როგორ ხდება საზღვრებზე მონიტორინგი და ყველა შემთხვევის გამოვლენა. აქედან გამომდინარე, კვლავ არის ისეთი მოლოდინი, რომ ჩვენ პროცესი სრულად კონტროლზე გვექნება აყვანილი, ეს არ იქნება საფრთხის შემცველი ჩვენი ქვეყნის მოქალაქეებისთვის, არ გვექნება მასობრივი შიდა გადაცემები. აქედან გამომდინარე მივიღეთ ჩვენ სწორედ ის გადაწყვეტილება, რომ გარკვეულ ქვეყნებთან გვექნება ყველანაირად უპირობო მიმოსვლა“, – განაცხადა ტიკარაძემ. ამასთან, ეკატერინე…

მეტი...

“მივესალმებით საქართველოს მთავრობის გადაწყვეტილებას გერმანიისთვის სამგზავრო შეზღუდვების მოხსნის შესახებ” – გერმანიის საელჩო

გერმანიის საელჩო თბილისში მიესალმება საქართველოს მთავრობის გადაწყვეტილებას გერმანიისთვის სამგზავრო შეზღუდვების მოხსნის შესახებ და განცხადებას ავრცელებს. საელჩო იმედოვნებს, რომ მოგზაურობა ევროკავშირის ყველა ქვეყანასთან ისევ ნორმალურ რეჟიმს დაუბრუნდება. “მივესალმებით საქართველოს მთავრობის გადაწყვეტილებას გერმანიისთვის სამგზავრო შეზღუდვების მოხსნის შესახებ. ვიმედოვნებთ, რომ ეს მხოლოდ დასაწყისია და მოგზაურობა ევროკავშირის ყველა ქვეყანასთან ისევ ნორმალურ რეჟიმს დაუბრუნდება. ეს არის გერმანიის, როგორც ევროკავშირის საბჭოს თავმჯდომარე ქვეყნის პრიორიტეტი,” – ნათქვამია განცხადებაში.  ცნობისთვის,  საქართველომ 5 ქვეყანას საზღვარი გაუხსნა. ეს ქვეყნებია: გერმანია, საფრანგეთი, ლატვია, ლიეტუვა და ესტონეთი. 

მეტი...

„new York-ის deloittes-ის ოფისთან ერთად ვმუშაობთ პოსტკრიზისულ გეგმაზე“ – ივანე მაჭავარიანი

ამ შეხვედრის მიზანი იყო, რომ შეგვეჯერებინა პოზიციები უცხოელი და ადგილობრივი ექსპერტების, ასევე, მთავრობას გამოემუშავებინა ისეთი გეგმა და სტრატეგია, რომელიც შეჯერებული იქნება ადგილობრივ რეალობასთან, –  ამის შესახებ საქართველოს ფინანსთა მინისტრმა ივანე მაჭავარიანმა, მთავრობის ადმინისტრაციაში გამართული შეხვედრის შემდეგ განაცხადა, სადაც საერთაშორისო ეკონომისტებმა, ვიდეოკონფერენციის ფორმატში, გლობალური პანდემიისა და მის შემდგომ პერიოდში საქართველოს ეკონომიკაზე ფისკალური პოლიტიკის მიმართულებით პრეზენტაცია წარადგინეს. ფინანსთა მინისტრის თქმით, რაც ჩვენმა ამერიკელმა კოლეგებმა დღემდე გააკეთეს, ქართველი ექსპერტების შეფასებები  ძალიან მნიშვნელოვანია. „ჩვენს პარტნიორებთან  კონსულტაციების მორიგი ეტაპი გრძელდება. ეს არის new York-ის deloittes-ის ოფისი, რომლებთან ერთადაც ჩვენ ვმუშაობთ პოსტკრიზისულ გეგმაზე. ამჯერად ჩვენ ჩავრთეთ და…

მეტი...

საქართველოს სახმელეთო საზღვრებზე დღეს მოქმედი რეგულაციები არ იცვლება

საქართველოს სახმელეთო საზღვრებზე დღეს მოქმედი რეგულაციები შენარჩუნდება. ამის შესახებ მთავრობის ადმინისტრაციაში დღეს გამართულ ბრიფინგზე პრემიერ-მინისტრის პრესსპიკერმა ირაკლი ჩიქოვანმა განაცხადა.  ამასთან, ირაკლი ჩიქოვანის თქმით, საქართველოს ხელისუფლება აგრძელებს ევროკავშირის წევრ, პარტნიორ ქვეყნებთან აქტიურ თანამშრომლობას და რეკომენდაციის შესაბამისად, ორ კვირაში ერთხელ მოხდება როგორც საქართველოში შემომსვლელთა, ისე საქართველოს მოქალაქეების ამ ქვეყნებში შესვლის პირობების ერთობლივად გადახედვა. “ჩვენთვის უმთავრესი პრიორიტეტია მოქალაქეების ჯანმრთელობა და უსაფრთხოება, შესაბამისად, თითოეული გადაწყვეტილება სწორედ აქედან გამომდინარე მიიღება. ჩვენ ყველაფერს გავაკეთებთ, რათა საქართველოში როგორც ჩვენი მოქალაქეების, ისე ჩვენი ქვეყნის სტუმრების, ჯანმრთელობა მაქსიმალურად იყოს დაცული,”- განაცხადა ირაკლი ჩიქოვანმა.

მეტი...

უცხო ქვეყნის მოქალაქეები, საქართველოში შემოსვლას 14-დღიანი კარანტინის პირობით შეძლებენ

საქართველოს პრემიერ-მინისტრის მრჩეველის ირაკლი ჩიქოვანის განცხადებით, ევროკავშირის იმ ქვეყნებთან დაკავშირებით, რომლებმაც საქართველოსთვის არ გახსნეს საზღვარი, საქართველოს მხრიდანაც დღეს არსებული რეჟიმი ნარჩუნდება. მისივე თქმით, იმ ქვეყნების მოქალაქეებს, რომლებმაც საქართველო შეიყვანეს ე.წ. მწვანე სიაში (გარდა ჩამოთვლილი 5 ქვეყნისა) ან დაუწესეს სხვადასხვა სახის შეზღუდვები, საქართველოში შემოსვლა შეეძლებათ 14-დღიანი სავალდებულო კარანტინის პირობით, რომლის ხარჯებსაც თავად დაფარავენ. „ზემოთ ჩამოთვლილი 5 ქვეყნის გარდა, ქვეყნებთან, რომლებმაც ასევე უპირობოდ გახსნეს საზღვრები საქართველოსთვის, გრძელდება შემდგომი მუშაობა შესაბამის პროცედურებთან დაკავშირებით. ამ ეტაპზე საზღვრებს საქართველოსთვის არ ხსნიან შემდეგი ქვეყნები: ავსტრია, ბელგია, ბულგარეთი, დანია, ნორვეგია, მალტა, ფინეთი, შვეიცარია, ჩეხეთი, სლოვაკეთი, უნგრეთი. აღსანიშნავია,…

მეტი...

საქართველომ 5 ქვეყანას საზღვარი გაუხსნა

საქართველოს ხელისუფლებამ რამდენიმე სახელმწიფოსთან უკვე მიაღწია კონკრეტულ შეთანხმებებს საზღვრების ორმხრივად უპირობოდ გახსნის შესახებ. ამის შესახებ დღეს  საკოორდინაციო საბჭოს სხდომის შემდეგ მთავრობის ადმინისტრაციაში გამართულ ბრიფინგზე გახდა ცნობილი. მთავრობის პრესსპიკერის ირაკლი ჩიქოვანის ინფორმაციით ეს ქვეყნებია: გერმანია, საფრანგეთი, ლატვია, ლიეტუვა და ესტონეთი. ამ ქვეყნის მოქალაქეებს შეეძლებათ ყველა სახის ვიზიტი პირდაპირი საჰაერო გზით, მათ უნდა შეავსონ ელექტრონული ანკეტა, რომელშიც გაწერილი იქნება ყველა პროცედურა, მასში უნდა წარმოადგინოს ბოლო 14 დღის განმავლობაში მოგზაურობის ისტორია. ასევე იქნება აღნიშნული სად აპირებს გაატაროს დრო საქართველოში ყოფნის პერიოდში.

მეტი...

ქართველი მშვიდობისმყოფელები ავღანეთში სამშვიდობო მისიის შესასრულებლად გაემგზავრნენ

საქართველოს თავდაცვის ძალების პირველი ქვეითი ბრიგადის ნაკრები ასეული ავღანეთის ისლამურ რესპუბლიკაში სამშვიდობო მისიის შესასრულებლად გაემგზავრა. საქართველოს თავდაცვის სამინისტროს ინფორმაციით, ნაკრები ასეული მონაწილეობას ნატო-ს ეგიდით წარმოებულ სამშვიდობო მისიაში (RSM) მიიღებს. ქართველი სამხედროები, მაიორ ანტონ ქუთათელაძის მეთაურობით, ქალაქ ქაბულში ბაზის უსაფრთხოებისა და ძალთა დაცვის ამოცანებს შეასრულებენ. პირველი ქვეითი ბრიგადის ქვედანაყოფი მეორე ქვეითი ბრიგადის ნაკრებ ასეულს ჩაანაცვლებს. მისიაში გამგზავრებამდე ნაკრები ასეულის სამხედრო მოსამსახურეებმა მათზე დაკისრებული ამოცანების შესასრულებლად გადასროლისწინა მომზადება საქართველოში გაიარეს.

მეტი...

დასრულდა მოლაპარაკებები იმ ქვეყნებთან, რომელთა მოქალაქეებსაც საქართველო საზღვრებს გაუხსნის

ევროკავშირის მიერ საქართველოს 15 უსაფრთხო ქვეყნის სიაში შეყვანისა და მათთვის საზღვრების შესაძლო გახსნის შესახებ რეკომენდაციის გაცემის შემდეგ, მთავრობა, საზღვრების გახსნის თაობაზე, ევროკავშირის წევრ შესაბამის ქვეყნებთან ორმხრივ მოლაპარაკებებს აქტიურად აწარმოებს. რამდენიმე სახელმწიფოსთან უკვე მიღწეულია კონკრეტული შეთანხმებები საზღვრების ორმხრივად უპირობოდ გახსნის შესახებ. ამ თემაზე საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს წევრი შესაბამისი უწყებების ხელმძღვანელებთან სამუშაო შეხვედრა გამართა. შეხვედრისას განიხილეს მსოფლიოსა და თავად ევროპის კონტინენტზე არსებული ეპიდემიოლოგიური ვითარება, რომლის გათვალისწინებით, ევროკავშირის რიგმა ქვეყნებმა, ამ ეტაპზე, საერთოდ არ გახსნეს საზღვრები უცხო ქვეყნის, მათ შორის ევროკავშირის წევრი ქვეყნების მოქალაქეებისთვისაც. არაერთ ქვეყანაში ჩასვლისას კი, სავალდებულოა 14-დღიანი კარანტინის გავლა საკუთარი…

მეტი...

“კორონავირუსის ჰაერწვეთოვანი გზით გავრცელება გამორიცხული არ არის” – ჯანდაცვის მსოფლიო ორგანიზაცია

ჯანდაცვის მსოფლიო ორგანიზაციაში აცხადებენ, რომ კორონავირუსის ჰაერწვეთოვანი გზით გავრცელება გამორიცხული არ არის. ინფორმაციას ამის შესახებ სააგენტო „როიტერი“ ავრცელებს. ეს განცხადება ჯანდაცვის მსოფლიო ორგანიზაციაში მას შემდეგ გაკეთდა, რაც ერთ-ერთ სამეცნიერო ჟურნალში 230-ზე მეტმა მეცნიერმა ერთობლივი წერილი გამოაქვეყნა, რომელშიც აცხადებენ, რომ კორონავირუსის ჰაერწვეთოვანი გზით გადაცემის შესაძლებლობა საერთაშორისო ორგანიზაციის მიერ სათანადოდ შეფასებული არ არის. ჟენევაში გამართულ ბრიფინგზე ჯანდაცვის მსოფლიო ორგანიზაციის ინფექციურ დაავადებათა პრევენციისა და კონტროლის ტექნიკურმა ხელმძღვანელმა, ბენედეტა ალეგრანციმ განაცხადა, რომ კორონავირუსის ჰაერწვეთოვანი გზით გადაცემის მტკიცებულებები ჩნდება, თუმცა ჯერ დამტკიცებას საჭიროებს. „საჯარო სივრცეებში, განსაკუთებით ძალიან სპეციფიკურ პირობებში, ხალხმრავალ, დახურულ, ცუდი ვენტილაციის მქონე ადგილებში ჰაერწვეთოვანი…

მეტი...

შეუძლია თუ არა კორონავირუსს ჰაეროვანი გზით გავრცელება – ჯანმო ამ საკითხს შეისწავლის

ჯანდაცვის მსოფლიო ორგანიზაციაში განაცხადეს, რომ ახალ მონაცემებს სწავლობენ იმის თაობაზე შეუძლია თუ არა კორონავირუსს ჰაეროვანი გზით გავრცელება. „ჩვენ ვისაუბრეთ ჰაეროვანი გზით გადაცემის შესაძლებლობებზე, როგორც კოვიდ-19-ის გადაცემის ერთ-ერთ საშუალებაზე. უახლოეს კვირებში ჩვენ გამოვაქვეყნებთ ბრიფს, რომელშიც ასახული იქნება ყველაფერი, რაც ამ საკითხზე გვაქვს“, – განაცხადა ჯანდაცვის მსოფლიო ორგანიზაციის წარმომადგენელმა, მარია ვან კერკჰოვემ. შეგახსენებთ, რომ გასულ კვირას ორასზე მეტმა მეცნიერმა ჯანმოსა და ჯანდაცვის სხვა ორგანოებს კორონავირუსის წვეთოვანი გავრცელების შესახებ შეხედულების გადახედვის თხოვნით მიმართა. მეცნიერებს მიაჩნიათ, რომ ვირუსი ჰაეროვანი გზითაც ვრცელდება.

მეტი...

პანდემიის პირობებში, პასპორტების სიძლიერის გლობალურ ინდექსში ქართული პასპორტი 74 პოზიციით დაწინაურდა

კორონავირუსის გამო დაწესებული სამოგზაურო შეზღუდვების მიხედვით, პასპორტების სიძლიერის გლობალური ინდექსი განახლდა. ახალი მონაცემების თანახმად, ქართული პასპორტი მე-15 ადგილზეა. 2019 წელს საქართველო ამ სიაში 89-ე ადგილს იკავებდა. რეიტინგის ათეულში იაპონია, ახალი ზელანდია, ფინეთი, ავსტრია, ლუქსემბურგი, ირლანდია, სამხრეთ კორეა, შვეიცარია, ავსტრალია და დანიაა. რეიტინგში საქართველოს ჩამორჩება ისეთი ქვეყნები, როგორიცაა აშშ, თურქეთი, რუსეთი და ისრაელი. ვებგვერდის მონაცემებით, საქართველოს პასპორტით უვიზოდ მოგზაურობა 57 სახელმწიფოშია შესაძლებელი, 33 ქვეყანაში ვიზა გაიცემა საზღვარზე, 108 ქვეყანაში სამოგზაუროდ კი ვიზაა საჭირო. პასპორტების რეიტინგი ეფუძნება კონკრეტული პასპორტის მფლობელთა მოძრაობის თავისუფლებას და უვიზოდ მოგზაურობის შესაძლებლობას.

მეტი...

“მსოფლიოში კორონავირუსის პანდემიამ პიკს ჯერ არ მიაღწია” – ჯანმოს დირექტორი

ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა, რომ მსოფლიოში კორონავირუსის პანდემიამ პიკს ჯერ არ მიაღწია. მისი თქმით, გასული შაბათ-კვირის განმავლობაში მსოფლიოში კორონავირუსის 400 ათასი ახალი შემთხვევა გამოვლინდა. „ეპიდემიის აფეთქება სიჩქარეს იკრეფს და პიკს ჯერ კიდევ არ მივაღწიეთ“, – განაცხადა ტედროს ადჰანომ გებრეიესუსმა.

მეტი...

ბრაზილიის პრეზიდენტს კორონავირუსი დაუდგინდა

ბრაზილიის პრეზიდენტს, ჟაირ ბოლსონაროს კორონავირუსი დაუდგინდა.  მანამდე მას კორონავირუსის სიმპტომები, მათ შორის მაღალი ტემპერატურა აღმოაჩნდა. მანამდე ბრაზილიის პრეზიდენტმა განაცხადა, რომ შესაძლოა, კორონავირუსი უკვე გადატანილი აქვს. ბოლსონარო დაავადებას „გრიპს“ უწოდებდა. ივნისის ბოლოს სასამართლომ მას საზოგადოებრივი თავშეყრის ადგილებში ნიღბის გარეშე გამოჩენა აუკრძალა.

მეტი...

“იმედი მაქვს, ჩემს მიმართ დამოკიდებულება არ შეიცვლება” – შენგელია “ცსკა”-ში შესაძლო გადასვლაზე

ქართველი კალათბურთელის, თორნიკე შენგელიას თქმით, იმედი აქვს, რომ დამოკიდებულება მის მიმართ არ შეიცვლება, თუ რუსულ გუნდ„ცსკა-ში გადასვლის გადაწყვეტილებას მიიღებს.  მან ასევე დაადასტურა, რომ ცსკა-ს მხრიდან ინტერესი არსებობს, თუმცა ჯერჯერობით არაფერია გადაწყვეტილი. „ოფიციალურად ჯერ არაფერია გადაწყვეტილი და ხელიც არაფერზე მაქვს მოწერილი. “ცსკა”-ს მხრიდან ყველაფერი ინტერესის დონეზე იყო. მე მათ გარკვეული პერიოდი ვთხოვე, რათა მთლიანდ ესპანეთის ჩემპიონატზე ვყოფილიყავი მობილიზებული. ალბათ, რამდენიმე დღეში ვნახავთ, რა მოხდება. ჩემი აგენტი აწარმოებს მოლაპარაკებას და ვიცი, რომ მონდომება არის როგორც ცსკა-ს მწვრთნელისგან, ასევე – პრეზიდენტისგან. წელს სხვებისგან სერიოზული დაინტერესება არ ყოფილა. არც მადრიდის რეალი გამოჩენილა. თითქოს მილანი…

მეტი...

“2020 წელს ეკონომიკურ აქტივობაზე გავლენა მოსალოდნელზე უარესი იქნება” – ევროკომისია

ეკონომიკის საკითხებში ევროკომისარი, პაოლო ჯენტილონის განცხადებით, 2020 წელს ევროკავშირის ეკონომიკა უფრო ღრმა რეცესიაში ჩავარდება, ვიდრე მანამდე იყო პროგნოზირებული. ევროკომისიაში აცხადებენ, რომ მიმდინარე წელს ევროკავშირის ეკონომიკა 8.3%-ით შემცირდება, ხოლო 2021 წელს კი 5.8%-იანი ზრდა დაფიქსირდება. „ეკონომიკის აღდგენისკენ მიმავალი გზა ჯერ კიდევ გაურკვევლობით არის მოფენილი, რაც ძირითადად ეპიდემიოლოგიური სიტუაციიას გაურკვევლობას უკავშირდება“, – განაცხადა პაოლო ჯენტილონიმ. აღსანიშნავია, რომ მაისში გამოქვეყნებული პროგნოზის თანახმად, 2020 წელს ევროკავშირის მშპ-ის 7.5%-ით შემცირება იყო პროგნოზირებული. ევროკომისიაში აცხადებენ, რომ 2020 წელს ეკონომიკურ აქტივობაზე გავლენა მოსალოდნელზე უარესი იქნება, რადგან „საკარანტინო ზომების გაუქმება ნაკლებად სწრაფად მიმდინარეობს, ვიდრე საგაზაფხულო პროგნოზში იყო გათვალისწინებული“.

მეტი...

“კონგრესს არაფერი გაუყინავს და არც დოკუმენტი მიუღია, ეს არის ტყუილი და დეზინფორმაცია” – კახა კუჭავა

„ეს არის ტყუილი და ძალიან სამწუხაროა, რომ მსგავს ტყუილზე და დეზინფორმაციაზე  ცდილობენ თავის წინასაარჩევნო კამპანიის აგებას, ამას მეტს ვერაფერს დავარქმევ. კონგრესს არაფერი გაუყინავს, არც დოკუმენტი მიუღია და არანაირი ცვლილებები დოკუმენტში არ შეუტანია.  ეს არის ტყუილი და დეზინფორმაცია. ერთადერთი რასაც მსგავსი ინფორმაციის გავრცელება შეიძლება უკავშირდებოდეს,  ან არაპროფესიონალიზმია და უნარი ვერ წაიკითხო ის, რა ინფორმაციაც მოდი ამერიკიდან ან მეორე- მიზანმიმართული დეზინფორმაციული კამპანია, რომლითაც ცდილობენ შეცდომაში შეიყვანონ მოსახლეობა“, – განაცხადა პარლამენტის თავმჯდომარის მოადგილემ,  კახა კუჭავამ ოპოზიციის მიერ გავცელებულ ინფორმაციასთან დაკავშირებით, რომ თითოს აშშ-ს კონგრესმა საქართელოს დახმარების ნაწილი გაუყინა. მისივე განმარტებით, აქ საუბარია კონგრესის…

მეტი...

ამერიკის კონგრესი საქართველოსთვის გამოყოფილი დახმარების ნაწილს ყინავს

ამერიკის კონგრესი საქართველოსთვის გამოყოფილი დახმარების ნაწილს ყინავს. 132 მილიონი დოლარიდან ქვეყანა 15%-ს ვერ მიიღებს, ვიდრე სახელმწიფო დეპარტამენტი კონგრესის კომიტეტებს ანგარიშს არ მიაწვდის საქართველოში მთავრობის ეფექტური მუშაობის შესახებ. ინფორმაციას კონგრესის საგარეო ურთიერთობათა კომიტეტი ავრცელებს. დოკუმენტში ნათქვამია, რომ გაყინვა არ ეხება დახმარების იმ ნაწილს, რომელიც განკუთვნილია დემოკრატიის, კანონის უზენაესობის, სამოქალაქო საზოგადოების და მედიის, ან გენდერული ძალადობის და მოსახლეობის მოწყვლადი ნაწილის დასახმარებლად.

მეტი...

ესტონეთი საქართველოსთან საზღვრებს ხსნის

ესტონეთის რესპუბლიკის მთავრობის გადაწყვეტილებით, ევროკომისიის მიერ საზღვრების ეტაპობრივი გახსნის რეკომენდაციის საფუძველზე, 6 ივლისიდან ქვეყანაში შესვლის უფლება ექნებათ ევროკავშირის არაწევრი 14 ქვეყნიდან, მათ შორის, საქართველოდან მომავალ მგზავრებს. ინფორმაციას ესტონეთში საქართველოს საელჩო ავრცელებს. „ესტონეთის საზღვრის გადმოკვეთისათვის აუცილებელი წინაპირობაა: საზღვრის გადაკვეთისას პირს არ უნდა აღენიშნებოდეს კორონავირუსის (COVID-19) სიმპტომები; პირი იმ ქვეყანაში, საიდანაც მოემგზავრება ესტონეთში, იმყოფებოდა ბოლო 14 დღის განმავლობაში („კოვიდ-19“-ის ინკუბაციისთვის საჭირო პერიოდი). საგულისხმოა, რომ იმ შემთხვევაში თუ ქვეყანაში, საიდანაც პირი შემოდის ესტონეთში, კორონავირუსის გავრცელების მაჩვენებელი ბოლო 14 დღის განმავლობაში 100 000 მოსახლეზე 16 დაინფიცირებულზე მეტია, მგზავრი დაექვემდებარება ორკვირიან სავალდებულო თვითიზოლაციას“, – ნათქვამია…

მეტი...

სომხეთის ხელისუფლება საგანგებო მდგომარეობის გახანგრძლივებას გეგმავს

სომხეთის ხელისუფლება კორონავირუსის ეპიდემიის გავრცელების პრევენციის მიზნით, 16 მარტს შემოღებული საგანგებო მდგომარეობის გახანგრძლივებას გეგმავს. ამის შესახებ პრემიერ-მინისტრმა ნიკოლ ფაშინიანმა განაცხადა. ინფორმაციას ადგილობრივი მედია ავრცელებს. სომხეთში შეზღუდვები ამჟამად 13 ივლისამდეა ძალაში. ბოლო დღე-ღამეში 162-ით გაიზარდა გამოჯანმრთელებულთა რიცხვი. სომხეთში კორონავირუსისგან 16 302 ადამიანი განიკურნა.

მეტი...

საქართველოს საელჩო ისრაელში მყოფ საქართველოს მოქალაქეებს აფრთხილებს

საქართველოს საელჩო ისრაელში მყოფი საქართველოს მოქალაქეების საყურადღებოდ განცხადებას ავრცელებს. საელჩოს ცნობით, კორონავირუსით გამოწვეული ინფექციის გავრცელების თავიდან აცილების მიზნით, ისრაელის მთავრობამ 6 ივლისს ახალი შეზღუდვები დაამტკიცა. საელჩო მოქალაქეებს მიმართავს, გაითვალისწინონ, რომ დაიხურა სადღესასწაულო დარბაზები, ბარები, ღამის კლუბები, სპორტული დარბაზები, საცურაო აუზები და საკონცერტო დარბაზები. რესტორნებში დამსწრეთა რაოდენობა 20-მდე შეიზღუდა, ხოლო ღია და დახურულ სივრცეში ნებადართული ზღვარი 30 ადამიანს შეადგენს.

მეტი...

“საპატრიარქოში მიღება ერთადერთი მიზნით ვითხოვეთ, გამოგვეხატა მთელი უნგრეთის პატივისცემა ილია მეორისა და საქართველოს ეკლესიის მიმართ” – პიტერ სიიარტო

“საქართველოს საპატრიარქოში მიღება ერთადერთი მიზნით ვითხოვეთ, რომ გამოგვეხატა ჩვენი და მთელი უნგრეთის ღრმა პატივისცემა პირადად თქვენ მიმართ და თქვენი ეკლესიის მიმართ”, – ამის შესახებ უნგრეთის საგარეო საქმეთა მინისტრმა, პიტერ სიიარტომ საპატრიარქოში, ილია მეორესთან შეხვედრისას განაცხადა. „ეს შეხვედრა პირადად ჩემთვის, ისევე როგორც ჩემი დელეგაციის თითოეული წევრისთვის, ასევე უნგრეთის სახელმწიფოსთვის, არის ძალიან დიდი პატივი. ეს მიღება ერთადერთი მიზნით ვითხოვეთ, რომ გამოგვეხატა ჩვენი და მთელი უნგრეთის ღრმა პატივისცემა პირადად თქვენ მიმართ და თქვენი ეკლესიის მიმართ“,- აღნიშნა პიტერ სიიარტომ. სრულიად საქართველოს კათოლიკოს-პატრიარქმა, ილია მეორემ მღვდელმთავრებთან და სამღვდელოებასთან ერთად საქართველოში ოფიციალური ვიზიტით მყოფი უნგრეთის საგარეო საქმეთა მინისტრი…

მეტი...

„როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში“ – რას წერს BBC ქართველ მედიკოსებზე

BBC ქართველ მედიკოსებზე სტატიას აქვეყნებს – სათაურით „როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში.“ „საქართველოში, დაავადებათა კონტროლისა და პრევენციის ცენტრის მეცნიერებმა მათ მიერ მიღებული გადაწყვეტილების გამო, დიდი პატივისცემა დაიმსახურეს. სამეულში არიან ამირან გამყრელიძე, პაატა იმნაძე და თენგიზ ცერცვაძე. საზოგადოებრივი ჯანდაცვის კამპანიის კიდევ ერთი სახე იყო მარინა ეზუგბაია, რომელიც თბილისის ინფექციური საავადმყოფოს სამედიცინო ხელმძღვანელია. საქართველოში 19 ლაბორატორიაა, სადაც კორონავირუსზე ტესტირებები ტარდება“, – წერს BBC. სტატიაში აღნიშნულია, რომ ქვეყანამ ვირუსთან გამკლავება მყისიერი რეაგირებისა და ეპიდემიოლოგთა მაღალი პროფესიონალიზმის შედეგად შეძლო. „საქართველოში კორონავირუსით ინფიცირების ათასზე ნაკლები შემთხვევაა რეგისტრირებული და 3.7-მილიონიან ქვეყანაში, 15 ადამიანია ვირუსით გარდაცვლილი. საქართველოში კორონავირუსის პირველი შემთხვევა თებერვლის ბოლოს…

მეტი...

ჩინეთში შავი ჭირის შემთხვევა დაფიქსირდა

ჩინეთში შავი ჭირის შემთხვევა დაფიქსირდა. ინფორმაციას “ბიბისი” ავრცელებს. გამოცემის ცნობით, დაავადების შემთხვევა ქალაქ ბაიანურში გამოვლინდა. ინფიცირებული მწყემსია. პაციენტის ინფიცირების წყარო ჯერჯერობით უცნობია. გავრცელებული ინფორმაციით, ჩინეთში მესამე დონის განგაში გამოცხადდა. ქვეყანაში დროებით იკრძალება იმ ცხოველებზე ნადირობა და საკვებად გამოყენება, რომლებიც შესაძლოა, შავი ჭირის მატარებლები იყვნენ.

მეტი...