სომხეთმა ჩინეთიდან პროდუქტების იმპორტი აკრძალა

სომხეთმა 2020 წლის 26 იანვრიდან ჩინეთში წარმოებული პროდუქტებისა და ცხოველური წარმომავლობის ნედლეულის იმპორტი აკრძალა. აკრძალვა ვრცელდება სხვა პროდუქტების შემოტანაზეც, რომლებიც ჩინური ნედლეულით არის დამზადებული. “Sputnik-სომხეთის” ინფორმაციით, აკრძალვა იმოქმედებს ოფიციალური ინფორმაციის გავრცელებამდე იმის შესახებ, რომ ჩინეთი კორონავირუსისგან თავისუფალი ქვეყანაა. ჩინეთში კორონავირუსით დაღუპულთა და დაავადებულთა რიცხვი სწრაფად იზრდება. ვირუსი უკვე გავრცელდა ჩინეთის ფარგლებს გარეთ, დაინფიცირების შემთხვევები დაფიქსირდა იაპონიაში, სამხრეთ კორეაში, ვიეტნამში, სინგაპურში, მალაიზიაში, ნეპალში, საფრანგეთში, ავსტრალიაში, აშშ-ში, კანადაში, ავსტრალიაში, ჰონგ-კონგში, ტაილანდში.

მეტი...

ამინდი საქართველოში

 27-28 იანვარს საქართველოში შენარჩუნებული იქნება უნალექო ამინდი.  29-30 იანვარს საქართველოს ცალკეულ რაიონში გაწვიმდება, მთაში და მაღალმთაში ზოგან მოთოვს. ჰაერის ტემპერატურა დასავლეთ საქართველოს დაბლობში დღის საათებში +12, +17, ხოლო აღმოსავლეთ საქართველოს ბარში +9, +14 გრადუსამდე მოიმატებს. ქ. თბილისში უნალექო ამინდი იქნება. ჰაერის ტემპერატურა დღისით +10, +12 გრადუსამდე მოიმატებს.

მეტი...

“ყველა ის ექიმი, რომელიც ამოწმებს მგზავრებს, დაცულია და აქვს შესაბამისი ფორმა” – ამირან გამყრელიძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, ინფორმაცია იმის შესახებ, რომ სასწრაფო დახმარების თანამშრომლების ნაწილმა აეროპორტში კორონავირუსზე მოქალაქეების შემოწმებაზე უარი თქვა, ტყუილია. მისი თქმით, პირველი და მეორე რიგის თავდაცვის საშუალებები მარაგშია. „ყველა ის ექიმი, რომელიც დღეს ესაუბრება მგზავრებს, დაცულია და აქვს შესაბამისი ფორმა, მაგრამ თუ გამოვლინდა მსგავსი სიმპტომები, მაშინ კიდევ უფრო მაღალი დაცვის საშუალებები არსებობს, რომლის მარაგი ქვეყანას აქვს,“ – განაცხადა ამირან გამყრელიძემ.

მეტი...

დღეიდან, ჯანდაცვის სპეციალისტები ჩინელებით დასახლებულ ადგილებში საინფორმაციო კამპანიას იწყებენ

“დღეიდან იწყება საზოგადოებრივი ჯანდაცვის სპეციალისტების ვიზიტი დიდი ჩასახლების ადგილებში, სადაც ინტენსიურია ჩინეთის მოქალაქეების განსახლება”, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა, ამირან გამყრელიძემ განაცხადა. „დღეიდან იწყება საზოგადოებრივი ჯანდაცვის სპეციალისტების ვიზიტები. უკვე აღრიცხული გვაქვს დიდი ჩასახლების ადგილები, სადაც ინტენსიურია ჩინეთის მოსახლეობის დასახლებები. ისინი მუშაობენ აღმოსავლეთ-დასავლეთის ავტობანზე, რამდენიმე ჰესზე და დღეს უკვე 15:00 საათზე ვიწყებთ გასვლებს. სწორედ ამ მშენებლობებზე ჩავლენ ჩვენი სპეციალისტები და იქ დასაქმებულებს დაურიგდებათ შესაბამისი საინფორმაციო ბუკლეტები, ჩაუტარდებათ გასაუბრება, რას უნდა უფრთხილდნენ და რა სიმპტომები არ უნდა ჰქონდეთ. ასევე, განემარტებათ, რომ ჩინეთში ყოფნიდან ორი კვირის განმავობაში თუ გამოჩნდა…

მეტი...

“ფორსაჟის” პირველ ტიზერში თავისუფლების მოედანი ჩანს

Fast and Furious-ის მეცხრე ნაწილის ტრეილერის 15-წამიანი ანონსი გავრცელდა. პირველ კადრებში ვხედავთ ერთ-ერთი მთავარი როლის შემსრულებელ ვინ დიზელს და ამის გარდა ნაცნობ ლოკაციასაც თავისუფლების მოედანს. ფილმის გადაღებები საქართველოში აგვისტოსა და სექტემბერში მიმდინარეობდა . Fast and Furious-ს დედაქალაქში პროგრამის გადაიღე საქართველოში ფარგლებში იღებდნენ. როგორც ყოფილი პრემიერის, მამუკა ბახტაძის ხელმოწერილ განკარგულებაში წერია, ჰოლივუდური ფილმის გადაღებისთვის საქართველოში მაქსიმუმ 31,4 მილიონი ლარი (31 358 162 ლარი) უნდა დახარჯულიყო.

მეტი...

“ჩვენი გეგმაა, კითხვის ნიშნის ქვეშ დავაყენოთ რუსული დელეგაციის აღიარების საკითხი” – ირაკლი კობახიძე

„გუშინ და დღეს დილიდან  ჩვენ გვქონდა აქტიური კონსულტაციები ჩვენს კოლეგებთან ბალტიისპირეთის ქვეყნებიდან, ასევე უკრაინის დელეგაციის წარმომადგენლებთან და ჩვენი გეგმა არის ის, რომ კითხვის ნიშნის ქვეშ დავაყენოთ რუსული დელეგაციის აღიარების საკითხი”,- ამის შესახებ განცხადება საქართველოს საპარლამენტო დელეგაციის ხელმძღვანელმა ირაკლი კობახიძემ სტრასბურგში, საპარლამენტო ასამბლეის ზამთრის სესიის დაწყების წინ გააკეთა.  ირაკლი კობახიძის თქმით, შესაბამისი განცხადება გაკეთდება ლატვიის დელეგაციის წარმომადგენელთა მხრიდან გაკეთდება, რასაც საქართველოს საპარლამენტო დელეგაცია დაუჭერს მხარს. მისივე განცხადებით, მნიშვნელოვანია, რომ დაიწყოს პროცედურა საკითხის გადასახედად.  „ჩვენ ამ ფორმატს და ამ ტრიბუნას მაქსიმალურად გამოვიყენებთ, რომ ჩვენი ეროვნული ინტერესები გავატაროთ, შესაბამისი გზავნილები მივაწოდოთ ჩვენს კოლეგებს…

მეტი...

გიორგი ერმაკოვს შვიდი წლით თავისუფლების აღკვეთა მიესაჯა

ბათუმის ყოფილ მერს გიორგი ერმაკოვს შვიდი წლით თავისუფლების აღკვეთა მიესაჯა. გადაწყვეტილება მოსამართლე დავით მამისეიშვილმა  გამოაცხადა. გადაწყვეტილებას ხმაური მოჰყვა, რის შემდეგაც სხდომაზე შესვენება გამოცხადდა. წელიწადი და ექვსი თვე პატიმრობა მიესაჯა მერიის საფინანსო განყოფილების ყოფილ უფროსს ერგასლან ლომაძეს. მერიის კიდევ ოთხ მაღალჩინოსანს ჯარიმა დაეკისრა. ფინანსთა მინისტრის ყოფილ მოადგილე არჩილ ვანაძე კი სასამართლომ სრულიად უდანაშაულოდ სცნო.

მეტი...

„მართლმადიდებელ ეკლესიებს შორის ერთადერთია საქართველოს ეკლესია, რომელიც მოაქცია ქალმა” – ილია მეორე

„მართლმადიდებელ ეკლესიებს შორის ერთადერთია საქართველოს ეკლესია, რომელიც მოაქცია ქალმა. წმინდა ნინო არის შუამავალი ღმერთსა და ქართველ ხალხს შორის”, – ასე მიმართა სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ კუკიის წმინდა ნინოს სახელობის ტაძარში, წმინდა ნინოს ხსენების დღესთან დაკავშირებით საზეიმო წირვაზე მრევლს. პატრიარქმა ტაძარში შეკრებილებს დღესასწაული მიულოცა და მათთან ერთად იგალობა. “არის დაწერილი დაუჯდომელი წმინდა ნინოსი, მაგრამ არ იყო დაწერილი საგალობელი დაუჯდომელის. იყო ერთი შემთხვევა, რომ მოვინახულე წმინდა მცხეთის მონასტერი, იქ ბრძანდებოდა დედა, ჩემი ნათლია და ვლაპარაკობდით ჩვენ, რომ არ არის საგალობელი დაუჯდომელისა. წმინდა ნინომ ინება და 5 წუთში დავწერე ეს…

მეტი...

ქალი ქმრის მონურ მორჩილებაში რომ ყოფილიყო, ფეხებს უბამდნენ და ტერფებს უმახინჯებდნენ

„მონასთან გათანაბრებული ქალები დამახინჯებული ტერფებით“ – ასეთია ის საშინელი ტრადიცია ჩინეთში, რომელიც მე-10 საუკუნიდან მოდის და მე-20 საუკუნემდე გაგრძელდა.  ჩინელ ქალებს ძალიან პატარა, მოციცქნული ფეხის ტერფი უნდა ჰქონოდა. თუ რატომ იყო ეს აუცილებელი და რა ხიბლი იყო 12 თუ 14 სანტიმეტრიან ფეხის ტერფში, სხვადასხვა შეფასებები არსებობს. ერთნი ამბობენ, რომ ეს მონობისა და ერთგულების ნიშან იყო და შეკრული ფეხებით ქალი ვერსად გაიქცეოდა. საშინელი ტკივილის მიუხედავად, მთავარი ის იყო, რომ ასეთი ქალი მომავალ ქმარს მოეწონებოდა. უფრო მეტიც, მოციცქნულტერფიანი ქალი ქმრისადმი მორჩილების სიმბოლოდ ითვლებოდა.  რაც შეეხება ტრადიციის შესახებ მეტ ინფორმაციას, გოგონებს ფეხს პატარა,…

მეტი...

„მთავრობის გასაგონად, სასწრაფოდ აკრძალეთ ადამიანთა მიმოსვლა ჩინეთთან” – შალვა ნათელაშვილი

„მსოფლიოს უტევს კობრის ჩინური ქვესახეობიდან წარმოშობილი ახალი კორონავირუსი, რომელიც უზარმაზარი საფრთხეა კონტინენტის ცენტრში მდებარე საქართველოსთვის”, – ამის შესახებ „ლეიბორისტული პარტიის“ ლიდერმა, შალვა ნათელაშვილმა განაცხადა. ნათელაშვილი საქართველოში კორონავირუსის გავრცელების პრევენციისთვის ჩინეთიდან ფრენებისა და ტვირთბრუნვის აკრძალვას ითხოვს. „მთავრობის გასაგონად, სასწრაფოდ აკრძალეთ ადამიანთა მიმოსვლა ჩინეთის სახალხო რესპუბლიკასთან. შეაჩერეთ ყოველგვარი ტვირთები, მათ შორის ფოსტა ამ ქვეყანასთან. განსაკუთრებული კონტროლი დააწესეთ ჩინელთა კომპაქტურად ჩასახლებულ ადგილებში, კონკრეტულად ქუთაისი, თბილისი და ხარაგაულის რეგიონი, სადაც ჩინური ქალაქები აშენდა“,- განაცხადა შალვა ნათელაშვილმა.

მეტი...

მორაგბე ბექა ბურდიაშვილი ავტოავარიას ემსხვერპლა

ქართველი მორაგბე ბექა ბურდიაშვილი საფრანგეთში ავტოსაგზაო შემთხვევას ემსხვერპლა. ტრაგიკული შემთხვევა გუშინ დილით, საფრანგეთის დროით 09:30 საათზე მოხდა. ბექა “გროლესა” და “ლავორის” შეხვედრაზე მიდიოდა, რა დროსაც საჭე ვერ დაიმორჩილა და გზის სავალი ნაწილიდან გადავიდა. 27 წლის მორაგბე საფრანგეთში 2013 წლიდან თამაშობდა. ის ერთი წელი პრო დე2-ს “კარკასონის” ღირსებას იცავდა, რის შემდეგაც ფედერალ 1-ის “გროლეში” გადავიდა და იქ 3 წელი გაატარა. 2017-2019 წლებში ბურდიაშვილი ასევე ფედერალ 1-ის “ლა სენის” მოთამაშე იყო, მიმდინარე სეზონის წინ კი “გროლეს” დაუბრუნდა.

მეტი...

ტურისტს, რომელმაც 11 ქვეყანაში იმოგზაურა, საქართველოში ველოსიპედი მოპარეს

საქართველოში ჩამოსულ ბრიტანელ მოგზაურს, როუან კემპბელს, რომელიც სინგაპურიდან დიდ ბრიტანეთში ველოსიპედით მოგზაურობს, თბილისში ველოსიპედი მოპარეს. ამის შესახებ მოგზაური სოციალურ ქსელში წერს. კემპბელის თქმით, ველოსიპედი რუსთაველის გამზირზე მდებარე ერთ-ერთი ჰოსტელთან მოპარეს. „სინგაპურიდან დიდ ბრიტანეთში ვბრუნდებოდი, თუმცა ორი დღის წინ ჰოსტელის გარეთ დატოვებული ველოსიპედი მომპარეს. 11 ქვეყანა და 7500 კმ ველოსიპედით გამოვიარე და მოგზაურობის გაგრძელება მინდა, თუმცა თუ ჩემს ველოსიპედს ვერ ვიპოვი, ჩემი მოგზაურობა დასრულდება” , – წერს კემპბელი. მოგზაური მოქალაქეებს სთხოვს, თუ რამეს გაიგებენ მის დაკარგულ ველოსიპედზე, დაუკავშირდნენ. იგი ამბობს, რომ პოლიციას მიმართა, თუმცა, მისივე თქმით, სამართალდამცავებს დიდი იმედი არ აქვთ,…

მეტი...

ბათუმის საერთაშორისო აეროპორტსა და სარფის საბაჟოზე კონტროლი გამკაცრდა

კორონავირუსის საფრთხესთან დაკავშირებით ბათუმის საერთაშორისო აეროპორტსა და სარფის საბაჟოზე კონტროლი გამკაცრდა. ვირუსის პრევენციის მიზნით, სასწრაფო სამედიცინო დახმარების ბრიგადები 24 საათიან რეჟიმში მუშაობენ სარფის გამშვებ პუნქტზე. აეროპორტში ასევე მოწმდება შიდა და გარე ავიარეისები. საგანგებო სიტუაციების მართვის სააგენტოს ინფორმაციით, ჯერჯერობით, ვირუსის ფაქტი არ დაფიქსირებულა.

მეტი...

საქართველოში გრიპით დაინფიცირების შემთხვევები შემცირებულია

დაავადებათა კონტროლის და საზოგადოებრივი ჯანმრთელობის ეროვნული ცენტრის ინფორმაციით, საქართველოში გრიპით დაინფიცირების შემთხვევები შემცირებულია. დაავადებათა კონტროლის ცენტრის მიერ გამოქვეყნებული სტატისტიკის თანახმად, რომელიც გასული კვირის მონაცემებს ასახავს, ასი ათას ადამიანზე ვირუსის 172 შემთხვევა დაფიქსირდა, რაც წინა კვირასთან შედარებით, 44 შემთხევით ნაკლებია. რაც შეეხება ჰოსპიტალიზაციას, მთლიან მაჩვენებელში გრიპის ვირუსის ნიშნებით ჰოსპიტალიზაციაზე 28% მოდის (წინა კვირაში იყო 30). ამასთან, გავრცელებულ ვირუსებს შორის აღინიშნება როგორც „ა“, ისე „ბე“ ტიპის ვირუსის შემთხვევები.

მეტი...

მართლმადიდებელი ეკლესია დღეს წმინდა ნინოს ხსენების დღეს აღნიშნავს

საქართველოს მართლმადიდებელი ეკლესია დღეს წმინდა ნინოს ხსენების დღეს აღნიშნავს. ამასთან დაკავშირებით, ტაძრებში სადღესასწაულო წირვა-ლოცვა შესრულდება. საქართველოს კათოლიკოს-პატრიარქი ილია II კუკიაზე მდებარე წმინდა ნინოს სახელობის ტაძარში წირვას აღავლენს. წირვის დასრულების შემდეგ, ის მრევლს ქადაგებით მიმართავს. წმიდა ნინოს ხსენებას საქართველოს ეკლესია წელიწადში ორჯერ აღნიშნავს.

მეტი...

„მთავარია გაირკვეს, რა ტიპის „ქილერთან“ გვაქვს საქმე“ – მალხაზ თოფურია

„ეს არის წინასწარ დაგეგმილი მკვლელობა, იმედი მაქვს, ყველა კითხვას გაეცემა პასუხი, მთავარია დანაშაულის მოტივი და რა ტიპის „ქილერთან“ გვაქვს საქმე“ –  ეს განცხადება ვეტერანების საქმეთა სახელმწიფო სამსახურის რეგიონული მართვის დეპარტამენტის უფროსმა მალხაზ თოფურიამ „მედიაცენტრ მთავართან“ გააკეთა. საუბარია დოდო გუგეშაშვილის მკვლელობის მცდელობისა და მისი შვილის, ნოდარ გუგეშაშვილის მკვლელობის საქმეზე დაკავებულზე, რომელიც დოდო გუგეშაშვილს მალხაზ თოფურიას სახელის გამოყენებით გაეცნო. როგორც თოფურიამ „მედიაცენტრ მთავართან“ ინტერვიუში განაცხადა, დაკავებულ 1975 წელს დაბადებული ზაზა მურჯიკნელს ის არასდროს შეხვედრია, არ იცნობდა და არც საერთო გადაკვეთის წერტილები ჰქონიათ. „დაკავებულ პირთან არანაირი შემხებლობა მქონია, არც ვიცნობდი და არც მახსენდება. მიუხედავად…

მეტი...

კომპოზიტორი გომარ სიხარულიძე გარდაიცვალა

77 წლის ასაკში ქართველი კომპოზიტორი გომარ სიხარულიძე გარდაიცვალა. ის არაერთი კამერულ-ინსტრუმენტული და საესტრადო ნაწარმოების ავტორი იყო. კომპოზიტორს აღირება ქართული ფილმებისთვის შექმნილმა კომპოზიციებმა მოუტანა, განსაკუთრებით კი “ჩარი რამასთვის” შექმნილმა მუსიკამ.

მეტი...

“თუ გვინდა, ქვეყანა წინ წავიდეს და განვითარების გზას დაადგეს, პოლიტიკური ელიტა უნდა შეიცვალოს” – გია ჟორჟოლიანი

“თუ გვინდა, ქვეყანა წინ წავიდეს და განვითარების გზას დაადგეს, ეს პროტესტის ხელისუფლება, პოლიტიკური ელიტა უნდა შეიცვალოს“, – ამის შესახებ „ქართული ოცნება-სოციალ-დემოკრატების“ თავმჯდომარემ, გია ჟორჟოლიანმა განაცხადა. როგორც გია ჟორჟოლიანმა აღნიშნა, „ქართულმა ოცნებამ“ თავისი მისია ამოწურა და მან უნდა დათმოს ხელისუფლება. „ბოლო ხანს დასავლელი პოლიტიკოსების მხრიდან „ქართული ოცნების“ კრიტიკა და მოწოდებები, რომ „ქართულმა ოცნებამ“ გააუმჯობესოს ვითარება, ფუჭია. რატომ? ქართველი ხალხი ამ განცხადებების გარეშეც ხვდება არსებული ვითარების სიმწვავეს და გრძნობს პოლიტიკური ელიტის უუნარობას, გამოასწოროს ვითარება. 2012 წელს საქართველოს ისტორიაში მოხდა მნიშვნელოვანი მოვლენა – დამარცხდა რეპრესიული და ავტორიტარული „ნაციონალური მოძრაობის“ რეჟიმი. ამ მოვლენაში „ქართული ოცნებისა“…

მეტი...

თურქეთში, მიწისძვრის შედეგად დაღუპულთა რიცხვი 38-მდე გაიზარდა

თურქეთის აღმოსავლეთში მიწისძვრის შედეგად დაღუპულთა რიცხვი 38-მდე გაიზარდა. დაშავებულია 1607 ადამიანი. მათგან 1515 საავადმყოფოებიდან უკვე გაწერეს. ქვეყნის სეისმოლოგიური სამსახურის ცნობით, ძლიერი მიწისძვრის შემდეგ 844 მიწისქვეშა ბიძგი აღინიშნა. თურქეთის კატასტროფების მართვის სამსახურმა სტიქიის ზონაში 3 800 თანამშრომელი, ასობით ავტომობილი და 22 სპეციალურად გაწვრთნილი ძაღლი გაგზავნა. თურქეთის ელაზიღის პროვინციაში 6.8 მაგნიტუდის სიმძლავრის მიწისძვრა 24 იანვარს მოხდა. მიწისქვეშა ბიძგები საქართველოში და სირიაშიც იგრძნობოდა.

მეტი...

ბაღდადში აშშ-ის საელჩოს 3 რაკეტა ესროლეს

ბაღდადში, ამერიკის შეერთებული შტატების საელჩოს მიმართულებით 3 რაკეტა ისროლეს. ერთ-ერთი მათგანი საელჩოს კაფეტერიას მოხვდა. დაშავდა 3 პირი. მომხდარზე პასუხისმგებლობა ამ დრომდე არცერთ მხარეს არ აუღია. ერაყის პრემიერმა საელჩო თავდასხმა დაგმო. შტატების სახელმწიფო დეპარტამენტი ოფიციალურ ბაღდადს დიპლომატიური დაწესებულებების დაცვისკენ მოუწოდებს. პარალელურად, ერაყის დედაქალაქში ანტისამთავრობო გამოსვლები გრძელდება. პოლიციასთან შეტაკებებს ემსხვერპლა ერთი ადამიანი. ახლო აღმოსავლეთში ვითარება მას შემდეგ დაიძაბა, რაც 3 იანვარს ბაღდადის აეროპორტში ამერიკულ ავიაიერიშს ირანელი გენერალი ემსხვერპლა. ​

მეტი...

“ირაკლი შოთაძის გარდა, არც ერთ კანდიდატთან გასაუბრებას არ დავესწრები” – ოთარ კახიძე

საპროკურორო საბჭოს ერთ-ერთი წევრის, „ევროპული საქართველოს“ წარმომადგენლის, ოთარ კახიძის განცხადებით, ის გენერალური პროკურორობის კანდიდატებთან გასაუბრებას, გარდა ირაკლი შოთაძისა, არ დაესწრება. კახიძემ გენერალურ პროკურატურასთან ბრიფინგი გამართა და აღნიშნა, რომ პროკურორობის 16 კანდიდატის მოსმენა ფორმალური იქნება, რეალურად კი, წინასწარაა შეთანხმებული კანდიდატ ირაკლი შოთაძის არჩევა. „ივანიშვილის პროკურატურაში იწყება მორიგი სპექტაკლი, თითქოს დამოუკიდებელი საპროკურორო საბჭო ირჩევს გენერალური პროკურორობის კანდიდატს. სინამდვილეში კანდიდატს ირჩევს ბიძინა ივანიშვილი და ეს ყველაფერი, მთელი ეს პროცედურა, ვითომ კანდიდატების დასახელების და შემდგომ შერჩევის, არის სრული ფარსი, არავითარი კავშირი არ აქვს კანონთან, გენერალური პროკურორობის კანდიდატის შერჩევასთან. შესაბამისად, მე ამ წარმოდგენაში მონაწილეობის მიღებას არ ვაპირებ.…

მეტი...

28 წლის ადვოკატს მძიმე დაავადება დაუდგინდა – მას ჩვენი დახმარება სჭირდება

28 წლის ადვოკატ გიორგი სიმონიშვილს მძიმე დიაგზონი დაუდგინდა – შუასაყრის ლიმფადენოპათია (ლიმფობლასტიური ლიმფომა) საკმაოდ რთული ფორმებით. მკურნალობის კურსი სასწრაფოდ, საზღვარგარეთ, კერძოდ გერმანიის კლინიკაში უნდა გაიაროს, რაც დიდ ფინანსებთან არის დაკავშირებული. გიორგი გადაყვანილია მიუნხენის კლინიკაში, სადაც უნდა ჩაუტარდეს ქიმიოთერაპიის კურსი, რომლის ღირებულებაც 258.000 ევროს შეადგენს. დავეხმაროთ გიორგის, რომ დაუბრუნდეს სულ ახლახან შეძენილ შვილს. როგორც ჟურნალისტების, ისე ადვოკატთა პროფესიული ერთობის ერთ-ერთი ფუნდამენტური პრინციპი კოლეგებისადმი თანადგომა და მხარდაჭერაა. ▶გიზიარებთ შესაბამის საბანკო რეკვიზიტებს: ▪ #GE73TB7242936515100013თიბისი ბანკი, გიორგის და მარიამ სიმონიშვილი▪ #GE85BG0000000749330100საქართველოს ბანკი, გიორგის და მარიამ სიმონიშვილი #გიოსთვის

მეტი...

საქართველოს საზღვართან მიწისძვრა მოხდა

საქართველოს სეისმური მონიტორინგის ეროვნული ცენტრის ინფორმაციით, ჩრდილოეთ ოსეთში, საქართველოს საზღვართან მიწისძვრა მოხდა. ბიძგები თბილისის დროით 01:01 საათზე, საქართველოს საზღვრიდან ცხრა კილომეტრში დაფიქსირდა. მიწისძვრის სიძლიერემ 4.0 (ML) მაგნიტუდა შეადგინა.

მეტი...

„ადამიანის უფლებათა ცენტრი“ ირაკლი შოთაძის წინააღმდეგ გამოდის

„ადამიანის უფლებათა ცენტრი“ საპროკურორო საბჭოს მიმართავს, გენერალური პროკურორის პოზიციაზე, ირალი შოთაძის კანდიდატურას მხარი არ დაუჭიროს. აღნიშნული ოთხოვნით, ისინი, დღეს პროკურატურასთან შეიკრიბებიან და პროტესტს გამოხატავენ. როგორც „მედიაცენტრ მთავარს“ „ადამიანის უფლებათა ცენტრიდან“ აცნობეს, აქციაზე მათთან ერთად იქნებიან  ირაკლი შოთაძის მიერ სხვადასხვა დროს დაზარალებულ ადამიანები. „საპროკურორო საბჭომ საქართველოს გენერალური პროკურორობის კანდიდატად ყოფილი გენერალური პროკურორი, ირაკლი შოთაძე წარადგინა. მივმართავთ, საპროკურორო საბჭოს წევრებს, მხარი არ დაუჭირონ ირაკლი შოთაძის კანდიდატურას გენერალური პროკურორის თანამდებობაზე და უზრუნველყოს მის მიერ მიღებული გადაწყვეტილების საჯაროობა და ხელმისაწვდომობა“ – აცხადებენ „ადამიანის უფლებათა ცენტრში“.

მეტი...

ვერტმფრენი ჩამოვარდა და აფეთქდა, დაიღუპა კალათბურთელი კობი ბრაიანტი, მისი ქალიშვილი და ყველა მგზავრი

კალიფორნიის შტატის ქალაქ კალიბასასში უბედური შემთხვევა მოხდა, რომელსაც ცნობილი მსოფლიო კალათბურთელი, ლეგიონერი კობი ბრაიანტი და მისი 13 წლის ქალიშვილი ჯიანა ემსხვერლა. დაიღუპა ვერტმფრენში მყოფი კიდევ 7 მგზავრი. ვერტმფრენის კატასტროფას ვერავინ გადაურჩა, რადგან ის ჩამოვარდნისას აფეთქდა. BBC-ის ინფორმაციით, 41 წლის კალათბურთელი საკუთარი ვერტმფრენით მიფრინავდა. კატასტროფის მიზეზებზე სპეციალისტები ამ დრომდე არკვევენ. ბრაიანტი  ასევე ახსოვდა გრემის ჯილდოები, რომლებიც ლოს ანჯელეს ლეიკერსის სტადიონზე იმართება. ცნობილი კალათბურთელი 20 წელი „ლოს-ანჯელეს ლეიკერსში“ თამაშობდა. ის იყო  NBA-ის ჩემპიონის ტიტულის ხუთგზის მფლობელი. ის ასევე ნომინირებული იყო გრემის ჯილდოებზე.    

მეტი...

“დავიღალეთ, შეურაცხყოფილი ვართ ხალხი” – “პატრიოტთა ალიანსი“ „ენდიაისა“ და „აირაის“ წინააღმდეგ

აიკრძალოს “ენდიაისა“ და „აირაის“ საქმიანობა საქართველოში – ამ მოთხოვნით “პატრიოტთა ალიანსმა” აშშ-ის საელჩოსთან აქცია გამართა. „პატრიოტთა ალიანსის“ ლიდერის, ირმა ინაშვილის განცხადებით, დღევანდელი აქციის მოთხოვნებს, რეალურ რეიტინგებს, „ენდიაის“ შესახებ ნდობის მაჩვენებელს კონგრესმენებსა და  სენატორებს მიაწვდიან. ამასთან, ინაშვილი ითხოვს, საქართველოს სახელმწიფოს შესაბამისმა სტრუქტურებმა „ენდიაის“ საქმიანობასთან დაკავშირებით გამოძიება დაიწყონ. „მივმართავთ აშშ-ის ხელისუფლებას, დავიღალეთ, შეურაცხყოფილი ვართ ხალხი. ვითხოვთ, აიკრძალოს „ენდიაის“ და „აირაის“ საქმიანობა საქართველოში, დამთავრდეს ეს ტყუილი. დღევანდელი აქციის მოთხოვნებს, რეალურ რეიტინგებს, „ენდიაის“ შესახებ ნდობის მაჩვენებელს, რომ არ ენდობა მათ ხალხი, მივაწვდით კონგრესმენებსაც, სენატორებსაც, ევროდეპუტატებსაც, ყველას, ვიმოქმედებთ ისე, რომ ერთად დავიცვათ საქართველო“ ,- განაცხადა…

მეტი...

ეკონომიკის სამინისტრო, ბაზარზე სათამაშოების ზედამხედველობას იწყებს

ეკონომიკის სამინისტრო ბაზარზე სათამაშოების ზედამხედველობას იწყებს. სამინისტროს პრესსამსახურის ცნობით, საქართველოს მთავრობის სხდომაზე დამტკიცდა ევროკავშირის დირექტივის შესაბამისად მომზადებული ტექნიკური რეგლამენტი სათამაშოების უსაფრთხოების შესახებ, რომლის მოქმედებაც ვრცელდება 14 წლამდე ასაკის ბავშვებისთვის განკუთვნილ სათამაშოებზე. „ტექნიკური რეგლამენტი ითვალისწინებს სათამაშოს ბაზარზე განთავსებამდე პროდუქტის შესაბამისობის შეფასებასა და დოკუმენტაციის შედგენას, რომელიც ადასტურებს სათამაშოს უსაფრთხოების მოთხოვნებთან შესაბამისობას (იგულისხმება სათამაშოების როგორც ქიმიური შემადგენლობა, ისე ფიზიკური მახასიათებლები – რამდენად ბასრია სათამაშო, მცირე ზომისაა და ა.შ.). სათამაშოების ზედამხედველობას მთელი საქართველოს მასშტაბით განახორციელებენ ეკონომიკის სამინისტროს სისტემაში შექმნილი ახალი უწყების – ბაზარზე ზედამხედველობის სააგენტოს წარმომადგენლები. ისინი შეამოწმებენ საქართველოს ბაზარზე განთავსებული სათამაშოების შესაბამისობას დადგენილ მოთხოვნებთან…

მეტი...

მერვე მიკრორაიონის N23 კორპუსის მიმდებარედ სკვერის რეაბილიტაცია განხორციელდება

გლდანის მერვე მიკრორაიონში N23 – N11 – N9 – N6 კორპუსებს შორის არსებულ სკვერს სრული რეაბილიტაცია ჩაუტარდება. სამუშაოები რამდენიმე დღეში დაიწყება. სკვერის რეაბილიტაცია დაახლოებით, 8 000 კვ.მეტრ ფართობზე განხორციელდება და მრავალფუნქციური საზოგადოებრივი სკვერი მოეწყობა. სამუშაოების შედეგად, მოეწყობა ბავშვთა გასართობი ზონები, მოსასვენებელი პავილიონები, ძაღლების გასასეირნებელი სივრცე, გარე განათებისა და სარწყავი სისტემები, შადრევანი. ასევე, მოეწყობა კალათბურთის მოედანი, ღია სივრცე მაგიდის ჩოგბურთისთვის და სკეიდბორდის მოედანი. განხორციელდება გამწვანების სამუშაოები – დაირგვება ხეები, დაითესება ბალახი. აღნიშნული პროექტისთვის გამგეობის ბიუჯეტიდან 1 073 160 ლარი არის გათვალისწინებული. გლდანის რაიონის გამგებელი ბექა მიქაუტაძე საკრებულოს მაჟორიტარ დეპუტატ გულია გოცირიძესთან…

მეტი...

ნარკოდანაშაულისთვის პოლიციამ 2 პირი დააკავა – დანაშაული 20 წლამდე ან უვადო პატიმრობას ითვალისწინებს

შინაგან საქმეთა სამინისტროს ქვემო ქართლის პოლიციის დეპარტამენტისა და გარდაბნის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ნარკოდანაშაულისთვის, აზერბაიჯანის რესპუბლიკის 2 მოქალაქე: 1985 წელს დაბადებული ხ.ნ. და 1982 წელს დაბადებული ნ.გ. თბილისში დააკავეს. სამართალდამცველებმა, ბრალდებულების პირადი ჩხრეკისას, “ალფა პვპ”-ს, “ჰეროინის”, “მორფინის”, “მეტადონისა” და “კოდეინის” შემცველი ნარკოტიკული საშუალებები ნივთმტკიცებად ამოიღეს. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტებზე გამოძიება სისხლის სამართლის კოდექსის 260-ე მუხლის მე-3 და მე-6 ნაწილების “ა” ქვეპუნქტებით მიმდინარეობს. დანაშაული 20 წლამდე ან უვადო თავისუფლების აღკვეთას ითვალისწინებს.

მეტი...

ჩინეთში, კორონავირუსით ინფიცირებული ადამიანის განკურნების პირველი შემთხვევა დაფიქსირდა

შანხაის ჯანმრთელობის კომისიის უწყების ცნობით, ჩინეთში, კორონავირუსით ინფიცირებული ადამიანის განკურნების პირველი შემთხვევა დაფიქსირდა.  ექვსდღიანი მკურნალობის შემდეგ, 56 წლის ჩინელი ქალბატონი გამოჯანმრთელდა და კლინიკიდანაც გაეწერა. ჩინეთში კორონავირუსით უკვე 56 ადამიანი გარდაიცვალა. დაავადებულთა რიცხვი ორი ათასს აღწევს.

მეტი...

კორონავირუსის შემთხვევა კანადაშიც დაფიქსირდა

კანადაში ახალი ტიპის ​კორონავირუსის პირველი შემთხვევა დაფიქსირდა. პირი, რომელსაც დაავადების სიმპტომები გამოუვლინდა, ცოტა ხნის წინ ჩინეთის ქალაქ უხანიდან დაბრუნდა, რომელიც ვირუსის გავრცელების ეპიცენტრია. ჯანდაცვის უწყების წარმომადგენლების თქმით, დაავადებული 50 წლის მამაკაცი ტორონტოში 22 იანვარს ჩავიდა. ის საავადმყოფოში რესპირატორული ვირუსის სიმპტომების გამოვლენიდან მეორე დღეს მოათავსეს. ჩინეთში კორონავირუსით უკვე 56 ადამიანი გარდაიცვალა. დაავადებულთა რიცხვი ორი ათასს აღწევს.

მეტი...

„კორონა ვირუსის“ საპრევენციოდ ჯანდაცვის სამინისტრომ სპეციალური კომისია შექმნა

„ახალი კორონა ვირუსის“ პრევენციაში ყველა სახელმწიფო უწყება თანაბრად ერთვება. ვირუსის გავრცელების თავიდან ასაცილებლად, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში სპეციალური კომისია იქნება. უწყების ინფორმაციით, კომისიის მუშაობაში ყველა უწყების წარმომადგენელი ჩაერთვება.   „უწყებები აქტიურად ვმუშაობთ პასუხისმგებლობების გადასანაწილებლად. დრეს ჯანმრთელობის მსოფლიო ორგანიზაციის  ახალი რეკომენდაციების განვიხილეთ. ჩინეთიდან ჩამოსული მგზავრები ჯანდაცვის მსოფლიო ორგანიზაციის რეკომენდაციის შესაბამისად შემოწმდებიან. ეს მოიცავს სიმპტომების შეფასებას, პირველ რიგში, ყველს  ექნება საინფორმაციო ბუკლეტი, სადაც მითითებულია საყურადღებო სიმპტომები, მოხდება თერმული სკრინინგი და ვისაც დაუფიქსირდება 38 გრადუსი და მეტი ტემპერატურა, თვითმფრინავიდან ჩამოსვლის შემთხვევაში, მას ექნება საშუალება, რომ საწყისი შემოწმება…

მეტი...

რეკომენდაციები, რომელსაც კორონავირუსთან დაკავშირებით მგზავრები აეროპორტში იღებენ

საქართველოს ჯანდაცვის სამინისტროში აცხადებენ, რომ ჩინეთიდან საქართველოში ჩამოსული მგზავრები შემოწმდებიან ჯანდაცვის მსოფლიო ორგანიზაციის რეკომენდაციის შესაბამისად, რაც მოიცავს კორონავირუსის სიმპტომების შეფასებას. „პირველ რიგში, მას ექნება საინფორმაციო ბუკლეტი, სადაც მითითებულია საყურადღებო სიმპტომები, მოხდება თერმული სკრინინგი და ვისაც დაუფიქსირდება 38 გრადუსი და მეტი ტემპერატურა, თვითმფრინავიდან ჩამოსვლის შემთხევევაში თუ ასეთი მგზავრი გამოჩნდება, მას ექნება საშუალება, რომ გაიაროს საწყისი ტრიაჟი ადგილზე, აეროპორტშივე, ვიდრე მოხდება მისი ან გამოშვება აეროპორტიდან ან გადამისამართება პირდაპირ სამედიცინო დაწესებულებაში“, – განაცხადა დღეს ჯანდაცვის მინისტრის მოადგილე თამარ გაბუნიამ. სამინისტროში აცხადებენ, რომ ბუკლეტი შედგენილია სამ – ქართულ, ინგლისურ და ჩინურ ენებზე. გთავაზობთ ინფორმაციას,…

მეტი...

“წერილის შინაარსის უდიდესი ნაწილი აცდენილია ფაქტობრივ რეალობას” – დიმიტრი ხუნდაძე

“წერილის შინაარსის უდიდესი ნაწილი აცდენილია ფაქტობრივ რეალობას”, – ამის შესახებ კონგრესმენების წერილთან დაკავშირებით უმრავლესობის დეპუტატმა, პარლამენტის ჯანდაცვის კომიტეტის თავმჯდომარე დიმიტრი ხუნდაძემ განაცხადა. მისი თქმით, მსგავსი სახის წერილები პარტნიორულ ურთიერთობებში კომუნიკაციის საუკეთესო ფორმა არ არის. „რაც შეეხება კონგრესმენების ერთი ჯგუფის მიერ გამოგზავნილ წერილს, რომელიც საკმაოდ კრიტიკულია, ვფიქრობ, პარტნიორულ ურთიერთობაში ეს კომუნიკაციის საუკეთესო საშუალება არ არის.  ეს არის კონგრესმენების ერთი ჯგუფის მოსაზრება და არა აშშ-ის, მითუმეტეს, როცა ჩამონათვალში არიან ის კონგრესმენები, რომლებიც აქტიურობდნენ ჯერ კიდევ 2017 წელს კომერციულ დავასთან დაკავშირებით, რომელიც მიმდინარეობდა „ფრონტერასა“ და „ნავთობისა და გაზის კორპორაციას შორის“. ეს დავა არის…

მეტი...

“ქართველი ხალხი მეტს იმსახურებს” – მორიგი კრიტიკული წერილი ვაშინგტონიდან

ვაშინგტონიდან მორიგი კრიტიკული წერილი მოვიდა. საქართველოს ხელისუფლებას ღიად უკვე ექვსი კონგრესმენი საყვედურობს. წარმომადგენელთა პალატის რესპუბლიკელმა წევრმა პიტ ოლსონმა, კონგრესში საქართველოს მხარდამჭერი ჯგუფის წევრების, ადამ კინსინგერისა და გერი კონოლის 16 დეკემბრის წერილიც გააზიარა და თქვა, რომ ეთანხმება კოლეგების კრიტიკას. “ვეთანხმები ჩემს კოლეგა ადამ კინზინგერს. საქართველოს კორუმპირებული მთავრობა ჩაერთო დემოკრატიულ ღირებულებებზე თავდასხმებში, სამოქალაქო დემონსტრანტების წინააღმდეგ სისასტიკესა და ანტაგონიზმში აშშ-ის ინვესტიციების მიმართ, რომლებიც დაეხმარებოდა ორივე ქვეყანას. ქართველი ხალხი მეტს იმსახურებს“, – წერს კონგრესმენი. პრემიერ-მინისტრ გიორგი გახარიას რესპუბლიკელმა, ბრაიან ბაბინმა  ვრცელი წერილი მისწერა. დოკუმენტში გამოთქმულია შეშფოთება, დემოკრატიის კუთხით საქართველოს განგრძობად უკუსვლაზე და ეკონომიკური კეთილდღეობის გაუარესებაზე. “როგორც კონგრესის წევრს, მსურს, შევუერთდე მზარდ შეშფოთებას საქართველოს…

მეტი...

ჩინეთში, ტრანსპორტში კორონავირუსის შესამოწმებლად სპეციალურ აღჭურვილობას ამონტაჟებენ

 ჩინეთში, საზოგადოებრივ ტრანსპორტში კორონავირუსის შესამოწმებლად სპეციალურ აღჭურვილობას ამონტაჟებენ. მოწყობილობები მთელი ქვეყნის მასშტაბით, თვითმფრინავებში, მატარებლებსა და ავტობუსებში დამონტაჟდება. მგზავრებს კი, რომლებსაც ინფექციის ნიშნები აღმოაჩნდებათ, დაუყოვნებლივ უახლოეს სამედიცინო ცენტრში გადაიყვანენ. კორონავირუსთან დაკავშირებით კარანტინი ჩინეთი 18 ქალაქშია გამოცხადებული. ამ ქალაქებში მოსახლეობის საერთო რაოდენობა 56 მილიონს აჭარბებს. ჩინეთში კორონავირუსის დიაგნოზით მთელი ქვეყნის მასშტაბით 1300 ადამიანი მკურნალობს. ახალი კორონავირუსის გავრცელება ხუბეის პროვინციის ქალაქ უხანში დაიწყო. ვირუსი უკვე დაფიქსირდა ტაილანდში, იაპონიაში, სამხრეთ კორეაში, ვიეტნამში, ამერიკის შეერთებულ შტატებში, საფრანგეთსა და ავსტრალიაში

მეტი...