ფარულ ფოტოესესიებზე ბავშვები მშობლებს მიჰყავდათ – არასრულწლოვანთა პორნოგრაფიისა და ტრეფიკინგის საქმის ახალი დეტალები

არასრულწლოვანთა პორნოგრაფიისა და ტრეფიკინგის საქმეზე ახალი დეტალები ხდება ცნობილი. კერძოდ, როგორც ირკვევა, ბავშვები, ძირითადად, მშობლებს მიჰყავდათ ფარულ ფოტოსესიებზე და შემდგომ ფოტოებს საზღვარგარეთ ყიდდნენ. “ჩემზეც დაიწყო ტანსაცმლის გარეშე გადაღებები. დედა მაფრთხილებდა იმის შესახებ, თუ როგორ მიღებდნენ, არავისთვის მეთქვა. თითქმის ყველა გორიდან იყო და ყველას ვიცნობდი. ჩემი მეგობრები იყვნენ. დედა ხანდახან არ ესწრებოდა გადაღებას. მამა არასდროს ყოფილა ჩემს ფოტოსესიაზე”, – ყვება ერთ-ერთი არასრულწლოვანი. ფარულ ფოტოესესიებზე ბავშვები ძირითადად მშობლებს რომ მიყავდათ, საქმეში არსებულ ვიდეოკადრებშიც ჩანს. ერთ-ერთი დაკავებულის მაზლი ამბობს, რომ ფოტოს გადასაღებად დედას მისი ძმისშვილი, 14 წლის გოგონა თბილისში თვეში რამდენჯერმე მიჰყავდა. მოჰქონდათ თუ არა მშობელს შვილის პორნოგრაფიული შინაარსის ფოტოებისთვის აღებული…

მეტი...

“ცხინვალის რეგიონი, ფაქტობრივად, სრულ იზოლაციაშია” – ქეთევან ციხელაშვილი

“ცხინვალის რეგიონი, ფაქტობრივად, სრულ იზოლაციაშია”, – ამის შესახებ ჟურნალისტებთან შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა განაცხადა. მისი თქმით, პერევის მონაკვეთზე მიმოსვლა მალე აღდგება.  „საოკუპაციო რეჟიმის მიერ გავრცელებული ინფორმაციით, პერევის მონაკვეთზე მიმოსვლა მალე აღდგება. თუმცა, ამ ეტაპზე გადაკეტილია მთავარი, „გამშვები პუნქტი“ ახალგორისკენ, რომელიც მოსახლეობისთვის ძირითადი გზაა. ამ საკითხზე საერთაშორისო პარტნიორებთან ერთად აქტიურად ვმუშაობთ“, – განმარტა ციხელაშვილმა.  პერევის „გამშვები-პუნქტი“ 19 სექტემბრიდან 4 დღით ჩაიკეტა. დე-ფაქტო მთავრობის რეჟიმი ამას არაღიარებული რესპუბლიკის დღისადმი მიძღვნილ ღონისძიებებს უკავშირებს.

მეტი...

“ნონას თასი 2019” საზეიმოდ გაიხსნა

ვერის ბაღში მდებარე ჭადრაკის სასახლეში ლეგენდარული მოჭადრაკის, საქართველოს მე-20 საუკუნის საუკეთესო ქალი სპორტსმენის, ნონა გაფრინდაშვილის სახელობის საერთაშორისო ტურნირი დაიწყო.  ტურნირის მონაწილეებს წარმატებული ასპარეზობა ნონა გაფრინდაშვილმა პირადად უსურვა. თასის გათამაშებაში წელს 13 ქვეყნის 200-მდე მოჭადრაკე იღებს მონაწილეობას. საერთო საპრიზო ფონდი 50 000 ლარს შეადგენს. თასის გათამაშება 3 ტურნირად გაიმართება და 29 სექტემბერს დასრულდება. გახსნის საზეიმო ცერემონიალს განათლების, მეცნიერების, კულტურისა და სპორტის მინისტრის მოადგილე შალვა გოგოლაძე, ჭადრაკის ფედერაციის პრეზიდენტი, გია გიორგაძე და ეროვნული ოლიმპიური კომიტეტის გენერალური მდივანი, ემზარ ზენაიშვილი მოქმედ და ვეტერან მოჭადრაკეებთან ერთად დაესწრნენ. „ნონას თასი 2019“-ის ორგანიზატორები განათლების, მეცნიერების, კულტურისა და…

მეტი...

ფონიჭალაში, 14 წლის გოგონა მეშვიდე სართულიდან გადმოვარდა – მისი ჯანმრთელობის მდგომარეობა მძიმეა

თბილისში, ფონიჭალაში, 14 წლის გოგონა საცხოვრებელი კორპუსის მეშვიდე სართულიდან გადმოვარდა. მოზარდი „ნიუ ჰოსპიტალსშია“ გადაყვანილი. ახლა, მას ოპერაცია უტარდება. ექიმების ინფორმაციით, გოგონას მდგომარეობა მძიმეა. როგორც შსს-ში აცხადებენ, მომხდარზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

მეტი...

“ჩვენი პოლიტიკური გუნდი ორიენტირებულია მომავალზე” – არჩილ თალაკვაძე

“პირადად ვარ ბევრ ისეთ ოჯახში ნამყოფი, სადაც რჩება სიღარიბე, რჩებიან ბავშვები, რომელთაც არ აქვთ საშუალება, ელემენტარული პირობები ჰქონდეთ, სადაც რჩება დასაქმების პრობლემა და სადაც ადამიანები კომუნალურ გადასახადებსაც ზოგჯერ ვერ იხდიან, მაგრამ ჩვენ ვმუშაობთ და ჩვენთვის მთავარი არის ხვალინდელი დღე . ჩვენი გუნდი მთლიანად არის ორიენტირებული მომავალზე”, – ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა. ქვეყანაში არსებულ სოციალურ პრობლემებზე და შესაბამისი კვლევების შედეგებზე საუბრისას, არჩილ თალაკვაძემ ხაზგასმით აღნიშნა, რომ არსებობს ობიექტური და ტენდენციური კვლევები, რომელთა ნაწილსაც არც ხელისუფლება და არც საზოგადოება არ ენდობა, თუმცა, სწორი პოლიტიკა რომ დალაგდეს მომავალში, საჭიროა მოხდეს კვალიფიციური…

მეტი...

“ვერც ერთი პარტია და ეპისკოპოსი მესიებად არ გამოვდგებით” – მეუფე იაკობი

“ვერც ერთი პარტია და ეპისკოპოსი მესიებად არ გამოვდგებით”, – ამის შესახებ ბოდბელმა მთავარეპისკოპოსმა, მეუფე იაკობმა ღვთისმშობლის შობის დღესასწაულზე ბოდბის მონასტრის წმინდა ნინოს სახელობის ტაძარში ქადაგებისას განაცხადა. „ადამიანი თუ ვერ ხვდება, რომ ბოდიში უნდა მოიხადოს, შენდობა უნდა ითხოვოს, ვინც გონიერია მან შეუნდოს და მერე ეს მაგალითი ყველას აჩვენებს, თუ როგორ უნდა მოვიქცეთ, იმიტომ, რომ თუ ასე გავაგრძელეთ, ქვეყანას დავღუპავთ და გადავჩეხავთ. მესია არავინ არაა ჩვენში, მესია ერთი გვყვავს და ჩვენი მაცხოვარი იესო ქრისტეა. ვერც ერთი კაცი, ვერც ერთი პარტია, ვერც ჩვენ, თითოეული ჩვენთაგანი, ეპისკოპოსები, მესიებად არ გამოვდგებით, არც ვართ და ამიტომ…

მეტი...

“მიშა თუ ჩემი დასაცავი გახდებოდა, რა მეგონა” – ცოტნე გამსახურდია

„შევარდნაძემ გაგრასა და სოხუმში სანადირო თოფებით დატოვა მებრძოლები და ქართველების სისხლის კალო დაატრიალა და ერთი კრინტი არ ამოუღია ქოცობას, სამხედრო პატივით დაკრძალეს!“- ამის შესახებ ცოტნე გამსახურდია სოციალურ ქსელში წერს. „ტვინგაქოცებულები რომ წერენ, მიშამ ჩააბარა ტერიტორიებიო. მიშა თუ ჩემი დასაცავი გახდებოდა, რა მეგონა, მაგრამ საქართველოს მიწას ეხება საქმე და უნდა დავწერო, ვინც ვერ გაიგებს, მისი დედაც იქ! ნებით და დიდი სურვილით, ბანტით ჩააბარა სააკაშვილმა?! გასაგებია, რომ ფართომასშტაბიანი საომარი მოქმედებები არ უნდა დაეწყო და ვერ გათვალა რა მოყვებოდა, მაგრამ ისედაც ხომ ვერ აკონტროლებდა საქართველო იმ ტერიტორიას?! ერგნეთის ბაზრობაზე იწყება და მთავრდება თქვენთვის…

მეტი...

“დააბი პრეზიდენტი“ – აქცია-პერფორმანსი პრეზიდენტის სასახლესთან

სამოქალაქო ატივისტებმა პრეზიდენტის სასახლესთან აქცია-პერფორმანსი სახელწოდებით – “დააბი პრეზიდენტი“ გამართეს. მათ სიმბოლურად სასახლის ჭიშკარს ბოქლომი დაადეს და სტიკერები – #შეცვალე მიაკრეს. ასე გამოხატეს პროტესტი სალომე ზურაბიშვილის მიერ, ბოლო პერიოდში მსჯავრდებულების შეწყალებასთან დაკავშირებით მიღებულ გადაწყვეტილებებს. აქციის მონაწილეთა განცხადებით, პრეზიდენტი „დასაბმელია“, ამასთან, აცხადებენ, რომ სალომე ზურაბიშვილი ქვეყნისთვის საზიანო გადაწყვეტილებებს იღებს. როგორც აქციის მონაწილეებმა განაცხადეს, აქციებს მომავალშიც გააგრძელებენ. საქართველოს პრეზიდენტმა, სალომე ზურაბიშვილმა 27 აგვისტოს, მარიამობის ბრწყინვალე დღესასწაულთან დაკავშირებით, 34 მსჯავრდებული შეიწყალა, მათ შორის აღმოჩნდენენ მკვლელობისთვის გასამართლებული სამი პირი და ერთი ძებნილი.

მეტი...

ბახმაროში თოვლი მოვიდა

ბახმაროში პირველი თოვლი მოვიდა. თოვლის საფარის სიმაღლე 30 სანტიმეტრს აღწევს. ჩოხატაურის მერის, ირაკლი კუჭავას ინფორმაციით, ამჟამად ბახმაროში იმყოფება რამდენიმე ოჯახი, არიან მცირეწლოვანი ბავშვებიც. მისივე თქმით, ადგილზე მყოფები დახმარებას ითხოვენ, რათა ბახმაროდან გამოსვლა შეძლონ. მისი თქმით, უკვე დაწყებულია გზის გაწმენდითი სამუშაოები, რათა ბახმაროში ჩარჩენილი ოჯახები გამოიყვანონ. ბახმაროში თოვლის ამსახველი ფოტოები სოციალურ ქსელში გავრცელდა.

მეტი...

ტოჩინოშინმა ოძეკის ტიტული დაკარგა

აკი ბაშოს მე-14 საშეჯიბრო დღეს წარუმატებელი გამოდგა ლევან გორგაძისთვის, რადგან მან ოძეკის პრესტიჟული ტიტული დაკარგა. ტოჩინოშინი მეექვსე მაეგაშირა მოიგირიუს დაუპირისპირდა და იორიკირის ილეთით დამარცხდა. ტოჩინოშინმა წლის მე-5 სუპერტურნირზე გამოსვლა 6 მოგებითა და 8 მარცხით დაასრულა და ოძეკის პრესტიჟული ტიტულის დაბრუნებას ნოემბრის ბაშოზე ეცდება, რომელიც 10 ნოემბერს დაიწყება.

მეტი...

15 წლის მოზარდი, მარიხუანას მოხმარების გამო, საავადმყოფოში მოხვდა

რუსთავში 15 წლის მოზარდი უგონო მდგომარეობაში იპოვეს. გავრცელებული ინფორმაციით, მოზარდი დილით სკოლაში უნდა წასულიყო, თუმცა მან მოულოდნელად გონება დაკარგა და საავადმყოფოში გადაიყვანეს. ცენტრალური საავადმყოფოს „ემერჯენსის“ მორიგე ექიმის, სულხან სამხარაძის განცხადებით, მოზარდს მარიხუანა ჰქონდა მოხმარებული, რის გამოც გონება დაკარგა.  ამ დროისთვის ბიჭის ჯანმრთელობის მდგომარეობა სტაბილურია.

მეტი...

“მსოფლიოს უნდა ავუხსნა, რატომ მისცა სამშობლომ დიდ ქართველ რეჟისორს ასე მცირე და რატომ ვთხოვ მათ ასე ბევრს” – მერაბ კოკოჩაშვილს დახმარება სჭირდება

რეჟისორ  რეჟისორ მერაბ კოკოჩაშვილს დახმარება სჭირდება. ამის შესახებ კულტურის მინისტრის  ყოფილი მოადგილე, ხათუნა ხუნდაძე სოციალურ ქსელში წერს.  მისი თქმით, ის დაფინანსება, რაც რეჟისორმა მიიღო, ფილმის გადასაღებად არასაკმარისია. “ფორსაჟის” წყალობით 34 000 000$ შემოვიდაო საქართველოში და აქედან 3 ან 5 მილიონი კვლავ კინოში რომ ჩაბრუნდეს არ შეიძლება? ქართველი კლასიკოსი რეჟისორის, მერაბ კოკოჩაშვილის ფილმის – ტერცო მონდო- დაფინანსება მოიგო კინოსტუდია “ქართულმა ფილმმა” სულ რაღაც 300 000 ლარი, დღევანდელი კურსით ეს რაა, კი მიხვდებით. ახლა ვზივარ და ვჟონგლიორობ ექსელის ფაილში, რომ ფილმის რაღაც ნაწილს ვაკმარო ეს თანხა და მერე მსოფლიოში დავიწყო დიდი ქართველი რეჟისორისთვის ფულის…

მეტი...

სვანეთში თოვლი მოვიდა

სვანეთში, მესტიის მუნიციპალიტეტის უშგულის თემში პირველი თოვლი მოვიდა. საქართველოში ამინდი უარესდება. დღეს და ხვალ საქართველოში სინოპტიკოსები არამდგრად ამინდს წვიმას ელჭექით პროგნოზირებენ. შესაძლებელია სეტყვა, ხოლო ზღვაზე 3-4 ბალიანი ღელვა. 22 სექტემბერს ღამის საათებში მაღალმთიან რაიონებში ზოგან თოვლჭყაპია ნავარაუდები. უამინდობამ დედაქალაქში უკვე შექმნა პრობლემები. თბილისსა და რუსთავში ძლიერი ქარის შედეგად რამდენიმე ხე წაიქცა.

მეტი...

კახეთში 100 ათას ტონაზე მეტი ყურძენია გადამუშავებული

21 სექტემბრის 10:00 საათის მონაცემებით, კახეთში 101 ათასი ტონა ყურძენია გადამუშავებული. ღვინის ეროვნული სააგენტოს ცნობით, გადამუშავებული ყურძნიდან 65 ათასი ტონა რქაწითელი, 28 ათასი ტონა  – საფერავი, 3 ათასი ტონა – კახური მწვანე და დანარჩენი სხვადასხვა ჯიშის ყურძენი. ღვინის მარნებს ყურძენი 11 ათასმა მევენახემ ჩააბარა. სააგენტოს ინფორმაციით, რომ ბოლო დღეების განმავლობაში კახეთში ყურძნის ყოველდღიური გადამუშავების მოცულობა 10-11 ათას ტონას აღწევს.

მეტი...

“შემთხვევითი არ არის ის, რომ საქართველო ღვთისმშობლის წილხვედრი ქვეყანაა” – ილია მეორე

სრულიად საქართველოს კათოლიკოს-პატრიარქმა, ილია მეორემ სიონის ტაძარში ღვთისმშობლის შობის დღესასწაულთან დაკავშირებით, საზეიმო წირვა აღავლინა. უწმინდესმა ყველა მარიამსა და სრულიად საქართველოს დღევანდელი დღე მიულოცა. წირვას პარლამენტის თავმჯდომარე, არჩილ თალაკვაძე და სხვა დეპუტატებიც დაესწრნენ. “ყველა მარიამსა და მთელ საქართველოს ვულოცავთ ყოვლადწმინდა ღვთისმშობლის დაბადების დღეს. ეს არის უდიდესი დღესასწაული, ეს არის დიდებული დღე. ჩვენ ბედნიერი ვართ, რომ დღევანდელ წირვას ესწრება პარლამენტის თავმჯდომარე, არჩილი და პარლამენტის წევრები. შემთხვევით არაფერი ხდება. შემთხვევითი არ არის ის, რომ საქართველო ღვთისმშობლის წილხვედრი ქვეყანაა. შეგეწიოთ ღვთისმშობელი დედა, გადაგაფაროთ თავისი კალთა თქვენ და სრულიად საქართველოს. შეგახსენებთ, რომ დღეს განსაკუთრებით ვლოცულობთ იმ ადამიანებისთვის, რომლებიც…

მეტი...

“2020 წლის ბიუჯეტის პროექტში საქართველოს მოქალაქეების ინტერესები მაქსიმალურად იქნება გათვალისწინებული” – ირაკლი კოვზანაძე

საფინანსო-საბიუჯეტო კომიტეტის თავმჯდომარის, ირაკლი კოვზანაძის განცხადებით, 2020 წლის ბიუჯეტის პროექტის განხილვაში ყველა მოქალაქეს ექნება შესაძლებლობა, გამოთქვას თავისი მოსაზრება. მისი თქმით, პროექტში მაქსიმალურად იქნება გათვალისწინებული საქართველოს მოქალაქეების ინტერესები. „ბიუჯეტი არის მთავარი ფინანსური დოკუმენტი, რომლითაც სახელმწიფო ახორციელებს ყველა პროგრამასა და პროექტს. ჩვენ ერთ კვირაში, პირველი ოქტომბრისთვის მივიღებთ 2020 წლის სახელმწიფო ბიუჯეტის პროექტს. პროექტი იქნება სოციალურად ორიენტირებული, მაქსიმალურად იქნება გათვალისწინებული საქართველოს მოქალაქეების ინტერესები. ხელისუფლების ყველა რგოლის წარმომადგენლები: საქართველოს პარლამენტის წვერები, მთავრობის წევრები, ადგილობრივი ხელისუფლების წარმომადგენლები გააგრძელებენ შეხვედრებს მოქალაქეებთან რეგიონებში, რათა მათი ინტერესები გათვალისწინებული იყოს სახელმწიფო ბიუჯეტის პროექტში. ჩვენ გვექნება რამდენიმე მოსმენა კომიტეტის სხდომებსა…

მეტი...

„მისი უწმინდესობის, კირილეს, ქმედება აღიქმება სეპარატიზმის წახალისებად“ – საპატრიარქოს განცხადება

საქართველოს საპატრიარქო, რუსეთის ეკლესიის მეთაურის მილოცვას ხაჯინბას „გაპრეზიდენტებისათვის“, გაუგებარ ქმედებად აფასებს და აცხადებს, რომ ეს სეპარატიზმის წახალისებას ნიშნავს. „მართალია, მოსკოვის საპატრიარქოს ოფიციალურ გვერდზე არ იძებნება აფხაზეთის ,,პრეზიდენტისადმი“ რუსეთის ეკლესიის მეთაურის მილოცვა, მაგრამ, ვინაიდან მათი მხრიდან არ მოხდა ამ ფაქტის უარყოფა, ვაფიქსირებთ ჩვენს პოზიციას: აფხაზეთის მიწა-წყალი რომ ძირძველი ქართული ტერიტორიაა და იგი მხოლოდ საქართველოს საზღვრების ერთიანობაში უნდა იქნას აღქმული, ამას არც რუსეთის ეკლესია უარყოფს და აღნიშნულ სივრცეში საქართველოს ეკლესიის იურისდიქციას აღიარებს. ამ ფონზე, მისი უწმინდესობის, კირილეს, ქმედება ჩვენთვის გაუგებარია და აღიქმება სეპარატიზმის წახალისებად,  რაც ქართველებსა და აფხაზებს შორის მშვიდობიანი ურთიერთობისაკენ სწრაფვის…

მეტი...

მაღაზიის ქურდობის ბრალდებით, ორი არასრულწლოვანი დააკავეს

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ცხელ კვალზე, ჯგუფურად ჩადენილი ქურდობის ბრალდებით, ორი არასრულწლოვანი – 2003 წელს დაბადებული გ.ჭ. და 2003 წელს დაბადებული თ.გ. დააკავეს. შსს-ს ინფორმაციით, გამოძიებით დადგინდა, რომ ბრალდებულებმა თბილისში, პეკინის გამზირზე მდებარე ტექნიკის მაღაზია „ზუმერში“ უკანონოდ შეაღწიეს, სადაც მართლსაწინააღმდეგოდ დაეუფლნენ მობილურ ტელეფონებს, სხვადასხვა სახის აქსესუარს და შემთხვევის ადგილიდან მიიმალნენ. სამართალდამცველებმა დაკავებულების მიერ მოპარული და თბილისში მდებარე ერთ-ერთი საცხოვრებელი კორპუსის სხვენში დამალული ტელეფონების ყუთები და მათში არსებული აქსესუარები ნივთმტკიცების სახით ამოიღეს. გამოძიება წინასწარი შეთანხმებით ჯგუფის მიერ სადგომში ან სხვა საცავში უკანონო შეღწევით ჩადენილ ქურდობის ფაქტზე, საქართველოს სსკ-ს 177-ე მუხლის…

მეტი...

სამეგრელოში ლოკოკინების ფერმა გაიხსნა

ხობის მუნიციპალიტეტის სოფელ ახალ ხიბულაში, ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა. სოფლის მეურნეოების სამინისტროს ინფორმაციით, ფერმის ასაშენებლად ჯამურად 1.410.000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო. უწყების ცნობით, ფერმა წელიწადში, საშუალოდ, 50 ტონა ლოკოკინას ხორცს აწარმოებს, პროდუქციის რეალიზაცია ხდება საექსპორტო ბაზრებზე, ძირითადად იტალიაში, იგეგმება ადგილობრივ ბაზარზე გასვლაც. საწარმოში 10 ადგილობრივი მცხოვრებია დასაქმებული.

მეტი...

“სირცხვილიამ” აქციის მონაწილეებს მანიფესტი გააცნო და აქციები შეწყვიტა

მოძრაობა “სირცხვილიას” ორგანიზატორებმა, პარლამენტის შენობის წინ შეკრებილ აქციის მონაწილეებს მანიფესტი წარუდგინეს.  “შევქმნით და გავაძლიერებთ აქტივისტთა მობილურ ჯგუფებს თბილისსა და რეგიონებში, რომლებიც მოსვენებას არ მისცემს ივანიშვილის მსახურებს; იურიდიულ მხარდაჭერას გავუწევთ “გავრილოვის ღამის” დაკავებულებსა და დაზარალებულებს; შევქმნით სწრაფი რეაგირების იურიდიულ ჯგუფს, რომელიც ოპერატიულ კონსულტაციას გაუწევს მოძრაობის წევრებს და ყველა იმ ადამიანს, ვინც რეპრესირებულია სახელმწიფოს მიერ; შევქმნით ახალ მედიაპლატფორმებს, რომელიც დაამარცხებს ივანიშვილის პროპაგანდისტულ მედიას”, – განაცხადა აქციის ერთ-ერთმა ორგანიზატორმა, შოთა დიღმელაშვილმა. ორგანიზატორების თქმით, ისინი ხვალიდან მობილურ პროტესტზე გადადიან და ყველა იმ ადგილას გამოჩნდებიან, სადაც პრემიერი გიორგი გახარია მივა. ამასთან, მათი თქმით, ყოველი თვის 20 რიცხვში ისინი…

მეტი...

„კიდევ არსებობს ნაპერწკალი, რომლისგანაც შეიძლება გაღვივდეს ის სიყვარული, რომელიც ჩვენ ერთმანეთთან გვახასიათებდა“ – ვოლსკი

„კიდევ არსებობს ნაპერწკალი, რომლისგანაც შეიძლება გაღვივდეს ის სიყვარული, რომელიც ჩვენ ერთმანეთთან გვახასიათებდა“, – აღნიშნული განცხადება საპარლამენტო უმრავლესობის ლიდერმა, გია ვოლსკიმ პლენარულ სხდომაზე გააკეთა, სადაც შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს „მინისტრის საათის“ ფორმატში მოუსმინეს. „მინდა მივმართო აფხაზებსაც და ოსებსაც, ვინც რჩებიან საოკუპაციო ხაზს იქით – ჩვენ არანაკლებ განვიცდით თქვენს მდგომარეობას, ვიდრე იმ ადამიანებისას, რომლებიც საოკუპაციო ხაზს აქეთ დარჩა. მიუხედავად იმ მწვავე დაპირისპირებისა, რაც ომის პერიოდში მოხდა, მიუხედავად იმ სისხლისღვრისა, ჩვენ ვიცით რას წარმოადგენს კავკასიური სოლიდარობა, ტრადიცია“, – განაცხადა საპარლამენტო უმრავლესობის ლიდერმა. ვოლსკის თქმით, მისასალმებელია სავალან მირზოევის მოწოდება იმასთან დაკავშირებით, რასაც ჰქვია ეროვნული უმცირესობების ინტეგრაციის პროცესის დაჩქარება და მათი ჩართვა სახელმწიფოს მართვის სტრუქტურებში. „ენობრივი ბარიერის გარდა, კიდევ ბევრი პრობლემა არსებობს, თუნდაც განათლების ხარისხი. ამაზე ზრუნვა უნდა იწყებოდეს საბავშვო ბაღებიდან და სახელმწიფო მინისტრის სტატუსი, მისი აპარატი, მისი მდგომარეობა აძლევს მას საშუალებას, ამ მნიშვნელოვანი მიზნის მისაღწევად, ნებისმიერი სახელმწიფო უწყების კოორდინაცია მოახდინოს“, – განაცხადა გია ვოლსკიმ.

მეტი...

პარლამენტთან, “სირცხვილიას” აქციას მამუკა ხაზარაძე შეუერთდა

პარლამენტთან, მოძრაობა “სირცხვილიას” მიერ ორგანიზებულ აქციაზე, საზოგადოებრივი მოძრაობა „ლელოს“ დამფუძნებელი, მამუკა ხაზარაძეც იმყოფება. როგორც ხაზარაძემ განაცხადა, სწორედ 20 ივნისის მოვლენებმა მიაღებინა მას გადაწყვეტილება, გამოსულიყო ამ აქციაზე. „ამ არაჩვეულებრივმა ახალგაზრდებმა გამოგვაფხიზლეს, შემოჰკრეს ის ზარი, რომელსაც თავისუფლების ზარი ჰქვია – მე პირადად და ყველა ჩვენგანი კიდევ ერთხელ მივხვდით, რომ თავისუფლებისთვის ბრძოლა არის ყოველდღიური და ეს თუ არ გაგრძელდა, ჩვენი ქვეყანა ბედნიერი ვერ იქნება. თავისუფლების გარეშე არ არსებობს ბედნიერება, არ არსებობს წარმატებულის საქმე, ერთიანობა, ეს არის ყველაზე მთავარი ღირებულება და 20 ივნისი იყო ის წყალგამყოფი, რომელმაც მე მიმაღებინა გადაწყვეტილება, რომ გამოვსულიყავი და შევერთებოდი…

მეტი...

“თქვენ ტერიტორიების 22% დაკარგეთ” – სიმონ ნოზაძე ოპოზიციას

„მე ამ მოხსენებას მცირე ანალიზს ვერ დავარქმევ. თქვენ ღრმად გაქვთ ყველაფერი გაანალიზებული და მე ამას მოველოდი, რა თქმა უნდა”, – ასე აფასებს ფრაქცია „ქართული ოცნება-მრეწველების“ თავმჯდომარე, სიმონ ნოზაძე შერიგებისა და სამოქალაქო თანასწორობის საკითხებში, საქართველოს სახელმწიფო მინისტრის, ქეთევან ციხელაშვილის მოხსენებას პარლამენტში. ნოზაძემ ციხელაშვილს სამშვიდობო ინიციატივა, “ნაბიჯი უკეთესი მომავლისაკენ” მოუწონა და აღნიშნა, რომ ის წარმატებით მუშაობს. “ერთი მხრივ, გვყავს 129 სტუდენტი ოკუპირებული ტერიტორიებიდან, რომლებიც ქართული უმაღლესი სასწავლებლების სტუდენტები გახდნენ; მეორეს მხრივ, სამჯერ გაიზარდა იმ ადამიანების რიცხვი, რომლებსაც ე.წ. მესაზღვრეები აკავებენ აქეთ გადმოსვლის დროს“, – განაცხადა ნოზაძემ. სიმონ ნოზაძემ ოკუპირებულ ტერიტორიებთან დაკავშირებით, სახელმწიფო პოლიტიკის ძირითად ასპექტებზე ისაუბრა. მან ოპოზიციონერ კოლეგებსაც მიმართა. „თქვენი მცდელობები, რომ თავს მოგვახვიოთ თქვენი დანაშაული, განწირულია. თქვენმა პოლიტიკამ კრახი განიცადა. თქვენ ტერიტორიების 22% დაკარგეთ, მართალია დროებით, მაგრამ დაკარგეთ და ახლა გინდათ, რომ ეს პროცესი დაგვაბრალოთ ჩვენ“,- განაცხადა სიმონ ნოზაძემ.

მეტი...

ხვალ ჟიული შარტავას სახელობის ალპინიადა იწყება

ხვალ, 21 სექტემბერს საქართველოს პირველი ეროვნული გმირის, ჟიული შარტავას სახელობის მშვიდობისა და ერთიანობის საერთაშორისო ალპინიადა-2019 იწყება. ალპინისტები ყაზბეგის რაიონში, ხდის ხეობაში დაბანაკდებიან. ჟიული შარტავას საზოგადოება-ეროვნული ერთიანობის ცენტრის თავმჯდომარის, აფხაზეთის უმაღლესი საბჭოს დეპუტატის, ვახტანგ ყოლბაიას განმარტებით, ალპინიადის  ფარგლებში გაიმართება როგორც სპორტული, ასევე კულტურულ-საგანმანათლებლო ღონისძიებები, რომელშიც მონაწილეობას ქართველ ცნობილ სახეებთან ერთად, სხვადასხვა  ქვეყნიდან ჩამოსული სტუმრებიც მიიღებენ. სახელოვან ალპინისტთა ჯგუფი, რომელსაც საქართველოს მთამსვლელთა გაერთიანებული ფედერაციის პრეზიდენტი, ცნობილი ალპინისტი,  ევერესტის მწვერვალის პირველი ქართველი დამპყრობი ავთანდილ ცინცაძე უხელმძღვანელებს, ყაზბეგის რაიონის ხდის ხეობიდან  „ყუროს ბანაკს“ ეწვევა, საიდანაც ჟიული შარტავას მწვერვალს დალაშქრავს და იქ მემორიალურ დაფას დაამონტაჟებს…

მეტი...

“არ ვაპირებ პოლიტიკაში მოსვლას” – ედუარდ სააკაშვილი

“არ ვაპირებ პოლიტიკაში მოსვლას”, – ასე გამოეხმაურა საქართველოს მესამე პრეზიდენტის შვილი, ედუარდ სააკაშვილი სოციალურ ქსელში “სირცხვილის კორიდორის” მიერ გავრცელებულ ინფორმაციას. „ვიღაცამ მოიგონა ჩემი პოლიტიკური განცხადება – მსგავსი არაფერი დამიწერია. ოდესმე პოლიტიკაში მოსვლა თუ მომინდა(არ ვაპირებ) ასეთი უაზრო განცხადებით ნამდვილად არ ვიზამ“, – წერს ედუარდ სააკაშვილი “ფეისბუქზე”. მანამდე კი, სოციალურ ქსელში “სირცხვილის კორიდორის” გვერდზე გამოქვეყნდა შემდეგი შინაარსის პოსტი: „მიხეილ სააკაშვილის ვაჟმა – ედუარდ სააკაშვილმა მიმდინარე მოვლენების ფონზე განცხადება სოციალურ ქსელ Twitter-ში გაავრცელა. მინდა დავიწყო ბოდიშით. ბოდიში. ვდუმდი. ვდუმდი, რადგან განათლებას ვიღებდი.. განათლებას ვიღებდი, რათა შემეცვალა ამ ქვეყნის მომავალი, რომელსაც საფრთხე ემუქრება ჩრდილოელი…

მეტი...

„ოკუპაცია, საოკუპაციო ზოლი, დევნილთა მდგომარეობა, შიდა პოლიტიკური ბრძოლის ველად არის ქცეული“ – დიმიტრი ხუნდაძე

„ჩვენი ოპონენტების საფიქრალი თუ ქვეყნის ტერიტორიის დაბრუნებაა და არა ძალაუფლების, მაშინ ისინი სხვაგვარად მოიქცეოდნენ,“-  ეს  ჯანმრთელობის დაცვისა და სოციალურ საკითხთა კომიტეტის თავმჯდომარის პირველმა მოადგილემ, დიმიტრი ხუნდაძემ პლენარულ სხდომაზე გააკეთა. როგორც დეპუტატმა აღნიშნა,  სამწუხაროა, რომ ხშირად, ეროვნული საკითხები შიდა პოლიტიკური ბრძოლის ველად არის ქცეული. „სიღარიბე და ოკუპაცია, ეს ის ძირითადი საკითხების, რაც ქვეყნის წინაშე დგას, მაგრამ ოკუპაცია უფრო მნიშვნელოვანია, რამეთუ, ის სიღარიბესაც ამწვავებს. ამიტომ, კიდევ უფრო მეტი პასუხისმგებლობა გვმართებს. ოკუპაცია, საოკუპაციო ზოლი, დევნილთა მდგომარეობა… დღეს, ჩვენ ამ თემებზე  ვსაუბრობთ და სამწუხაროა, რომ ხშირად, ეს საკითხები შიდა პოლიტიკური ბრძოლის ველად არის ქცეული.…

მეტი...

“დადგა დრო, ეს ჭუჭყი სოროსის სოროში შევრეკოთ და ჩავრეცხოთ” – სანდრო ბრეგაძე

„ქართული მარშის“ ლიდერი, სანდრო ბრეგაძე საზოგადოებას მიმართავს დაირაზმოს და ჩასარეცხი ჩაირეცხოს. „ნაცები, ბოკერიას ნაცები, ხაზარაძის ლელო, რესპები და სხვა წვრილ-წვრილი მოღალატეები, მთელს სოროსის არასამთავრობოებთან და პარლამენტის წინ “მობირჟავე” ბასიან-გალერის ნარკომან-ბომჟებთან ერთად შეიყარნენ რუსთაველზე, თუმცა 1000 კაცზე მეტი მაინც ვერ მოაგროვეს! ახლა, რა უნდა ქნას ქართველმა ერმა? როდემდე უნდა უყუროს ამ პოლიტიკური ნაგვის თარეშს რუსთაველზე? დადგა მეგობრებო დრო, რომ საზოგადოების ეს ჭუჭყი სოროსის სოროში შევრეკოთ და ჩავრეცხოთ! მეტის მოთმენას აღარ ვაპირებთ!“ – აცხადებს ბრეგაძე. ცნობისთვის, ამწუთებში პარლამენტთან მოძრაობა „სირცხვილიას“ ორგანიზებით საპროტესტო აქცია მიმდინარეობს. აქციას მსვლელობით შეუერთდენენ „ევროპული საქართველოსა“ და „ნაციონალური მოძრაობის“ ლიდერები…

მეტი...

“ანაკლიის განვითარების კონსორციუმი” განცხადებას ავრცელებს

„ანაკლიის განვითარების კონსორციუმი“ მისი ერთ-ერთი პოტენციური ინვესტორის, Meridian Capital Limited-ის შესახებ მედიაში გავრცელებულ ინფორმაციაზე განცხადებას ავრცელებს. “მედიაცენტრი მთავარი” განცხადებას უცვლელად გთავაზობთ: „Merdian Capital Limited (Meridian) არის მსხვილი საერთაშორისო საინვესტიციო ჯგუფი, დივერსიფიცირებული საინვესტიციო პორტფელით, რაც მოიცავს სამომხმარებლო პროდუქტებს, უძრავ ქონებას, ტურიზმისა და მასპინძლობის სექტორს, ინფრასტრუქტურასა და ბუნებრივ რესურსებს. „მერიდიანი” ყაზახური წარმომავლობის ჯგუფია, რომლის სათაო ოფისიც ჰონგ კონგში მდებარეობს და რომელსაც მსოფლიოს სხვადასხვა წერტილში აქვს ოფისები, ასევე ყავს შვილობილი ორგანიზაციები. „მერიდიანს“ და მასთან აფილირებულ კომპანიებს აქვთ საქმიანობის მრავალმხრივი გამოცდილება, როგორც ცენტრალური აზია-კასპიის რეგიონში, ისე მსოფლიოს მასშტაბით – მათ შორის აღმოსავლეთ ევროპაში, აზიასა და…

მეტი...

“არ მგონია, თქვენ ამ სფეროში ამდენი სალაპარაკო გქონდეთ” – ციხელაშვილი სამადაშვილს

“საქართველოს ხელისუფლება ოკუპაციის საკითხებთან დაკავშირებით ისეთ ნაბიჯებს დგამს, რომელიც აქამდე არ გადადგმულა, მათ შორის სამართლებრივი თვალსაზრისით”, – ასე უპასუხა შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა „ნაციონალური მოძრაობის“ წევრის, დეპუტატ სალომე სამადაშვილის კითხვას, რომელიც საქართველოს პარლამენტის გადაწყვეტილებას შეეხებოდა, სანქციების დაბლოკვასთან დაკავშირებით. აღნიშნულ კითხვაზე პასუხისას ციხელაშვილმა 2008 წლის კონფლიქტის დროს დაღუპულთა სტატისტიკა მოიყვანა და იმ ნაბიჯებზე ისაუბრა, რასაც მისი თქმით, ხელისუფლება აკეთებს. „თქვენ თქვით, 43 ადამიანი დაიღუპა ბოლო 10 წლის განმავლობაში. ალბათ, გულისხმობდით 2008 წელს 412 ადამიანი რომ დაიღუპა და პლუს ოთხი ადამიანი კონფლიქტის დასრულების შემდეგ. ჯერ ერთი, ეს მსხვერპლი არის უბედურება და…

მეტი...

“პროტესტი მიუღებელია მათგან, ვინც თავად აწამებდა ათასობით ადამიანს” – ირაკლი სესიაშვილი

პარლამენტის თავდაცვისა  და უშიშროების კომიტეტის თავმჯდომარე, ირაკლი სესიაშილი რამზან ახიადოვის რუსეთში ექსტრადირებასთან დაკავშირებით აცხადებს, რომ გადაწყვეტილება არანაირ ეჭვსა და კითხვებს არ ბადებს. “რამზან ახიადოვი ტერორისტია, დადასტურებულია, რომ ის ISIS-ის მებრძოლი იყო. ქართულმა მხარემ  შეასრულა ის ვალდებულება, რომელიც ჩვენ ქვეყანას ნაკისრი აქვს საერთაშორისო შეთანხმებებით. ახიადოვი იძებნებოდა ინტერპოლის წითელი  ცირკულარით და ჩვენ მოვახდინეთ შესაბამისი რეაგირება. რაც შეეხება იმას, რომ რუსეთში ადამიანის უფლებები არ არის დაცული – ეს ყველაზე უკეთ საერთაშორისო თანამეგობრობამ იცის. ამ კაცის რუსეთის ფედერაციისთვის გადაცემაში მათ რომ რაიმე ტიპის საფრთხე დაენახათ, სტრასბურგის სასამართლო აუცილებლად გამოიყენებდა ინტერიმს, ანუ დროებით ღონისძიებას ექსტრადაციის შესაჩერებლად. რადგან მსგავსი არაფერი ყოფილა, ე.ი. ახიადოვის ექსტრადირების გადაწყვეტილება არათუ კანონიერი, არამედ ყველანაირად დასაბუთებულია”, – აცხადებს სესიაშვილი. რაც შეეხება ოპონენტების პრეტენზიებს, სესიაშვილი აცხადებს, რომ სასაცილო და სრულიად ამორალურია, როდესაც ადამიანის უფლებების უხეშად დამრღვევი და ფეხქვეშ გამთელავი პოლიტიკური ძალის…

მეტი...

“არაერთხელ მითქვამს აფხაზებისთვის, რომ ის, რაც გალის რაიონში ხდება, მათ ხელს არ აძლევს” – ქეთევან ციხელაშვილი

“არაერთხელ მითქვამს აფხაზებისთვის, რომ ის, რაც გალის რაიონში ხდება, მათ ხელს არ აძლევს, რადგან ქართული ენის ამოძირკვით ვერ მოხდება მათი იდენტობის ამოძირკვა”, – ამის შესახებ პარლამენტში, „მინისტრის საათის“ ფორმატში, შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა განაცხადა. ციხელაშვილმა ოკუპირებულ ტერიტორიებზე არსებულ სკოლებში ქართული ენის, რუსულით ჩანაცვლების პრობლემაზე ისაუბრა და აღნიშნა, რომ ეს საკითხი ჟენევის საერთაშორისო დისკუსიებში დღის წესრიგში მუდმივად დგას. “ჟენევის საერთაშორისო დისკუსიებში მშობლიურ ენაზე განათლების მიღება ერთ-ერთი მთავარი თემაა. მე პირადად, 14 რაუნდი მაქვს ჩატარებული ჰუმანიტარული სამუშაო ჯგუფის ფარგლებში და არაერთხელ მითქვამს აფხაზებისთვის, რომ ის, რაც გალის რაიონში ხდება, მათ ხელს არ…

მეტი...

რა სიახლეები შევა “ბავშვის უფლებათა კოდექსში”, ცნობილია

საქართველოს პარლამენტმა, 85 ხმით, მესამე მოსმენით „ბავშვის უფლებათა კოდექსი“ მიიღო.  როგორც საქართველოს პარლამენტის ვებგვერდზე გამოქვეყნებულ ინფორმაციაში ვკითხულობთ, ცნობილია რამდენიმე სიახლე, რომელიც კანონშია ასახული: ბავშვები 18 წლამდე უფასო იურიდიული დახმარებით ისარგებლებენ, გარდა ამისა, კოდექსის მიხედვით, ყველა სახელმწიფო უწყება ვალდებული ხდება ბავშვებს დაახვედროს მეგობრული და ადაპტირებული გარემო, სადაც მათ მომსახურებას გაუწევენ ბავშვთა დაცვის სფეროში სპეციალიზებული საჯარო მოხელეები. კოდექსის მიხედვით, ბავშვის ოჯახიდან განცალკევება მოხდება უკიდურეს შემთხვევაში და მის აუცილებლობას მხოლოდ მოსამართლე გადაწყვეტს. ახალი კანონის მიხედვით, სახელმწიფო ვალდებული ხდება სოციალურად დაუცველი ოჯახი უზრუნველყოს მათზე მორგებული ფინანსური დახმარებით, გარდა ამისა, სოციალური მუშაკი და ფსიქოლოგი შეისწავლიან მშობლების ფსიქიკურ…

მეტი...

“სადგურის მოედნისა” და “სარაჯიშვილის” მეტროს რეაბილიტაცია ჩაუტარდება

“სადგურის მოედნისა“ და “სარაჯიშვილის” მეტროს რეაბილიტაცია ჩაუტარდება. სამუშაოების საპროექტო-სახარჯთაღრიცხვო დოკუმენტაციის მომზადებისთვის აუცილებელ კვლევით სამუშაოებზე ტენდერი უკვე გამოცხადებულია. „მიმწოდებელმა უნდა განახორციელოს თბილისის მეტროპოლიტენის მეტროსადგურების ვიზუალური და ინსტრუმენტალური კვლევითი სამუშაოები, მათ შორის მიმწოდებელმა აუცილებლად უნდა განახორციელოს: წინასწარი ვიზუალური კვლევა: შენობა-ნაგებობების სამშენებლო კონსტრუქციების დაზიანებების გამოვლინება; ხილული დეფექტების და დაზიანებების გამოვლენა და ფიქსირება; კონსტრუქციების დეფექტური და დაზიანებული ადგილების ფოტოფიქსაცია; აღმოჩენილი დეფექტების ზომების განსაზღვრა, ნახაზ-სქემებზე დეფექტების ადგილმდებარეობის მონიშვნა; დეფექტების და დაზიანებების სქემებისა და უწყისების შედგენა,“ – აღნიშნულია დოკუმენტაციაში. სატენდერო პირობების თანახმად, წინადადებების მიღება 22 სექტემბერს დაიწყება და 25 სექტემბერს დასრულდება. შესყიდვის სავარაუდო ღირებულება კი 138 ათასი…

მეტი...

14 წლის მოზარდი, სავარაუდოდ, “ლურჯი ვეშაპის” მსხვერპლი გახდა

თერჯოლის მუნიციპალიტეტის სოფელ ჭოგნარში მოზარდის თვითმკვლელობის სავარაუდო მიზეზი საშიში ინტერნეტთამაში “ლურჯი ვეშაპი” გახდა. 14 წლის ბიჭი საკუთარი სახლის ეზოში ჩამომხრჩვალი იპოვეს. არსებული ინფორმაციით, სამართალდამცველებმა უკვე გამოჰკითხეს სკოლის მოსწავლეები. ამოღებულია მოზარდის კუთვნილი კომპიუტერი და ტელეფონი. შინაგან საქმეთა სამინისტროს ინფორმაციით, გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს. 

მეტი...

თამარაშვილის ქუჩაზე დაავადებული ფიჭვები მოიჭრება

თამარაშვილის ქუჩაზე დაავადებული ფიჭვების სანიტარიული ჭრა იგეგმება. როგორც თბილისის მერიაში “მედიაცენტრ მთავარს” განუცხადეს, ამ გადაწყვეტილების მიღებამდე აღნიშნულ ქუჩაზე არსებული ფიჭვების გადასარჩენად სხვადასხვა სახის ფიტოსანიტარიული ღონისძიებები განხორციელდა. კერძოდ, შეიწამლა, ჩაუტარდა სანიტარიული სხვლა-ფორმირება, მოეწყო სარწყავი ჯამები და მიეწოდა მინერალური სასუქი.  მიუხედავად მიღებული ზომებისა,  ფიჭვებზე გავრცელებული დაავადება პროგრესირებს, ამიტომ, მიღებულია გადაწყვეტილება მათი ახალი, დიდი ზომის ნერგებით სასწრაფოდ ჩანაცვლებასთან დაკავშირებით.  30 სექტემბრიდან, სანიტარიული ჭრებისა და ახალი ნერგების დარგვის გარდა, თამარაშვილის ქუჩაზე დაიწყება ხე-მცენარეების სხვლა-ფორმირების ღონისძიებები, გამწვანებულ შუაგამყოფ ზოლში ახალი სარწყავი სისტემის მოწყობის სამუშაოები,  ნოყიერი ნიადაგის შეტანა და ჰიდრო თესვის პრინციპით ბალახის დათესვა. 

მეტი...

ბიზნესომბუდსმენი, მიიჩნევს, რომ შრომის კოდექსში წარმოგენილი ცვლილებები შესასწორებელია

“შრომის კოდექსში  წარმოდგენილი ცვლილებებით უხეშად ხდება ჩარევა ბიზნესის და დასაქმებულის ურთიერთობებში და მიგვაჩნია, რომ მსგავსი ფორმით შრომის კოდექსში ცვლილებებს ექნება ბევრად ნეგატიური შედეგები, ვიდრე მოლოდინები და მიზნები, რომლებიც ჩადებულია მასში”, – ასე აფასებს ბიზნესომბუდსმენი ირაკლი ლექვინაძე შრომის კოდექსში დაგეგმილ ცვლილებებს. ირაკლი ლექვინაძის განცხადებით, შრომის კოდექსში დაგეგმილი ცვლილებები,  არის მოტივატორი და ერთგვარი სტიმული დასაქმებულსა და დამსაქმებელს შორის ურთიერთობებში გარკვეული არალეგალური სექტორის ჩამოყალიბებისკენ. მისი თქმით, ბიზნესომბუდსმენის აპარატი ჩართულია შრომის კოდექსში დაგეგმილი ცვლილებების განხილვაში და ბიზნესთან კონსულტაციების შედეგად შემუშავებული აქვს შენიშვნების და წინადადებები. „ვფიქრობთ, რიგი ცვლილებები გაართულებს ბიზნესის წარმოების პროცესს და ურთიერთობებს დასაქმებულსა და დამსაქმებელს შორის. კანონის პროექტში ჩადებულია  საკანონმდებლო ნორმები…

მეტი...