საქართველოში სამედიცინო დაწესებულებების სერტიფიცირება გერმანული სტანდარტებით მოხდება

საქართველოში სამედიცინო დაწესებულებების სერტიფიცირება გერმანული სტანდარტებით მოხდება. ინფორმაციას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს. როგორც ჯანდაცვის სამინისტროში განმარტავენ,  სიახლე პაციენტის უსაფრთხოებასა და საავადმყოფოების მიმართ ნდობას გაზრდის. “ჯანდაცვის სამინისტრო მუშაობას იწყებს გერმანელ პარტნიორებთან, ვინც დაგვეხმარება ქვეყანაში დაინერგოს KTQ სტანდარტები, რაც ნიშნავს თანამშრომლობას გამჭვირვალობისა და ხარისხის გაუმჯობესებისთვის ჯანდაცვის სისტემაში. ეს თითოეულ ჰოსპიტალს მისცემს საშუალებას, რომ უკეთ გააცნობიეროს, რა სტანდარტებს უნდა აკმაყოფილებდეს იმისთვის, რომ მისი მომსახურება ჩაითვალოს და იყოს მაღალი ხარისხის“,- განაცხადა ჯანდაცვის მინისტრის მოადგილემ, თამარ გაბუნიამ. საერთაშორისო კომპანია “კა ტე ქიუ”-ს ხარისხის კონტროლის კუთხით მრავალწლიანი გამოცდილება აქვს…

მეტი...

მეორე ტიპის დიაბეტთან საბრძოლველად საუკეთესო საშუალება დასახელდა

კემბრიჯის უნივერსიტეტის მეცნიერებმა კვლევის შედეგად დაადგინეს, რომ მეორე ტიპის დიაბეტთან საბრძოლველად 5 წლის განმავლობაში სხეულის წონის 10%-იანი კლება ერთ-ერთი საუკეთესო საშუალებაა. Science Alert-ის ინფორმაციით, კვლევაში 40-დან 69 წლამდე 867 ადამიანი მონაწილეობდა, რომელთაც მეორე ტიპის დიაბეტის დიაგნოზი ახალი დასმული ჰქონდათ. კვლევაში მონაწილეთა ნაწილი სტანდარტულად მკურნალობდა, მეორე ნაწილი კი მკურნალობასთან ერთად სამედიცინო კონსულტაციებიც უტარდებოდათ. 5 წლის შემდეგ დაავადების რემისია კვლევაში მონაწილეთა 30%-ს დაუფიქსირდა (257 მონაწილე).  კვლევის მიხედვით, ადამიანებს, რომლებმაც წონის 10% დაკარგეს, რემისიის ან დიაგნოზის ცვლილების შანსები ორჯერ გაეზარდათ, ვიდრე იმათ, ვისი წონაც 5 წლის განმავლობაში არ შეცვლილა. 

მეტი...

როდის დაიწყება გრიპის სეზონური აცრები?

პრევენციული მედიცინისა და იმუნიზაციის ცენტრის ინფორმაციით, გრიპის სეზონური ვაქცინაცია 1 ოქტომბრიდან დაიწყება. აცრა წარმოებს ინფლუვაკით, ეს არის სამკომპონენტიანი ვაქცინა, რომელიც ადამიანს 2 A და 1 B ვირუსისგან იცავს. ვაქცინაციის ფასი 35 ლარია. ოთხკომპონენტიანი ვაქცინით აცრები, რომელიც იცავს 2A და 2B ტიპის ვირუსისგან, სავარაუდოდ, ნოემბრიდან დაიწყება.

მეტი...

“რატომ აქვთ პროტესტი, ვერ გავიგე” – ჯანდაცვის მინისტრის მოადგილე დევნილების პროტესტს ეხმაურება

ჯანდაცვის სამინისტროს წინ მიმდინარე დევნილთა აქციას, რომელიც უკვე რამდენიმე დღეა გრძელდება, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე, გიორგი წოწკოლაური  გამოეხმაურა. “ზუსტად მათ გადაეცემათ ის ფართები, რომელიც ახლა არის გადასაცემი თბილისში, 960 ბინაა და რატომ აქვთ პროტესტი, ვერ გავიგე. გამჭვირვალობა არსებობს, კრიტერიუმები არსებობს, შესაბამისად, თუ ამ კრიტერიუმებს ისინი აკმაყოფილებენ, მიიღებენ ბინას,”- განაცხადა გიორგი წოწკოლაურმა. შეგახსენებთ, საცხოვრებელი ფართით დაკმაყოფილების მოთხოვნით, ჯანდაცვის სამინისტროსთან უკვე 13 დღეა დევნილების საპროტესტო აქცია მიმდინარეობს.

მეტი...

ჯანდაცვის სამინისტროსთან შეკრებილი დევნილები, ხელისუფლებას ულტიმატუმს უყენებენ

დევნილები, რომლებიც რამდენიმე დღეა ჯანდაცვის სამინისტროსთან საპროტესტო აქციას მართავენ, შიმშილობას აანონსებენ.  დევნილებმა დღეს ხელისუფლებას ულტიმატუმი წაუყენეს, თუ მათი მოთხოვნა 24 საათში არ დაკმაყოფილდება, ხვალიდან უწყების შესასვლელს გადაკეტავენ და თანამშრომლებს შენობაში არ შეუშვებენ. მათი მთავარი მოთხოვნა საცხოვრებლით დაკმაყოფილებაა. ისინი უკვე მეცამეტე დღეა ქუჩაში დგანან და სამინისტროსგან პასუხებს ითხოვენ. ამ თემაზე კომენტარი ჯანდაცვის სამინისტროს კომენტარი არ გაუკეთებია. 

მეტი...

“კანის კიბო სასიკვდილო დიაგნოზი აღარაა” – ბრიტანელი ექიმები

კანის კიბოს დიაგნოზის მქონე პაციენტების ნახევარზე მეტს ახლა უკვე შეუძლია მომაკვდინებელ დაავადებას უფრო ეფექტური წინააღმდეგობა გაუწიოს. ბრიტანელი ექიმების განმარტებით, თუკი აქამდე კიბოთი დაავადებულთა 20%-დან მხოლოდ ერთი ახერხებდა ამ დიაგნოზის შემდეგ 5 წელი ეცოცხლა, ახლა უკვე ახალი პრეპარატების დახმარებით, რომლებიც პაციენტების იმუნურ სისტემას აუმჯობესებს, მათ 52%-ს შეუძლია სულ ცოტა 5 წელი კიდევ იცოცხლონ.   ექიმების განმარტებით, ეს განსაკუთრებული წინსვლაა ამ დაავადებასთან ბრძოლის პროცესში.  კანის კიბო ერთ-ერთი ყველაზე გავრცელებული სიმსივნეა მსოფლიოში. ეს დაავადება ისეთ ადგილებში ვითარდება, სადაც მზის გამოსხივება მეტია – თავის ქალა, სახე, ტუჩები, ყურები, კისერი, მკერდი, ხელები და ფეხები. თუმცა დაავადება შესაძლოა განვითარდეს ისეთ ადგილებშიც, სადაც…

მეტი...

სოსისი, ძეხვი, ბეკონი – საჭირო პროდუქტი თუ სასიკვდილო განაჩენი?!

გადამუშავებული ხორცპროდუქტების – ძეხვეულის, სოსისის, ბეკონის და სხვა ხორცის ნაწარმის მიღება, შესაძლოა, ადამიანის სიცოცხლისთვის სასიკვდილო განაჩენი აღმოჩნდეს. პედიატრისა და ნუტრიციოლოგის მაია სურვილაძის განცხადებით, სხვადასხვა ხორცის ნაწარმის დასამზადებლად,  სპეციალური ხელოვნური დანამატი – კარაგინანი გამოიყენება, რომელიც 100-ზე მეტი დაავადების გამომწვევია. როგორც პედიატრი აღნიშნავს, სოსისის და სხვა მსგავსი პროდუქტის დასამზადებლად, საქონლის კანი, გადამუშავებული ძვლები, ხრტილი და სისხლი გამოიყენება. „ყურს თითქოს კარგად ხვდება, რომ ცილა ორგანიზმისთვის სასარგებლოა და აუცილებელია ყველა ადამიანისთვის, განსაკუთრებით ბავშვებისთვის. მაგრამ, სოსისის დასამზადებლად იყენებენ  საქონლის კანს, გადამუშავებულ  ძვლებს, ხრტილებს, სისხლის შრატს, დანამატებს და ა.შ და ამ კომპონენტების გასაერთიანებლად, შესასქელებლად იყენებენ  – კარაგინანს,…

მეტი...

პარფიუმერიულ-კოსმეტიკის 35 პროდუქტში ფირმალდეჰიდის შემცველობა დაფიქსირდა

პარფიუმერიულ-კოსმეტიკის 35 პროდუქტში ფირმალდეჰიდის შემცველობა დაფიქსირდა – საფრანგეთში ჩატარებული ლაბორატორიული კვლევის შედეგებს ვებ-გვერდი, “მომხმარებელი.ჯი” აქვეყნებს.  ფორმალდეჰიდი ბუნებრივი კონსერვანტია, რომელმაც შეიძლება გამოიწვიოს სიმსივნე, ასთმა, სუნთქვის გართულება, კანისა და თვალების გაღიზიანება. ევროკავშირში არსებული მოთხოვნების თანახმად, ფორმალდეჰიდის შემცველობა პარფიუმერიულ-კოსმეტიკურ ნაწარმში იზღუდება და დასაშვებია მხოლოდ იმ შემთხვევაში, როდესაც ამის თავიდან აცილება ტექნიკურად შეუძლებელია. ეს კი ქვეყანაში მოქმედმა სახელმწიფო მაკონტროლებელმა ორგანომ უნდა გადაწყვიტოს.  როგორც სტატიაში ვკითხულობთ, საქართველოში პარფიუმერიულ-კოსმეტიკური ნაწარმის უსაფრთხოების მოთხოვნების 2001 წელს დამტკიცებული ნორმატიული აქტის მიხედვით, ფორმალდეჰიდის მაქსიმალური კონცენტრაცია პროდუქტებში არ უნდა აჭარბებდეს 0,2%-ს, ხოლო პირის ღრუს ჰიგიენის საშუალებებში 0,1%-ს. აეროზოლებში კი მისი შემცველობა საერთოდ აკრძალულია. “მომხმარებელი.ჯი”-ს…

მეტი...

“თავისუფალი საქართველო” თურქეთიდან მედიკამენტების იმპორტსა და გაყიდვას იწყებს

დღეს, პარტია „თავისუფალი საქართველოს” ლიდერმა, კახა კუკავამ თურქეთიდან სარფის საბაჟოს გავლით, საქართველოში 20 დასახელების მედიკამენტი შემოიტანა.  კახა კუკავას განცხადებით, პარტია აპირებს, თურქეთიდან იმპორტირებული მედიკამენტები საქართველოში შესასყიდ ფასად გაყიდოს. კუკავას თქმით, ამ მედიკამენტების გაყიდვა ორშაბათიდან დედაქალაქში, ორი-სამი კვირის შემდეგ კი, რეგიონებში დაიწყება. „არანაირი რეგულირება ბოლო წლებში არ მოხდა. რადგან მთავრობამ შვიდი წელია ვერ დაადგა თავი ამ პრობლემას, ჩვენ უზრუნველვყოფთ“ – განაცხადა კახა კუკავამ.

მეტი...

საშიში ვირუსები ევროპის ქვეყნებთან ერთად, საქართველოსაც უტევს – ინტერვიუ პაატა იმნაძესთან (ვიდეო)

ევროპის 4 ქვეყანაში წითელა დაბრუნდა, დაავადების შემთხვევები შარშანდელთან შედარებით გასამმაგდა. ჯანმრთელობის მსოფლიო ორგანიზაციამ, საქართველო იმ ჩამონათვალში შეიყვანა, რომელსაც წითელა უტევს. „წითელა და წითურა ორივე ვირუსული დაავადებაა. წითელა უფრო საშიშია, ვიდრე წითურა, მაგრამ ეს უკანასკნელი ძალიან საშიშია. თუ ის ორსულს შეეყარა, შეიძლება, ნაყოფის დაღუპვა ან სიმახინჯეები გამოიწვიოს“ – აცხადებს დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელი პაატა იმნაძე „მედიაცენტრ მთავართან“ ინტერვიუში. პაატა იმნაძის რეკომენდაციით, ქალბატონები დაორსულებამდე 1 თვით ადრე უნდა აიცრან, რათა თავიდან აიცილონ შემდგომი გართულებები. არის თუ არა საქართველოში შემოტანილი აცრები უსაფრთხო? რატომ არიდებს მშობელთა ნაწილი შვლების აცრას…

მეტი...

მუცლად მყოფი ჩვილის ორგანიზმში დაბინძურებული ჰაერის ნაწილაკები აღმოაჩინეს

ბელგიელმა მეცნიერებმა მუცლად მყოფი ჩვილის ორგანიზმში დაბინძურებული ჰაერის ნაწილაკები აღმოაჩინეს. “გარდიანის” ინფორმაციით, გამონაბოლქვისა და საწვავის წვის კვალი მათ ექოსკოპიის მონიტორზე დაინახეს. საშიში ნაწილაკების არსებობა ფეხმძიმე ქალის პლაცენტაზეც დადასტურდა. კვლევა ბელგიის ერთ-ერთ ქალაქში არამწეველ ორსულებზე ჩატარდა. მეცნიერებმა სულ 25 პლაცენტა შეისწავლეს. მათი განცხადებით, მუცლის მოშლის გაზრდილი რიცხვი, ნაადრევი მშობიარობა და ნაყოფის მცირე წონა პირდაპირ კავშირშია დაბინძურებულ ჰაერთან.  მეცნიერები გვირჩევენ, გადატვირთული გზებისა და გამონაბოლქვის სიახლოვეს ყოფნას მაქსიმალურად ავარიდოთ თავი.  როგორც “გარდიანი” წერს, მსოფლიო მოსახლეობის 90% ჯერ კიდევ ისეთ ადგილას ცხოვრობს, სადაც ჰაერის დაბინძურება მსოფლიო ჯანდაცვის ორგანიზაციის მიერ დაწესებულ ზღვარს აჭარბებს. 

მეტი...

აშშ-მ 700 ათასი დოლარი გამოყო, თბილისში, ბავშვთა ონკოლოგიური ცენტრის დაარსებისთვის

აშშ-მ, თბილისში პედიატრიული ჰემატოლოგიურ-ონკოლოგიური ცენტრის დაარსებისთვის 700 ათასი დოლარი გამოყო. როგორც აშშ-ის საელჩოს განცხადებაშია აღნიშნული, ამ თანხით, დედაქალაქში, უმაღლესი დონის, ბავშვთა ონკოლოგიური ცენტრი დაარსდება. „ბავშვები ავად არ უნდა ხდებოდნენ, მაგრამ, სამწუხაროდ, ზოგჯერ ასეც ხდება. იმისთვის, რომ დავეხმაროთ საქართველოს, ჰქონდეს უმაღლესი დონის ცენტრი სიმსივნის სრულყოფილი მკურნალობისთვის, ამერიკის მთავრობამ „გლობალ ჰილინგსა“ და „ჯო ენის“ სამედიცინო ცენტრს $700 000 დოლარი გადასცა, რაც თბილისში ახალი პედიატრიული ჰემატოლოგიურ-ონკოლოგიური ცენტრის დაარსებას მოხმარდება“, – აღნიშნულია განცხადებაში. ბავშვთა ონკოლოგიური ცენტრი, საქართველოს პრეზიდენტის, სალომე ზურაბიშვილის პატრონაჟით, „ჯო ენის“ სამედიცინო ცენტრის ბაზაზე შეიქმნება.

მეტი...

ანესთეზიისას, 18 წლის გოგონას გული გაუჩერდა – კლინიკის განმარტება

ახალგაზრდა გოგონას, ცხვირის ძგიდის ოპერაციის დაწყებისას გული გაუჩერდა.  შემთხვევა რუსთავის ცენტრალურ საავადმყოფოში მოხდა. ოჯახი განმარტებებსა და დამნაშავეების უმძიმესი ფორმით დასჯას ითხოვს. კლინიკაში კი აცხადებენ, რომ ყველაფერს ეცადნენ, თუმცა, 18 წლის გოგონას ვერაფერი უშველეს. რუსთავის ცენტრალური საავადმყოფოს განმარტებით, ოპერაცია დაგეგმილი იყო და მის დაწყებამდე ყველა კვლევა ჰქონდა პაციენტს ჩატარებული.    „როგორც კი ანესთეზია დაიწყო და პრეპარატი შეიყვანეს ორგანიზმში, მძიმე ანაფილაქსიური შოკი განვითარდა. პაციენტის მგდომარეობიდან გამოყვანას რამდენიმე საათი ვცდილობდით, თუმცა, ვერაფერი ვუშველეთ. წინასწარ იმისი თქმა, რომ შესაძლოა მსგავსი შოკი განვითარდეს, შეუძლებელია. რეანიმაცია 6 საათზე მეტ დროს გაგრძელდა, თუმცა, ორგანიზმა ვერ გაუძლო და გულის…

მეტი...

მოზარდს, ცხვირის ოპერაციისას გული გაუჩერდა

18 წლის გოგოს გული რუსთავის ცენტრალურ საავადმყოფოში გაუჩერდა. როგორც ოჯახის წევრები აცხადებენ, მას ცხვირის ძგიდის ოპერაცია უტარდებოდა. გარდაცვლილის ოჯახის წევრების თქმით, გოგონას გული, ოპერაციის დაწყებამდე, ნარკოზის გაკეთების შემდეგ გაუჩერდა. “18 წლის უმწიკვლო ბავშვი მოგვიკლეს. ჯერ ოპერაციაც არ იყო დაწყებული. არავინ გამოდის, რომ რამე გვითხრას. მარტო დაჩეხეს ბავშვი და მოკლეს. ცხვირის ძგიდე ჰქონდა და ვერ სუნთქავდა, ამისთვის მოვიდა აქ. ნარკოზში მოკლეს ბავშვი, ოპერაცია არ იყო დაწყებული. ალბათ დიდი დოზა მისცეს,” – აცხადებს გარდაცვლილი გოგონას ოჯახის წევრი. მათივე ინფორმაციით, გოგონამ, ოპერაციის დაწყებამდე ექიმს ჰკითხა გადარჩებოდა თუ არა. როგორც შსს-ში აცხადებენ, ფაქტზე გამოძიება…

მეტი...

საქართველოში ბავშვთა ონკოლოგიური ცენტრი გაიხსნება

საქართველოს პრეზიდენტის პატრონაჟით, საქართველოში ბავშვთა ონკოლოგიური ცენტრი გაიხსნება. ის „ჯო ენის“ კლინიკის ბაზაზე შეიქმნება. პროექტის პირველი ფაზა USAID-ის მიერაა დაფინანსებული (USAID, Washington DC) 700 000 დოლარის ოდენობით. პროექტი ხორციელდება Global Healing-თან და St. Jude Children’s Research Hospital-თან ერთად. როგორც საქართველოს პრეზიდენტმა ბავშვთა ონკოლოგიური ცენტრის პრეზენტაციაზე აღნიშნა, ბავშვთა ონკოლოგია დღეს ძალიან სერიოზული პრობლემაა. მისი თქმით, ძალიან მძიმეა, როცა ოჯახები იძულებულები ხდებიან, საზღვარგარეთ მიიღონ სრულყოფილი სამედიცინო მომსახურება. სალომე ზურაბიშვილის განცხადებით, მორალური მხარდაჭერის გარდა, პროექტს მისი სახელობის კერძო ფონდში სპონსორებიდან მოზიდული თანხებითაც დაეხმარება. ,,მომავალ კვირას, გაერო-ს გენერალური ასამბლეის ფარგლებში, ნიუ-იორკში შეხვედრები მექნება ამერიკულ ფონდებთან, რომ ვნახოთ, საიდან შეიძლება მოვიზიდოთ დამატებითი…

მეტი...

ჯანდაცვის სფეროში უსაფრთხოების არასათანადოდ დაცვის გამო ყოველწიურად 2,6 მილიონი ადამიანი იღუპება

ჯანდაცვის მსოფლიო ორგანიზაციის ინფორმაციით, ჯანდაცვის სფეროში უსაფრთხოების არასათანადოდ დაცვის გამო ყოველწიურად 2,6 მილიონი ადამიანი იღუპება. მათივე ცნობით, პაციენტები ყველაზე დაუცველები საშუალო და დაბალი შემოსავლების მქონე სახელმწიფოებში არიან. ორგანიზაციის წარმომადგენელთა თქმით, სავალალო შედეგის თავიდან ასაცილებლად აუცილებელია უსაფრთხოების წესების დაცვის კულტურა დაინერგოს, რაც ნიშნავს პარტნიორობას პაციენტებთან. „პაციენტებისადმი მიყენებული პერსონალური, სოციალური და ეკონომიკური ზიანის შედეგად ტრილიონობით დოლარი იკარგება. ჯანდაცვის სერვისებით სარგებლობისას არავინ უნდა დაზიანდეს. მიუხედავად ამისა, დღეს ყოველ ერთ წუთში, სულ მცირე 5 პაციენტი იღუპება და ამის მიზეზი არასათანადოდ დაცული უსაფრთხოებაა. პაციენტები უნდა წავახალისოთ, რომ მათ დარღვევების შესახებ შეგვატყობინონ და ეს შეცდომები გასწორდეს. ეს შექმნის ისეთ გარემოს, რომელშიც…

მეტი...

NDI-ის კვლევით, მოსახლეობა ჯანდაცვის სისტემაში პრობლემად, წამლების მაღალ ფასს ასახელებს

ეროვნულ-დემოკრატიული ინსტიტუტისა (NDI) და „კავკასიის კვლევითი რესურსების ცენტრი (CRRC) საქართველო“-ს მიერ დღეს გამოქვეყნებული კვლევის მიხედვით, საქართველოს მოსახლეობის, გამოკითხულთა 47%-ი მიიჩნევს, რომ ჯანდაცვის სისტემის პრობლემას, წამლების მაღალი საფასური წარმოადგენს. კვლევის მიხედვით, გამოკითხულთა 24% ამბობს, რომ ჯანდაცვის სისტემაში ყველაზე დიდი პრობლემა ექიმებისა და პერსონალის პროფესიონალიზმის ნაკლებობაა, ხოლო 14% მიიჩნევს, რომ სამედიცინო მომსახურებისა და ექიმთან ვიზიტების საფასური. კვლევა NDI-ის დაკვეთით ორგანიზაცია  CRRC -საქართველომ ჩაატარა.

მეტი...

სკოლის დაწყებასთან ერთად, ბავშვებში, შესაძლოა, ნაწლავურმა ინფექციებმა მოიმატოს – რეკომენდაციები სკოლებს

დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელის პაატა იმნაძის განცხადებით, სასწავლო წლის დაწყებასთან ერთად, მშობლებმა აუცილებლად უნდა მიაქციონ ყურადღება შვილების ჰიგიენას. როგორც პაატა იმნაძემ “მედიაცენტრ მთავარს” განუცხადა, ბავშვებში, შესაძლებელია, ისევ იჩინოს ნაწლავურმა ინფექციებმა თავი. მისი თქმით, ინფექციების თავიდან ასაცილებლად აუცილებელია ხელების ხშირი დაბანა. უწყების წარმომადგენელი მასწავლებლებსაც მოუწოდებს, კიდევ ერთხელ შეახსენონ მოსწავლეებს, თუ რამდენად მნიშვნელოვანია ჰიგიენის ნორმების დაცვა. “ჯერ კიდევ ცხელა, ამიტომ შესაძლებელია, ბავშვებში, ისევ იჩინოს თავი ნაწლავურმა ინფექციებმა. რეკომენდაციაა ხელების ხშირი დაბანა. სკოლებში აუცილებლად უნდა იყოს შესაბამისი პირობები, იმისთვის, რომ ბავშვს შეეძლოს ხელების დაბანა. კარგი იქნება თუ, მასწავლებლებიც…

მეტი...

„ფეისბუქი“ და „ინსტაგრამი“ აცრებზე გავრცელებულ ცრუ ინფორმაციას დაბლოკავს

“სოციალური ქსელები „ფეისბუქი“ და „ინსტაგრამი“ აცრების მოწინააღმდეგეების, ე.წ ანტივაქსერების მიერ გავრცელებულ ცრუ ინფორმაციას დაბლოკავენ”, – ამის შესახებ დაავადებათა კონტროლის ეროვნული ცენტრის სამეცნიერო ხელმძღვანელმა, პაატა იმნაძემ “მედიაცენტრ მთავარში” გამართულ პრესკონფერენციაზე განაცხადა. პაატა იმნაძეს განმარტებით, ისეთი დიდი სოციალური ქსელები, როგორიც არის „ფეისბუქი“, „ინსტაგრამი“ და სხვა, მზად არიან, ჩაერთონ კამპანიაში და დაბლოკონ ვაქცინების წინააღმდეგ გავრცელებული ცრუ ინფორმაცია. მისი თქმით, 2019 წელს, ბრიუსელში გამართულ გლობალური ვაცქინაციის სამიტზე, სწორედ იმუნიზაციის მნიშვნელობაზე და ე.წ ანტივაქსერების  კამპანიების წინაღმდეგ ბრძოლის გზებზე ისაუბრეს. „ჭორები, თუ აღარ ვიცი, რა დავარქვა, რომელიც ვრცელდება ვაქცინაციასთნ დაკავშირებით, იმდენად შემაწუხებელი გახდა არა მარტო საქართველოში, არამედ სხვა ქვეყნებშიც, რომ „ფეისბუქი“ წავიდა იმაზე,…

მეტი...

“თუ ორსულს წითურა დაემართა, ეს განაჩენია ნაყოფისთვის” – პაატა იმნაძე

„საქართველო იმ ქვეყნების კატეგორიაშია, სადაც, წითელას ვირუსმა საკმაოდ ფართო გავრცელება მოიპოვა. შესაბამისად, ჯანმრთელობის მსოფლიო ორგანიზაციამ იმ ჩამონათვალში შეგვიყვანა, რომლებსაც წითელა უტევს. თუმცა, ორგანიზაციას უფრო აწუხებდა ის, რომ წითელა იმ ქვეყნებშიც კი შებრუნდა, სადაც ის პრაქტიკულად აღმოფხვრილი იყო, ჩვენთან კი წითელა ისედაც შემობრუნებულია“, – აღნიშნული განცხადება, დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელმა პაატა იმნაძემ „მედიაცენტრ მთავარში“ გააკეთა. პაატა იმნაძეს განცხადებით, შემოდგომაზე შესაძლებელია, ვირუსმა ისევ იჩინოს თავი. ამიტომ, იმ, ადამიანებს და განსაკუთრებით ქალბატონებს, რომლებსაც წითელას საწინააღმდეგო ვაქცინაცია არ აქვთ გაკეთებული, მოუწოდებს, დროულად აიცრან. “ზაფხულში წითელას შემთხვევები მიწყნარდა, თუმცა, შემთხვევები…

მეტი...

“სკოლებში, აცრების ფურცლის წარდგენა აუცილებელია – როგორ ვაკონტროლოთ აცრების ცხრილი “- პაატა იმნაძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელის პაატა იმნაძეს განცხადებით, სკოლებში, ბავშვის აცრების ისტორიის წარდგენა სავალდებულოა.  როგორც პაატა იმნაძემ “მედიაცენტრ მთავარში” გამართულ პრესკონფერენციაზე განაცხადა, მშობლებს, ბავშვების აცრის ისტორიის ნახვა, ელექტრონულ მისამართზე – პროფილაქტიკური აცრების ერონული კალენდრის მობილური აპლიკაციის მეშვეობით შეუძლიათ. მისი თქმით, ელექტრონულ მისამართზე, არამარტო მიმდინარე, არამედ ძველი აცრების ცხრილიც შეტანილია.   პაატა იმნაძე, მშობლებს მოუწოდებს, სასწავლო წლის დაწყებამდე, შეამოწმონ აქვთ თუ არა მათ შვილებს ყველა სავალდებულო აცრა ჩატარებული “სასწავლო წელის დაწყებასთან ერთად, მნიშვნელოვანია, რომ ბავშვს ასაკობრივად ჰქონდეს გაკეთებული ყველა აცრა. როცა ახალი ჯგუფი იკრიბება, ძალიან დიდი საფრთხეა, რომ რაიმე ინფექცია,…

მეტი...

15 ოქტომბრიდან, გრიპის საწინააღმდეგო ვაქცინაცია დაიწყება

გრიპის საწინააღმდეგო ვაქცინაცია 15 ოქტომბრიდან დაიწყება. როგორც დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა, წელს სახელმწიფო 100 ათას ადამიანს აცრის. გამყრელიძის თქმით, პირველ რიგში, აიცრებიან რისკ ჯგუფებში შემავალი მოქალაქეები. „ჩვენთან ვაქცინა 15 ოქტომბრისთვის შემოვა. განსაზღვრულია რისკ-ჯგუფები, ვისზეც აღნიშნული ვაქცინა უნდა გაიცეს. ყველა მუნიციპალიტეტიდან, ყველა ქალაქიდან ჩვენთან ადამიანების სიები გროვდება, ვინც წელს გრიპზე გეგმურად უნდა აიცრან. წელს სახელმწიფო 100 ათას ადამიანს აცრის. პროცესი 15 ოქტომბრიდან დაიწყება. გრიპის სეზონი ევროპაში და ჩვენთანაც დაახლოებით ნოემბრის შუა რიცხვებიდან დგება“, – თქვა ამირან გამყრელიძემ.

მეტი...

გადამუშავებული ხორცის მიღება კუჭ-ნაწლავის კიბოს რისკს ზრდის – ჯანდაცვის მსოფლიო ორგანიზაციის კვლევა

ჯანდაცვის მსოფლიო ორგანიზაციის ექსპერტებმა გადამუშავებული ხორცი თამბაქოსა და ალკოჰოლის მიღებას გაუთანაბრეს, ვინაიდან, კვლევის შედეგად, ყოველდღიურად 50 გრამი ასეთი პროდუქტის მიღება კოლორეკტალური(კუჭ-ნაწლავის კიბო) წარმოქმნის რისკს ზრდის.  მეცნიერების დასკვნით, წითელი ხორცი(ძროხა, ღორი, ცხვარი) შესაძლოა, კარცეროგენს წარმოადგენდეს. თუმცა, მონაცემები, რომლებიც აღნიშნულ ფაქტს დაადასტურებენ – არასაკმარისია. ცნობილია, რომ გაღვივებული ნახშირის ზემოქმედებით წარმოქმნილ მაღალ ტემპერატურაზე დამზადებულ ხორცში წარმოიქმნება მთელი რიგი კარცეროგენები: პოლიციკლური არომატული ნახშირწყლები, ჰეტეროციკლური არომატული ნახშირწყლები და ა.შ.  გარდა ამისა,  გადამუშავებულ ხორცში (ძეხვეულში, სოსისებსა და ბეკონშიც) ხორცი მხოლოდ 15%-ს შეადგენს. დანარჩენი გახლავთ სახამებელი, სხვადასხვა გემოს გამაძლიერებელი, საღებავის ფიქსატორები, ვადის გამახანგრძლივებელი კონსერვანტები და ა.შ. დანარჩენ 50%-ს შეადგენს კანი, ძვლები და სუბპროდუქტები.

მეტი...

„ის ფსიქიკური ავადმყოფია“ – ქუჩაში ახალგაზრდა მამაკაცი დაჭრეს

თბილისში, თარხნიშვილის ქუჩაზე, საკუთარ სახლთან დაჭრილი მამაკაცი ვახტანგ სუთიძეა. როგორც დაჭრილის დედა, დიზაინერი დალი ჩიტალაძე ამბობს, დამნაშავე ფსიქიკური ავადმყოფია, რომელიც მის შვილს ტაძრიდან გაჰყვა და დანა უკნიდან, ზურგში ჩაარტყა. შემთხვევა თბილისში რამდენიმე საათის უკან მოხდა. დაჭრილს მე-9 საავადმყოფოში ოპერაციას უტარებენ. დალი ჩიტალაძის ინფორმაციით, მან საკმაოდ ბევრი სისხლი დაკარგა და ნარკოზიდან ჯერ არ გამოსულა. შინაგან საქმეთა სამინისტრომ გამოძიება სისხლის სამართლის კოდექსის 120-ე მუხლით დაიწყო, რაც  ჯანმრთელობის განზრახ მძიმე დაზიანებას გულისხმობს. დაჭრილის დედის განცხადებით, სახელმწიფომ ფსიქიკური ავადმყოფების იძულებით მკურნალობის თვალსაზრისით რადიკალური ზომები უნდა მიიღოს, რადგან, ქუჩაში მსგავსი შემთხვევები არაერთია.

მეტი...

წამლების ფასების დარეგულირებაში სახელმწიფო აქტიურ ჩართვას გეგმავს

ჯანდაცვის მინისტრობის კანდიდატის, ეკატერინე ტიკარაძის განცხადებით, წამლების ფასების დარეგულირებაში სახელმწიფო აქტიურ ჩართვას გეგმავს.  „ჩვენთვის ცნობილია, რომ წამლის დანახარჯი ძალიან დიდ ტვირთს წარმოადგენს ჩვენი მოსახლეობისთვის. პირველი ნაბიჯი, რაც უკვე გადაიდგა, ესაა ქრონიკული დაავადებებისთვის გამოყოფილი მედიკამენტები, რომელიც მოსახლეობას სიმბოლურ ფასად – ერთ ლარად გადაეცემა. ბაზრის მთლიანი მოცულობის 88% წამლებისა იმპორტირებულია და მისი თანხა 400 მილიონს შეადგენს, რაც საკმაოდ დიდი ნიშნულია. ზოგადად, ყველა ქვეყანაში არის სხვადასხვა პრაქტიკა ფასების ნაწილობრივი და სრული რეგულაცია, როცა ხდება სახელმწიფოს მხრიდან. საქართველოში ეს პრაქტიკა არ არსებობს და ვგეგმავთ სხვადახხვა ღონისძიების დაწყებას, რომელიც გულისხმობს, როგორც ყველაზე დაბალი რგოლიდან აფთიაქებიდან და…

მეტი...

დიმიტრი ხუნდაძემ გიორგი გახარიას სოციალურად დაუცველთა პროგრამის რეფორმირება სთხოვა

საპარლამენტო უმრავლესობის წარმომადგენელმა დიმიტრი ხუნდაძემ, პარლამენტში, სადაც მინისტრთა კაბინეტის კანდიდატებს უსმენენ, სოციალურად დაუცველთა ბაზის ხარვეზებზე ისაუბრა და პრემიერ-მინისტრობის კანდიდატს სისტემის რეფორმირების საჭიროებით მიმართა. როგორც დიმიტრი ხუნდაძემ აღნიშნა, პროგრამა ხარვეზით მუშაობს და აღნიშნულიდან გამომდინარე, რიგ შემთხვევებში, სოციალურად შეჭირვებულები ზარალდებიან. „ზოგჯერ, სისტემა ვერ ხედავს სოციალურად  შეჭირვებულ ადამიანებს და ის ოჯახები, რომელთაც სჭირდებათ სახელმწიფოს მხრიდან დახმარება, დახმარებას ვერ იღებენ. მნიშვნელოვანია, რომ ამ პროგრამაში ძალიან ბევრი სიახლე იქნა შეტანილი და ის გათავისუფლდა  პოლიტიკური შემადგენლობისგან . ყველას ახსოვს, რომ ეს ეს სისტემა, რომელიც 2012 წლამდე იქნა შეთავაზაბული, ძირითადი განმსაზღვრელი პოლიტიკური შეხედულება იყო.  სოციალურად დაუცველის სტატუსი…

მეტი...

„ეს განგაშის ზარია მთელი მსოფლიოსთვის“ – წითელა ევროპის 4 ქვეყანაში დაბრუნდა

ჯანდაცვის მსოფლიო ორგანიზაციის ინფორმაციით, ევროპის ქვეყნებში, წითელას ვირუსი ისევ პრობლემად რჩება. „წითელა ევროპის იმ ოთხ ქვეყანაში დაბრუნდა, სადაც დაავადების შემთხვევები აღარ ფიქსირდებოდა“, – აღნიშნულ განცხადებას ჯანდაცვის მსოფლიო ორგანიზაცია ავრცელებს. ალბანეთი, ჩეხეთი, საბერძნეთი და დიდ ბრიტანეთი ის ქვეყნებია, რომელსაც წითელას ვირუსმა ისევ შეუტია. „უკან მივდივართ, არასწორ გზაზე ვდგავართ, ეს განგაშის ზარია მთელი მსოფლიოსთვის. მხოლოდ ვაქცინაციის მაღალი მაჩვენებელი არაა საკმარისი. საჭიროა ამის მიღწევა თითოეულ საზოგადოებაში, თითოეულ ოჯახში“, – აცხადებენ ორგანიზაციაში.

მეტი...

ნიდერლანდებიდან შემოტანილ ქათმის გაყინულ ხორცში სალმონელა აღმოჩნდა

ნიდერლანდების სამეფოდან შემოტანილ 28000 კგ. ქათმის გაყინულ ხორცში, ლაბორატორიული შემოწმების შედეგად, სალმონელა აღმოჩნდა. ფინანსთა სამინიტროს შემოსავლების სამსახურის ინფორმაციით, საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლებმა შემოწმება საბაჟო გამშვებ პუნქტში – ,,ფოთისა და ყულევის პორტები და ფოთის თავისუფალი ინდუსტრიული ზონა“ ჩაატარეს. უწყების ცნობით, აღნიშნული საქონელი ექსპორტიორ ქვეყანას დაუბრუნდება.

მეტი...

ქრონიკული დაავადებების სამკურნალო მედიკამენტების 1 ლარად შეძენა დღეიდან იქნება შესაძლებელი

ქრონიკული დაავადებების სამკურნალო 35 დასახელების მედიკამენტის 1 ლარად შეძენა დღეიდან 118 აფთიაქში იქნება შესაძლებელი. პროგრამა თბილისის საკრებულოში საქართველოს პრემიერ-მინისტრმა, მამუკა ბახტაძემ დღეს წარადგინა.  მინისტრის განცხადებით, აღნიშნული პროგრამა შეიძლება განიხილებოდეს სიღარიბესთან ბრძოლისკენ გადადგმულ ერთ-ერთ ნაბიჯადაც, ვინაიდან, ბოლო კვლევების თანახმად, მოქალაქეების შემოსავლის დიდი ნაწილი ჯერ კიდევ მიდის მედიკამენტების შეძენაში. „ერთ-ერთი ყველაზე მტკივნეული პრობლემა, რომელიც დგას ჩვენი ხალხის წინაშე, ეს არის ჯანდაცვის სერვისებზე ხელმისაწვდომობა. მინდა ცალკე გამოვყო ხელმისაწვდომობა წამლებზე. ეს არის ძალიან მტკივნეული პრობლემა, რომელიც დაგროვდა ჩვენს საზოგადოებაში და ჩვენ პრინციპული ნაბიჯები უნდა გადავდგათ იმისთვის, რომ შევუმსუბუქოთ ჩვენს მოსახლეობას მისი გამკლავება. დღეს ჩვენ გვაქვს…

მეტი...

საქართველოში თამბაქოს მწეველთა რაოდენობა მსოფლიოში ერთ-ერთი ყველაზე მაღალია

2019 წლის 26 ივლისს ჯანდაცვის მსოფლიო ორგანიზაციამ ახალი, რიგით მე-7 ანგარიში გამოაქვეყნა. კვლევის მიხედვით, საქართველო იმ ქვეყნების სიაში მოხვდა, სადაც მწეველთა რაოდენობა მსოფლიოში ერთ-ერთი ყველაზე მაღალია. კვლევის თანახმად, საქართველოში მოსახლეობის 33% ეწევა. კაცებში – 57% და 13-15 წლის მოზარდებში – 12.6%. ჯანდაცვის მსოფლიო ორგანიზაციის კვლევის მონაცემებით, საქართველოში თამბაქოს მოწევისგან 11 400 ადამიანი კვდება. ანგარიშში საქართველო სამჯერაა დასახელებული ყველაზე წარმატებულ ქვეყნებს შორის, რომელთაც 2018 წელს, ჯანდაცვის მსოფლიო ორგანიზაციის რეკომენდაციების დანერგვაში, უმაღლესი დონის მიღწევები აქვთ.   საქართველომ წარმატებულია თამბაქოს მოხმარების მონიტორინგშიც, წარმატებულად აწარმოა მედიაში  მოწევის საწინააღმდეგო კამპანიები და შეფუთვაზე დაურთო გაფრთხილებები. 2019 წლის მაისში საქართველოში საჯარო სივრცეებსა და…

მეტი...

C ჰეპატიტის ელიმინაციის პროგრამაში ჩასართავად საჭირო დიაგნოსტიკური კვლევები უფასო გახდა

C ჰეპატიტის ელიმინაციის სახელმწიფო პროგრამაში ჩასართავად საჭირო დიაგნოსტიკური კვლევები სრულიად უფასო გახდა. ამის შესახებ საქართველოს პრემიერ-მინიტრმა, მამუკა ბახტაძემ განაცხადა. პრემიერის თქმით, ამ დრომდე მოქალაქეებს მკურნალობაში ჩასართავად საჭირო კვლევებისთვის, 140-დან 360 ლარამდე თანხის გადახდა უწევდათ. „საქართველო არის ყველაზე წარმატებული ქვეყანა და ჩვენ გვაქვს შანსი, რომ გავხდეთ ქვეყანა, რომელიც მოახდენს C ჰეპატიტის ელიმინაციას. ეს არის პროგრამა, რომლის გამოცდილებასაც სწავლობს მთელი მსოფლიო და ბუნებრივია, ჩვენ ამ პროგრამაში ვახორციელებთ გარკვეულ ცვლილებებს“, – განაცხადა მამუკა ბახტაძემ.

მეტი...

წელს საქართველოში აივ-ინფიცირების 369 ახალი შემთხვევა დაფიქსირდა – სტატისტიკა

“მიმდინარე წლის პირველი აგვისტოს მონაცემებით, აივ-ინფიცირების 369 ახალი შემთხვევა დაფიქსირდა. გასული წლის ანალოგიურ პერიოდში 396 შემთხვევა იქნა დარეგისტრირებული” – ინფორმაციას ინფექციური პათოლოგიის, შიდსისა და კლინიკური იმუნოლოგიის ცენტრი ავრცელებს. მათი ინფორმაციით, პირველი აგვისტოს მონაცემებით, შიდსის ცენტრში რეგისტრირებულია 7803 აივ ინფიცირებული პირი. მათ შორის 5854 – მამაკაცია, 1949 – ქალი. პაციენტთა უმრავლესობა 29-დან 39 წლამდეა. შიდსი 4150 პაციენტს განუვითარდა, 1579 გარდაიცვალა. 30 ივნისის მონაცემებით აივ მკურნალობას იტარებს 4798 (4245 + 553 აფხაზეთი) პაციენტი, მათ შორის 43 (35 + 8 (აფხაზი ბავშვი)) ბავშვია. რეგისტრირებულ შემთხვევათა განაწილება გადაცემის გზების მიხედვით ასეთია: 38.9 % (3032)…

მეტი...

ბაღჩეულ და ბოსტნეულ კულტურებში ნიტრატების შემცველობა ნორმას არ აღემატება

ბაღჩეულ და ბოსტნეულ კულტურებში ნიტრატების შემცველობა ნორმას არ აღემატება. ინფორმაციას სურსათის ეროვნული სააგენტო ავრცელებს. სააგენტოს ცნობით, საბითუმო, მსხვილი და მცირე სარეალიზაციო ობიექტებიდან მთელი ქვეყნის მასშტაბით, უკვე აღებული და აკრედიტებულ ლაბორატორიაში გამოკვლეულია 80-მდე ნიმუში.  “არსებული მონაცემებით, ბაღჩეულ და ბოსტნეულ კულტურებში ნიტრატების შემცველობა ნორმას არ აღემატება. სეზონურობის ფაქტორის გათვალისწინებით, მიმდინარეობს საზამთროსა და ნესვის ნიმუშების აღება.  სურსათის ეროვნული სააგენტო განაგრძობს სარეალიზაციო ბაზრის კონტროლს და შედეგების შესახებ საზოგადოების ინფორმირებას. ნიტრატების განსაზღვრის მიზნით, წლის ბოლომდე 200-მდე ნიმუშის აღებაა დაგეგმილი”, – ნათქვამია სურსათის ეროვნული სააგენტოს მიერ გავრცელებულ ინფორმაციაში.

მეტი...

“C ჰეპატიტი ბოლომდე განკურნებადი დაავადებაა, მთავარი ბარიერი კი მოსახლეობის ინფორმირებულობის ნაკლებობაა” – ამირან გამყრელიძე

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, C ჰეპატიტი ბოლომდე განკურნებადი დაავადებაა, მთავარი ბარიერი კი დღეს მოსახლეობის ინფორმირებულობის ნაკლებობაა. “ქვეყანაში არის ჯერ კიდევ ათასობით ადამიანი, ვინც ინფიცირებულია ცე ჰეპატიტის ვირუსით. ვინც არ იცის, რომ ინფიცირებულია, საჭიროა ამ ხალხის გამოვლენა და მკურნალობა”, – აღნიშნა გამყრელიძემ. მისივე თქმით, დღევანდელი რიცხვით, გამოკვლეულია მილიონ ხუთასი ათასი მოზრდილი ადამიანი, გამოსაკვლევი დარჩენილია მილიონ სამასი ათასი, მკურნალობაში ჩართულია 58 ათასი ადამიანი. ვირუსის განულების პროცენტი კი 98,06%-ია, რაც ერთ-ერთი ყველაზე მაღალი მაჩვენებელია. ჯანდაცვის ყოფილი მინისტრის, დავით სერგეენკოს თქმით კი, C ჰეპატიტის ელიმინაციის პროგრამით, საქართველო დაავადებასთან ბრძოლის კუთხით ლიდერი…

მეტი...

“ჯერ კიდევ რჩება ათასობით ინფიცირებული პირი” – პრემიერი მოსახლეობას სკრინინგის ჩატარებისკენ მოუწოდებს

საქართველოს პრემიერ-მინისტრი მამუკა მოსახლეობა საქართველოს მოსახლეობას მიმართავს და მოუწოდებს,  C ჰეპატიტის სკრინინგი ჩაიტარონ. როგორც მამუკა ბახტაძემ აღნიშნა, ეს აუცილებელია იმისათვის, რომ 2020 წლისთვის მივაღწიოთ C ჰეპატიტის ელიმინაციას. „ჯერ კიდევ რჩება ათასობით ინფიცირებული პირი,  რომელთაც ამ დრომდე არ ჩაუტარებიათ სკრინინგი და, შესაბამისად, არ იციან თავიანთი სტატუსი“, – განაცხადა მამუკა ბახტაძემ და გამოთქვა რწმენა, რომ დაგეგმილი ნაბიჯები შესაძლებელს გახდის 2020 წლისთვის საქართველოში  C ჰეპატიტის ელიმინაციას.  პრემიერმა საქართველოს ყველა მოქალაქეს სკრინინგის ჩატარებისკენ მოუწოდა.  “აქ შეკრებილ სამედიცინო საზოგადოებასა და განკურნებულ პაციენტებთან ერთად, მინდა დავარწმუნო ყველა, რომ  C ჰეპატიტი განკურნებადია და რაც ყველაზე მთავარია – ჩვენ შევძელით, რომ…

მეტი...

C ჰეპატიტზე სკრინინგი 1.5 მილიონმა ადამიანმა ჩაიტარა

“C ჰეპატიტის ელიმინაციის პროგრამა საერთო ეროვნული პროექტი და საერთო ეროვნული წარმატებაა”, – ამის შესახებ საქართველოს პრემიერ-მინისტრმა მამუკა ბახტაძემ  ჰეპატიტების მსოფლიო დღესთან დაკავშირებით, ახალი კამპანიის წარდგენის ღონისძიებაზე სიტყვით გამოსვლისას განაცხადა. როგორც მთავრობის მეთაურმა აღნიშნა, ძალიან ბევრი გაკეთდა იმისთვის, რომ საქართველო ყოფილიყო სამაგალითო ქვეყანა C ჰეპატიტთან ბრძოლაში. „28 ივლისი არის დღე, რომელიც თითოეულ ჩვენგანს აერთიანებს. დღე, როდესაც მთელი მსოფლიო ერთიანდება საერთო მიზნით – ეს არის ვირუსული ჰეპატიტების რეალური ტვირთის შესახებ ცნობიერების ამაღლება. ეს არის უმძიმესი გამოწვევა, რომელიც აქვს კაცობრიობას 21-ე საუკუნეში. მოგეხსენებათ, B ჰეპატიტის საწინააღმდეგო ეფექტური ვაქცინა უკვე არსებობს და ის დანერგილია საქართველოშიც, მაგრამ C…

მეტი...