საქართველოში კორონავირუსის 777 ახალი შემთხვევა გამოვლინდა, გამოჯანმრთელდა 342 პაციენტი

საქართველოში კორონავირუსის 777 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 342 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა ცხრა პაციენტი. ბოლო 24 საათში ქვეყანაში ჩატარდა 36 578 ტესტი, მათ შორის ანტიგენის სწრაფი ტესტით – 24 438, პისიარტესტით – 12 140. ქვეყანაში კორონავირუსის გამოვლენის დადებითობის მაჩვენებლებია: დღიური – 2,12 პროცენტი, ბოლო 14 დღის – 2,09 პროცენტი, ბოლო შვიდი დღის – 2,47 პროცენტი. საქართველოში კორონავირუსით ინფიცირების სულ 287 183 შემთხვევაა გამოვლენილი, მათგან 276 426 გამოჯანმრთელდა, 3 858 კი გარდაიცვალა. კარანტინის რეჟიმშია 233, სტაციონარში მეთვალყურეობას 2 129 ადამიანი გადის, კლინიკურ…

მეტი...

„მოვუწოდებ ხელისუფლებას, მოხსნას პოლიტიკური კომენდანტის საათი“ – კახა ოქრიაშვილი

კახა ოქრიაშვილი ხელისუფლებას კომენდანტის საათის მოხსნისკენ მოუწოდებს. მისი თქმით,  ეკონომიკა რეგრესშია, რასაც ე.წ. კომენდანტის საათი უფრო ამძიმებს. „ტურიზმის აღდგენის გარეშე იმ ეკონომიკური ორმოდან, რომელშიც ახლა ვართ, ვერ ამოვალთ. ეკონომიკური კრიზისი და ლარის კურსის ვარდნა პანდემიასთან ერთად არ დაწყებულა: 2012 წელს ჩვენი ჯამური მშპ იყო 16,5 მლრდ დოლარი და 2019 წელს იყო 17,4 მლრდ დოლარი. ანუ, ეკონომიკური ზრდა ფაქტობრივად არ გვქონია. 2012 წლიდან 2020 წლამდე ჩვენი ეკონომიკა რეგრესშია! როცა ეკონომიკა არ იზრდება, არაფერი იზრდება – არც ხელფასი, არც პენსია, არც სოციალური შემწეობა. პირიქით, საშუალო ხელფასები შემცირებულია, როგორც საჯარო, ისე კერძო სექტორში…

მეტი...

მეცო სოპრანო ნინო სურგულაძეს „კოვიდ 19“ დაუდასტურდა

ნინო სურგულაძეს კორონავირუსი დაუდასტურდა. აღნიშნულის შესახებ მეცო სოპრანო ტავად საუბრობს და მოსახლეობას აფრთხილებს “არ არსებობს არანაირი დაბრკოლება, სირთულე, ვირუსი თუ სხვა რამე, რასაც ერთმანეთის სიყვარულით, მოფრთხილებით, ერთმანეთზე ზრუნვით და უფლის შეწევნით ვერ მოვერევით. დიდი სიფრთხილის მიუხედავად, დღეს მეც უკვე კოვიდინფიცირებული ვარ, თუმცა ვიცი, რომ ყველაფერი კარგად იქნება! თქვენი სიყვარული და სითბო ახლაც ძალიან გამაძლიერებს გთხოვთ ყველას ძალიან, გაფრთხილდით, დაიცავით რეგულაციები, ნუ მივცემთ შანსს კოვიდს, მოგვერიოს, ჩვენ მოვერიოთ, ჩვენ ეს შეგვიძლია. მიყვარხართ”, – აცხადებს ნინო სურგულაძე.

მეტი...

მეგი ბაქრაძის გარდაცვალების საქმეზე დაკავებულ ექიმებს გირაო შეუფარდეს

ახალციხეში, ვაქცინაციის შემდგომი გართულებებით გარდაცვლილი ექთნის მეგი ბაქრაძის საქმისთვის ბრალდებულ კლინიკის მედპერსონალს 3 000 ლარიანი გირაო შეუფარდეს.     ვიოლეტა ინასარიძეს, ბექა ლიპარტელიანსა და თეა გზირიშვილს აღკვეთის ღონისძიების სახით 3 000-3000-ლარიანი გირაო შეეფარდათ. გადაწყვეტილება თბილისის საქალაქო სასამართლომ მიიღო. პროკურატურა ბრალდებულებისთვის 5000 ლარიანი გირაოს დაკისრებას ითხოვდა. შეგახსენებთ, რომ ექთნის გარდაცვალების საქმეზე “ახალციხის კლინიკა იმედის“ 2 ექიმსა და ერთ ექთანს ბრალდება საქართველოს სისხლის სამართლის კოდექსის 370-ე მუხლის მე-2 ნაწილით პროკურატურამ გუშინ წარუდგინა.  ბრალდება 2-დან 6-წლამდე თავისუფლების აღკვეთას ითვალისწინებს.

მეტი...

“ჩვენ ყველაფერი უნდა გავაკეთოთ იმისთვის, რომ არ დავუშვათ მესამე ტალღა და თავი ავარიდოთ მკაცრ შემზღუდავ ღონისძიებებს” – ირაკლი ღარიბაშვილი

პირველ რიგში მინდა, შევეხო ეპიდემიოლოგიურ მდგომარეობას, რომელიც, სამწუხაროდ, მძიმდება მთელ მსოფლიოში და მათ შორის ჩვენს ქვეყანაშიც; შემთხვევების მატება, რაც ბოლო დღეებში აშკარაა თითოეული ჩვენგანისგან მეტ ყურადღებას და მეტ პასუხისმგებლობას მოითხოვს, – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა, რომელიც ვიდეოკონფერენციის ფორმატში გაიმართა. მთავრობის მეთაურმა მოსახლეობას დაწესებული რეგულაციების მაქსიმალურად დაცვისკენ მოუწოდა. „რა თქმა უნდა, ჩვენ ყველაფერი უნდა გავაკეთოთ იმისთვის, რომ არ დავუშვათ მესამე ტალღა და თავი ავარიდოთ მკაცრ შემზღუდავ ღონისძიებებს, ამის ერთადერთი მექანიზმი არის რეგულაციების დაცვა. პირბადის სწორად ტარება, ყველა ტიპის ხალხმრავალი შეკრებებისგან, მათ შორის სოციალური ღონისძიებების ორგანიზებისგან თავის შეკავება – ეს…

მეტი...

ვაქცინაციასთან დაკავშირებულ კითხვარს სისხლის შედედების პრობლემებზე რამდენიმე კითხვა დაემატება

კითხვარში, რომელსაც აცრაზე მისული ყველა ადამიანი ავსებდა, შევიტანთ რამდენიმე კითხვას, რომლებიც სისხლის შედედების პრობლემებს შეეხება, – ამის შესახებ იმუნოლოგმა, ბიძინა კულუმბეგოვმა ჟურნალისტებს განუცხადა. მისივე თქმით, ვაქცინის გასაკეთებლად მისულ ადამიანს კითხვარის საშუალებით გარკვეული რისკ-ფაქტორი თუკი დაუდგინდება, მის აცრასთან დაკავშირებით გადაწყვეტილებას, ექიმი მიიღებს. „ე.წ. ჩეკ-ლისტში, რომელსაც იმუნიზაციაზე მისული ყველა ადამიანი ავსებდა, შევიტანთ ასევე ცვლილებებს, სადაც რამდენიმე უფრო სიღრმისეული კითხვა იქნება, რომლებიც სისხლის შედედების სისტემის პრობლემებთან ასოცირებულ უკვე ცნობილ დაავადებებს ან სხვა რისკ-ფაქტორების გათვალისწინებას შეეხება. ასეთი რამ თუ დაფიქსირდება, ექიმი გადაწყვეტს, გაუკეთოს აცრა ამ ადამიანს იმ დღეს, თუ გაუშვას სპეციალისტთან და შემდგომ ანალიზებით დაბრუნდეს უკან, რათა კიდევ უფრო უსაფრთხო გავხადოთ იმუნიზაციის…

მეტი...

საქართველოში „ასტრაზენეკას“ ვაქცინით 55 წელს გადაცილებული პირები აიცრებიან

საქართველოში „ასტრაზენეკის“ ვაქცინის გამოყენება 55 წელს გადაცილებულ პირებში გაგრძელდება. ამის შესახებ ჯანდაცვის მინისტრის მოადგილე თამარ გაბუნიამ განაცხადა. „ექსპერტების საბჭომ იმსჯელა და გაუწია რეკომენდაცია „ასტრაზენეკათი“ ვაქცინაციის გაგრძელებას  55 წლის ზემოთ ასაკობრივ ჯგუფში, იქნება ეს მაღალი რისკის, თუ  ნებისმიერი სხვა ჯგუფი“, – აღნიშნა გაბუნიამ.

მეტი...

ქვეყანაში ახალი შეზღუდვები ამოქმედდა

მთავრობის დადგენილებით, საზოგადოებაში დამკვიდრებული სოციალური ღონისძიებებისა და მასობრივი გასართობი ღონისძიების გამართვის მიზნით ფართის გადაცემა იკრძალება. საზოგადოებაში დამკვიდრებული სოციალური ღონისძიებებისა (მაგ.: ქორწილი, ნებისმიერი იუბილე, ქელეხი და ა.შ.) და მასობრივი გასართობი ღონისძიების გამართვის მიზნით ფართის გადაცემა/დათმობა იკრძალება, – შესაბამისი ცვლილება „იზოლაციისა და კარანტინის წესების დამტკიცების შესახებ“ საქართველოს მთავრობის დადგენილებაში შევიდა. დადგენილება ფართის მფლობელს ავალდებულებს, მიიღოს ყველა გონივრული ზომა, მათ შორის, ხელშეკრულებით კონკრეტული შეზღუდვის დაწესების გზით, რათა თავიდან იყოს აცილებული ფართის გამოყენება დადგენილებით აკრძალული მიზნებისთვის. ამასთან, ფართის მესაკუთრე ვალდებულია, დარღვევის შესახებ ინფორმაციის მიღებისთანავე დაუყოვნებლივ აცნობოს შესაბამის სამსახურებს. გარდა ამისა, თუ აკრძალული ღონისძიების გამართვას ახლავს კორონავირუსის (COVID-19)…

მეტი...

“სიტუაცია გარკვეულწილად უარესდება” – თამარ გაბუნია

ჯანდაცვის მინისტრის მოადგილის განცხადებით, შეზღუდვების მოხსნის ფონზე ეპიდემიური თვალსაზრისით სიტუაციის გარკვეულწილად გაუარესება მოსალოდნელი იყო, თუმცა განსაკუთრებულ რისკებს ახალი შტამები და მათი სწრაფი გავრცელების უნარი ქმნის: “ბოლო პერიოდში სიტუაცია გარკვეულწილად უარესდება ეპიდემიური თვალსაზრისით.  შეზღუდვების შემსუბუქების და მობილობის გაზრდის ფონზე ეს რამდენადმე მოსალოდნელიც იყო. თუმცა, განსაკუთრებულ რისკებს ქმნის ახალი შტამები და მათი სწრაფი გავრცელების უნარი.  ამის გამო კიდევ მეტი ყურადღებაა საჭირო იმ წესების დაცვისთვის, რაც უკვე დაწესებულია, რათა არ მოგვიხდეს კიდევ მეტად გამკაცრება და ისევ არ დავბრუნდეთ შეზღუდვების რეჟიმზე, რაც იყო ბოლო რამდენიმე თვის განმავლობაში ძალიან რთული გადასატანი როგორც სოციალური, ასევე ბიზნეს…

მეტი...

კორონავირუსი კიდევ ორ დეპუტატს დაუდასტურდა

საკანონმდებლო ორგანოში ინფიცირებული დეპუტატების რაოდენობა გაიზარდა. ინფიცირებულია კიდევ ორი დეპუტატი, ირაკლი მეძმარიაშვილი და ირაკლი ზარქუა. დეპუტატების ინფიცირებასთან დაკავშირებით, დღეს პარლამენტში სადეზინფექციო სამუშაოები ჩატარდა. შეგახსენებთ, გუშინ ცნობილი გახდა, რომ ვირუსი სამ დეპუტატს: მამუკა მდინარაძეს, ბექა დავითულიანს და მაია მენაღარიშვილს დაუდასტურდა.

მეტი...

“საგანგაშოა, რომ გუნდმა, რომელიც მეგი ბაქრაძის მდგომარეობას მართავდა, სამართალდამცავებს და რეგულირების სააგენტოს არასწორი ინფორმაცია მიაწოდა” – თამარ გაბუნია

ჯანდაცვის მინისტრის მოადგილის, თამარ გაბუნიას განცხადებით, სამინისტროსთვის ძალიან საგანგაშოა ის, რომ გუნდმა, რომელიც გარდაცვლილი ექთნის, მეგი ბაქრაძის მდგომარეობას მართავდა, სამართალდამცავ ორგანოებს და რეგულირების სააგენტოს არასწორი ინფორმაცია მიაწოდა. როგორც გაბუნიამ აღნიშნა, ექსპერტების მოკვლევის საფუძველზე უნდა დადგინდეს, იყო თუ არა მეგი ბაქრაძის გარდაცვალება საექიმო შეცდომა. „ჩვენთვის ძალიან საგანგაშოა ის, რომ გუნდმა, რომელიც ჩვენი კოლეგა ექთნის მართვაში მონაწილეობდა, სამართალდამცავ ორგანოებს და მარეგულირებელ სააგენტოს არასწორი ინფორმაცია მიაწოდა, რაც არ ასახავდა იმ სურათს, რომელიც კლინიკაში იყო. ცრუ ჩვენება, როგორც სამართლებრივი, ასევე პროფესიული კუთხით სრულიად მიუღებელია. თავის მხრივ, რეგულირების სააგენტო გააგრძელებს მუშაობას იმისთვის, რომ დადგინდეს რეალური ფაქტები…

მეტი...

მეგი ბაქრაძის მეუღლე კლინიკა “იმედის” ხელმძღვანელების დაკავებას ითხოვს

27 წლის გარდაცვლილი ექთნის მეგი ბაქრაძის მეუღლე, კლინიკა “იმედის” უფროსების პასუხისგებაში მიცემას ითხოვს და ამბობს, რომ გამოძიება არასწორად მიმდინარეობს.  “პირველ რიგში, უნდა დაიჭირონ კლინიკის უფროსი ბარძიმაძე და მაისურაძე. დღეს რომ არაფერი იციან, როგორ არ იციან ამხელა კლინიკა აქვთ, ადამიანი მოუკვდათ და არ იციან? ქალბატონი ვიოლეტა რომ გამოდის და ამბობს, იქ არ ვყოფილვარო, აბა სად იყო? გამოძიება არასწორად მიდის, ამიტომ, სხვანაირად მოვიქცევი, როგორც საჭირო იქნება ისე გავაკეთებ. ბატონი გიორგი ხომ ამბობდა, ორ წუთში იქ ვიყავიო, დაგვიანებას ჰქონდა ადგილი, დღეს ის ჩვეულებრივ მუშაობს და უნდა, რომ აცრების გაკეთება დაიწყოს,”- აცხადებს მეგო ბაქრაძის მეუღლე. 

მეტი...

“არაფერი არ გამიკეთებია, საჭიროდ არ ჩავთვალე” – მეგი ბაქრაძის საქმეზე ბრალდებული ექიმის აღიარება

ვრცელდება ექიმის ჩვენება, რომელიც მეგი ბაქრაძის საქმეს უკავშირდება, ახალციხის კლინიკა “იმედის” ექიმი ვიოლეტა ინასარიძე, რომელიც პირველ ჩვენებაში ირწმუნებოდა, რომ მან მეგი ბაქრაძეს, აცრის შემდეგ, ადრენალინი გაუკეთა შეცვლილ ჩვენებაში აღიარებს, რომ მას მეგი ბაქრაძითვის მსგავსი სამედიცინო დახმარება სინამდვილეში არ გაუწევია. “მე მეგონა, რომ უბრალო რეაქცია მისცა, ანუ რაღაც ალერგიული რეაქცია, იმიტომ, ასეთი რაღაცა მინახია ძალიან ბევრი, ეს არის ჩვეულებრივი, შეიძლება ემოციურიც იყო, ემოციური ბავშვიც იყო და ჩავთვალე, რომ არ იყო საგანგაშო სიტუაცია.” გამომძიებლის კითხვაზე, უშუალოდ თქვენ რა მოიმოქმედეთ ამ დროს, ვიოლეტა ინასარიძე პასუხობს: “პრინციპში არაფერი არ მიქნია, უბრალოდ ვკითხე, როგორ იყო…

მეტი...

საქართველოში კორონავირუსის 761 ახალი შემთხვევა გამოვლინდა, გამოჯანმრთელდა 537 პაციენტი

საქართველოში კორონავირუსის 761 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 537 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა ცხრა პაციენტი. ბოლო 24 საათში ქვეყანაში ჩატარდა 34 201 ტესტი, მათ შორის ანტიგენის სწრაფი ტესტით – 20 281, პისიარტესტით – 13 920. ქვეყანაში კორონავირუსის გამოვლენის დადებითობის მაჩვენებლებია: დღიური – 2,23 პროცენტი, ბოლო 14 დღის – 2,03 პროცენტი, ბოლო შვიდი დღის – 2,5 პროცენტი. საქართველოში კორონავირუსით ინფიცირების სულ 286 406 შემთხვევაა გამოვლენილი, მათგან 276 084 გამოჯანმრთელდა, 3 849 კი გარდაიცვალა. კარანტინის რეჟიმშია 229, სტაციონარში მეთვალყურეობას 2 045 ადამიანი გადის, კლინიკურ სასტუმროში იმყოფება 314 პირი. ამასთან, 7…

მეტი...

საქართველოში ბოლო 24 საათში კორონავირუსით ცხრა პაციენტი გარდაიცვალა

საქართველოში ბოლო 24 საათში კორონავირუსით ცხრა პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. საქართველოში კორონავირუსით გარდაცვლილთა საერთო რაოდენობა 3 849-ს შეადგენს. დღეს „კოვიდ-19“ 761 ადამიანს დაუდასტურდა, 537 პაციენტი გამოჯანმრთელდა. შეგახსენებთ, გუშინ, 7 აპრილს საქართველოში კორონავირუსის 687 ახალი შემთხვევა გამოვლინდა, გამოჯანმრთელდა 327 პაციენტი, რვა კი გარდაიცვალა.

მეტი...

როცა მეგი ბაქრაძეს გართულება დაეწყო, ექიმი დაყოვნების ოთახში არც ყოფილა – პროკურატურა

ახალციხეში, ვაქცინაციის შემდგომი გართულებებით გარდაცვლილ ექთანის სს საქმეში პროკურატურამ ბრალდებულები გამოკვეთა. ამ ეტაპისთვის, საუბარია კლინიკის სამ ექიმზე, რომლებსაც პროკურატურამ ბრალი წაუყენა. პროკურატურის ინფორმაციით, აცრის შემდეგ მეგი ბაქრაძის მიმართ არანაირი მედიკამენტის გამოყენება არ მომხდარა და უფრო მეტის, მას შემდეგ, რაც მას გართულება დაეწყო, ექიმი ე.წ. დაყოვნების ოთახში საერთოდ არ ყოფილა. როგორც პროკურატურაში განმარტავენ, ბრალდებულები ცდილობდნენ, ეს ინფორმაცია დამალულიყო და არ გამჟღავნებულიყო. “ბრალდებული ექიმის, ვ.ი.-ს ჩვენების მიხედვით, 18 მარტს, ახალციხის კლინიკაში, იმუნიზაციის შემდგომი დაყოვნების ოთახში მყოფი მ.ბ.-ს ჯანმრთელობის მდგომარეობის გაუარესების შემდეგ, გართულების დაწყებისთანავე, თითქოს მის მიერ და ასევე მისი ხელმძღვანელობით, პაციენტს ჩაუტარდა…

მეტი...

ახალციხეში გარდაცვლილი ექთნის საქმეზე ექიმებს ბრალი წარუდგინეს

საქართველოს პროკურატურამ, ახალციხეში ექთნის მეგი ბაქრაძის გარდაცვალების საქმეზე ახალციხის კლინიკა „იმედის“ ექიმებს ბ.ლ.-ს, ვ.ი-ს და ექთანს თ.გ.-ს ბრალი წარუდგინა. ინფორმაციას საქართველოს პროკურატურა ავრცელებს. პროკურატურის ინფორმაციით, მათ მათ ხელი შეუშალეს მართლმსაჯულებას და გამოძიებას ცრუ ინფორმაცია მიაწოდეს. პროკურატურის ინფორმაციით, გამოძიებით დადგინდა, რომ იმუნიზაციის შემდეგ მეგი ბაქრაძის მიმართ რაიმე მედიკამენტი არ გამოუყენებიათ და იმ დროს, როცა მეგი ბაქრაძეს გაუწიეს გართულების შემდგომი გადაუდებელი სამედიცინო დახმარება, ექიმი ვ.ი. დაყოვნების ოთახში საერთოდ არ იმყოფებოდა. “საქართველოს შინაგან საქმეთა სამინისტროში მ.ბ.-ს სიცოცხლის გაუფრთხილებლობით მოსპობის ფაქტზე, გამოძიება საქართველოს სსკ-ის 116-ე მუხლის პირველი ნაწილით 19 მარტს დაიწყო. გამოძიების შედეგად დადგინდა,…

მეტი...

პარლამენტში „კორონავირუსი“ გავრცელდა

საქართველოს პარლამენტის წევრები – მამუკა მდინარაძე, ბექა დავითულიანი, ირაკლი მეძმარიაშვილი და მაია მენაღარიშვილი ინფიცირებულები არიან. საკანონმდებლო ორგანოს კიდევ რამდენიმე წევრს კვლევა უტარდება. როგორც ფრაქცია „ქართული ოცნების“ თავმჯდომარეს მამუკა მდინარაძე აცხადებს, მას ვირუსი რამდენიმე წუთის წინ დაუდასტურდა. „ეს ამბავი მხოლოდ ერთმა შეცდომამ განაპირობა, რამდენიმე თვის განმავლობაში ასეთი არ დამიშვია. როდესაც ვინმეს ესაუბრებით, ერთი წუთითაც კი არ მოიხსნათ პირბადე, არც ერთი წუთით! ეს არის ჩემი, უკვე პირად გამოცდილებაზე დამყარებული რჩევა. ბოლო დღეებია ირგვლივ ძალიან ბევრი შემთხვევა დაგროვდა, რისკები ძალიან გაიზარდა. ყველას უმორჩილესად გთხოვთ, ზედმიწევნით დაიცავით რეგულაციები, ყველგან ატარეთ პირბადე, რითაც, გარდა ქვეყნის ეკონომიკისა,…

მეტი...

„ჩვენი პირველი მტერი არის სუფრა“ – პაატა იმნაძე

დაავადებათა კონტროლისა და საზოგადოებრივი ჯანდაცვის ეროვნული ცენტრის სამეცნიერო საბჭოს ხელმძღვანელის, პაატა განცხადებით, თუ მოსახლეობა რეკომენდაციების მკაცრად არ დაიცავს, შემზღუდველი ღონისძიებების გამკაცრება გახდება საჭირო. „შეზღუდვები თუ არ გვინდა, უნდა დავიცვათ ელემენტარული რეგულაციები. ყველა ეპიდაფეთქება, რაც დღეს გვაქვს ქვეყანაში, ეგრეთ წოდებული კლასტერები, გარდა ოჯახურისა, არის ქეიფის, ჭირის სუფრის, ქორწილების შემდეგ. გასაგებია, რომ პირბადით სუფრასთან ვერ დაჯდები. ჩვენი პირველი მტერი არის სუფრა. სადაც არის რეგულაციები დაცული, იქ კორონავირუსის გავრცელების რისკი არის დაბალი. ჩვენ ხომ ვხედავთ, სადაც ეპიდაფეთქებებია, იმ დასახლებულ პუნქტებში მკაცრდება რეჟიმი“, – განაცხადა პაატა იმნაძემ.

მეტი...

„ეპიდსიტუაცია რთულდება და უარესდება, მარტო შოლტი და მათრახი არ მუშაობს“ – ამირან გამყრელიძე

„ქვეყანაში ეპიდემიოლოგიური სიტუაცია გართულებულია.  ყველა ინდიკატორი იმატებს, რაც კი კორონავირუსს ახასიათებს. ეს მესამე ტალღის დაწყების ზღვარია. მარტო შოლტი და მათრახი არ მუშაობს,  მთავარი ჩვენი თვითკონტროლი და თვითდისციპლინაა“ – აცხადებს დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორი ამირან გამყრელიძე.   მისივე ინფორმაციით, ქვეყანაში ე.წ. კლასტერების რაოდენობაც მატულობს. „დღეს ქვეყანაში, ათი „კლასტერია“ ჩამოყალიბებული. ყველა კლასტერის ეპიდაფეთქება დაიწყო ქორწილებიდან და ქელეხებიდან. საზოგადოება შევთანხმდეთ რა, სოლიდარული ხომ უნდა ვიყოთ და ამ ხნის განმავლობაში თავი შევიკავოთ ამ ტიპის შეკრებებისგან. ინფექცია სერიოზულად ცირკულირებს ქვეყანაში. გვინდა ისევ ნოემბერი და დეკემბერი?“ – აცხადებს გამყრელიძე.

მეტი...

„მცირდება ის კაპრიზი, ჭირვეული ბავშვის მოთხოვნა, რომ „ფაიზერი“ უნდოდათ“ – თენგიზ ცერცვაძის მიმართვა

ინფექციური საავადმყოფოს გენერალური დირექტორის, თენგიზ ცერცვაძის განცხადებით, ხალხი „ასტრაზენეკასკენ“ შემობრუნდა, რადგან ისინი დარწმუნდნენ, მას უპირატესობაც კი აქვს. „ძალიან ცუდი სიტუაცია იყო, ჩავარდნა – პირდაპირ ასე ვთქვათ, ვაქცინაციის თვალსაზრისით. პირველ ათ დღეში, სულ 1 000 კაცი აიცრა, რაც არაფერია, ჩვენ წლის ბოლომდე მოზრდილი მოსახლეობის 60%-ის აცრა გვაქვს სამიზნედ, მაგრამ ჩვენ ჩვენი მიზანი გვაქვს დასახული იმასთან დაკავშირებით, თუ როდის აიცრება მოზრდილი მოსახლეობის 1%, ეს არის 28 000. რატომღაც, ყველას გვაქვს ასეთი რწმენა, 1%-იან ზღვარს თუ გადავლახავთ, ეს ნიშნავს იმას, რომ მოსახლეობამ სკეპტიციზმი დაძლია და დაიძრა მასობრივი ვაქცინაცია. თუ 1%-ს გადავაცილეთ, მერე წავალთ ძალიან…

მეტი...

„თბილისი შედარებით იცავს, რეგიონებში მოშვებულია“ – თენგიზ ცერცვაძე რეგულაციების დაცვაზე

თბილისის ინფექციური საავადმყოფოს ხელმძღვანელის განცხადებით, კორონავირუსის გავრცელების მხრივ, რეგიონებში სიტუაცია გაცილებით რთულია. შესაბამისად, მთავარი ინფექციონისტი რეგიონების კუთხით, კონტროლისა და რეგულაციების გამკაცრების მომხრეა. „ქართველი კაცი ვერასდროს ამბობდა უარს ხალხმრავალ შეკრებებზე, მათ შორის სამეგობროს შეკრებებზე, ქორწილზე, ქელეხზე, მაგრამ მათი რაოდენობა იყო მინიმალური. თუ ერთი-ორი შეკრება იქნებოდა, ის ცნობილი ყველასთვის ხდებოდა. ახლა სამწუხაროდ, პირბადეების გამოყენება ჩამოვიდა 40%-ზე, სოციალურ დისტანცირებას აღარ ვიცავთ და ხალხმრავალი შეკრებები გამრავლდა, განსაკუთრებით რეგიონებში. თბილისი შედარებით იცავს, მაგრამ რეგიონებში არის მოშვებული“ – აცხადებს თენგიზ ცერცვაძე.   მთავარი ინფექციონისტის თქმით, საჭიროა ორთვიანი მოთმინება, რომ ისევ მძიმე შედეგები არ მივიღოთ. „მოითმინონ ერთი-ორი თვე, სადაც ნოემბერ-დეკემბრის…

მეტი...

“მოსახლეობის რაღაც ნაწილისთვის თვითმიზანიც გახდა, რომ შემთხვევებმა მოიმატოს” – თენგიზ ცერცვაძე ვირუსის მატებაზე

ინფექციური საავადმყოფოს დირექტორის, მთავარი ინფექციონისტის, თენგიზ ცერცვაძის განცხადებით, ქვეყანაში ეპიდემიოლოგიური მდგომარეობა გაუარესებულია. როგორც ინფექციონისტმა მედიასთან განაცხადა, არ გამორიცხავს, მოქალაქეების ნაწილს არსებული ვითარების გართულება ხელს აძლევდეს. „მართალია, დღეს შემთხვევების რაოდენობა ცოტა არ არის, ბევრია, მაგრამ გუშინდელთან შედარებით, 200-ით შემცირდა. აი, ეს მაფიქრებინებს, რომ ჯერ ის, რაც ასე ძალიან არ უნდა ქვეყნას, ყველა ნორმალურ ადამიანს, ჯერ ჩვენთან მესამე ტალღა არ არის. ყველა ნორმალურ ადამიანს, რადგან შთაბეჭდილება მრჩება, რომ მოსახლეობის გარკვეულ ნაწილს უნდა კიდეც. შესაძლოა, ამას არ უნდა ვამბობდე, მაგრამ მოსახლეობის რაღაც ნაწილისთვის მგონი, თვითმიზანიც გახდა, რომ შემთხვევებმა მოიმატოს, შედეგ კი ამით მანიპულირება მოხდეს,…

მეტი...

გარდაცვლილი ექთნის საქმეში ახალი გარემოებები იკვეთება

ბაქრაძის ოჯახის ადვოკატების ინფორმაციით, დაავადებათა კონტროლის ცენტრის დირექტორის მოადგილემ არც დაადასტურა და არც უარყო ინფორაცია, ჰქონდა თუ არა დაღუპულ ექთანს გადატანილი კორონავირუსი. მათივე ინფორმაციით, ექიმ-ალერგოლოგის გამოკითხვის მიხედვით, ირკვევა, რომ ალერგიული ფონი ორგანიზმში სავარაუდოდ ნორმაში არ იყო. გარდაცვლილი ექთნის საქმე 7 ტომისგან შედგება, საიდანაც 5 ტომი მოწმეების გამოკითხვას ეთმობა. ოჯახის ადვოკატების თქმით, ყოველ ჯერზე სამედიცინო დაწესებულების წარმომადგენლები გამომძიებლებს ურთიერთგამომრიცხავ ინფორმაციას აწვდიდნენ, რომელმაც გარდაცვლილი ექთნის საქმე ბუნდოვანი გახადა. “თუ ვაქცინაციის პროტოკოლი იყო დაცული და 30 წუთიანი დაკვირვების ქვეშ იმყოფებოდა 10-ივე პირი, მინიმუმ მეგი ბაქრაძესთან ერთად უნდა ყოფილიყო დაკვირვების ოთახში 8 ან 9 ადამიანი, რომელიც გამოძიების…

მეტი...

“ეპიდვითარება კონტროლზე უნდა იყოს, ვერ დავუშვებთ სამედიცინო სექტორის გადატვირთვას” – ბიძინა კულუმბეგოვი

ეპიდვითარება კონტროლზე უნდა იყოს, ვერ დავუშვებთ სამედიცინო სექტორის გადატვირთვას, დღეში 4 და 5 ათას ახალ შემთხვევამდე ამის აყვანას, ეს დამაზიანებელი იქნება ჩვენთვის, – ამის შესახებ ალერგოლოგმა, ბიძინა კულუმბეგოვმა საქართველოს პირველ არხს განუცხადა. „საზოგადოებას ხშირად უნდა შევახსენოთ პირბადის მნიშვნელობა, ეპიდვითარების გაკონტროლებაში პირბადეს დიდი მნიშვნელობა აქვს და შეზღუდვების შემოღებამდე არსებული უნდა გაამკაცროს. შეიძლება სწორად ბევრი რამის მოფიქრება, იგივე ვაქცინირებული ადამიანების რაღაცები უფრო ხელმისაწვდომი გახადო და არ დაკეტო ბიზნესი, ვაქინაციის შემთხვევაში იქ ადამიანებს შეეძლოთ მისვლა. ამაზე უნდა იფიქროს ქვეყანამ, ასევე აღსრულების ნაწილზეც, იქნება ეს ტრანსპორტი თუ სხვა, სადაც გავრცელების ყველაზე დიდი რისკია, უნდა იყოს მკაცრად გაკონტროლებული“, – განაცხადა ბიძინა კულუმბეგოვმა.…

მეტი...

კორონავირუსის ახალი შემთხვევებიდან 351 თბილისში, 84 სამეგრელო-ზემო სვანეთში, 68 კი იმერეთში გამოვლინდა

კორონავირუსის ახალი შემთხვევებიდან 351 თბილისში, 84 სამეგრელო-ზემო სვანეთში, 68 კი იმერეთში გამოვლინდა, – ამის შესახებ ინფორმაციას მთავრობის ადმინისტრაციის პრესსამსახური ავრცელებს. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 27 713 კვლევა ტესტით, მათ შორის 17 490 კვლევა ანტიგენის ტესტით და 10 223 „პისიარ“ ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 687 ახალი დადასტურებული შემთხვევა. ქვეყანაში „კოვიდ-19“-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 285 645-ს. რაც შეეხება დადებითობის მაჩვენებელს, 6 აპრილის მდგომარეობით, დადებითობის დღიური მაჩვენებელი არის 2.48 %, ბოლო 14 დღის მანძილზე – 1.98%,…

მეტი...

საქართველოში კორონავირუსის 687 ახალი შემთხვევა გამოვლინდა, გამოჯანმრთელდა 327 პაციენტი

საქართველოში კორონავირუსის 687 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 327 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა რვა პაციენტი. ბოლო 24 საათში ქვეყანაში ჩატარდა 27 713 ტესტი, მათ შორის ანტიგენის სწრაფი ტესტით – 17 490, პისიარტესტით – 10 223. ქვეყანაში კორონავირუსის გამოვლენის დადებითობის მაჩვენებლებია: დღიური – 2,48 პროცენტი, ბოლო 14 დღის – 1,98 პროცენტი, ბოლო შვიდი დღის – 2,42 პროცენტი. საქართველოში კორონავირუსით ინფიცირების სულ 285 645 შემთხვევაა გამოვლენილი, მათგან 275 547 გამოჯანმრთელდა, 3 840 კი გარდაიცვალა. კარანტინის რეჟიმშია 169, სტაციონარში მეთვალყურეობას 1 984 ადამიანი გადის, კლინიკურ სასტუმროში იმყოფება 291 პირი. ამასთან, 6 აპრილის…

მეტი...

საქართველოში ბოლო 24 საათში კორონავირუსით რვა პაციენტი გარდაიცვალა

საქართველოში ბოლო 24 საათში კორონავირუსით რვა პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. საქართველოში კორონავირუსით გარდაცვლილთა საერთო რაოდენობა 3 840-ს შეადგენს. დღეს „კოვიდ-19“ 687 ადამიანს დაუდასტურდა, 327 პაციენტი გამოჯანმრთელდა. შეგახსენებთ, გუშინ, 6 აპრილს საქართველოში კორონავირუსის 897 ახალი შემთხვევა გამოვლინდა, გამოჯანმრთელდა 196 პაციენტი, შვიდი კი გარდაიცვალა.

მეტი...

“ბატონებო და ქალბატონებო! გაფრთხილდით – აცრა არ ნიშნავს, რომ იმ დღიდან დაცულები ხართ“

„ბატონებო და ქალბატონებო! გაფრთხილდით“ – ასე იწყებს მიმართვას ვახტანგ ბოჭორიშვილის სახელობის კლინიკის გენერალური დირექტორი დავით გადელია, რომელიც ვაქცინაციის შემდგომ ანტისხეულების გამომუშავებაზე საუბრობს. „აცრა არ ნიშნავს იმას, რომ იმ დღიდანვე დაცული ხართ ინფექციისგან! აცრით იწყება თქვენი ორგანიზმის მიერ ანტისხეულების გამომუშავება (წარმოქმნა). ეს პროცესი დროს მოითხოვს და ამასთან დამოკიდებულია ორგანიზმის ინდივიდუალობაზე. არის სამწუხაროდ ალბათობაც, რომ საერთოდ არ გამომუშავდეს ანტისხეული. სწორედ ესაა ვაქცინის ეფექტურობის პროცენტი. ასე რომ, აცრის შემდეგაც დაიცავით თავი და არ იქნება ურიგო, თუ 3-კვირის შემდეგ გაისინჯავთ, წარმოიქმნა თუ არა ანტისხეულები“ – აცხადებს გადელია.

მეტი...

„ვართ გზაგასაყარზე… ცეცხლთან თამაში არ შეიძლება“ – მთავარი ინფექციონისტის გაფრთხილება

„თუ გვინდა, არ გვქონდეს შეზღუდვები, უნდა ჩავერთოთ ვაქცინაციის მასშტაბურ კამპანიაში, ვატაროთ პირბადე, დავიცვათ დისტანცია და თავი ავარიდოთ ხალხმრავალ შეკრებებს“ – აცხადებს ინფექციური საავადმყოფოს გენერალური დირექტორი თენგიზ ცერცვაძე და მოსახლეობას „მესამე ტალღის“ მოახლოების შესახებ აფრთხილებს. „სადღეისოდ მთელს მსოფლიოში, პირველ რიგში ევროპის და ამერიკის ქვეყნების დიდ უმრავლესობაში აღინიშნება COVID-19-ის ახალი შემთხვევების და გარდაცვალების მატება. ევროპის ზოგიერთ ქვეყანაში უკვე საუბრობენ ე.წ. მესამე ტალღის დაწყებაზე, ან მის მოახლოებაზე. შესაბამისად, ევროპის ქვეყნების უმრავლესობა ამკაცრებს შეზღუდვებს, ხოლო ზოგიერთმა მათგანმა უკვე გამოაცხადა ე.წ. მესამე lockdown- ი. მდგომარეობას ართულებს SARS-CoV-2-ის ახალი შტამებით (ე.წ. ბრიტანული, სამხრეთ აფრიკული და სხვ., რომლებიც მეტი…

მეტი...

საქართველოში, კორონავირუსის 10 მოზრდილი კლასტერი გაჩნდა

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის,  ამირან გამყრელიძის განცხადებით, ქვეყანაში ვირუსის ე.წ. კლასტერული გავრცელება უკვე დაიწყო და სახეზეა 10 კლასტერი. „დღეისთვის,  მოზრდილი ათი კლასტერი გვაქვს ქვეყნის სხვადასხვა რეგიონში, ესაა სამეგრელო, გურია, რაჭა-ლეჩხუმი, შიდა ქართლი და კიდევ რამდენიმე რეგიონი, რაც საყოველთაო გავრცელების წინა ეტაპია. ბევრ ქვეყანაში „მესამე ტალღა“ დაწყებულია და ჩვენც ვდგავართ „მესამე ტალღის“ დაწყების წინაშე.  დღეს 51 პროცენტია პირბადის ტარების მაჩვენებელი და ის 90 პროცენტამდე უნდა ავიყვანოთ, დავიცვათ ჰიგიენა, დისტანცია, ავარიდოთ თავი დიდი თავშეყრის ადგილებს“, – განაცხადა ამირან გამყრელიძემ. ეპიდემიოლოგები, შექმნილი რეალობიდან გამომდინარე, წერტილოვანი შეზღუდვების საჭიროებას ხედავენ. „სადაც…

მეტი...

„იძულებული ვიქნებით, დავაყენოთ საკითხი მძლავრი შემზღუდავი ღონისძიებების შემოღების“ – გაფრთხილება მოსახლეობას

კორონავირუსის გავრცელების მზარდი მატების გამო, დაავადებათა კონტროლისა და საზოგადოებრივი ჯანდაცვის ეროვნოლი ცენტრი ქვეყანაში არსებული შემზღუდველი ღონისძიებების გამკაცრების საჭიროებას ხედავს. თუ მოსახლეობა გაფრთხილებას არ გაითვალისწინებს, „მესამე ტალღას“ ვუახლოვდებით, რაც მკაცრ აკრძალვებს აწესებს.   ამირან გამყრელიძემ მოსახლეობა დღეს კიდევ ერთხელ გააფრთხილა და რეგულაციების გამკაცრება დააანონსა. „უნდა დავიცვათ მთავარი რკომენდაციები და შეზღუდვები, რაც დღეს ქვეყანაში მოქმედებს. არა დიდ ქორწილებს; არა დიდ ჭირის სუფრებს; არა დიდ შეკრებებს; მუშაობის დიდი ნაწილის დისტანციურ მეთოდზე გადაყვანა. რითი შეიძლება შეკავდეს გავრცელება?  პირველ რიგში, განსაკუთრებული დისციპლინით ანუ ჩვენ ყველამ უნდა დავიცვათ ის მთავარი რეკომენდაციები და შეზღუდვები, რაც დღეს ქვეყანაში მოქმედებს“…

მეტი...

ქვეყანა „მესამე ტალღის“ წინა ეტაპზეა – ეპიდემიოლოგები გვაფრთხილებენ

დაავადებათა კონტროლისა და საზოგადოებრივი ჯანდაცვის ეროვნული ცენტრი კორონავირუსის ე.წ. მესამე ტალღას აანონსებს და განგაშის ზარის ატეხვის საჭიროებას ხედავს.   ამირან გამყრელიძის ინფორმაციით, ამ ეტაპზე, ქვეყანა კორონავირუსის გავრცელების მესამე ტალღის დაწყების წინა ეტაპზე იმყოფება. „ვართ სწორედ „მესამე ტალღის“ დაწყების წინა ეტაპზე. სწორედ ამ ტიპის ზრდა გვქონდა გასული წლის სექტემბრის ბოლოს, ოქტომბრის დასაწყისში. დღევანდელი სიტუაცია ძალიან მაგონებს იმ სიტუაციას, რომელითაც ინტენსიურ მეორე ტალღაში შევედით. საკმაო გამოცდილება დაგვიგროვდა პირველი და მეორე ტალღის, ძალიან არ გვინდა არავის, რომ ქვეყანაში მესამე ტალღა იყოს. ერთადერთი გამოსავალი არის ძალიან ძლიერი თვითდისციპლინა, ძალიან კარგად დაცვა ყველა რეკომენდაციის – პირბადე,…

მეტი...

“განგაშის ზარი უნდა შემოვკრათ” – ამირან გამყრელიძე

განგაშის ზარი უნდა შემოვკრათ – დაავადებათა კონტროლის ეროვნული ცენტრის ხელმძღვანელი ამირან გამყრელიძე ქვეყანაში შექმნილ ეპიდემიურ მდგომარეობას ამ სიტყვებით ეხმაურება. როგორც ამირან გამყრელიძე აცხადებს, თუ მოქალაქეები დაწესებულ შეზღუდვებს არ დაიცავენ, საკოორდინაციო საბჭო იძულებული გახდება, რომ დამატებითი შეზღუდვები იქნეს შემოღებული. “პირველი განგაშის ზარი უნდა იქნეს შემოკრული, რამეთუ ეპიდსიტუაცია ყველა ინდიკატორის მიხედვით უარესდება, რაც წინა ეტაპია საყოველთაო გავრცელების, ამიტომ ამაზე ყველამ განსაკუთრებული ყურადღება უნდა გავამახვილოთ, თუ როგორ უნდა შეკავდეს ეს ყველაფერი. პირველ რიგში, განსაკუთრებული დისციპლინით. ამიტომაც, დიდი თხოვნაა, რომ არ დაგვჭირდეს დამატებითი, ძლიერი შემზღუდავი ღონისძიებების შემოღება ქვეყანაში, ყველამ დავიცვათ ის რეკომენდაციები, რაც დღეს…

მეტი...

“რისკები, რომ საბჭოს წევრებში იყოს ვირუსის გადაცემა, ნაკლებია” – დიმიტრი ხუნდაძე

პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე, დიმიტრი ხუნდაძე პრემიერ-მინისტრისთვის COVID-19-ის დადასტურებას ეხმაურება. მისი თქმით, რისკები, რომ საბჭოს წევრებში იყოს ვირუსის გადაცემა, ნაკლებია.  “ის, რომ დღეს პრემიერ-მინისტრი დაინფიცირდა, კიდევ არის დასტური იმისა, რომ ვირუსმა არ იცის თანამდებობა, არ იცის გვარი სახელი, ეთნოსი, წარმომავლობა, ასე რომ სიფრთხილე გვმართებს ყველას. რისკები, რომ თვითონ საბჭოს წევრებში იყოს გადაცემა, ნაკლებია. თუმცა, რა თქმა უნდა, უფრო დაკონკრეტდება კონტაქტების სიახლოვე. ერთია წესების დადგენა და მეორეა მისი დაცვა. ეს არის აუცილებელი. სწორედ ამიტომ, სამართალდამცველებს არა ერთხელ უწევთ რომ გამოიყენონ ადმინისტრაციული საჯარიმო სანქციები. რაც მეტად ჩამოვაცილებთ პოლიტიკას ამ პროცესს, ვფიქრობ, რომ…

მეტი...

ჯანდაცვის მსოფლიო ორგანიზაცია მოგზაურობისთვის ვაქცინაციის პასპორტების მოთხოვნას ამ ეტაპზე მხარს არ უჭერს

ჯანდაცვის მსოფლიო ორგანიზაცია მოგზაურობისთვის ვაქცინაციის პასპორტების მოთხოვნას ამ ეტაპზე მხარს არ უჭერს – ამის შესახებ ჯანდაცვის მსოფლიო ორგანიზაციის პრესპიკერმა მარგარეტ ჰარისმა განაცხადა, რომელსაც სააგენტო „როიტერი“ ავრცელებს. ორგანიზაციის წარმომადგენელმა ვაქცინაციის პასპორტებთან დაკავშირებით პოზიცია განმარტა იმით, რომ ჯერჯერობით არ არის დამტკიცებული, აღკვეთს თუ – არა აცრა ვირუსის გადაცემას. ამასთან, მეორე მიზეზად მან თანასწორობის საკითხი დაასახელა. როგორც მარგარეტ ჰარისმა განაცხადა, ჯანდაცვის მსოფლიო ორგანიზაცია „კოვიდ-19“-ის საწინააღმდეგო ვაქცინების „სინოფარმისა“ და „სინოვაკის“ საგანგებო მოხმარებისთვის დამტკიცების საკითხს დაახლოებით აპრილის ბოლოსთვის განიხილავს. მარგარეტ ჰარისის თქმით, ჯანდაცვის მსოფლიო ორგანიზაცია ვაქცინებთან დაკავშირებით დამატებით მონაცემებს საჭიროებს

მეტი...