“ეჭვგარეშეა, რომ საქართველო შეერთებული შტატების მნიშვნელოვანი და სტრატეგიული პარტნიორია” – ახალი ელჩი

„თითქმის ოცდაათწლიანი თანამშრომლობის განმავლობაში, ჩვენ მოწმენი გავხდით შესანიშნავი ტრანსფორმაციისა, რაც ქართველების სიმამაცისა და საკუთარი ქვეყნის დამოუკიდებლობის სიყვარულის შედეგია“ – აღნიშნული განცხადება ამერიკის შეერთებული შტატების ახალმა ელჩმა საქართველოში, კელი დეგნანმა ფიცის დადებისას განაცხადა. ელჩმა საარჩევნო წელზეც ისაუბრა და აღნიშნა, რომ საპარლამენტო არჩევნები მნიშვნელოვანი შესაძლებლობაა ქართველებისთვის, მსოფლიოს ის პროგრესი აჩვენონ, რომლისთვისაც ამდენი იშრომეს. „ვრცელი სამუშაო გეგმა გვაქვს საქართველოსთან და ბევრს ველით ჩვენი ქართველი მეგობრებისგან. ქართველებმა გვაჩვენეს, რომ აქვთ შეუპოვრობა და მხნეობა იმ დემოკრატიული პროცესების დასაცავად და საჭირო რეფორმების გასატარებლად, რომლის დამკვიდრებისთვისაც ამდენი იშრომეს და რაც ძალიან მნიშვნელოვანია, საქართველოს ტრანსატლანტიკური ინტეგრაციისათვის. ეჭვგარეშეა, რომ საქართველო…

მეტი...

ე.წ. პრეზიდენტს ჯილდოები მოპარეს

სოხუმში რაულ ხაჯიმბას ჯილდოები მოიპარეს, – „მოპარულია პრეზიდენტის ყველა ჯილდო. გატეხილია ყველა სეიფი. გაძარცვეს ოთახი, სადაც იარაღი ინახებოდა“ – წერს რუსული მედია. „მოპარულია პრეზიდენტის ყველა ჯილდო. გატეხილია ყველა სეიფი. გაძარცვეს ოთახი, სადაც იარაღი ინახებოდა“ – წერს რუსული მედია. შეგახსენებთ, რუსეთის მიერ ოკუპირებული აფხაზეთს ე.წ. პრეზიდენტმა, რაულ ხაჯიმბამ გადადგომის შესახებ განცხადება „პარლამენტს“ 12 იანვარს გაუგზავნა.

მეტი...

„აფხაზეთის მიმართ პოლიტიკა რომ გვქონოდა შემუშავებული, პროცესების მონაწილე ვიქნებოდით და არა დამკვირვებელი“ – ბექა ნაცვლიშვილი

“სამწუხაროა, რომ საქართველოს მთავრობა და ზოგადად, ქვეყანა ისევ სტატისტის როლში აღმოჩნდა და გარედან აკვირდება პროცესებს, რაც აფხაზეთში ხდება, თითქოს, იქ მიმდინარე მოვლენები სხვა ქვეყანაში მიმდინარეობს. როგორც ჩანს, დღემდე ვერ შეიმუშავა მთავრობამ კონკრეტული პოლიტიკა აფხაზეთის მიმართ“ – ეს განცხადება პარლამენტის დამოუკიდებელმა დეპუტატმა ბექა ნაცვლიშვილმა „მედიაცენტრ მთავარში“ გააკეთა და საქართველოს ხელისუფლება, აფხაზეთთან მიმართებაში, პოლიტიკის არ არსებობაში დაადანაშაულა. როგორც პარლამენტის წევრმა აღნიშნა, აფხაზეთში ერთი კლანი მეორემ ჩაანაცვლა და ამით, დანარჩენი საქართველოსთვის არც არაფერი იცვლება. „ამ ფორმით, როგორც აფხაზეთში მიმდინარე პროცესები ჩვენთან შუქდება, პროცესები მხოლოდ პოსტ საბჭოთა ქვეყნის რესპუბლიკაში შუქდება. თითქოს, იგივე დამოკიდებულება და…

მეტი...

“განსხვავებული გზა აფხაზეთისთვის დამანგრეველი იქნება” – რაულ ხაჯიმბა

აფხაზეთის დე ფაქტო რესპუბლიკის ე.წ. პრეზიდენტმა რაულ ხაჯიმბამ ე.წ. თანამდებობა დატოვა. რაულ ხაჯიმბამ თანამდებობის დატოვების შემდეგ, განცახდება გასაკეთა. “ბოლო პერიოდში აფხაზეთში რთული ვითარება იყო, მე ყველაფერი გავაკეთე ხალხის დაპირისპირების ასაცილებლად. ბოლო 5 წელიწადში ბევრი რამ გაკეთდა, მაგრამ მაინც არსებობს გარკვეული პრობლემები. მხარს ვუჭერ იმ მოსაზრებას, რომ არჩევნები და პოლიტიკური პროცესები ჩვენი ქვეყნის კონსტიტუციასა და კანონმდებლობას უნდა შეესაბამებოდეს, განსხვავებული გზა აფხაზეთისთვის დამანგრეველი იქნება,”-განაცხადა რაულ ხაჯიმბამ. შეგახსენებთ, რომ ოკუპირებული აფხაზეთის დე ფაქტო პრეზიდენტმა რაულ ხაჯიმბამ უფლებამოსილების შეჩერების შესახებ გადაწყვეტილება მიიღო. ჯერ-ჯერობით უცნობია, ვინ შეასრულებს დე ფაქტო პრეზიდენტის მოვალეობას. განმეორებითი ე.წ. საპრეზიდენტო არჩევნები აფხაზეთში…

მეტი...

„ყურადღებით ვაკვირდები სოხუმში მიმდინარე მოვლენებს” – პრეზიდენტი

საქართველოს პრეზიდენტი, სალომე ზურაბიშვილი სოხუმში განვითარებულ მოვლენებს სოციალურ ქსელში ეხმაურება. როგორც სალომე ზურაბიშვილი წერს, ოკუპირებულ ტერიტორიაზე, მოქალაქეების უსაფრთხოებას ყურადღებას აქცევს. „ყურადღებით ვაკვირდები სოხუმში მიმდინარე მოვლენებს და ოკუპირებულ აფხაზეთში ჩვენი მოქალაქეების უსაფრთხოებას, ბედსა და მათი უფლებების დაცვას”, – წერს სოციალურ ქსელში პრეზიდენტი. შეგახსენებთ, რომ აფხაზეთში ვითარება გუშინ დაიძაბა. ოპოზიციის პროტესტი აფხაზეთის დე ფაქტო რესპუბლიკის ე.წ. უზენაესი სასამართლოს გადაწყვეტილებას მოჰყვა, რომლის მიხედვითაც ალხას კვიცინიას სარჩელის განხილვა ე. წ არჩევნების შედეგების გაბათილებასთან დაკავშირებით, განუსაზღვრელი ვადით გადაიდო.

მეტი...

აფხაზეთში ე.წ. ფინანსთა სამინისტრომ ყველა ფინანსური ოპერაცია შეაჩერა

ოკუპირებული აფხაზეთის ე.წ. ფინანსთა სამინისტრომ ყველა ფინანსური ოპერაცია შეაჩერა. ამის შესახებ ოკუპირებული რეგიონის ე.წ. ფინანსთა მინისტრმა ჯანსუღ ნანბამ განაცხადა. მისივე თქმით, „მინისტრთა კაბინეტი“ მუშაობს, თუმცა არასრული შემადგენლობით, ამიტომ „გარკვეულ ფინანსურ ოპერაციებზე შეზღუდვა დაწესდა“. “მინისტრის” შეფასებით, თუ სიტუაცია არ შეიცვლება, ე.წ. მთავრობა „ხელფასებისა“ და „პენსიების“ გაცემას ვერ შეძლებს. ოკუპირებული აფხაზეთის ე.წ. პრეზიდენტის ადმინისტრაციის შენობასთან  პროტესტი გუშინ დაიწყო, რომელიც ე.წ. ადმინისტრაციაში შეიჭრითა და დარბევით დასრულდა. აქციის მონაწილეები უკანონოდ ცნობენ ე.წ. არჩევნების შედეგებს, რომელშიც, ოკუპირებული აფხაზეთის „ცენტრალური საარჩევნო კომისიის“ მონაცემებით, რაულ ხაჯიმბამ გაიმარჯვა. ამასთან, ოკუპირებული აფხაზეთის დე ფაქტო პარლამენტმა მიიღო დოკუმენტი, რომელიც რაულ…

მეტი...

„ახალი დე ფაქტო არჩევნები, რუსეთი აფხაზეთს სხვა გადაწყვეტილებას არ მიაღებინებს“ – ჯემალ გამახარია

აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია აცხადებს, რომ რუსეთი აფხაზეთის ე.წ. ხელისუფლებას თავისუფლად მოქმედების შესაძლებლობას არ მისცემს და პროცესები დე ფაქტო არჩევნებისკენ წავა. აღნიშნულ თემაზე ჯემალ გამახარიამ „მედიაცენტრ მთავარში“ ისაუბრა. „ერთ-ერთი მიზეზი, რამაც აფხაზეთში ბაკქანალია შექმნა, ე.წ. საპრეზიდენტო არჩევნებია, რომელსაც აპროტესტებენ. იქაური სასამართლო არჩევნების შედეგებთან დაკავშირებით გადაწყვეტილებას ვერ მიიღებს. ეს რომ გააკეთოს და არჩევნები ლეგიტიმურად ჩათვალოს, ამით პირდაპირ რუსეთს დაარტყამს. რუსეთი კი მათ მსგავს გადაწყვეტილებას არ მიაღებინებს. ამიტომ, იქნება ახალი დე ფაქტო არჩევნები“ – განაცხადა ჯემალ გამახარიამ „მედიაცენტრ მთავარში“. აფხაზეთის ავტონომიური რესპუბლიკის უმაღლესი საბჭოს თავმჯდომარე დარწმუნებულია, რომ ყველა,…

მეტი...

,,ჩათვალეთ, რომ ხაჯიმბა გადაგდებულია, აფხაზეთში აფხაზებისთვის ადგილიც არ დარჩება’’- ჯემალ გამახარია

„ხაჯიმბა აუცილებლად წავა თანამდებობიდან“ –  ეს  განცხადება აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარიამ „მედიაცენტრ მთავარში“ გააკეთა და აფხაზეთში მიმდინარე პროცესებს კრიმინალებისა და პოლიტიკოსების ერთობლივი მოქმედება უწოდა. „ღრმად ვარ დარწმუნებული, ამაზე ჩვენ ადრეც ვსაუბრობდით, აგვისტო-სექტემბერში, როდესაც აფხაზეთში ე.წ. არჩევნების პირველი და  მეორე ტური იყო. ხაჯიმბა აუცილებლად წავა თანამდებობიდან, ეს ჩემი აზრია. მოვლენების განვითარება ამას გვიჩვენებს, არა მხოლოდ გუშინდელ პროცესებზე დაყრდნობით, არამედ აგვისტო-სექტემბრიდან მოყოლებული, ხაჯიმბა განწირულია’’ – აღნიშნა გამახარიამ „მედიაცენტრ მთავარში.“ ჯემალ გამახარიას თქმით, ხაჯიმბა მზადაა მოლაპარაკებისთვის, თუმცა, მოლაპარაკება მხოლოდ მის გადადგომაზე შეიძლება. „ის მარტოა და არავინ დარჩა. დეფაქტო პარლამენტმა მისი…

მეტი...

ოკუპირებულ აფხაზეთში რუსეთის ე.წ. საელჩო მოქალაქეებს აფრთხილებს

რუსეთის ე.წ. საელჩო მოქალაქეებს პროტესტის ადგილიდან თავის არიდების აუცილებლობაზე კიდევ ერთხელ ახსენებს. როგორც დიპლომატიურ მისიაში აცხადებენ, ოკუპირებული აფხაზეთის დანარჩენ ადგილებში ვითარება მშვიდი რჩება. ოკუპირებულ აფხაზეთში რუსეთის ე.წ. საელჩო ტურისტებს კიდევ ერთხელ აფრთხილებს, თავი აარიდონ ე.წ. პრეზიდენტის ადმინისტრაციის შენობას და იმ ადგილებს, სადაც პარასკევს საპროტესტო აქციები გაგრძელდება. “უკეთესია, რომ არ გამოჩნდეთ ქალაქის ცენტრში, პრეზიდენტის ადმინისტრაციის ზონაში და სამთავრობო შენობების კომპლექსში, რადგანაც სწორედ იქ არის დაძაბულობა კონცენტრირებული,” – აცხადებს რუსეთის საელჩო.

მეტი...

,,ეს იყო კრიმინალებისა და პოლიტიკური პარტიების ერთობლივი იერიში’’- ჯემალ გამახარია აფხაზეთში მიმდინარე პროცესებზე

„აფხაზეთში დაწყებულ პროცესებს ხელმძღვანელობს არა რომელიმე პოლიტიკური ძალა, არამედ, კრიმინალი ახრა ავიძბა. ის პროცესები, რაც აფხაზეთში მიმდინარეობს, კრიმინალებისა და პოლიტიკური ძალების ერთობლივი მოქმედებით ხდება“ – ეს განცხადება აფხაზეთის ავტონომიური რესპუბლიკის უმაღლესი საბჭოს თავმჯდომარემ, ჯემალ გამახარიამ „მედიაცენტრ მთავარში“ გააკეთა. როგორც ჯემალ გამახარიამ აღნიშნა, მიმდინარე წელი საინტერესოდ დაიწყო, თუმცა,  ის ბაკქანალია, რაც აფხაზეთში ხდება, რუსეთის მონაწილეობის გარეშე გამორიცხულია. „წელი აფხაზეთიდან დევნილებისთვის და აფხაზეთისთვის სიანტერესოდ დაიწყო. ის, რაც ახლა ხდება არ იყო მოულოდნელი. სიტუაცია ყველასთვის ცნობილია, მაგრამ ერთ მნიშვნელოვან გარემოებაზე ვამახვილებ ყურადღებას, მიზეზად, ყველა არჩევნების გაყალბებას ასახელებს, ეს სწორია მაგრამ, გუშინდელი მოვლენების ხელმძღვანელი…

მეტი...

401 დევნილი ოჯახი, საქართველოს ნებისმიერ რეგიონში სახლს მიწის ნაკვეთით თავად აირჩევს

საკუთარი სახლი მალე 401 დევნილ ოჯახს ექნება. დევნილთა საკითხების შემსწავლელმა კომისიამ 700-ზე მეტი განაცხადი შეისწავლა და 401 სახლის შესყიდვის თაობაზე დადებითი გადაწყვეტილება მიიღო. “სოფლად სახლის” პროექტის ფარგლებში, იძულებით გადაადგილებული ოჯახი საქართველოს ნებისმიერ რეგიონში სახლს მიწის ნაკვეთით თავად არჩევს. კრიტერიუმების დაკმაყოფილების შემთხვევაში კი, სააგენტო დევნილი ოჯახისთვის აღნიშნულ სახლს შეისყიდის. თანხის რაოდენობა ოჯახის სულადობიდან გამომდინარე განისაზღვრება. “დევნილთა საკითხების შემსწავლელმა კომისიამ დაასრულა პროექტს სოფლად სახლის ფარგლებში მიღებული განაცხადების განხილვა. კომისიას წარედგინა 715 განაცხადი, საიდანაც 401 დევნილ ოჯახს ეთქვა დადებითი გადაწყვეტილება. ახლო მომავალში დევნილმა ოჯახებმა უნდა წარმოადგინონ მათ მიერ შერჩეული სახლები, რომელსაც სააგენტო ჩაუტარებს შესაბამის ექსპერტიზას. ექსპერტიზის…

მეტი...

“გამორიცხული არ არის, ირანიდან ლტოლვილები საქართველოსკენაც დაიძრნენ” – ამირან სალუქვაძე

ბრიგადის გენერლის, ანალიტიკოსის ამირან სალუქვაძის განცხადებით, თუ აშშ ირანს ეკონომიკურ სანქციებს დააკისრებს,  საქართველოში ირანიდან ლტოლვილების რიცხვის გაზრდა მოსალოდნელია. როგორც ბრიგადის გენერალმა „მედიაცენტრ მთავარს“ განუცხადა, ირანის მოსახლეობისთვის, ევროპის სხვა ქვეყნები, ასევე დასავლეთი ბევრად მიმზიდველია. “ტრამპა დაანანონსა საკმაოდ მწვავე სანქციები. რა თქმა უნდა, თუ ეკონომიკური ვითარება ირანში გაუარესდა, არაა გამორიცხული ლტოლვილთა ნაკადების ზრდა. რა თქმა უნდა,  ლტოლვილების რაოდენობა მოიმატებს საქართველოშიც. თუმცა, მათ გაცილებით მიმზიდველი ქვეყნები აქვთ, იგივე თავის გარემოცვაში, ევროპაში, კანადაში, არაბულ სამყაროში. მაინცდამაინც საქართველოში არ ჩამოვლენ, მაგრამ გარკვეული წილი იქნება. საგანგაშო ტენდენციებს ამ კუთხით ვერ ვხედავ”, – განუცხადა ამირან სალუქვაძემ “მედიაცენტრ…

მეტი...

თორნიკე ყიფიანი – საქართველოს ხმა ევროვიზიაზე

2020 წლის ევროვიზიის კონკურსზე საქართველოს თორნიკე ყიფიანი წარადგენს. თორნიკე ყიფიანი უკვე მეორე საერთაშორისო კონკურსის გამარჯვებულია, ისეთი, როგორიც  X Factor და „საქართველოს ვარსკვლავია“. სწორედ ამ პროექტის საშუალებით, ის ევროპის ყველაზე დიდი მუსიკალურ სცენაზე ქვეყანას წარმოადგენს. წელს, ევროვიზიის კონკურსი ნიდერლანდების ქალაქ როტერდამში 12, 14 და 16 მაისს Ahoy Arena-ზე გაიმართება. წლევანდელი კონკურსის სლოგანი, რომელშიც 41 ქვეყანა მონაწილეობს და მათ შორის ავსტრალიაც, არის Open Up (გაიხსენე). თორნიკე ყიფიანის საკონკურსო სიმღერა, სავარაუდოდ, ინგლისურენოვანი იქნება.

მეტი...

“ავის და კარგის გარჩევის უნარი და სიბრძნე მოგვეც და შენი სასუფევლის მკვიდრნი გაგვხადე” – პატრიარქის საშობაო ეპისტოლე

საქართველოს საპატრიარქომ  სრულიად   საქართველოს კათოლიკოს-პატრიარქის, მცხეთა თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია II-ის საშობაო ეპისტოლე გამოაქვეყნა, რომელსაც „მედიაცენტრი მთავარი“ უცვლელად გთავაზობთ. „ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამულენო. მოგმართავთ ქართველნო, აფხაზნო, ოსნო, ბერძენნო, უკრაინელნო, რუსნო, სომეხნო, ებრაელნო, აზერბაიჯანელნო, უდინნო, იეზიდნო, ქურთნო, ინგუშნო, ჩერქეზნო, ჩეჩენნო, ლეკნო და  ყოველნო ერნო: აჰა, დადგა ჟამი ღვთის განკაცების უდიდესი საიდუმლოსი. დღეს იშვა დამბადებელი, ,,რომლის მიერაც შეიქმნა ყოველი: მიწიერიც და ზეციერიც; ხილული თუ უხილავი, საყდარნი თუ უფლებანი, მთავრობანი, თუ ხელმწიფებანი,” დღეს იშვა…

მეტი...

დღეს, ექვთიმე ღვთის კაცის დაბადების დღეა

დღეს, საქართველოს მეჭურჭლეთუხუცესის, ეროვნული გმირის, წმინდანი ექვთიმე თაყაიშვილის დაბადების დღეა. ექვთიმე ყველა დროის ერთ-ერთი უდიდესი ქართველია. ის იყო საფრანგეთში გატანილი ქართული საგანძურის მცველი. კონსტანტინე გამსახურდიამ მას მეჭურჭლეთუხუცესი უწოდა. ექვთიმე თაყაიშვილი გარდაიცვალა 1953 წლის 21 თებერვალს. დაკრძალულია მთაწმინდის პანთეონში. 2002 წელს ის წმინდანად შერაცხეს და ექვთიმე ღვთის კაცი უწოდეს. მინიჭებული აქვს საქართველოს ეროვნული გმირის წოდება.

მეტი...

პერევი-ქარზმანის ე.წ. გამშვები პუნქტი გაიხსნა

რამდენიმე დღიანი ჩაკეტვის შემდეგ საჩხერეში, პერევი-ქარზმანის ე.წ. გამშვები პუნქტი გაიხსნა. ოკუპირებულ ტერიტორიაზე დარჩენილი მოქალაქეები საქართველოს ხელისუფლების კონტროლირებად ტერიტორიაზე გადმოსვლას უკვე ახერხებენ. მათი თქმით, რამდენიმედღიან იზოლაციას განსაკუთრებული პრობლემები არ შეუქმნია, თუმცა ბევრ ადამიანს სურდა ახლობლებთან დღესასწაულზე გადმოსვლა, რაც ე.წ. გამშვები პუნქტის ჩაკეტვის გამო ვერ შეძლეს. შეგახსენებთ საოკუპაციო რეჟიმმა, საახალწლო დღესასწაულების გამო, ერთადერთი ე.წ გამშვები პუნქტი 30 დეკემბერს დაკეტა.

მეტი...

“რაც გალში ხდება, დედამიწის ზურგზე, არსად ხდება” – ჰააგისთვის სარჩელი მზადდება

აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია თვლის, რომ რაც ენგურს მიღმა, კონკრეტულად კი, გალის რაიონში ხდება, არის დანაშაული კაცობრიობის წინაშე. როგორც ჯემალ გამახარიამ „მედიაცენტრ მთავარს“ განუცხადა, ადამიანის უფლებათა ევროპული და საერთაშორისო სასამართლოებისთვის მზადდება სარჩელი, ოკუპირებულ ტერიტორიებზე მცხოვრები ადამიანების უფლებების დარღვევის ფაქტებთან დაკავშირებით. ” ოკუპირებულ ტერიტორიაზე ადამიანის უფლებების დაცვა, დეოკუპაციის შემადგენელი ნაწილია. რაც ოკუპირებულ ტერიტორიაზე ხდება, განსაკუთრებით გალის რაიონში ქართული მოსახლეობის მიმართ, დედამიწის ზურგზე არსად ხდება. ჩვენ ვაპირებთ სამართლებრივი შეფასება მივცეთ ყოველივე იმას, რაც ხდება ოკუპირებულ ტერიტორიაზე და ყოველივე ეს გავიტანოთ საერთაშორისო სასამართლოებში, იქნება ეს სტრასბურგი თუ ჰააგა. ჯგუფი…

მეტი...

ვისი დამსახურებით მოხდა ვაჟა ექიმის შეწყალება?! – თამილა ლაფანაშვილი შეწყალებისთვის ბიბილოვს მადლობას უხდის  

ოკუპაციური რეჟიმის მიერ დატყვევებული და დღეს განთავისუფლებული ექიმის ვაჟა გაფრინდაშვილის მეუღლე თამილა ლაფანაშვილი მისი მეუღლის შემწყალებელს მადლობას უხდის. თამილა ლაფანაშვილმა იმ საკითხზეც ისაუბრა, თუ ვისი დამსახურებით მოხდა ვაჟა ექიმის შეწყალება და აღნიშნა, შეწყალების წერილში მისი მეუღლე ბრალს არ აღიარებს.   „გათავისუფლებას რაც შეხება, პირველ რიგში, უნდა ავღნიშნო სახელმწიფო და სახელმწიფო ორგანოები, უშიშროების სამინისტრო, საგარეო საქმეთა სამინისტრო. ვინმე რომ არ გამომრჩეს, სახელობითად ყველას ჩამოთვლა წარმოუდგენელია. ჩვენი საერთაშორისო პარტნიორები, ჩვენი მეგობრები საზღვარგარეთ, ჩვენ სამოქალაქო საზოგადოება, ჩვენი მეგობრები, ყველას სათითაოდ სახელობითად ვერაფრით ჩამოვთვლი. იგივე, ჩვენი გამოჩენილი მომღერლები, მეცნიერები, მწერლები, იგივე ბატონი პაატა ბურჭულაძე.…

მეტი...

ოსური მედია ავრცელებს ინფორმაციას, რომ ვაჟა ექიმი შეიწყალეს

ოკუპანტების მიერ დატყვევებული ვაჟა გაფრინდაშვილის გათავისუფლებასთან დაკავშირებით ოსური მედია წერს, რომ ის შეიწყალეს. „sputnik-ossetia“ ავრცელებს ინფორმაციას, რომ ვაჟა ექიმი ოკუპირებული სამხრეთ ოსეთის ე.წ. პრეზიდენტმა ანატოლი ბიბილოვმა შეიწყალა და შესაბამისი ბრძანებას ხელი  დღეს მოეწერა. შეგახსენებთ, რომ  ექიმი ვაჟა გაფრინდაშვილი თავისუფალია. სახელმწიფო უსაფრთხოების სამსახურის (სუს) საინფორმაციო-ანალიტიკური დეპარტამენტის უფროსის მოადგილის თქმით, მისი ჯანმრთელობის მდგომარეობა კარგია და ის საქართველოს ცენტრალური ხელისუფლების მიერ კონტროლირებად ტერიტორიაზე იმყოფება.

მეტი...

“თუ აფხაზს და ოსს ვეტყვით, რომ რადგან რუსეთის მოქალაქეა, ვერ მიიღებს საქართველოს პასპორტს – იმ ტერიტორიებზე ვამბობთ უარს” – ჯემალ გამახარია

აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია მოითხოვს, საქართველოს კანონში შევიდეს ცვლილება, რომელიც  აფხაზებს და ოსებს მისცემს საშუალებას, საქართველოს მოქალაქეობა მარტივად მიიღონ. როგორც ჯემალ გამახარიამ „მედიაცენტრ მთავარში“ გამართულ პრესკონფერენციაზე განაცხადა, აფხაზების და ოსების დიდ ნაწილს სურს, საქართველოს მოქალაქეობა მიიღოს, თუმცა, გართულებული პროცედურების გამო, ეს ხშირად ვერ ხდება. „საზოგადოების დიდი ნაწილი, ჩამოდის ენგურს აქეთა საქართველოში. ჩვენ, ზუგდიდში წარმომადგენლობა გვაქს, სადაც კვირაში მინუმუმ 2-3 აფხაზი იღებს გამზადებულ დოკუმენტაციას, რომ შეიტანოს განცხადება საქართველოს მოქალაქეობის მიღებაზე. ესაა ის შედეგი, რაც არის დღეისათვის მიღწეული, ეს პატარა შედეგი არაა.  თუ ჩვენ ასე მივუდგებით აფხაზებს და ოსებს,…

მეტი...

„გმირი ვაჟა გაფრინდშვილი ჯალათებს ეუბნება, რომ საქართველოს შიგნით საზღვრებს არ ცნობს” – ჯემალ გამახარია

„2019 წელს საქართველომ  შვა კიდევ ერთი ეროვნული გმირი ვაჟა გაფრინდაშვილის სახით. მინდა მას მივესალმო და მის ოჯახს მხარდაჭერა და სოლიდარობა გამოვუცხადო,“ – ასე შეაფასა „მედიაცენტრ მთავარში“ გამართულ პრესკონფერენციაზე აფხაზეთის ავტონომიური რესპუბლიკის უმაღლესი საბჭოს თავმჯდომარემ ჯემალ გამახარიამ საოკუპაციო რეჟიმის მიერ უკანონოდ დაკავებული ექიმი, ვაჟა გაფრინდაშვილი. ჯემალ გამახარიას განცხადებით, 21-ე საუკუნის ცივილიზებული სამყაროსთვის, ვაჟა გაფრინდაშვილის ამ დრომდე პატიმრობა  სირცხვილია. მისი თქმით, საერთაშორისო ორგანიზაციებმა ყველაფერი უნდა გააკეთონ, რომ ექიმი პატიმრობიდან იხსნან. „როგორც ხედავთ გმირობისთვის  განსაკუთრებული არაფერია  საჭირო. საჭიროა  სამშობლოს უსაზღვრო სიყვარული და ღირსების გრძნობა, რომელიც მოჭარბებულად აღმოაჩნდა ამ ადამიანს. მან, თავისუფლად გადალახა მავთულხლართები…

მეტი...

“თავისუფლების სიგნალი” – თბილისში, რეგიონებსა და უცხოეთში, ვაჟა გაფრინდაშვილის მხარდასაჭერი აქცია გაიმართება

29 დეკემბერს, ექიმ ვაჟა გაფრინდაშვილის გათავისუფლების მოთხოვნით, აქცია გაიმართება. აქცია სახელწოდებით – “თავისუფლების სიგნალი” თბილისში, რეგიონებში და ქვეყნის ფარგლებს გარეთ გაიმართება. საზოგადოება კიდევ ერთხელ მოითხოვს ქართველი ექიმის გათავისუფლებას და საოკუპაციო რეჟიმის გადაწყვეტილებას, ზუსტად 7 საათზე, ერთდროულად საავტომობილო სიგნალით გააპროტესტებს. პარალელურად მწერლები ვაჟა გაფრინდაშვილის მხარდამჭერ აქციას დღეს თბილისში გამართავენ.

მეტი...

ოკუპირებული ცხინვალის ე.წ პრეზიდენტი ჩორჩანაში ქართული საგუშაგოების აღებას ითხოვს

ოკუპირებული ცხინვალის რეგიონის ე.წ პრეზიდენტი ანატოლი ბიბილოვი, სოფელ ჩორჩანაში ქართული საგუშაგოების აღებას ითხოვს, წინააღმდეგ შემთხვევაში კი აცხადებს, რომ ახალგორის მოსახლეობა საქართველოს კონტროლირებად ტერიტორიაზე ვერასდროს გადავა. ეს განცხადება ბიბილოვმა ახალგორში ადგილობრივებთან შეხვედრის დროს გააკეთა. დეფაქტო პრეზიდენტი მიიჩნევს, რომ პრობლემის მოსაგვარებლად ადგილობრივებმა საქართველოს ხელისუფლებას უნდა მიმართონ. ბიბილოვის ულტიმატუმს მოსახლეობის გაღიზიანება მოჰყვა. მათმა ნაწილმა შეხვედრა პროტესტის ნიშნად დატოვა. “როგორც პრეზიდენტს მომმართავთ, რომ გზები მე ჩავკეტე, მაგრამ ეს არასწორია, პრობლემა ვერ მოგვარდება ჩემს მიერ, ან სამხრეთ ოსეთში. თქვენ შეგიძლიათ მიმართოთ საქართველოს ხელისუფლებას და გზის ჩაკეტვისა და მათი უაზრო პროვოკაციული ქმედებების გამო უკმაყოფილება გამოთქვათ, რადგან…

მეტი...

„ოფიციალური ვაშინგტონის განცხადებაში ვხედავთ მხარდაჭერას საქართველოს მიმართ“ – არჩილ თალაკვაძე

„მნიშვნელოვანი არის, რომ ამერიკა მხარს უჭერს საქართველოს – ამ განცხადებაში არის საქართველოს მიმართ მხარდაჭერა, ასევე, ძალიან კონკრეტული წინადადებები, სადაც ნათქვამია, რომ აშშ გააგრძელებს საქართველოსთან მუშაობას კანონის უზენაესობის და ანგარიშვალდებული ინსტიტუტების ხელშესაწყობად“, – აცხადებს საქართველოს პარლამენტის თავმჯდომარე არჩილ თალაკვაძე აშშ-ის სახელმწიფო დეპარტამენტის განცხადებასთან დაკავშირებით. მისი შეფასებით, ნებისმიერი პოლიტიკური განცხადება, რომელიც კონგრესმენებისა თუ ევროპარლამენტარების მხრიდან კეთდება, მიღებულია როგორც მეგობრების პოზიცია. „თუ ვართ ის პოლიტიკოსები, ვისაც გვაინტერესებს საქართველო და ჩვენი ქვეყნის ინტერესები, მაშინ, ამ გადმოსახედიდან უნდა ვიმსჯელოთ და გულწრფელად გითხრათ, რომ ჩემთვის, პირველ რიგში, მნიშვნელოვანია, რომ ამერიკა მხარს უჭერს საქართველოს. ამ განცხადებაში არის…

მეტი...

ნიუ-იორკში „დიასპორის სახლმა“ მიგრაციის კვირეული გამართა

18-21 დეკემბერს ნიუ-იორკში ორგანიზაციამ „დიასპორის სახლი“და მისმა პრეზიდენტმა ინა ასანიძემ დიასპორული კვირეული გამართა. კვირეული გამართვაში მონაწილეობა მიიღო ასევე საერთაშორისო ორგანიზაციამ „ერთობა“. ღონისძიებები 18 დეკემბერს, მიგრაციის საერთაშორისო დღისადმი მიძღვნილი კონფერენციით დაიწყო, სადაც მონაწილეობას იღებდნენ მსოფლიოს 6 ქვეყნის დიასპორული ორგანიზაციები, საქართველოს საკონსულო ამერიკაში, ნიუ-იორკის მერის ოფიციალური წარმომადგენელი, ამერიკაში რესპუბლიკური კლუბის პირველი ვიცე-პრეზიდენტი და ქართულ-ამერიკული რესპუბლიკური ალიანსის თანადამფუძნებელი, ბორდის წევრი ჯოზეფ კონკენონი, ნიუ-იორკის ქალაქის სხვადასხვა ადმინისტრაციული ორგანიზაციების ხელმძღვანელები. ნიუ-იორკში მიგრაციის საერთაშორისო დღისადმი მიძღვნილ ღონისძიებებში მონაწილება მიიღო საპარლამენტო დელეგაციამ, პარლამენტის დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ, ამავე კომიტეტის თავმჯდომარის პირველმა მოადგილემ გივი…

მეტი...

„დაუყოვნებლივ გაათავისუფლონ ექიმი“ – აშშ-ის მთავრობა რუსეთის ფედერაციას მიმართავს

„შეერთებული შტატები ამ სამწუხარო შემთხვევას ხედავს როგორც მორიგ სიმპტომს უფრო დიდი პრობლემისა, რაც არის ოკუპაცია და აგრესია“ – აცხადებენ საქართველოში აშშ-ის საელჩოში და რუსეთის მთავრობას მიმართავენ. “აშშ-ის მთავრობა არ აღიარებს სამხრეთ ოსეთის ოკუპირებული რეგიონის დე ფაქტო ხელისუფლებას და არც ექიმი ვაჟა გაფრინდაშვილისადმი გამოტანილ დღევანდელი განაჩენის ლეგიტიმურობას. ჩვენ კიდევ ერთხელ მოვუწოდებთ დე ფაქტო ხელისუფლებას და რუსეთის ფედერაციაში არსებულ პირებს, რომელთაც მათზე გავლენა აქვთ, დაუყოვნებლივ გაათავისუფლონ ექიმი გაფრინდაშვილი. შეერთებული შტატები ამ სამწუხარო შემთხვევას ხედავს როგორც მორიგ სიმპტომს უფრო დიდი პრობლემისა, რაც არის ოკუპაცია და აგრესია“ – ვკითხულობთ საელჩოს განცხადებაში. დიპლომატიური კორპუსი ასევე…

მეტი...

ცოტნე გამსახურდიას განზრახ მკვლელობის ბრალდებით 1 პირი დააკავეს

ცოტნე გამსახურდიაზე თავდასხმისა და დაჭრის ფაქტი გახსნილია.  განზრახ მკვლელობის ბრალდებით სამართალდამცველებმა 1 პირი დააკავეს. როგორც შს მინისტრის მოადგილე  ვლადიმერ ბორცვაძემ სპეციალურ ბრიფინგზე განაცხადა, დანაშაულის დაფარვისთვის დაკავებულია კიდევ 4 პირი.

მეტი...

მრავლობითი ტრავმა როგორც თავის ტვინის, ისე თავის ქალას არეში – მძიმედ დაჭრილი ცოტნე გამსახურდია გადარჩა, თუმცა,  მდგომარეობა  რთულია

დამოუკიდებელი საქართველოს პირველი პრეზიდენტის, ზვიად გამსახურდიას ვაჟის, ცოტნე გამსახურდიას მეორე, ურთულესი ოპერაცია დაახლოებით 7 საათის განმავლობაში გაგრძელდა. როგორც ქირურგი აცხადებს, ჰემატომა ამოღებულია, თუმცა, თავის ტვინის მდგომარეობა ისევ მძიმეა. როგორც ნეიროქირურგი არჩილ ჯვარშეიშვილი აცხადებს, შესაძლოა, კიდევ ერთი ოპერაციის ჩატარების საჭიროება დადგეს. “პაციენტის მდგომარეობა მძიმეა. სახეზეა  მრავლობითი ტრავმა გულმკერდის არეში, მრავლობითი ტრავმა როგორც  თავის ტვინის, ისე   თავის ქალას არეში. ძალიან ბევრი ჰემატომა იყო თავის ქალის, როგორც მარჯვნივ, ისე მარცხნივ, დაზიანებული იყო ძვლები ქალა ტვინის, შუბლის წილში და თხემის წილში. 7 საათი მოვუნდით ოპერაციას, ჰემატომები ამოღებულია, დადრენირებულია. ტვინის მდგომარეობა, ტვინის რელაქსაცია ასე ვთქვათ,…

მეტი...

„თუ ემოციები უმართავი გახდა, შესაძლოა, მან უარესი რეალობის წინაშე დაგვაყენოს“ – დიმიტრი ხუნდაძის საგანგებო განცხადება

„ორი პრობლემის წინაშე ვდგავართ. პირველი –  სუიციდის შემთხვევები, რომელიც სამწუხაროდ ხშირია და მეორე –  თავად ამ შემთხვევების მედიასაშუალებებით გაშუქების საგანგაშო მდგომარეობა და ამ ემოციით საზოგადოებაში სიძულვილის გაღვივების მცდელობა, რაც ამავე საზოგადოებისთვის სახიფათოა“ – აცხადებს პარლამენტის ჯანდაცვის კომიტეტის თავჯდომარე დიმიტრი ხუნდაძე. „მედიაცენტრი მთავარი“ დიმიტრი ხუნდაძის განცხადებს უცვლელად გთავაზობთ: „განსაკუთრებით მძიმეა, როცა სიუიციდის შემთხვევა ეხება მოზარდს და ეს ფაქტი რეაგირების გარეშე არ უნდა დარჩეს, მაგრამ თუ ემოციები უმართავი გახდა, შესაძლოა ამან უარესი რეალობის წინაშე დაგვაყენოს. აქ ორი პრობლემის წინაშე ვდგავართ.  პირველი – სუიციდის შემთხვევები, რომელიც სამწუხაროდ ხშირია და მეორე – თავად ამ შემთხვევების მედიასაშუალებებით…

მეტი...

„განათლების სისტემა მოწყობილია საბჭოთა ციხეებისა და ქარხნების მსგავსად“ – განათლების მკვლევარი

განათლების მკვლევარმა რევაზ აფხაზავამ „მედიაცენტრ მთავარში“, განათლების სისტემის პრობლემებზე ისაუბრა და აღნიშნა, რომ სისტემა საბჭოთა ციხეებს ჰგავს, საიდანაც ყველა გარბის. „მნიშვნელოვანია, ჟანდარმული წესების ნაცვლად, მეტი ვიფიქროთ, რომ მოსწავლეებსა და მასწავლებლებს, მოსწავლეებსა და სკოლას შორის იყოს მეტი კავშირები, არაფორმალური ურთიერთობა. მასწავლებლების სოციალური და ეკონომიკური მდგომარეობიდან გამომდინარე, სკოლა არის ზარის დარეკვიდან დარეკავამდე. ბავშვებიც, მხოლოდ ამ მკაცრად ორგანიზებულ გარემოში ურთიერთობენ ერთმანეთთან და მასწავლებლებთან. შემდეგ მასწავლებელიც და მოსწავლეც გარბის სკოლიდან. როგორც საბჭოთა ციხეებსა და ქარხნებში იყო, ასეა მოწყობილი სისტემა“ – განაცხადა რევაზ აფხაზავამ „მედიაცენტრ მთავარში“.   მისივე შეფასებით, სწორედ ბავშვებთან გაუცხოება და მენტორული დამოკიდებულება…

მეტი...

“ჩვენი სკოლა გლოვობს ლუკას გარდაცვალებას“ – “მწვანე სკოლის“ განცხადება 15 წლის მოზარდის თვითმკვლელობაზე

თბილისის „მწვანე სკოლის“ დირექტორი კახა დავითური მათი სკოლის ყოფილი მოსწავლის, 15 წლის მოზარდის გარდაცვალების გამო მწუხარებას გამოხატავს და აცხადებს, რომ ამ მძიმე ფაქტის შემდეგ სიტყვები უძლურია. როგორც სკოლის დირექტორი აცხადებს, გამოძიების დასრულებას დაელოდება. „უდიდეს მწუხარებას და სევდას ვგრძნობთ ლუკა სირაძის გარდაცვალების გამო. შეუძლებელია, ამ უმძიმეს წუთებში ნუგეშის სიტყვების გამოძებნა. ვუსამძიმრებთ ოჯახს, მეგობრებსა და ახლობლებს ამ ენით აღუწერელი ტრაგედიის გამო. მიუხედავად იმისა, რომ ლუკა მხოლოდ რამდენიმე თვე სწავლობდა ჩვენს სკოლაში, მასთან მეგობრობა და ემოციური ბმა აკავშირებს მის ყოფილ თანაკლასელებს და მასწავლებლებს და ყველას, ვინც მას იცნობდა. ამ ამბავმა შეგვძრა. ჩვენი სკოლა…

მეტი...

„იქ, სადაც ვაჟა ექიმი ზის, ჩვეულებრივი ციხე არ არის“ – დავით ასათიანი დატყვევებულ ექიმზე (ვიდეო)

„ჩვენ გვაქვს არაორდინალური, ექსტრემალური სიტუაცია. იქ, სადაც ექიმი ვაჟა გაფრინდაშვილი ზის, არ არის ჩვეულებრივი ციხე, არც ჩვეულებრივი ტერიტორია და რეგიონია. ეს არის სპეციფიკური რეგიონი, სადაც ჩვენი კანონმდებლობით საგანგებო მდგომარეობაა. თითოეულ გამონათქვამს და მოქმედებას აქვს გადამწყვეტი მნიშვნელობა“ – ეს განცხადება საქართველოს ადვოკატთა ასოციაციის თავმჯდომარე დავით ასათიანმა „მედიაცენტრ მთავარში“ გააკეთა, რომლის დახმარებითაც დატყვევებული ექიმის საქმეში რუსეთის ლიცენზიის მქონე ადვოკატები ჩაერთვნენ. როგორც დავით ასათიანმა „მედიაცენტრ მთავარში“ აღნიშნა,  მთელი პასუხისმგებლობა რუსეთს ეკისრება. „ჩვენი კანონმდებლობითა და საერთაშორისი სამართლით, ამ ტერიტორიაზე ადამიანის უფლებების დარღვევაზე, მთელი პასუხისმგებლობა რუსეთს ეკისრება. ყველა ის ორგანო, მათ შორის სასამართლო ორგანო, რომელიც…

მეტი...

„დამატებით ტყვიას ნუ დავახლით ამ ადამიანს სანამ გამოსულა“ –  დატყვევებული ექიმის ოჯახის საგანგებო მიმართვა მსოფლიოს და რუსეთს

საოკუპაციო რეჟიმის მიერ დატყვევებული ექიმის ოჯახი რუსეთის ფედერაციას მიმართავს და კიდევ ერთხელ მოუწოდებს, ჰუმანურობის გვერდით დადგეს. საგანგებო განცხადება ვაჟა გაფრინდაშვილის  მეუღლემ „მედიაცენტრ მთავარში“ გააჟღერა. „მივმართავ ჩვენი პროფესიული გაერთიანებების, საზოგადოებებისა და ასოციაციების ხელმძღვანელებს, რომ მთელს მსოფლიოს მიაწვდინონ ხმა.  ღია წერილებით მიმართონ თავიანთ მთავრობებს, ამ მთავრობებმა და ქვეყნის პრეზიდენტებმა ასევე მიმართონ რუსეთის სახელმწიფოს, რომ რუსეთის სახელმწიფომ და პრეზიდენტმა, ასევე მიმართოს მასთან დაქვემდებარებულ ცხინვალის რეგიონს – ექიმის გათავისუფლება, ეს არის ჰუმანური საკითხი, ეს ღირსებას მოუმატებს ყველა იმ სახელმწიფოს და ადამიანს, რომელიც ამ ჰუმანურ აქტში ჩაერთვება და დაგვეხმარება ვაჟას გათავისუფლებაში. მივმართავ ასევე რუსთის პოლიტიკურ…

მეტი...

„შემიძლია, ვაპატიო კიდეც. ეს მისი პრობლემაა“ – დატყვევებული ექიმის მეუღლე საკრებულოს წევრზე

„როდესაც ციხეშია ოჯახის უფროსი, ჩემი მეუღლე დატყვევებულია და  ოჯახში დარჩენილი ვართ მე და ჩემი ორი ქალიშვილი და ის ჩვენ უშვერად გვაგინებს, ამითი არაფერი გვაკლდება“ – ასე უპასუხა ექიმ ვაჟა გაფრინდაშვილის მეუღლემ თბილისის საკრებულოს წევრის – ერეკლე კუხიანიძის ბრალდებებსა და სალანძღავ გამონათქვამებს. როგორც თამილა ლაფანაშვილმა „მედიაცენტრ მთავარში“ გამართულ პრესკონფერენციაზე განაცხადა, ის დაპირისპირებას არავისთან აპირებს და შეუძლია აპატიოს კიდეც. „პირველივე დღიდან დაიწყო იქაურმა კაგებემ ვაჟა ექიმზე  დეზინფორმაციის გამოქვეყნება. ჩვენმა სახელმწიფო ორგანოებმა, იგივე სუსმა გააკეთა ამაზე განცხადება, რომ ეს არის სრული დეზინფორმაცია და მას არანაირი კავშირი  აქვს ვაჟას დაკავებასთან. არ მინდა, კომენტარი გავაკეთო…

მეტი...

28 ნოემბრის შემდეგ, დატყვევებული ექიმის მონახულებას ვერც „წითელი ჯვარი“ ახერხებს

საოკუპაციო რეჟიმის მიერ დატყვევებული ვაჟა ექიმის ჯანმრთელობის მდგომარეობის შესახებ ინფორმაცია არ არსებობს. ბოლოს, მისი მონახულება 28 ნოემბერს „წითელმა ჯვარმა“ მოახერხა. ამის შემდეგ კი ვერც საერთაშორისო ორგანიზაცია ახერხებს საოკუპაციო რეჟიმის ციხეში შესვლას. როგორც ვაჟა ექიმის მეუღლემ, თამილა ლაფანაშვილმა „მედიაცენტრ მთავარში“ გამართულ პრესკონფერენციაზე განაცხადა, არც ის იცის, როგორ გამოიყურება ვაჟა ექიმი. „წითელი ჯვარი“ ერთადერთი არხია, რომელმაც შეძლო მისი მონახულება. საერთაშორისო „წითელმა ჯვარმა“ სულ ორჯერ მოინახულა ექიმი. არ აკლებენ მცდელობას, მაგრამ რაღაც პრობლემები არის ან მათ მუშაობაში, ან იქ, ადგილზე. შედეგი არის ის, რომ მხოლოდ 2-ჯერ არის მონახულებული პატიმარი. 28 ნოემბრის მერე ვეღარ…

მეტი...

„ჩვენ ტყვე გვყავს გამოსახსნელი საპყრობილიდან“ – ვაჟა ექიმის მეუღლე „მედიაცენტრ მთავარში“ (ვიდეო)

„იმდენად არაორდინალურ სიტუაციაში აღმოჩნდით ყველანი, რომ ძალიან მძიმეა ეს ოჯახისთვის. როგორც ფიზიკურად ასევე ფსიქოლოგიურად ძალიან დიდი წნეხია ეს ჩვენთვის. გარდა იმისა, რომ წნეხია როგორც საზოგადოებრივი აზრის ყველანაირი გათვალისწინება, ასევე, ჩვენ ტყვე გვყავს გამოსახსნელი საპყრობილედან. ამისთვის ვმუშაობთ“ – ეს განცხადება საოკუპაციო რეჟიმის მიერ დატყვევებული ექიმის მეუღლემ „მედიაცენტრ მთავარში“ გააკეთა. როგორც თამილა ლაფანაშვილმა აღნიშნა,  პირდაპირი კომუნიკაცია არც რუსეთთან არსებობს და არც ცხინვალთან და ეს საქმეს კიდევ უფრო ართულებს. „საერთაშორისო ორგანიზაციები ჩართულები არიან საქმეში. პირდაპირი კომუნიკაცია არც რუსეთთან და არც ცხინვალის რეგიონთან არ არსებობს, აბსოლუტურად დახურულია ეს არხები. ამიტომ ჩვენ გვჭირდება საერთშორისო ორგანიზაციების…

მეტი...