დღე: ნოემბერი 23, 2022

უკრაინის პრეზიდენტი ვოლოდიმირ ზელენსკი რუსეთის მიერ სამშობიაროზე განხორციელებული თავდასხმას ეხმიანება, რომელსაც ახალშობილი ემსხვერპლა. მისი თქმით,  რუსეთი პასუხს აგებს იმ ბოროტების გამო, რაც მან უკრაინას მოუტანა. ,,ტერორისტული სახელმწიფო აგრძელებს ბრძოლას მშვიდობიანი მოსახლეობის და სამოქალაქო ობიექტების წინააღმდეგ. ვილნიანსკის საავადმყოფოს სამშობიაროზე სარაკეტო თავდასხმის შედეგად ჩვილი გარდაიცვალა, ქალი კი დაშავდა. ნანგრევების ქვეშ, სავარაუდოდ, ისევ ხალხია. ოკუპანტებმა კუპიანსკის მაღალსართულიანი შენობა და პოლიკლინიკა დაბომბეს. ორი ადამიანი გარდაიცვალა, ერთი კი საავადმყოფოში გადაიყვანეს. ყველა სერვისი მუშაობს ადგილზე. მტერმა კიდევ ერთხელ გადაწყვიტა შიშითა და მკვლელობით მიაღწიოს იმას, რისი მიღწევაც 9 თვის განმავლობაში ვერ შეძლო და ვერც მიაღწევს. სამაგიეროდ, ის…

მეტი...

ერევანში “კოლექტიური უსაფრთხოების შეთანხმების ორგანიზაციის” სამიტის წინ საპროტესტო აქცია გაიმართა.  აქციის ორგანიზატორი პარტია „ნაციონალ-დემოკრატიული პოლუსი“ იყო. მსვლელობის მონაწილეები სკანდირებდნენ – „რუსეთი მტერია!“. აქტივისტების განცხადებით, რუსეთმა და კოლექტიური უსაფრთხოების ხელშეკრულების ორგანიზაციამ სომხეთ-აზერბაიჯანის საზღვარზე მომხდარი შეტაკებების დროს, სომხეთის დასახმარებლად არაფერი მოიმოქმედეს. დღეს სომხეთში კვლავ იგეგმება აქციის გამართვა. ცნობისთვის, ვლადიმერ პუტინის სომხეთში 2020 წლის შემოდგომის შემდეგ პირველად ჩავა. რუსეთის საგარეო საქმეთა მინისტრი, სერგეი ლავროვი უკვე ერევანში იმყოფება.

მეტი...

უკრაინის ხელისუფლების ინფორმაციით, რუსმა ოკუპანტებმა სარაკეტო დარტყმა მიიტანეს სუმის ოლქზე.  გასულ დღე-ღამეში, სხვადასხვა სოფლებში, 40-მდე საარტილერიო ჭურვი ჩამოვარდა. უკრაინის პრეზიდენტის, ვოლოდიმირ ზელენსკის განცხადებით, მზადაა სპეციალური პუნქტები, რომლებიც ელექტროენერგიის ხანგრძლივი გათიშვის დროს ამუშავდება და საშუალებას მისცეს მოსახლეობა საბაზისო სერვისებს უფასოდ მიიღოს. ზელენსკის თქმით, ქვეყნის მასშტაბით უკვე გახსნილია ოთხი ათასი ასეთი პუნქტი.

მეტი...

ომის შემსწავლელი ინსტიტუტის ანალიტიკოსების ვარაუდით, კრემლი ინფორმაციულ წინაპირობებს ქმნის, რუსეთის ბელგოროდის ოლქში “ცრუ დროშის” თავდასხმისთვის. მათივე ცნობით, ეს სავარაუდოდ, რუსეთს მხრიდან უკრაინის წინააღმდეგ ომის მიმართ საზოგადოების მხარდაჭერის აღდგენის მცდელობაა. ანალიტიკოსები აღნიშნავენ, კრემლის პროპაგანდისტებმა დაიწყეს ჰიპოთეზის გახმოვანება იმის შესახებ, რომ უკრაინული ძალები ბელგოროდის ოლქში შეჭრას ცდილობენ და სხვა რუსული წყაროები აღნიშნავდნენ, რომ რუსულმა ძალებმა უნდა დაიბრუნონ კონტროლი კუპიანსკზე, ხარკოვის ოლქზე, რათა მინიმუმამდე დაიყვანონ უკრაინის თავდასხმის საფრთხე. ანალიტიკოსების თქმით,  რუსეთის განცხადებები ბელგოროდის რეგიონზე უკრაინის გარდაუვალი თავდასხმის შესახებ აბსურდულია და მიზნად ისახავს მხოლოდ ფართო საზოგადოების დაშინებას ომის მხარდასაჭერად.

მეტი...

,,ევროკავშირის ლიდერებმა მიანიჭეს კანდიდატის სტატუსი უკრაინას და მოლდოვას, დაადასტურეს, რომ მიანიჭებენ ამ სტატუსს საქართველოს, როდესაც კომისიის რეკომენდაციები შესრულდება,” – ამის შესახებ ევროკავშირის გაფართოების საკითხებში ევროკომისარმა, ოლივერ ვარჰეიმ განაცხადა. მისივე თქმით, ევროკავშირში გაწევრიანების პროცესის დაჩქარება და ფინანსური მხარდაჭერა  კვლავაც დაფუძნებულია ფუნდამენტურ საკითხებში პროგრესზე. „ევროკავშირის გაფართოების პოლიტიკა, რომელიც ეფუძნება მკაფიო კრიტერიუმებს და სტანდარტებს და დაფუძნებულია თითოეული ქვეყნის დამსახურების პრინციპზე, რჩება ჩვენს გეოსტრატეგიულ ინტერესებში. ივნისში ევროკავშირის ლიდერებმა აღიარეს უკრაინის, მოლდოვასა და საქართველოს ევროპული პერსპექტივა. მათ მიანიჭეს ევროკავშირის კანდიდატის სტატუსი უკრაინას და მოლდოვას, დაადასტურეს, რომ მიანიჭებენ ამ სტატუსს საქართველოს, როდესაც კომისიის რეკომენდაციები შესრულდება. ევროპამ…

მეტი...

რუსეთის საოკუპაციო ძალებმა  ზაპოროჟიეს ოლქში ვოლნიანსკის საავადმყოფოს სამშობიარო განყოფილება დაბომბეს. დაბომბვის შედეგად ახალშობილი დაიღუპა. „ღამით, რუსმა მონსტრებმა უზარმაზარი რაკეტები ესროლეს ვოლნიანსკის საავადმყოფოს პატარა სამშობიარო განყოფილებას. მწუხარება იპყრობს ჩვენს გულებს – ახალშობილი მოკლეს”, – წერს ზაპოროჟიეს საოლქო-სამხედრო ადმინისტრაციის ხელმძღვანელი, ალექსანდრე სტარუხი.  

მეტი...

უკრაინის ეროვნული უსაფრთხოებისა და თავდაცვის საბჭოს მდივნის, ოლექსი დანილოვის განცხადებით, რუსეთს აქვს საკმარისი რაკეტები კიდევ  3-4 მასიური სარაკეტო თავდასხმა განახორციელონ. მისივე თქმით, რუსეთს ზოგიერთი სახეობის რაკეტის 10%-ზე ნაკლები დარჩათ „თავდასხმა, რომელიც 15 ნოემბერს მოხდა, ერთ-ერთი ყველაზე ძლიერი იყო. თუ ვსაუბრობთ ისეთ დაბომბვაზე, როგორიც იყო, მაშინ მაქსიმუმ სამი-ოთხი ასეთი დაბომბვა შეუძლიათ“, – განაცხადა დანილოვმა.  

მეტი...