დღე: ნოემბერი 17, 2022

,,საქართველოში ჩვენი ელჩის, კელი დეგნანის მიმართ აღმაშფოთებელი კრიტიკაა…ეს კრიტიკა ძირს გამოუთხრის ჩვენს შორის პარტნიორობას,”- ამის შესახებ ევროპის საკითხებში აშშ-ის სახელმწიფო მდივნის თანაშემწემ, კარენ დონფრიდმა აშშ-ის სენატის საგარეო ურთიერთობების კომიტეტის სხდომაზე განაცხადა, სადაც კავკასიაში აშშ-ის პოლიტიკა შეაფასეს. მისი თქმით, კელი დეგნანი საქართველოში აშშ-ის ფანტასტიკური წარმომადგენელია და  მხარს უჭერს მას. „ჩვენ ამის შესახებ ვესაუბრეთ საქართველოს მთავრობას, პრემიერ-მინისტრს და მიუხედავად იმისა, რომ ეს არიან ჯგუფები, რომლებიც არ არიან მთავრობის ნაწილი, ზოგიერთ მათგანს, რომელიც უაღრესად და არასწორად კრიტიკულია ელჩის მიმართ, აქვს ახლო კავშირები მთავრობასთან და ჩვენ გარკვევით განვაცხადეთ, რომ ეს კრიტიკა ძირს გამოუთხრის ჩვენს…

,,საქართველოში, სამწუხაროდ, ძალიან სერიოზულ უკუსვლას ვხედავთ,”- ამის შესახებ  -შშ-ს სენატის საგარეო კომიტეტის სხდომაზე  სენატორმა ჯინ შაჰინმა განაცხადა. მისი თქმით, უნდა გადაიხედოს აშშ-ის სტრატეგია საქართველოსთან მიმართებაში. ,,ძალიან სასიამოვნოა, რომ საქართველო ცდილობს, პოზიტიური როლი ითამაშოს მთიანი ყარაბაღის კონფლიქტში, მაგრამ თავად საქართველოში, სამწუხაროდ, ძალიან სერიოზულ უკუსვლას ვხედავთ. ჩვენ ამ ქვეყანას მნიშვნელოვან დახმარებას ვუწევთ, რათა იქ რეფორმები განხორციელდეს და მე მიმაჩნია, რომ ჩვენ ეს დახმარება უნდა მივაბათ იმას, თუ როგორ იქცევა საქართველოს ხელისუფლება. მართალია, სახელმწიფო დეპარტამენტის წარმომადგენლებმა მითხრეს, რომ ეს არ არის კარგი იდეა, მაგრამ მე მაინც ვთვლი, რომ ჩვენ უნდა გადავხედოთ ჩვენს სტრატეგიას…

უკრაინის შეიარაღებული ძალების გენერალური შტაბის ინფორმაციით,  რუსეთმა ომის დაწყებიდან დღემდე, 83 000-ზე მეტი ჯარისკაცი დაკარგა. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 83 110; ​ტანკი – 2 878; ჯავშანტექნიკა – ​5 804; საარტილერიო სისტემა – 1 860; სარაკეტო სისტემა – 393; საზენიტო საბრძოლო სისტემა – 209; თვითმფრინავები – 278; ვერტმფრენი – 261; ოპერატიულ-ტაქტიკური უპილოტო საფრენი აპარატი – 1 531; საკრუიზო რაკეტები – 374; საავტომობილო ტექნიკა და საწვავის ავზები – 4 362; გემი/ნავი/კატარღა – 16; ​ სპეციალური აღჭურვილობა – 160.

,,კვლავ მოვუწოდებთ საქართველოს მთავრობას, განახორციელოს აუცილებელი რეფორმები ევროკავშირის კანდიდატის სტატუსის მოსაპოვებლად, – ამის შესახებ ევროპის საკითხებში აშშ-ის სახელმწიფო მდივნის თანაშემწემ, კარენ დონფრიდმა აშშ-ის სენატის საგარეო ურთიერთობების კომიტეტის სხდომაზე განაცხადა. მისი თქმით, აშშ-ის დახმარება ხელს უწყობს დემოკრატიულ მმართველობას, კანონის უზენაესობას, ენერგიულ სამოქალაქო საზოგადოებას და ეკონომიკურ ზრდას. „ამერიკელი ხალხი დიდი ხანია სოლიდარობას გამოხატავს ქართველების სურვილის მიმართ, იყვნენ თავისუფალი, დემოკრატიული და სუვერენული ქვეყანა მის საერთაშორისოდ აღიარებულ საზღვრებში. ბოლო 30 წლის განმავლობაში ჩვენ გავხდით სტრატეგიული პარტნიორები და ვმუშაობთ ევროატლანტიკური ქვეყნების ოჯახში საქართველოს სრულად ინტეგრირების შესახებ ჩვენს საერთო ხედვაზე. შეერთებულმა შტატებმა 6 მილიარდ დოლარზე მეტი…

ნატო-ში პოლონეთის ელჩის განცხადებით, მათ სასაზღვრო სოფელში რაკეტის ჩამოვარდნაზე “საბოლოო პასუხისმგებლობა რუსეთს ეკისრება”. “საბოლოო პასუხისმგებლობა რუსეთს ეკისრება”, – განაცხადა სატკოვსკიმ. მისი თქმით, ინციდენტი არ მოხდებოდა, რუსეთი უკრაინას თავს რომ არ დასხმოდა და არ ჩართულიყო ომის დანაშაულებში სამოქალაქო ინფრასტრუქტურაზე თავდასხმით. ცნობისთვის, 15 ნოემბერს, პოლონეთში, უკრაინის საზღვართან ახლოს, სოფელ პრჟედვოდოვში რაკეტა ჩამოვარდა, რის შედეგადაც ორი ადამიანი დაიღუპა. პოლონეთის განცხადებით, რაკეტა რუსული წარმოებისაა.

Ukrinform-ის ინფორმაციით, დილიდან აფეთქებების ხმა ისმოდა მდინარე დნეპერზე მდებარე ქალაქ დნიპროში. ქალაქის მასშტაბით ელექტროენერგიის გათიშვა დაფიქსირდა. აფეთქება 08:56 საათზე გაისმა კიევშიც. კიევის საოლქო ადმინისტრაციის ხელმძღვანელის, ოლექსი კულებას განცხადებით,  რეგიონში საჰაერო თავდაცვა მუშაობს. ამასთან, უკრაინის სამხრეთის სარდლობის ინფორმაციით, დილიდან  საპორტო ქალაქ ოდესაში რაკეტა ისროლეს.  

გაეროში აშშ-ის ელჩის განცხადებით,  უკრაინის ტერიტორიაზე რაკეტების აფეთქება ვლადიმერ პუტინის მცდელობა და განზრახული ტაქტიკაა, რომ “გაყინოს კიევი მორჩილებაში”. ,,ეს ტრაგედია არასდროს მოხდებოდა, რომ არა რუსეთის უაზრო შეჭრა უკრაინაში და მისი ბოლოდროინდელი სარაკეტო თავდასხმები უკრაინის სამოქალაქო ინფრასტრუქტურაზე. როგორც ჩანს, მან გადაწყვიტა, რომ თუ ძალით ვერ დაიკავებს უკრაინას, ის შეეცდება ქვეყნის მორჩილებაში გაყინვას”,- განაცხადა ლინდა თომას-გრინფილდმა.    

უკრაინის გენერალური პროკურატურის ინფორმაციით, რუსეთის აგრესიას  431 ბავშვი ემსხვერპლა, დაშავდა 1266-ზე მეტი. უწყების ცნობით, ყველაზე მეტი ბავშვი დაზარალდა: დონეცკის რეგიონში – 423, ხარკოვის ოლქში – 264, კიევის ოლქში – 116, ჩერნიგოვის ოლქში – 68, ლუგანსკის ოლქში – 64, მიკოლაევის ოლქში – 77, ხერსონის ოლქში – 64, ზაპოროჟიეს ოლქში -70 ლასტროვის ოლქში – 64. აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

კანადის თავდაცვის მინისტრის, ანიტა ანანდის განცხადებით, უკრაინას დამატებით, დაახლოებით 34 მილიონი დოლარის ღირებულების სამხედრო დახმარებას გადასცემენ. სამხედრო დახმარების პაკეტი პასუხობს უკრაინის მიერ განსაზღვრულ გადაუდებელ პრიორიტეტებს. დახმარება მოიცავს: დაახლოებით 5 მილიონი აშშ დოლარი უკრაინის შეიარაღებული ძალებისთვის (AFU) კრიტიკული თანამგზავრული სურათების მიწოდების გასაგრძელებლად; 18 მილიონ დოლარზე მეტი დამატებითი, მაღალი გარჩევადობის დრონის კამერებისთვის;  10 მილიონ დოლარამდე დამატებითი ზამთრის აღჭურვილობის უზრუნველსაყოფად AFU-ს მხარდასაჭერად, მათ შორის პორტატული გამათბობლები, თერმული საბნები და საძილე ტომრები კანადური კომპანიებისგან კანადური კომერციული კორპორაციის მეშვეობით.  

უკრაინის უსაფრთხოების სამსახურმა ჩეჩნეთის ლიდერი რამზან კადიროვი ძებნილთა სიაში შეიყვანა. ამის შესახებ ინფორმაციას უკრაინული “ტელეგრამ” არხი ავრცელებს. მედიის ცნობით,  უკრაინის უსაფრთხოების სამსახურს სურს, კადიროვი მუხლებზე დააყენონ ფართომასშტაბიანი ომისა და აგრესიული სამხედრო ოპერაციების წარმოებისთვის.

უკრაინის შინაგან საქმეთა მინისტრის, დენის მონასტირსკის განცხადებით, ხერსონის ოლქში სამართალდამცავებმა 63 ნაწამები ადამიანის ცხედარი აღმოაჩინეს. მისივე თქმით,, ოლქის დეოკუპირებულ ნაწილში წამებულთა ექსჰუმაცია მიმდინარეობს. „ჩვენ ვიპოვეთ 63 ნაწამები ცხედარი ხერსონის ოლქში, მაგრამ უნდა გვესმოდეს, რომ ძებნა ახლახან დაიწყო“, – განაცხადა შს მინისტრმა. მისი თქმით, ხერსონში მსგავსი დანაშაულის მსხვერპლთა წამების ბევრი ადგილისა და საფლავის აღმოჩენაა მოსალოდნელი. მინისტრის ცნობით, ოლქის ტერიტორიაზე აღმოაჩინეს 11 ადგილი, სადაც ოკუპანტებს ადამიანები უკანონოდ ჰყავდათ დაკავებული. აქედან ოთხ ადგილას ოკუპანტები დაკავებულებს აწამებდნენ.

,,უკრაინის პოზიცია ძალიან გამჭვირვალეა: ჩვენ ვცდილობთ, დავადგინოთ ყველა დეტალი, ყველა ფაქტი,”- ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვისას განაცხადა. მიმსი თქმით, მან პოლონეთის პრეზიდენტს რუსული აგრესიის გამო, ორი მოქალაქის დაღუპვა მიუსამძიმრა. „ჩვენ თვალყურს ვადევნებთ განცხადებებს, ვმუშაობთ პარტნიორებთან, ვიცავთ უკრაინის ინტერესებს. რა თქმა უნდა, უშიშროების საბჭოში ერთ-ერთი მთავარი საკითხია პოლონეთში არსებული ვითარება. ყველა იმ გარემოების გარკვევა, თუ როგორ გადალახა რუსულმა აგრესიამ პოლონეთის საზღვარი. უკრაინის პოზიცია ძალიან გამჭვირვალეა: ჩვენ ვცდილობთ, დავადგინოთ ყველა დეტალი, ყველა ფაქტი. ამიტომ გვჭირდება, რომ ჩვენი სპეციალისტები, შეუერთდნენ საერთაშორისო გამოძიების მუშაობას და მივიღოთ წვდომა ყველა იმ მონაცემზე, რომელიც ხელმისაწვდომია…

ნატო-ს გენერალური მდივნის, იენს სტოლტენბერგის განცხადებით, უკრაინაში ომი სავარაუდოდ მოლაპარაკების მაგიდასთან დასრულდება. მისივე თქმით, ნატო გააგრძელებს უკრაინის მხარდაჭერას ბრძოლის ველზე, კიევისთვის შეიარაღების მიწოდებით და აღნიშნავს, რომ მხოლოდ უკრაინას შეუძლია, გადაწყვიტოს, როდის დადგება შეთანხმების დრო. „ჩვენ უნდა გვახსოვდეს, რომ ეს არის აგრესიული ომი, სადაც რუსეთი შეიჭრა სხვა ქვეყანაში. ჩვენ ყველას გვსურს მშვიდობა და გამოსავალი მოლაპარაკების გზით. მაგრამ ამავდროულად, უნდა გვესმოდეს, რომ თუ რუსეთი და პრეზიდენტი პუტინი შეწყვეტს ბრძოლას და უკრაინა შეწყვეტს ბრძოლას, მშვიდობა გვექნება. თუ პრეზიდენტი ზელენსკი და უკრაინა შეწყვეტს ბრძოლას, მაშინ უკრაინა შეწყვეტს არსებობას, როგორც დამოუკიდებელი, სუვერენული სახელმწიფო. გარკვეულ ეტაპზე ეს…

,,რუსები ყოველ ჯერზე მარცხდებიან. წააგეს სტრატეგიულად, წააგეს ოპერაციულად..რისი გაკეთებაც მათ სცადეს, ვერ მოახერხეს,”- ამის შესახებ აშშ-ის გენშტაბის უფროსმა, გენერალმა მარკ მილიმ განაცხადა. მისი თქმით, უკრაინელების მიზანი, ფიზიკურად გააძევონ რუსეთი უკრაინიდან სამხედრო გზით, ძალიან რთული ამოცანაა და სავარაუდოდ, უახლოეს მომავალში ვერ მოხდება. „რუსები ყოველ ჯერზე მარცხდებიან. წააგეს სტრატეგიულად, წააგეს ოპერაციულად და ვიმეორებ, ტაქტიკურადაც წააგეს. რისი გაკეთებაც მათ სცადეს, ვერ მოახერხეს. მათი მიზნების სტრატეგიული გადახედვა, მათი უკანონო შემოჭრა, ყველაფერმა წარუმატებლობა განიცადა. თითოეულმა მათგანმა. დაახლოებით 900-მდე კილომეტრის ფრონტის გასწვრივ უკრაინელებმა წარმატებას მიაღწიეს ერთმანეთის მიყოლებით, ხოლო რუსები ყოველ ჯერზე მარცხდებიან“,- განაცხადა გენერალმა. მისივე განცხადებით,…