დღე: ნოემბერი 11, 2022

,,სულაც არ ვარ გაბრაზებული, მშვენიერი სამუშაო განვახორციელე,”- ამის შესახებ აშშ-ის ყოფილმა  პრეზიდენტმა, დონალდ ტრამპმა განაცხადა. ტრამპი მედიაში გავრცელებული ინფორმაციას ეხმიანება, რომლის თანახმად, მის მიერ არჩეული რამდენიმე „რესპუბლიკელი“ კანდიდატის კონგრესში შუალედური არჩევნები წაგებამ, ის გააბრაზა. „მივმართავ მათ, ვინც კორუმპირებული მედიის ყალბი ნარატივით იკვებება, რომ მე გაბრაზებული ვარ შუალედური არჩევნების გამო: არ დაიჯეროთ. სულაც არ ვარ გაბრაზებული, მშვენიერი სამუშაო განვახორციელე (კენჭს არ ვიყრიდი!). მომავალს ვუყურებ. გახსოვდეთ, რომ „სტაბილური გენიოსი“ ვარ“, – განაცხადა დონალდ ტრამპმა.

უკრაინული მედიის ინფორმაციით, რუსეთმა მიკოლაევი დაბომბა. მიკოლაევის სამხედრო საოლქო ადმინისტრაციის ხელმძღვანელის ვიტალი კიმის ცნობით, რაკეტა ხუთსართულიან საცხოვრებელ სახლს დაეცა. დაბომბვის შედეგად დაიღუპა ორი ადამიანი, კიდევ ორი დაშავდა. ამასთან, დაიბომბა ვინიცაც. საოლქო ადმინისტრაციის ხელმძღვანელის, სერგეი ბორზოვის ინფორმაციით, ერთ-ერთი ჭურვი კრიტიკული ინფრასტრუქტურის ობიექტს მოხდა.

,,პუტინი შეიძლება დაიღალა ზოგადად ცხოვრებით მისი ასაკის გამო, მაგრამ ის ნამდვილად არ დაღლილა ომით,”- ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. მისი თქმით, უკრაინა არ ეთანხმება რუსეთის ლიდერთან მოლაპარაკებას. ,,მათ არ უნდათ ამ ომის დასრულება. სანამ რაიმე სახის დაღლილობას იგრძნობთ, ყველამ უნდა გაიგოს, რომ მხოლოდ კრემლი და მხოლოდ ერთი ადამიანი – რუსეთის ფედერაციის ხელმძღვანელი – არ დაიღალა ომით,”- განაცხადა ზელენსკიმ. უკრაინის პრეზიდენტის თქმით, რუსეთმა შეიძლება იგრძნოს სანქციების გავლენა, თუმცა ის აგრძელებს ტერიტორიული მთლიანობის, ადამიანის უფლებებისა და თავისუფლებების უგულებელყოფას. ,,თუ რუსეთს ნამდვილად სურს მშვიდობა, ჩვენ ამას ნამდვილად დავინახავთ. შეუძლებელია მშვიდობის სურვილი…

უკრაინის თავდაცვის მინისტრის მოადგილის, ანა მალიარის განცხადებით,  ხერსონის რეგიონში, რუსი ოკუპანტები ძარცვავენ მუზეუმებს,  ანადგურებენ საკომუნიკაციო ინფრასტრუქტურას. “აღმოჩნდა, რომ დამპყრობლებმა გაძარცვეს შოვკუნენკოს სახელობის ხერსონის რეგიონალური ხელოვნების მუზეუმი და გაიტანეს არა მხოლოდ ძვირფასი ექსპონატები, არამედ ჩვეულებრივი საყოფაცხოვრებო ნივთები. ხერსონის ოლქის სახელმწიფო არქივიდან ამოღებულია ყველა საოფისე ტექნიკა, ასევე საარქივო მასალა, მათ შორის მე-18-19 საუკუნეების დოკუმენტები”, – აღნიშნავს მალიარი. მისივე თქმით, საომარი მდგომარეობის საბაბით “რუსეთის ხელისუფლებამ” მოაწყო მატერიალური ფასეულობების და ისტორიული და კულტურული მემკვიდრეობის ნივთების მასობრივი ქურდობა.

პენსილვანიის შტატში არჩევნების შედეგების თანახმად, გარდაცვლილმა კანდიდატმა ხმების 85% მიიღო. 85 წლის ტონი დელუკა 9 ოქტომბერს ლიმფომით დაიღუპა. „მიუხედავად იმისა, რომ ჩვენ წარმოუდგენლად ვწუხვართ ჩვენი წარმომადგენლის, ტონი დელუკას დაკარგვის გამო, ჩვენ ვამაყობთ, რომ ამომრჩევლები კვლავ ენდობოდნენ მას და დემოკრატიული ღირებულებებისადმი ერთგულებას გამოხატავენ მისი არჩევით“, – წერს პენსილვანიის შტატის დემოკრატიული კამპანიის კომიტეტი. გამოცემა The Guardian-ის ინფორმაციით, დელუკას გარდაცვალების დროისთვის, ბიულეტენის შეცვლა ან სხვა კანდიდატის დასახელება უკვე დაგვიანებული იყო.

უკრაინის თავდაცვის მინისტრის განცხადებით, მართალია, რუსულმა მხარემ გადაწყვეტილება მიიღო ხერსონიდან ჯარების გაყვანასთან დაკავშირებით, თუმცა, ეს მარტივად და მალე ვერ შესრულდება. ოლექსი რეზნიკოვის თქმით, საუბარია ათობით ათას სამხედროზე და მათ ტექნიკაზე. „რუსეთს ხერსონის ოლქში 40 000 ჯარისკაცი ჰყავს. არც ისე მარტივია  ხერსონიდან ამ ჯარების ერთ ან ორ დღეში გაყვანა. პროცესს  მინიმუმ ერთი კვირა დასჭირდება. ამავდროულად, ზამთარი შეანელებს ბრძოლის ველზე აქტივობას ყველა მხარისთვის. ეს ყველა მხარისთვის სასარგებლო იქნება. ამ დროს მაქსიმალური შედეგით გამოვიყენებთ ჩვენი შეიარაღებული ძალებისთვის, გადაჯგუფებისთვის, განახლებისთვის და როტაციისთვის და კარგად მოვამზადებთ მათ“, – აცხადებს თავდაცვის მინისტრი.

რუსეთის მიერ ოკუპირებულ უკრაინისა და საქართველოს რეგიონებში გაცემულ რუსეთის სამგზავრო დოკუმენტაცია ევროკავშირის საბჭოსა და ევროპარლამენტის მიერ აღიარებული არ იქნებ. აღნიშნული შეთანხმება უკვე შედგა და ის  ევროკავშირის საბჭოს ოფიციალურ ვებგვერდზეც გამოქვეყნდა. „აღნიშნული გადაწყვეტილება არის პასუხი რუსეთის არაპროვოცირებულ და უსამართლო სამხედრო აგრესიაზე უკრაინის წინააღმდეგ და რუსეთის პრაქტიკაზე, გადასცეს რუსეთის საერთაშორისო პასპორტები ოკუპირებულ რეგიონებში მცხოვრებლებს. ეს ასევე მოჰყვა რუსეთის ცალმხრივ გადაწყვეტილებას, 2008 წელს დამოუკიდებელ სახელმწიფოებად ეღიარებინა საქართველოს ტერიტორიები, აფხაზეთი და სამხრეთ ოსეთი“, – ვკითხულობთ ოფიციალურ განცხადებაში. ამავე განცხადებით, ამგვარი დოკუმენტის მფლობელი შენგენის ვიზაც ვერ მიიღებს. შეთანხმების დამტკიცებამდე ერთი ნაბიჯია დარჩენილი, ის ევროკავშირის საბჭომ…

პრეზიდენტ ვოლოდიმირ ზელენსკიმ მორიგ ვიდეომიმართვაში უკრაინელების წარმატებებზე ისაუბრა და აღნიშნა რომ ოკუპანტებისგან გათავისუფლებულია 41 დასახლებული პუნქტი. „კარგი ამბავი გვაქვს სამხრეთიდან. ათობითაა უკრაინის დროშების რიცხვი, რომლებიც უბრუნდებიან თავიანთ კუთვნილ ადგილს მიმდინარე თავდაცვითი ოპერაციის ფარგლებში. უკვე  41 დასახლებული პუნქტი გათავისუფლდა. მადლობა ყველა ჩვენს გმირს, ვინც მონაწილეობს და უზრუნველყოფს ამ წინსვლას“, – აცხადებს პრეზიდენტი ვიდეომიმართვაში. მისივე შეფასებით, ეს არის თავისუფლებისთვის გაღებული სიცოცხლე. „მიუხედავად იმისა, რომ გახარებულები ვართ, უნდა გვახსოვდეს ახლა და სამუდამოდ, რას ნიშნავს ეს წინსვლა, თავდაცვის ძალების ყოველი ნაბიჯი წარმოადგენს უკრაინელების თავისუფლებისთვის გაღებულ სიცოცხლეს. ბოლომდე უნდა გავიაროთ გზა ბრძოლის ველსა და დიპლომატიაში…

თეთრი სახლის მრჩევლის (ეროვნული უსაფრთხოების საკითხებში) ჯეიკ სალივანის განაცხადებით, აშშ უკრაინას სამხედრო დახმარების მორიგ პაკეტს გადასცემს. დახმარების შემადგენლობაში მნიშვნელოვან წილ საჰაერო თავდაცვის სისტემები იკავებს. „აშშ უკრაინისადმი სამხედრო დახმარების ახალი პაკეტის შესახებ გამოაცხადებს, რომელშიც საჰაერო თავდაცვის მნიშვნელოვანი სისტემები შევა. მათ შორის ისეთები, როგორიცაა Hawk საჰაერო თავდაცვის სისტემებისთვის რაკეტები, ასევე Stinger-ის რაკეტებით აღჭურვილი Avenger-ის სისტემები”, – აცხადებს სალივანი. მან კიევში ვიზიტზეც ისაუბრა და აღნიშნა, რომ საჰაერო თავდაცვის სისტემები უკრაინისთვის ყველაზე მნიშვნელოვანია. „გასულ კვირას, როდესაც კიევში ვიყავი, საშუალება მქონდა უშუალოდ პრეზიდენტ ვოლოდიმირ ზელენსკისთან და მის გუნდთან განმეხილა კონკრეტულად, რა სჭირდება უკრაინას ბრძოლის ველზე.…