დღე: ნოემბერი 1, 2022

რუსმა მილიარდერმა, ოლეგ ტინკოვმა რუსეთის მოქალაქეობაზე უარი თქვა. აღნიშნულ ინფორმაციას თავად ბიზნესმენი ინსტაგრამზე ავრცელებს. მისი განმარტებით, არ სურს ასოცირდებოდეს „პუტინის ფაშიზმთან“. ოლეგ ტინკოვი იმედოვნებს, რომ სულ უფრო მეტი ბიზნესმენი იტყვის უარს, იმუშაოს ფაშიზმზე და  უარს იტყვიან რუსეთის მოქალაქეობაზე. ,,მე არ შემიძლია და არც ვიქნები ასოცირებული ფაშისტურ ქვეყანასთან, რომელმაც დაიწყო ომი თავის მშვიდობიან მეზობელთან“,- განაცხადა ტინკოვმა.  

უკრაინის  საგარეო საქმეთა მინისტრის, დმიტრო კულებას განცხადებით, უკრაინას დაბომბილი ენერგეტიკული ინფრასტრუქტურის აღდგენაში 12 ქვეყანა დაეხმარება. მისივე თქმით, სამინისტრომ ევროპული სამოქალაქო დაცვის მექანიზმისა და NATO-ს კრიზისზე რეაგირების ცენტრის ფარგლებში შესაბამისი მოთხოვნებიც განაახლა. ,,ჩვენ უკვე შევთანხმდით აღჭურვილობის მიწოდებაზე 12 ქვეყნის მთავრობისა და კომპანიისგან, ესენი არიან: ისრაელი, ესტონეთი, იტალია, ლატვია, გერმანია, ჩრდილოეთ მაკედონია, პოლონეთი, კორეის რესპუბლიკა, სლოვაკეთი, სლოვენია, ფინეთი და საფრანგეთი. მთლიანობაში, 954 ერთეულ ელექტროტექნიკაზე ვსაუბრობთ. დახმარების პირველი ნაწილი უკვე უკრაინაშია, დანარჩენს უახლოეს მომავალში მივიღებთ. რუსულ ტერორს არ მივცემთ ჩვენი გატეხვის უფლებას… მადლიერი ვართ ყველა პარტნიორისა და კომპანიის, რომელიც ჩვენს გადაუდებელ საჭიროებასა და…

უკრაინის შეიარაღებული ძალების მთავარსარდალის, ვალერი ზალუჟნის განცხადებით, უკრაინის შეიარაღებული ძალები თანდათან ათავისუფლებენ მშობლიურ მიწას. მისივე თქმით, გამარჯვება რთულად მიიღწევა, თუმცა ის აუცილებლად დადგება. „ჩვენ ვაწარმოებთ ომს ქვეყნის წინააღმდეგ, რომელიც სიდიდით 28-ჯერ აღემატება ჩვენს სახელმწიფოს, რომლის მოსახლეობა ჩვენს მოსახლეობაზე ოთხჯერ მეტია. რომლის სამხედრო პოტენციალი რამდენჯერმე აღემატება ჩვენს შესაძლებლობებს“, – წერს ზალუჟნი. უკრაინის შეიარაღებული ძალების მთავარსარდალის თქმით, დღეს ომი მიმდინარეობს ხმელეთზე, ჰაერში, ზღვაში და კიბერსივრცეში.  

,,გაერო-ს შუამავლობით მიღწეულ მარცვლეულის ექსპორტის ინიციატივაში რუსეთის მონაწილეობის შეწყვეტას აქვს მყისიერი და დამაზიანებელი გავლენა გლობალურ სასურსათო უსაფრთხოებაზე,”- ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა. მისივე თქმით, მარცვლეულის შეთანხმების გარშემო ინიციატივის ნებისმიერი ჩაშლა, დაბალი შემოსავლის მქონე ქვეყნებისთვის დამატებითი სირთულეების რისკს ქმნის. „ინიციატივის ნებისმიერი ჩაშლა სურსათის ფასის მკვეთრ ზრდას, შავი ზღვის მარშრუტებზე დაბრუნებული სადაზღვევო კომპანიების და კომერციული გადამზიდავების ნდობის შემცირებას და დაბალი შემოსავლის მქონე ქვეყნებისთვის დამატებითი სირთულეების რისკს ქმნის“, – განაცხადა ნედ პრაისმა.  

უკრაინის თავდაცვის მინისტრის, ალექსეი რეზნიკოვის განცხადებით, დროა, მსოფლიომ რუსეთს ტერორისტული სახელმწიფოს სამართლებრივი სტატუსი მიანიჭოს. ამის შესახებ რეზნიკოვი სოციალურ ქსელ „ტვიტერში“ წერს. „რუსეთი განაგრძობს სარაკეტო-უპილოტო დარტყმებს უკრაინის სამოქალაქო ინფრასტრუქტურაზე. მათ არ ერიდებათ, იყვნენ დე ფაქტო ტერორისტული სახელმწიფო. დროა, მსოფლიომ მიანიჭოს სათანადო სამართლებრივი სტატუსი და მოეპყრონ მას ისე, როგორც ეს გააკეთეს ლატვიამ, ესტონეთმა პოლონეთმა და ევროპის საბჭოს საპარლამენტო ასამბლეამ“, – წერს რეზნიკოვი.

,,ეს არ არის ყველაფერი, რისი გაკეთებაც რუსეთს შეუძლია,” – ამის შესახებ რუსეთის პრეზიდენტმა, ვლადიმერ პუტინმა ჟურნალისტის კითხვის საპასუხოდ განაცხადა: არის თუ არა უკრაინაზე ამჟამინდელი მასირებული დარტყმები პასუხი სევასტოპოლში ბოლო მოვლენებზე. მისივე თქმით, იმისთვის, რომ მიღწეულ იქნას შეთანხმებები, საჭიროა მოლაპარაკებების მაგიდასთან დაჯდომა და მოლაპარაკება. „იმისთვის, რომ რამის შეთავაზება მოხდეს მოლაპარაკებებზე, საჭიროა, ეს მოლაპარაკებები შედგეს. მოლაპარაკებების საკუთარი პოზიციის წინასწარ გასაჯაროება ყოველთვის მიზანშეწონილი არ არის, რათა მოხდეს ეროვნული მიზნების მიღწევა… თუმცა იმისთვის, რომ მიღწეულ იქნას შეთანხმებები, საჭიროა მოლაპარაკებების მაგიდასთან დაჯდომა და მოლაპარაკება. აი, ჩვენ სტამბოლში შევთანხმდით, ისინი კი ადგნენ შემდგომ და ყველაფერი ნაგავში…

,,რუს ტერორისტებს არ აქვთ ისეთი რაკეტები, რომლებიც მოხვდება უკრაინის სიცოცხლის, ცივილიზებულად ცხოვრების და ერთმანეთზე ზრუნვის სურვილს. ვერც არმიით, ვერც ტერორით რუსეთი ვერ დაიპყრობს უკრაინას“,- ამის შესახებ ყოველდღიურ ვიდოემიმართვაში უკრაინის პრეზიდენტმა, ვოლოდიმირ ზელენსკიმ განაცხადა. მისივე თქმით, უკრაინა კიდევ უფრო გააძლიერებს საჰაერო თავდაცვას. „დღეს ძალიან კარგად იმუშავებს ჩვენმა საჰაერო ძალებმა და ყველამ, ვინც ჩართულია ცის დაცვაში. ტერორისტების მიერ სამიზნეებად განსაზღვრული ობიექტების უმეტესობის გადარჩენა მოხერხდა. მხოლოდ ამ დილით ტერორისტებმა მასირებული დარტყმისთვის 55 ფრთოსანი რაკეტა გამოიყენეს, საიდანაც 45 ჩამოგდებულია. ჩვენ კიდევ უფრო გავაძლიერებთ ჩვენს საჰაერო თავდაცვას. თუმცა ახლაც ტერორისტებს უწევთ სულ მცირე ოთხჯერ მეტი რაკეტის დახარჯვა, რათა მიზანს…

რუსეთის ფედერაციის პრეზიდენტის განცხადებით, უკრაინაზე მიტანილი მორიგი სარაკეტო იერიში პასუხია სევასტოპოლში, შავი ზღვის ფლოტის გემებზე განხორციელებულ თავდასხმაზე. კითხვას, არის თუ არა უკრაინის ტერიტორიაზე მასიური დარტყმები პასუხი სევასტოპოლის ბოლო მოვლენებზე, პუტინმა აღნიშნა: „ნაწილობრივ ასეც არის, მაგრამ ეს არ არის ყველაფერი, რისი გაკეთებაც შეგვეძლო“. როგორც რუსული მხარე ამტკიცებს, უკრაინამ შავი ზღვის ფლოტზე თავდასხმა დრონებით განახორციელა.

უკრაინის თავდაცვის უწყების განცხადებით, დროა, მსოფლიომ რუსეთს ტერორისტული სახელმწოფოს სამართლებრივი სტატუსი მიანიჭოს. როგორც მინისტრი ოლექსი რეზნიკოვი განმარტავს, რუსეთი იმსახურებს ამ სტატუსის მატარებელი იყოს. „რუსეთი აგრძელებს უკრაინის სამოქალაქო ინფრასტრუქტურაზე სარაკეტო უპილოტო თავდასხმებს. მათ არ რცხვენიათ, რომ იყვნენ დე ფაქტო ტერორისტული სახელმწიფო. დროა, მსოფლიომ მიანიჭოს მათ შესაბამისი სამართლებრივი სტატუსი და შესაბამისად მოეპყროს რუსეთს, როგორც გააკეთა ლატვიამ, ესტონეთმა, პოლონეთმა და ევროპის საბჭოს საპარლამენტო ასამბლეამ”,  – აცხადებს თავდაცვის მინისტრი რეზნიკოვი.  

რუსეთის თავდაცვის უწყების ინფორმაციით, შესრულებული გეგმიდან გამომდინარე, ნაწილობრივი მობილიზაციის ფარგლებში ყველა ღონისძიება შეწყვეტილია. თავდაცვის სამინისტროში განმარტავენ, რომ სამხედრო კომისარიატების მუშაობა მომავალში  მხოლოდ რუსეთის შეიარაღებულ ძალებში მოხალისეებისა და კონტრაქტორი მებრძოლების მიღების კუთხით გაგრძელდება. როგორც მინისტრი  სერგეი შოიგუ განმარტავს, 300 000 ახალგაზრდა გაიწვიეს, აქედან 218 ათასი მომზადებას გადის, 82 ათასი ადამიანი კი უკრაინაში გაგზავნეს. შეგახსენებთ, რომ ნაწილობრივი მობილიზაციის გამოცხადების გამო, რუსეთი ათი ათასობით ადამიანმა დატოვა.  

სოჭში გამართული სამეული – აზერბაიჯანის, რუსეთისა და სომხეთის პრეზიდენტების შეხვედრის შემდეგ, პრეზიდენტმა პუტინმა განცხადება ე.წ. მარცვლეულის შეთანხებიდან გასვლის საკითხზეც გააკეთა. როგორც რუსეთის პრეზიდენტი განმარტავს, ეს არ არის გასვლა, ეს არის შეჩერება. „ჩვენ არ ვამბობთ, რომ ვწყვეტთ ამ ოპერაციაში მონაწილეობას, არა. ჩვენ ვამბობთ, რომ ვაჩერებთ. გაერო-ს თანამშრომლები აქტიურად მონაწილეობენ მის მუშაობაში, რისთვისაც ჩვენ მათი მადლობელი ვართ. მაშინ, ჩაატარონ მათ მუშაობა უკრაინასთან და უკრაინამ უნდა გასცეს გარანტია, რომ სამოქალაქო გემებისთვის და რუსეთის მომარაგების გემებისთვის საფრთხეები არ შეიქმნება“, – განაცხადა პუტინმა. მისივე შეფასებით, უკრაინამ უნდა უზრუნველყოს საზღვაო დერეფნის უსაფრთხოება, რომლითაც მარცვლეულის ექსპორტი ხდება.…

მშვიდობა და სტაბილურობა – ეს იყო ძირითადი გზავნილი, რომელიც სოჭში შეკრებილმა სამი ქვეყნის ლიდერმა დააფიქსირა. რუსეთის, აზერბაიჯანისა და სომხეთის პრეზიდენტები თანხმდებიან, რომ სამხრეთ კავკასიაში განვითარება და სტაბილურობა უნდა იყოს. მხარეებმა დაადასტურეს  ვალდებულება, შეასრულონ 2020 წლის 9 ნოემბრის, 11 იანვრის და 2021 წლის 26 ნოემბრის შეთანხმებები. ერთობლივ განცხადებაში საუბარია, რომ მხარეები  ადასტურებენ, აზერბაიჯანულ-სომხური ურთიერთობების ყოვლისმომცველი ნორმალიზაციის, მშვიდობის, სტაბილურობის, უსაფრთხოებისა და სამხრეთ კავკასიაში მდგრადი ეკონომიკური განვითარების ინტერესებიდან გამომდინარე. ასევე, სამეულმა ხაზი გაუსვა რუსი სამშვიდობოების ძალისხმევის აუცილებლობას რეგიონში სიტუაციის სტაბილიზაციისთვის. „რეგიონში მდგრადი და გრძელვადიანი მშვიდობის მისაღწევად, ლიდერებმა ხაზი გაუსვეს აზერბაიჯანის რესპუბლიკასა და სომხეთის…