დღე: ოქტომბერი 31, 2022

რუსეთის მიერ კიევის კრიტიკულ ინფრასტრუქტურაზე სარაკეტო დარტყმამ,  უკრაინის დედაქალაქის რამდენიმე რაიონში წყლისა და დენის მიწოდების შეზღუდვა გამოიწვია. დღეს დილიდან კიევში ათამდე აფეთქების ხმა გაისმა. „რუსეთი არ არის დაინტერესებული სამშვიდობო მოლაპარაკებებით და არც გლობალური სასურსათო უსაფრთხოებით“, – წერს უკრაინის საგარეო საქმეთა სამინისტროს პრესსპიკერი, ოლეგ ნიკოლენკო. შეგახსენებთ, დღეს დილიდან მთელი უკრაინის მასშტაბით საჰაერო თავდასხმის გამაფრთხილებელი სიგნალი იყო ჩართული.

უკრაინული მედიის ინფორმაციით, რუსული ძალები უკრაინაზე მასიურ სარაკეტო შეტევას ახორციელებენ. მათივე ცნობით, ოკუპანტები ზაპოროჟიეში კრიტიკულ ინფრასტრუქტურულ ობიექტს დაესხნენ თავს, რაკეტებით იბომბება ვინიცაც. შეგახსენებთ, უკრაინის მთელ ტერიტორიაზე საჰაერო განგაშია გამოცხადებული. მედიის ცნობით, კიევის, ვინიცას და დნეპროპეტროვსკის რეგიონებში საჰაერო თავდაცვის სისტემები მუშაობს. კიევში დილიდან აფეთქებების ხმა ისმის,  მოქალაქეებს თავშესაფარში დარჩენისკენ მოუწოდებენ.

უკრაინის მთელ ტერიტორიაზე საჰაერო განგაშია გამოცხადებული. მედიის ცნობით, კიევის, ვინიცას და დნეპროპეტროვსკის რეგიონებში საჰაერო თავდაცვის სისტემები მუშაობს. კიევში დილიდან აფეთქებების ხმა ისმის,  მოქალაქეებს თავშესაფარში დარჩენისკენ მოუწოდებენ.      

სომალის დედაქალაქ მოგადიშუში მომხდარ აფეთქებას სულ მცირე 100 ადამიანი ემსხვერპლა. დაღუპულთა შორის არიან ქალები და ბავშვები. არსებული ინფორმაციით, სომალის დედაქალაქის ხალხმრავალ უბანში ორი დანაღმული ავტომობილი აფეთქდა. აფეთქებების შედეგად 300-ზე მეტი ადამიანი დაშავდა. სომალის პრეზიდენტი აფეთქებების ორგანიზებაში „ალ-შაბაბის“ დაჯგუფებას  ადანაშაულებს. სავარაუდოდ, აფეთქებების სამიზნე სომალის განათლების სამინისტრო გახდა.

ინდოეთის გუჯარატის შტატში ქვეითად მოსიარულეებისთვის განკუთვნილი ხიდის ჩამონგრევას 141 ადამიანი ემსხვერპლა.  დაღუპულთა შორის უმეტესობა ქალი, ბავშვი ან ხანდაზმულია. ხიდი ექვს თვიანი სარემონტო სამუშაოების შემდეგ ერთი კვირის წინ გაიხსნა. ხელისუფლების განცხადებით, ნგრევის დროს  ხიდზე 150-ზე მეტი ადამიანი იმყოფებოდა. მოსალოდნელია, რომ დაღუპულთა რიცხვი კიდევ  გაიზარდოს.  

სამხრეთ კორეაში, სეულში ჰელოუინის დროს ჭყლეტის შედეგად დაღუპულთა რიცხვი 154-მდე გაიზარდა. ტრაგედიის შედეგად 133-მა ადამიანმა სხეულის დაზიანება მიიღო. ხელისუფლების ინფორმაციით, მსხვერპლთა შორის 14 ქვეყნის,  26 უცხოელი მოქალაქეა. ამასთან, ბევრი დაშავებულის მდგომარეობა მძიმეა და შესაძლოა, მსხვერპლის რიცხვი კიდევ  გაიზარდოს. ადგილობრივი პოლიციის ცნობით, დაღუპული 154 ადამიანიდან 153-ის იდენტიფიცირება უკვე მოხდა.

ინდოეთში, გუჯარატის შტატში ხიდის ჩამონგრევის შედეგად გარდაცვლილთა რაოდენობა გაიზარდა. ქვეითად მოსიარულეებისთვის განკუთვნილი ხიდის ჩამონგრევის შედეგად 100-მდე ადამიანი დაიღუპა. მათ შორის არიან ბავშვები. უბედური შემთხვევა  მდინარე მაჩჰუზე მოხდა. 230-მეტრიანი ისტორიული ხიდი, რომელიც 19-ე საუკუნეშია აშენებული, რამდენიმე დღის გახსნილი იყო და მასზე, შემთხვევის დროს, დაახლოებით 400 ადამიანი იმყოფებოდა.