დღე: ოქტომბერი 29, 2022

ამ წუთებში, ინფორმაცია ვრცელდება ლარსის გამშვებ პუნქტზე, რუსი სამხედროების მხრიდან დაკავებულ დებზე, რომლებიც დაღესტნიდან გამოიქცნენ და საქართველოში შემოსვლას ცდილობდნენ. ინფორმაციას „რადიო თავისუფლება“ ავრცელებს. მესაზღვრეებს დები ხუთ საათზე მეტია, რაც ზემო ლარსის გამშვებ პუნქტზე ჰყავთ დაკავებული. დები ოჯახში ძალადობას გამოექცნენ. მესაზღვრეები კი აცხადებენ, რომ მათ წასაყვანად ნათესავები მოდიან. უფლებადამცველების თქმით, ნათესავები რეგულარულად მიმართავდნენ ძალადობას დების მიმართ, მათ ბავშვობაში ქალური წინადაცვეთა ჩაუტარეს, ხოლო ცოტა ხნის წინ, მშობლებმა ერთ-ერთ მათგანის თავის ბიძაშვილზე დაქორწინება დაუპირეს. ზაფხულში დებმა რეგიონი უფლებადამცველების დახმარებით დატოვეს და ოჯახიდან გაიქცნენ. არსებული ინფორმაციით, რუსმა მესაზღვრეებმა დებს პასპორტები ჩამოართვეს და პოლიციას გამოუძახეს.…

დიდ ბრიტანეთში უკრაინის ელჩის, ვადიმ პრისტაიკოს განცხადებით, კიევი  ემზადება ბრიტანეთის ახალი პრემიერ-მინისტრის, რიში სუნაკის ვიზიტისთვის. მისი თქმით, ბრიტანეთის ახალმა პრემიერმა უკვე გამართა პირველი  სატელეფონო საუბარი ვოლოდიმირ ზელენსკისთან და სუნაკის კიევში ვიზიტზე შეთანშხმდნენ. ელჩმა აღნიშნა, რომ  სატელეფონო საუბრისას ვოლოდიმირ ზელენსკი მიესალმა სუნაკის დანიშვნას დიდი ბრიტანეთის მთავრობის მეთაურად და გამოთქვა მზადყოფნა გააგრძელოს სტრატეგიული პარტნიორობის გაძლიერება უკრაინასა და გაერთიანებულ სამეფოს შორის.

რუსეთი “მარცვლეულის შეთანხმებაში” მონაწილეობას წყვეტს – ამის შესახებ ინფორმაციას რუსეთის ფედერაციის თავდაცვის სამინისტრო ავრცელებს. აღნიშნული გადაწყვეტილების მიზეზი სევასტოპოლში, შავი ზღვის ფლოტის გემებზე მომხდარი „თავდასხმებია“. ,,კიევის რეჟიმის მიერ დიდი ბრიტანეთის სპეციალისტების მონაწილეობით განხორციელებული ტერორისტული აქტის გათვალისწინებით შავი ზღვის ფლოტის გემებისა და სამოქალაქო გემების წინააღმდეგ, რომლებიც მონაწილეობენ „მარცვლეულის დერეფნის“ უსაფრთხოების უზრუნველყოფაში, რუსული მხარე წყვეტს მონაწილეობას უკრაინის პორტებიდან სოფლის მეურნეობის პროდუქციის ექსპორტის შესახებ შეთანხმებების განხორციელებაში”,- ნათქვვამია განცხადებაში. ცნობისთვის, უკრაინასა და რუსეთს შორის შეთანხმება მარცვლეულის ექსპორტზე, გაერო-სა და თურქეთის შუამავლობით ივლისში გაფორმდა.

ლუგანსკის ოლქის რეგიონული ადმინისტრაციის ხელმძღვანელის, სერგი გაიდაის განცხადებით, რთული ბუნებრივი პირობების მიუხედავად, უკრაინელმა სამხედროებმა ოკუპანტებისგან  3 დასახლებული პუნქტი გაათავისუფლეს. მისივე თქმით, დეოკუპირებულ დასახლებებში შესვლა ჯერჯერობით აკრძალულია, რადგან ოკუპანტებმა ტერიტორია სრულად დანაღმეს. ,,ლუგანსკის ოლქში ისევ გრძელდება საომარი მოქმედებები, ჩვენ ნელ-ნელა მივიწევთ წინ, თუმცა გარკვეული შეფერხებებიც გვაქვს რაც მოსალოდნელი იყო. მთავარი წინააღმდეგობა ახლა რთული ბუნებრივი პირობებია, ფაქტობრივად განუწყვეტლივ წვიმს, რაც აფერხებს საომარ მოქმედებებს. მიუხედავად ამისა, ჩვენ მაინც მოვახერხეთ ოლქში 3 დასახლებული პუნქტის დეოკუპაცია ჯერჯერობით იქ შესვლა აკრძალულია, ვინაიდან ოკუპანტებმა ტერიტორია სრულად დანაღმეს, ასევე არ წყდება საჰაერო იერიშები. იმედი გვაქვს, რომ უახლოეს დღეებში…

ამერიკის შეერთებულმა შტატებმა უკრაინას დამატებით 275 მილიონი დოლარის ღირებულების დახმარების პაკეტი გამოუყო. დახმარების ახალი პაკეტი მოიცავს 2 ერთეულ ზალპური ცეცხლის მობილურ სისტემა HIMARS-ს, 500 მართვად ჭურვს 155-მმ-იანი ჰაუბიცებისთვის, 1300-ზე მეტ გადასატან ანტისატანკო სისტემებას, 125 ერთეულ ჯავშანმანქანა Humvee-ს და 4 ანტენას სატელიტური კავშირგაბმულობისთვის. საბრძოლო მასალა უკრაინას პენტაგონის რეზერვებიდან გადაეცემა.    

რუსეთმა დამოუკიდებელი ტელეკომპანია „დოჟდის“ ხელმძღვანელი ნატალია სინდეევა და  ჟურნალისტები, ეკატერინე კოტრიკაძე და ვლადიმერ რომენსკი უცხო ქვეყნების აგენტების სიაში შეიყვანა. აღნიშნული გადაწყვეტილების მიზეზი მათი “პოლიტიკური საქმიანობაა“. ტელეკომპანია „დოჟდი“ 2008 წელს დაარსდა. „დოჟდმა“ რუსეთიდან მაუწყებლობა 3 მარტს, უკრაინაში რუსეთის შეჭრის შემდეგ შეწყვიტა.

რუსეთის ცენტრალური სამხედრო ოლქის მეთაური, გენერალ-პოლკოვნიკი ალექსანდრ ლაპინი თანამდებობიდან გაათავისუფლეს. ლაპინის გათავისუფლების შესახებ ინფორმაციას Kremlin_Russian-ს ოფიციალური არხი ავრცელებს. გამოცემის ინფორმაციით, ლაპინის გადაყენებისკენ ვლადიმერ პუტინს ჩეჩნეთის ლიდერი რამზან კადიროვი და “ვაგნერის” კერძო სამხედრო კომპანიის მფლობელი ევგენი პრიგოჟინი მოუწოდებდნენ. კადიროვი ლიმანის დაკარგვაში სწორეს ლაპინს ადანაშაულებდა და მისი პასუხისმგებლობის საკითხს აყენებდა. ლაპინის გათავისუფლების შესახებ დამატებით დეტალები ჯერ-ჯერობით უცნობია.

,,2008 წელს რუსეთის შეჭრა საქართველოში და მისი სასტიკი შეჭრა უკრაინაში ცხადყოფს, რომ მოსკოვი ნაკლებად პატივს სცემს მეზობლების სუვერენიტეტს და ის არ არის სანდო, გრძელვადიანი პარტნიორი,” – ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა. ჟურნალისტმა მას შეკითხვა დაუსვა რუსეთის მიერ სომხეთისა და აზერბაიჯანის ლიდერებთან ერთად სოჭში დაგეგმილი შეხვედრაზე. მისი თქმით, პირდაპირი დიალოგი სასარგებლოა საკითხების გადასაჭრელად. „როდესაც ჩვენ ურთიერთობა გვაქვს სომხეთთან და აზერბაიჯანთან, ჩვენ ამას ვაკეთებთ მხოლოდ და მხოლოდ ერთი მიზნით: ბოლო მოეღოს ძალადობას, ეს ქვეყნები გრძელვადიანი და ყოვლისმომცველი მშვიდობის გზაზე დადგნენ. ჩვენ ამ ქვეყნებს მოვუწოდეთ, რომ ისინი უნდა შეხვდნენ…

ევროკავშირმა 17 მილიარდი ევროს ღირებულების რუსული აქტივები გაყინა. აღნიშნულ ინფორმაციას „დოიჩე ველე“, ევროკავშირის იუსტიციის კომისარის, დიდიე რეინდერსის განცხადებაზე დაყრდნობით ავრცელებს. „ამ დრომდე გაყინულია 90 ადამიანის აქტივები, 17 მილიარდ ევროზე მეტი შვიდ წევრ სახელმწიფოში, მათ შორის 2,2 მილიარდი გერმანიაშია“, – განაცხადა დიდიე რეინდერსმა. უკრაინაში რუსეთის შეჭრის შემდეგ, ევროკავშირმა რუსეთს სანქციების რვა პაკეტი დაუწესა.

ამოუცნობი არსება ბრენდ „პუტინის“ ქვეშ გაერთიანებული – ასეთია უკრაინის მოკლე შეფასება რუსეთის ფედერაციის პრეზიდენტთან დაკავშირებით. საბოლოო ჯამში კი, როგორც ზელენსკი აცხადებს, ამოუცნობია, ვინ ან რა არის ის. „ჩემთვის უკვე რთული სათქმელია, ვინ არის ან რა არის პუტინი. პუტინი დღეს – ეს ადამიანების გარემოცვაა, სამხედრო პოლიტიკური ხელმძღვანელობა ბრენდ „პუტინის“ ქვეშ გაერთიანებული, რომლებიც დგამენ აგრესიულ ნაბიჯებს ერის გასანადგურებლად. ჩვენ არ ვართ მზად, აი ასე ავდგეთ და ვისაუბროთ პუტინთან, საერთო ჯამში კი ამ რეჟიმთან“, – აღნიშნა პრეზიდენტმა ზელენსკიმ იელის უნივერსიტეტის მოსწავლეებსა და ლექტორებთან მიმართვისას. პრეზიდენტი ისევ იმეორებს, რომ ოკუპანტთან მოლაპარაკება შეუძლებელია. მას სისხლით…

სომხეთის პრემიერ-მინისტრი აცხადებს, რომ ყარაბაღში რუსი სამშვიდობოებისთვის მანდატის 20 წლამდე გახანგრძლივებას ხელს მოაწერს. ნიკოლ ფაშინიანის განცხადებით, ის მზადაა ამ ხელშეკრულებას ხელი სოჭში დაგეგმილ სამმხრივ შეხვედრაზე მოაწეროს. „გვინდა, რომ რუსმა სამშვიდობოებმა მისია განაგრძონ. მზად ვარ, სოჭში ხელი მოვაწეროთ სამშვიდობოების მანდატის 10-15 ან 20 წლით გახანგრძლივების დოკუმენტს. ვთავაზობ, რომ რუსეთის პრეზიდენტმა ეს ინიციატივა წამოაყენოს. შემიძლია წამოვაყენო ეს წინადადება, მაგრამ რუსეთმა მას მხარი უნდა დაუჭიროს“, – განაცხადა ფაშინიანმა.  

უკრაინის საგარეო საქმეთა მინისტრი დმიტრო კულება უკრაინაში ომის მიმდინარეობის ხანგრძლოვობაზე საუბრობს. როგორც მინისტრი განმარტავს, ზუსტი დროის დასახელება შეუძლებელია, თუმცა, უკრაინელები იბრძოლებენ მანამ, სანამ საბოლოო გამარჯვებას არ მიაღწევენ. „ომი გაგრძელდება იმდენ ხანს, რამდენიც უკრაინის გამარჯვებას დასჭირდება, რაც აუცილებლად მოვა. კვირა, თვე, ნახევარი წელი, წელი, უცნობია. ამიტომ არ ღირს დედლაინების დაწესება, როგორიცაა ზამთრამდე ან გაზაფხულამდე“, – აცხადებს კულება. მისი თქმით, რაც დრო გადის, მსოფლიო საზოგადოება უფრო მეტად რწმუნდება, რომ პუტინი უგულებელყოფს თანამოქალაქეების სიცოცხლეს.  

უკრაინული მხარის ინფორმაციით, ქვეყნის თავდაცვის ძალებმა დონეცკის ოლქის მაიორსკის დასახლებულ პუნქტში 300-მდე რუსი ჯარისკაცი გაანადგურეს. ისინი მორიგ თავდასხმას გეგმავდნენ. დაჭრილები კი სამედიცინო პუნქტში გადაიყვანეს. გენერალური შტაბის ინფორმაციით, უკრაინის შეიარაღებულმა ძალებმა ოკუპანტების თავდასხმები რამდენიმე მიმართულებით მოიგერიეს. „მოწინააღმდეგის თავდასხმები მოგერიებულია დონეცკის ოლქის ვოდიანეს, კამენკასა და ნეველსკოეს დასახლებებში“ – აცხადებენ გენშტაბში. „რუსულმა ძალებმა განახორციელეს 4 სარაკეტო და 25-მდე საჰაერო დარტყმა და 70-ზე მეტი შეტევა ზალპური ცეცხლის რეაქტიული სისტემებიდან. დაზარალდა 35-ზე მეტი დასახლებული პუნქტი, მათ შორის დონეცკის ოლქის სევერსკისა და პრეჩისტოვკას დასახლებები“ – აღნიშნულია ინფორმაციაში.

ამერიკის შეერთებული შტატების კონგრესის წარმომადგენელთა პალატის სპიკერის, ნენსი პელოსის ოჯახზე განხორციელებულ თავდასხმასთან დაკავშირებით ახალი ინფორმაცია ვრცელდება. როგორც ადგილობრივ მედიაში ვკითხულობთ, ჩაქუჩით შეიარაღებული პირი ცდილობდა, ნენსი პელოსს გასწორებოდა. ამერიკული მედიის ინფორმაციით, დამნაშავე  ყვიროდა „სად არის ნენსი…“ შემდეგ კი შეეცადა, პელოსის მეუღლე გაეკოჭა და თქვა, რომ ის „ნენსის დაელოება“. შეგახსენებთ რომ ნენსი პელოსის სახლში უცნობი პირი შეიჭრა და მის მეუღლეს, ბატონ პელოსს სასტიკად გაუსწორდა. 82 წლის პოლ პელოსი საავადმყოფოშია გადაყვანილი. მის ჯანმრთელობას საფრთხე არ ემუქრება. აშშ-ის კონგრესის სპიკერის ოჯახზე თავდასხმა მოხდა

ბელარუსის პრეზიდენტი ალექსანდრე ლუკაშენკომ სომხეთისა და აზერბაიჯანის ლიდერებს მიმართავს და მოუწოდებს, ბრძოლა შეწყვიტონ. „მეგობრებო, რისთვის იბრძვით? რისთვის იბრძვით ამ მთებში? სამასი ადამიანია უკვე დაღუპული იქ, სადაც ხალხი არ ცხოვრობს! სადაც თხებიც კი არ მიდიან. რატომ ომობთ? თქვენ ორივენი დაჯექით  და შეთანხმდით. და დაე, რუსეთმა განწმინდოს ეს ხელშეკრულება. მაგრამ, თქვენ ხომ ეს არ გინდათ”, – მიმართა ლუკაშენკომ სომხეთის პრემიერ-მინისტრ ნიკოლ ფაშინიანს.  

აშშ-ის კონგრესის წარმომადგენელთა პალატის სპიკერის, ნენსი პელოსის მეუღლეს, საკუთარ სახლში უცნობი პირი თავს დაესხა. ინფორმაციას ამის შესახებ ნენსი პელოსის წარმომადგენელი ავრცელებს. „დილით ადრე, თავდამსხმელი შეიჭრა პელოსის რეზიდენციაში სან-ფრანცისკოში და ძალადობრივად გაუსწორდა ბატონ პელოსის. თავდამსხმელი დაკავებულია და თავდასხმის მოტივი დგინდება. პელოსი საავადმყოფოში გადაიყვანეს, სადაც მას შესანიშნავ სამედიცინო დახმარებას უწევენ და მოსალოდნელია მისი სრული გამოჯანმრთელება. სპიკერი [ნენსი პელოსი] იმ დროს არ იმყოფებოდა სან-ფრანცისკოში”, – წერია ნენსი პელოსის წარმომადგენლის განცხადებაში.