დღე: ოქტომბერი 12, 2022

,,პუტინს უკანა ჯიბეში მილიონობით ადამიანი ჰყავს, რომლებიც ხორცსაკეპ მანქანაში შეუძლია ჩატენოს,” – ამის შესახებ გაერთიანებული სამეფოს თავდაცვის მინისტრმა ბენ უოლესმა განაცხადა. მისი თქმით, პუტინის სტრატეგიული ვარაუდები ყველა მხრივ მცდარი ჩანს. ,,ყოველ ნაბიჯზე ხალხი საკმარისად არ აფასებდა უკრაინას და ზედმეტად აფასებდა რუსეთს. თუმცა მას  უკანა ჯიბეში მილიონობით ადამიანი ჰყავს, რომლებიც შეუძლია ხორცსაკეპ მანქანაში ჩატენოს წესების გარეშე, ადამიანთა სიცოცხლისთვის, უდანაშაულო ადამიანებისთვისა და მშვიდობიანი მოსახლეობისთვის ანგარიშის გაწევის გარეშე”, – განაცხადა ბენ უოლესმა.

მეტი...

ჩეხეთი რუსეთის მოქალაქეებისთვის სავიზო შეზღუდვებს აძლიერებს. ამის შესახებ ინფორმაციას ჩეხეთის საგარეო საქმეთა სამინისტრო ავრცელებს. „მიუხედავად იმისა, რომ უკრაინაში რუსული რაკეტები ეცემა სათამაშო მოედნებსა და ადამიანებზე, რომლებიც უბრალოდ სამსახურში დადიან, რუსეთის ფედერაციის 200-მდე მოქალაქე ყოველდღიურად ჩეხეთში ჩადის საერთაშორისო აეროპორტის გავლით. ამიტომ ჩვენ შევთანხმდით, რომ რუსეთის იმ მოქალაქეებს, რომლებიც შედიან ჩეხეთის ტერიტორიაზე შენგენის გარე საზღვრებით – კერძოდ კი, ჩვენი საერთაშორისო აეროპორტით – ტურიზმის, სპორტის ან კულტურის მიზნით, ქვეყანაში შესვლა აეკრძალებათ“ , – განაცხადა ჩეხეთის საგარეო საქმეთა მინისტრმა. აღნიშნული გადაწყვეტილება ძალაში 25 ოქტომბერს შევა და გავრცელდება რუს მოგზაურებზე, რომლებსაც აქვთ ევროკავშირის წევრი სახელმწიფოს…

მეტი...

,,ჩვენ მხარს დავუჭერთ საქართველოსა და მოლდოვას ევროპულ მისწრაფებებს და მათ ერთგულებას მნიშვნელოვანი ინსტიტუციური რეფორმების მიმართ,”- ამის შესახებ აშშ-ის პრეზიდენტის, ჯო ბაიდენის ადმინისტრაციის ეროვნული უსაფრთხოების ახალ სტრატეგიაშია ნათქვამი. როგორც დოკუმენტშია ნათქვამი, დიპლომატიურ ძალისხმევას სამხრეთ კავკასიაში კონფლიქტის მოსაგვარებლად. „რამდენადაც ჩვენ მხარს ვუჭერთ უკრაინას, ასევე ვიმუშავებთ სხვა დემოკრატიული ქვეყნების სტაბილურობისა და გამძლეობის გასაძლიერებლად. ჩვენ მხარს დავუჭერთ საქართველოსა და მოლდოვას ევროპულ მისწრაფებებს და მათ ერთგულებას მნიშვნელოვანი ინსტიტუციური რეფორმების მიმართ. ჩვენ დავეხმარებით პარტნიორებს დასავლეთ ბალკანეთში დემოკრატიული ინსტიტუტების, კანონის უზენაესობისა და ეკონომიკური განვითარების განმტკიცებაში. ჩვენ მხარს დავუჭერთ დიპლომატიურ ძალისხმევას სამხრეთ კავკასიაში კონფლიქტის მოსაგვარებლად. გავაგრძელებთ თურქეთთან თანამშრომლობას დასავლეთთან…

მეტი...

თბილისის მერი, კახა კალაძე რუსეთის სპეცსამსახურების ბრალდებებს, რომლის თანახმადაც, სატვირთო, რომელმაც ყირიმის ხიდი ააფეთქა, საქართველოს საზღვარი გაიარა, სრული სისულელელეს უწოდებს. „ეს არის სრული სისულელე და არანაირი კავშირი არა აქვს საქართველოსთან. არ ვიცი, ეს რისთვის სჭირდებათ, ალბათ, შიდა პიარის მოხმარებისთვის. ვერ გეტყვით… საქართველოსთან არანაირი კავშირი არა აქვს ამას“, – განაცხადა კალაძემ. ცნობისთვის, რუსული მხარის მტკიცებით,  ყირიმის ხიდზე მომხდარ აფეთქებასთან დაკავშირებით 8 პირი დააკავს, მათ შორის 5 რუსი, 3 უკრაინელი და ერთი სომხეთის მოქალაქეა. რუსული გამოძიება ამტკიცებს, რომ მომხდარში ქართველბიც მონაწილეობდნენ.

მეტი...

,,უკრაინელები მძიმე ზამთრისთვის უნდა მოემზადონ და საჭირო ნივთები მოიმარაგონ,” – ამის შესახებ უკრაინის პრემიერ-მინისტრმა, დენის შმიგალმა განაცხადა. მისივე თქმით, ხელისუფლებამ დააგროვა საკმარისი რაოდენობის ენერგორესურსები, მოამზადა ქსელები და  შეიძინა დამატებითი აღჭურვილობა. „ნუ გავალამაზებთ რეალობას, ეს ზამთარი რთული იქნება. ამიტომ, კიდევ ერთხელ მოვუწოდებთ ყველას, საფუძვლიანად მოემზადონ ზამთრისთვის. სასურველია, თითოეულ ოჯახს ჰქონდეს საჭირო ელემენტარული ნივთების მარაგი: თბილი ტანსაცმელი, სანთლები, სანათები, ე.წ. ბატარეები. მნიშვნელოვანია ამის მომზადება იმ შემთხვევაში, თუ სინათლე ან სითბო გაქრება მასიური სარაკეტო შეტევების შედეგად“, – განაცხადა შმიგალმა.

მეტი...

უკრაინის პრეზიდენტის აპარატში განმარტავენ, თუ რა სანქციები შეიძლება დაუწესოს ევროკავშირმა რუსეთს მომდევნო, მეცხრე პაკეტში. ,,იქნება ისეთი რამ, რაც არ იყო წინა პაკეტებში. მაგალითად, ზოგიერთი რუსული და ბელორუსული ბანკი ჯერ კიდევ არ არის გათიშული SWIFT-დან, განსაკუთრებით, მაგალითად, გაზპრომბანკი. ან, მაგალითად, ფასის ლიმიტი (ფასის შეზღუდვა – UNIAN) ნავთობზე. ასევე წინა პაკეტებში რუსული გაზის შეზღუდვები ჯერ არ არის შეტანილი“, – განაცხადა პრეზიდენტის აპარატის უფროსის მოადგილემ იგორ ჟოვქვამ. ამასთან, მისი თქმით, ჯერ კიდევ არ არის აკრძალული რუსული გემების ევროპულ პორტებში შესვლა, რაც ძალიან მნიშვნელოვანია. „ასევე, რუსებისთვის შესვლის (ევროპის ქვეყნებში – UNIAN) შესაძლებლობის ჩამორთმევა, ანუ…

მეტი...

,,ჩვენ ვაღიარეთ საქართველოს ევროპული პერსპექტივა, რა თქმა უნდა, კანდიდატ ქვეყნებზეა დამოკიდებული მათი ეკონომიკებისა და ინსტიტუტების რეფორმირება და ჩვენი კავშირისკენ წინსვლა,”-ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა. მისივე თქმით, ევროკავშირი და მისი მეზობელი ქვეყნები საერთო გამოწვევების წინაშე დგანან, როგორიცაა რუსეთის აგრესია, ენერგეტიკული დაუცველობა, კლიმატური ცვლილებები და საფრთხეეები. „უკრაინა და მოლდოვა ახლა ჩვენს კავშირში გაწევრიანების კანდიდატები არიან. ჩვენ ვაღიარეთ საქართველოს ევროპული პერსპექტივაც. ცვლილებების ქარმა კიდევ ერთხელ დაუბერა ევროპაში, ისევე, როგორც 1970-იან წლებში, როდესაც ესპანეთმა, პორტუგალიამ და საბერძნეთმა აირჩიეს დემოკრატია ან როცა თავისუფლებისთვის მებრძოლებმა დაანგრიეს ბერლინის კედელი. რა თქმა უნდა, კანდიდატ…

მეტი...

,,მე დიდი ხანია ვამბობ, რომ კიევის რეჟიმი ტერორისტულ მეთოდებს იყენებს, პოლიტიკურ მკვლელობებს სჩადის, ეთნიკურ წმენდას აწარმოებს. ისინი არც ატომურ ტერორიზმს ერიდებიან,”- ამის შესახებ რუსეთის პრეზიდენტმა ვლადიმერ პუტინმა რუსეთის ენერგეტიკის კვირეულის საერთაშორისო ფორუმის პლენარულ სესიაზე გამოსვლით დროს ისაუბრა. პუტინის მტკიცებით, ყირიმის ხიდზე განხორციელებული ტერაქტი უკრაინულმა სპეცსამსახურებმა განახორციელეს. ,,მსოფლიო ეკონომიკა დღეს მძაფრ კრიზისს განიცდის, რაც დაკავშირებულია ენერგორესურსებზე არასტაბილური საფასო დინამიკით, ასევე მოთხოვნისა და მიწოდების ბალანსის დარღვევით. თუმცა, გარდა ამისა, საქმე გვაქვს ბაზრის ზოგიერთი წარმომადგენლის მხრიდან განხორციელებული დივერსიებით და აქ, რა თქმა უნდა, ჩრდილოეთის ნაკადზე მომხდარ ინციდენტს ვგულისხმობ. ისინი მხოლოდ საკუთარი გეოპოლიტიკური ინტერესებით…

მეტი...

,,რუსეთი მზადაა განაახლოს ევროპაში გაზის მიწოდება, ბურთი ევროკავშირის მოედანზეა,”- ამის შესახებ რუსეთის პრეზიდენტმა ვლადიმერ პუტინმა რუსეთის ენერგეტიკის კვირეულის საერთაშორისო ფორუმის პლენარულ სესიაზე გამოსვლით დროს ისაუბრა. ,,რუსეთი მზად არის ამ მიწოდების დასაწყებად, ბურთი, როგორც ამბობენ, ევროკავშირის მხარესაა. თუ მათ სურთ, ონკანი გააღონ და მორჩა. არავის არაფერში არ ვზღუდავთ და მზად ვართ შემოდგომა-ზამთრის პერიოდში მივაწოდოთ დამატებითი მოცულობები,”- განაცხადა პუტინმა. პუტინმა ენერგორესურსებზე ფასების ზრდაში დასავლეთი დაადანაშაულა. ,,ფასების ზრდა არ არის დაკავშირებული “სპეციალურ ოპერაციასთან”, დამნაშავე დასავლეთის პოლიტიკაა”, – აღნიშნა პუტინმა.

მეტი...

დონეცკის ოლქში დასახლება ავდეევკასთვის რუსეთის ძალების მიერ გახსნილ ცეცხლს სულ მცირე შვიდი ადამიანი ემსხვერპლა, რვა კი დაშავდა. დონეცკის სამხედრო საოლქო ინფრასტრუქტურის ხელმძღვანელის პაველ კირილენკოს ინფორმაციით  საოკუპაციო ძალებმა დარტყმა განახორციელეს ავდეევკას ცენტრალურ ბაზარზე. „ასეთ დაბომბვას არ აქვს არანაირი სამხედრო ლოგიკა – მხოლოდ რაც შეიძლება მეტი ჩვენი მოქალაქის მოკვლისა და სხვების დაშინების შეუკავებელი სწრაფვა. ამაშია რუსების მთელი არსი. მათ არ ძალუძთ უკრაინის არმიისთვის წინააღმდეგობის გაწევა, ამიტომ ეომებიან უიარაღო სამოქალაქო პირებს“, – აცხადებს კირილენკო.

მეტი...

„ნატო-ს მიზანია კონფლიქტებისა და ომის თავიდან აცილება. შესაბამისად, ვაძლიერებთ ჩვენს შემაკავებელ შესაძლებლობებს, რათა გავუგზავნოთ მკაფიო გზავნილი რუსეთს, რომ ჩვენ მზად ვართ, დავიცვათ ყველა მოკავშირე,”- ამის შესახებ ნატო-ს გენერალურმა მდივანმა იენს სტოლტენბერგმა განაცხადა. მისივე თქმით, ნატო-ს თავდაცვის მინისტერიალზე უკრაინის მიმართ მხარდაჭერის გაძლიერებას განიხილავენ და მთავარი პრიორიტეტი იქნება მეტი საჰაერო თავდაცვა უკრაინისთვის. „დღეს და ხვალ ნატო-ს თავდაცვის მინისტრები ჩვენი უსაფრთხოებისთვის გადამწყვეტ მომენტში ხვდებიან ერთმანეთს. ბოლო კვირებში ჩვენ ვიხილეთ ომის ყველაზე სერიოზული ესკალაცია უკრაინაში თებერვალში ინტერვენციის შემდეგ. რუსეთი ახორციელებს ათობით ათასი სამხედროს მობილიზებას. ისინი ცდილობენ უკრაინის ახალი მიწების უკანონო ანექსიას და ჩვენ ვიხილეთ…

მეტი...

უკრაინის შინაგან საქმეთა მინისტრის სპიკერის, ანდრეი იუსოვის განცხადებით,  რუსული “FSB-ისა და საგამოძიებო კომიტეტის მთელი საქმიანობა სისულელეა”. მისივე თქმით, “ყალბი სტრუქტურები, რომლებიც ემსახურებიან პუტინის რეჟიმს, ამიტომ მათ მომავალ განცხადებებზე კომენტარს ნამდვილად არ გავაკეთებთ”. ცნობისთვის, რუსული მხარის მტკიცებით,  ყირიმის ხიდზე მომხდარ აფეთქებასთან დაკავშირებით 8 პირი დააკავს, მათ შორის 5 რუსი, 3 უკრაინელი და ერთი სომხეთის მოქალაქეა. რუსული გამოძიება ამტკიცებს, რომ მომხდარში ქართველბიც მონაწილეობდნენ.

მეტი...

უკრაინის შეიარაღებულმა ძალებმა ხერსონის ოლქში კიდევ ხუთი დასახლება გაათავისუფლეს. სამხრეთის სარდლობის ინფორმაციით, სამხრეთ ბუზკას ზონაში ვითარება დაძაბულია, თუმცა კონტროლს ექვემდებარება. ,,ჩვენმა დანაყოფებმა მიაღწიეს წარმატებას ბერისლავის რაიონში ნოვოვასილივკას, ნოვოჰრიჰორივკას, ნოვაია კამიანკას, ტრიფონივკასა და ჩერვონის გათავისუფლებაში”, – განაცხადა ვლადისლავ ნაზაროვმა. მისივე განცხადებით, მოწინააღმდეგე  უკრაინის პოზიციების დაბომბვას აგრძელებს.

მეტი...

,,უნდა ვაღიარო, როდესაც ამერიკელებმა გვითხრეს, რომ რუსეთი თავს დაესხმება უკრაინას, ჩვენ არ გვინდოდა ამის დაჯერება,” – ამის შესახებ საგარეო და უსაფრთხოების პოლიტიკის სფეროში ევროკავშირის უმაღლესმა წარმომადგენელმა ჯოზეფ ბორელმა განაცხადა. ბორელის თქმით, უკრაინაში რუსეთის შეჭრამდე მას აშშ-ის სახელმწიფო მდივანმა დაურეკა და უთხრა, რომ რუსეთი უკრაინაზე შეტევას კვირის ბოლოს დაიწყებდა. „და ორი დღის შემდეგ მათ დაიწყეს კიევის დაბომბვა. ჩვენ არ გვჯეროდა, რომ ეს მოხდებოდა და არ გვეგონა, რომ უკრაინა მზად იყო, წინააღმდეგობა გაეწია ისე ძლიერად და წარმატებით, როგორც ამას აკეთებენ, რა თქმა უნდა, ჩვენი სამხედრო მხარდაჭერის წყალობით. ამის გარეშე შეუძლებელი იქნებოდა, მაგრამ…

მეტი...

ბულგარეთის მთავრობის განცხადებით, სატვირთო მანქანა, რომელიც რუსეთის გამოძიების მტკიცებით, ყირიმის ხიდის აფეთქების საქმეში ფიგურირებს, ბულგარეთში არასდროს ყოფილა. „სარწმუნოდ დამტკიცებულია, რომ ყირიმის ხიდზე აფეთქებული სატვირთო მანქანა არასდროს ყოფილა ბულგარეთის რესპუბლიკის ტერიტორიაზე, რომელიც მითითებულია მისი მარშრუტის საწყის წერტილად“, – აცხაადებენ ბულგარეთის მთავრობაში. მათივე ცნობით,  ბულგარეთის მთავრობა არავითარ შემთხვევაში არ დაუშვებს, რომ მისი ქვეყნის სახელი ასოცირებული იყოს ტერორისტულ საქმიანობასთან რამე სახის კავშირთან.    

მეტი...

პოლონურმა ოპერატორმა ნავთობსადენ „დრუჟბაზე“, რომლითაც რუსეთიდან ნავთობი ევროპას მიეწოდება, გაჟონვა დააფიქსირა. ნავთობსადენის პოლონური ოპერატორის PERN-ის განცხადებით, გაჟონვა პოლონეთის ტერიტორიაზე ქალაქ პლოცკიდან 70 კილომეტრის დაშორებით  გასულ საღამოს აღმოაჩინეს. გაჟონვის მიზეზები ჯერჯერობით დაუდგენელია. ცნობისთვის, დრუჟბას ნავთობსადენი მსოფლიოში ერთ-ერთი უდიდესია, რომელიც რუსული ნავთობით ამარაგებს ცენტრალური ევროპის დიდ ნაწილს, მათ შორის გერმანიას, პოლონეთს, ბელორუსიას, უნგრეთს, სლოვაკეთს, ჩეხეთს და ავსტრიას.

მეტი...