დღე: ოქტომბერი 2, 2022

,,ჩვენ მადლიერი ვართ ლიდერობისა და პასუხისმგებლობისთვის. ისტორია დღეს იწერება”- ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა. მისივე თქმით, უკრაინის ნატო-ში გაწევრიანების განაცხადს, მხარი იმ ქვეყნებმა დაუჭირეს, რომლებსაც ახსოვთ ”რუსეთის იმპერიის შხამიანი კლანჭები”. ,,უკრაინის პრეზიდენტის მიერ ნატოში გაწევრიანების განაცხადზე ხელმოწერიდან 48 საათის გასვლის შემდეგ, ბლოკის 10-მა ქვეყანამ მხარი დაუჭირა უკრაინის ალიანსში გაწევრიანებას – ძირითადად ქვეყნები, რომლებსაც ახსოვთ რუსეთის იმპერიის შხამიანი კლანჭები,”- განაცხადა მიხაილო პოდოლიაკი. ცნობისთვის, უკრაინამ ნატო-ში შესვლის განაცხადის გაკეთების თაობაზე 30 სექტემბერს განაცხადა.

რომის პაპი ფრანცისკე რუსეთის პრეზიდენტს, ვლადიმერ პუტინს უკრაინაში ძალადობის შეჩერებისკენ მოუწოდებს. რომის პაპმა უკრაინის პრეზიდენტს, ვოლოდიმირ ზელენსკისაც მიმართა, რათა იყოს ღია ნებისმიერი სერიოზული სამშვიდობო წინადადებისთვის. „ჩემი მიმართვა უპირველეს ყოვლისა ეხება რუსეთის ფედერაციის პრეზიდენტს. ვევედრები მას შეაჩეროს ძალადობისა და სიკვდილის ეს სპირალი, თუნდაც თავისი ხალხის სიყვარულით. მეორე მხრივ, თანაბრად იმედიანად მივმართავ უკრაინის პრეზიდენტს, ღია იყოს სერიოზული სამშვიდობო წინადადებისთვის. საერთაშორისო ცხოვრების ყველა პროტაგონისტს და ერების პოლიტიკურ ლიდერებს მოვუწოდებ გააკეთონ ყველაფერი, რათა ბოლო მოეღოს მიმდინარე ომს სახიფათო ესკალაციებში ჩათრევის გარეშე, ხელი შეუწყონ და მხარი დაუჭირონ დიალოგის ინიციატივებს“ – განაცხადა რომის პაპმა.

,,უკრაინის მიერ ქალაქ ლიმანის დაკავება აჩვენებს, რომ ქვეყანა პროგრესს განიცდის და აქვს უნარი რუსული ძალები უკან დახიოს”, – ამის შესახებ ნატო-ს გენერალურმა მდივანმა იენს სტოლტენბერგმა განაცხადა. მისი თქმით, ნებისმიერი გადაწყვეტილება უკრაინის ნატოში გაწევრიანებასთან დაკავშირებით კონსენსუსით უნდა იქნას მიღებული. „ჩვენ ვნახეთ, რომ მათ შეძლეს აეღოთ ახალი ქალაქი, ლიმანი, და ეს აჩვენებს იმას, რომ უკრაინელები პროგრესს განიცდიან, შეუძლიათ რუსული ძალების უკან დახევა მათი გამბედაობის, სიმამაცის, უნარების გამო, მაგრამ, რა თქმა უნდა, ასევე მოწინავე იარაღის გამო, რომელსაც შეერთებული შტატები და სხვა მოკავშირეები აწვდიან“, – აღნიშნა სტოლტენბერგმა.  

გერმანიის თავდაცვის სამინისტროს ინფორმაციით, მომდევნო წლიდან გერმანია, დანია და ნორვეგია უკრაინას 16 სლოვაკურ ჰაუბიცა Zuzana-2-ით მოამარაგებენ. სამი ქვეყანა ჯამში 92 მილიონ ევროს გამოყოფს. გერმანიის თავდაცვის უწყების ცნობით, შორი მოქმედების იარაღი, რომელსაც წუთში ექვსი ჭურვის 40-კმ მანძილზე გასროლა შეუძლია, სლოვაკეთში აიწყობა.

,,12 საათისა და 30 წუთის მონაცემებით, ლიმანი ბოლომდე გაწმენდილია. მადლობა ჩვენს სამხედროებს, მადლობა ჩვენს მებრძოლებს”- ამის შესახებ უკრაინის პრეზიდენტმა ვლადიმირ ზელენსკიმ საკუთარ „ტელეგრამ“ არხზე გამოქვეყნებულ მოკლე ვიდეოში განაცხადა. ვოლოდიმირ ზელენსკის განცხადებით, დონბასში მომდევნო კვირებში სხვა დასახლებული პუნქტებიც გათავისუფლდება. ცნობისთვის, რუსმა ოკუპანტებმა უკრაინული ქალაქი ლიმანი მაისში დაიპყრეს და ო ლოჯისტიკურ და სატრანსპორტო ჰაბად გამოიყენეს დონეცკის რეგიონის ჩრდილოეთში ოპერაციებისთვის.

ნატოს წევრი ცენტრალური და აღმოსავლეთ ევროპის ცხრა ქვეყნის პრეზიდენტი  ერთობლივ განცხადება ავრცელებს, სადაც ჩრდილო-ატლანტიკურ ალიანსს უკრაინის დახმარებისკენ მოუწოდებს. ასევე, ქვეყნები მხარდაჭერას აფიქსირებენ, რომ უკრაინა ალიანსს შეუერთდეს. „ჩვენ კიდევ ერთხელ ვადასტურებთ მხარდაჭერას უკრაინის სუვერენიტეტისა და ტერიტორიული მთლიანობის მიმართ. არასდროს ვაღიარებთ რუსეთის მცდელობებს უკრაინის რომელიმე ტერიტორიის ანექსიისთვის…. მხარს ვუჭერთ უკრაინას რუსეთის შემოჭრისგან თავდაცვის პროცესში, რუსეთიდან მოვითხოვთ დაუყოვნებლივ გაიყვანოს ჯარი ყველა ოკუპირებული ტერიტორიიდან და მოვუწოდებთ ყველა მოკავშირეს, არსებითად გაზარდონ უკრაინისთვის სამხედრო დახმარება“ – აღნიშნულია ცენტრალური და აღმოსავლეთ ევროპის სახელმწიფოების პრეზიდენტების განცხადებაში. მათივე განცხადებით, უკრაინა იმსახურებს ალიანსის წევრობას. „ჩვენ მხარს ვუჭერთ უკრაინას რუსეთის შემოჭრისგან თავდაცვის…

უკრაინული მხარის მტკიცებით, პუტინს ორეულები ჰყავს რომელსაც საჭიროების მიხედვით იყენებენ. უკრაინის თავდაცვის სამინისტროს დაზვერვის დეპარტამენტის ხელმძღვანელი კირილ ბუდანოვი აცხადებს, რომ დაზვერვის სამსახურს ჰყავს სპეციალისტები, რომლებიც საკითხზე მუშაობენ. “პირადად მე არ ვარ “პუტინოლოგი“. ჩემთვის არის ზუსტი ის, რომ მას ჰყავს 3 ორეული, რომლებსაც პირადად მე უცბად ვხედავ. რამდენი ორეული ჰყავს მას სინამდვილეში – უბრალოდ, საჭიროა ინფორმაციის დამუშავება,” – აღნიშნავს ბუდანოვი.  

ცნობილი რუსი მომღერალი ალა პუგაჩოვა, ოჯახთან ერთად რუსეთს ტოვებს და ქვეყნიდან მიდის. აღნიშნული გადაწყვეტილება მან პუტინის „რეპრესიების“ გამო მიიღო. პუგაჩოვას ვილა  სოფელ გრიაზში, მოსკოვთან ახლოს, უკვე იყიდება.  მომღერლის ოჯახი კი საცხოვრებლად ისრაელში გადადის. ფეშენებელური სასახლის ღირებულება 1 მილიარდი რუბლია. შეგახსენებთ, რომ, პუტინის რეჟიმმა ალა პუგაჩოვას მეუღლე  მაქსიმ გალკინი ,უცხო ქვეყნის აგენტების სიაში შეიყვანა. მას უკრაინიდან დაფინანსებას ედავებიან. ,,გთხოვთ, შემიყვანოთ უცხო ქვეყნის აგენტების სიაში”- ალა პუგაჩოვა რუსეთის იუსტიციის სამინისტროს მიმართავს

უკრაინა რამდენიმე დღეში, გერმანიისგან სამხედრო დახმარებას მიიღებს. აღნიშნული  განცხადება ომში მყოფ უკრაინაში ყოფნისას გერმანიის თავდაცვის მინისტრმა გააკეთა. გერმანიის თავდაცვის მინისტრი კრისტინ ლამბრეხტი ქალაქ-ნავსადგურ ოდესაში ჩავიდა, სადაც მას უკრაინის თავდაცვის მინისტრი ოლექსი რეზნიკოვი დახვდა. გერმანიის თავდაცვის მინისტრმა განაცხადა, რომ უკრაინა დაპირებულ პირველ IRIS-T საზენიტო-სარაკეტო კომპლექსს მიიღებს. მისივე შეფასებით, Gepard საზენიტო-სარაკეტო  დანადგარები, რომლებიც უკვე გადაეცა უკრაინას, ოდესას დაეხმარება რუსეთის სარაკეტო დარტყმებისგან დაცვაში. თავის მხრივ, აღნიშნულ ვიზიტთან დაკავშირებით, ინფორმაციას უკრაინის თავდაცვის მინისტრიც ავრცელებს. „მინისტრმა კარგი ამბები და უკრაინის არმიის გასაძლიერებლად მეტი ინსტრუმენტი ჩამოიტანა.  გვქონდა დისკუსია მიმდინარე გეოპოლიტიკურ და უსაფრთხოების ვითარებაზე. მინისტრი მოხარული იყო…

უკრაინული მხარის განცხადებით, უკრაინის ალიანსში გაწევრიანება მნიშვნელოვანი და გადამწყვეტი საკითხია და ამ საკითხის მიმართ სკეპტიკურად განწყობილმა სახელმწიფოებმა საკუთარ პოზიციას უნდა გადახედონ. როგორც უკრაინის საგარეო საქმეთა მინისტრმა დმიტრო კულებამ განაცხადა, ცხადია, რომ ევროატლანტიკური უსაფრთხოების საკითხი ახლა უკრაინაში წყდება. „ევროატლანტიკური სივრცის მომავალი ახლა უკრაინაში წყდება. ევროატლანტიკური უსაფრთხოება შეუძლებელია უკრაინის გამარჯვების გარეშე… მდგომარეობა ძირეულად შეიცვალა და ახალი გარემოებების გათვალისწინებით, ტრადიციულად სკეპტიკურად განწყობილმა სახელმწიფოებმა უკრაინის ნატო-ში წევრობაზე საკუთარი პოზიცია უნდა გადახედონ“ – აცხადებს უკრაინელი დიპლომატი. ის ევროკავშირის წევრობის განაცხადსაც იხსენებს და ამბობს, რომ შედეგიც დადგა. „საბოლოო ჯამში, ამ განაცხადმა პოლიტიკური პროცესის დინამიკა და ლოგიკა შეცვალა…

უცხოური მედიის ინფორმაციით, საგარეო და უსაფრთხოების საკითხებში ევროკავშირის უმაღლესი წარმომადგენელის ჯოზეფ ბორელის განცხადებით, უკრაინის ნატო-ში გაწევრიანება, ამ ეტაპისთვის, პრინციპულ მოცემულობას არ წარმოადგენს. მისივე შეფასებით, მნიშვნელოვანია უკრაინის სამხედრო დახმარება რუსეთის შესაჩერებლად. ამავდროულად, ჯოზეფ ბორელი განმარტავს, რომ რუსეთზე საერთაშორისო ზეწოლა უნდა გაძლიერდეს.  

უკრაინის პრეზიდენტის ოფისის ხელმძღვანელის მოადგილის, კირილ ტიმოშენკოს ინფორმაციით, უკრაინელებმა ქალაქი ლიმანი სრულად გაათავისუფლეს. „დღეს უკრაინის შეიარაღებულმა ძალებმა, კერძოდ, 81-ე ცალკეულმა სადესანტო ბრიგადამ, უკრაინის ეროვნული გვარდიის ნაწილებთან და კულჩიცკის ბატალიონთან ერთად, გაათავისუფლეს და კონტროლის ქვეშ აიყვანეს, დონეცკის ოლქის ლიმანის დასახლება“, – წერს ტიმოშენკო. პარალელურადმ მედიაში გავრცელდა ფოტოები, სადაც ჩანს რუსული დროშის ჩამოგდება და ლიმანის შესასვლელში უკრაინული დროშია აღმართვა.