დღე: სექტემბერი 17, 2022

უკრაინის პრეზიდენტის ოფისის წარმომადგენელი დასავლეთს კიდევ ერთხელ მიმართავს და შეახსენებს, რომ რაკეტები უკრაინის ქალაქების თავზე ცვივა. როგორც მიხაილო პოდოლიაკი აღნიშნავს, დასავლეთი უკრაინას ჰაერსაწინააღმდეგო სისტემებით არ ეხმარება და აღნიშნულის გამო კრიტიკას გამოხატავს. „დასავლეთის ქვეყნებს საჰაერო თავდაცვისა და რაკეტსაწინააღმდეგო ბევრი თანამედროვე და ეფექტური სისტემა აქვს. მაგრამ რაკეტები არ დაფრინავს პარიზის, რომისა და ბერლინის თავზე. ისინი უკრაინული ქალაქების თავზე დაფრინავს. იქნებ, დროა დაიცვათ უკრაინის მოქალაქეები და კრიტიკული ინფრასტრუქტურა, თუ დაველოდოთ მასშტაბურ ტექნოგენურ კატასტროფას?“- განაცხადა პოდოლიაკმა მედიასთან.  

ხარკოვის რეგიონული სამხედრო ადმინისტრაციის ხელმძღვანელის, ოლეგ სინეგუბოვის ინფორმაციით, რუსეთის მიერ ჩუგუევში განხორციელებულ სარაკეტო იერიშს, 11 წლის გოგონა  ემსხვერპლა. სინებუგოვის ინფორმაციით,  გოგონა საავადმყოფოში დაიღუპა. ,,რუსული ტერორისგან უდანაშაულო ბავშვი დაიღუპა. სამწუხაროდ, ჩუგუევის საავადმყოფოში გადაყვანილი 11 წლის გოგონა მიყენებული ჭრილობების შედეგად დაიღუპა”, – განაცხადა სინებუგოვმა.

უკრაინის შინაგან საქმეთა მინისტრის მრჩევლის, ანტონ გერაშენკოს ინფორმაციით, ხარკოვის ოლქის ქალაქ იზიუმში, რუსი ოკუპანტებისგან გათავისუფლების შემდეგ აღმოჩენილ მასობრივ სამარხში, ბავშვის ცხედარი იპოვეს. გარდაცვლილი 6 წლის ოლესია სპელტაკოვაა. ამასთან, საერთო სამარხში ოლესიას დედის, მამის, დის და ბებია-ბაბუის ცხედრებიც იპოვეს. ,,ხარკოვის რეგიონის ახალგაზრდა მაცხოვრებელს ჰქონდა საკუთარი ინტერესები და ოცნებები. მას სურდა თამაში, სამყაროს შესწავლა, სწავლა. მაგრამ რუსეთიდან არსებები მოვიდნენ მის სახლში. იზიუმის მახლობლად მდებარე ტყეში იპოვეს ოლესიას, მისი დედის და 400 სხვა ადამიანის ცხედარი. თუ ეს გენოციდი არ არის, მაშინ რა არის?”- წერს ანტონ გერაშენკო.

,,რუსეთის პრეზიდენტი ვლადიმერ პუტინი იძულებული იქნება შეცვალოს უკრაინის ომის მიზნები, რადგან დამარცხებები და რესურსების ნაკლებობა ადასტურებს რუსეთის უუნარობას მიაღწიოს კრემლის თავდაპირველ ზრახვებს”- ამის შესახებ პენტაგონის დაზვერვის ხელმძღვანელმა, გენერალ-ლეიტენანტმა სკოტ ბერიერმა დაზვერვისა და ეროვნული უსაფრთხოების კონფერენციაზე განაცხადა. „ახლა მივედით იქამდე, რომ, ვფიქრობ, პუტინს მოუწევს გადახედოს თავისი „ოპერაციის“ მიზნებს, რადგან ახლა ძალიან ნათელია, რომ მას არ შეუძლია გააკეთოს ის, რის გაკეთებასაც აპირებდა“, – განაცხადა ბერიერმა.

უკრაინის პრემიერ-მინისტრის, დენის შმიგალის განცხადებით, უკრაინამ აშშ-სგან დამატებით 1.5 მილიარდი დოლარის ფინანსური დახმარება მიიღო. შმიგალი პრეზიდენტ ჯო ბაიდენს მადლობას უხდის. ,,უკრაინის სახელმწიფო ბიუჯეტმა 1.5 მილიარდი დოლარის ოდენობის გრანტი მიიღო. ეს თანხა აშშ-ის ბოლო დახმარების, $4.5 მილიარდი ნაწილია, რომელიც ამერიკამ მსოფლიო ბანკის ნდობის ფონდიდან მიიღო. თანხები მოხმარდება საპენსიო გადასახადებისა და სოციალური დახმარების პროგრამებზე ბიუჯეტის ხარჯების ანაზღაურებას. მადლობელი ვართ პრეზიდენტ ბაიდენისა და ამერიკის”, – წერს შმიგალი სოციალურ ქსელ ,,ტვიტერში”.

დონეცკის ოლქის ხელმძღვანელის, პაველ კირილენკოს განცხადებით, დღეს დილით რუსმა ოკუპანტებმა სლავიანსკის თბოელექსტროსადგური დაბომბეს. მისი თქმით, ტერიტორიაზე დაზიანდა ტექნიკა. კირილენკოს ცნობით, რუსეთი ”განზრახ უმიზნებს რეგიონის ინფრასტრუქტურულ ობიექტებს” და ცდილობს რაც შეიძლება მეტი ზიანი მიაყენოს პირველ რიგში, მშვიდობიან მოსახლეობას.  

ხარკოვის სამხედრო საოლქო ადმინისტრაციის ხელმძღვანელის, ოლეგ სინეგუბოვის ინფორმაციით, რუსი ოკუპანტებისგან გათავისუფლებულ ქალაქ იზიუმში აღმოჩენილი მასობრივი სამარხიდან ექსჰუმირებული ცხედრების 99%-ს ძალადობრივი სიკვდილის ნიშნები აღენიშნება. სინეგუბოვის განცხადებით, რამდენიმე ცხედარს ხელები ზურგს უკან აქვს შეკრული. „აშკარაა, რომ ეს ადამიანი აწამეს და სიკვდილით დასაჯეს. დაკრძალულთა შორის არიან ბავშვებიც“, – აღნიშნავს სინეგუბოვი. რუსებისგან გათავისუფლებულ იზიუმში აღმოჩენილ მასობრივ სამარხში 440-ზე მეტი ცხედარია დამარხული.

ხარკოვის ოლქის ქალაქ კუპიანსკის რუსეთისგან გათავისუფლების შემდეგ, უკრაინელმა სამხედროებმა რამდენიმე ადგილი აღმოაჩინეს, სადაც რუს სამხედროებს მოქალაქეები ჩაკეტილი ჰყავდათ. 16 სექტემბერს გავრცელებულ ყოველდღიურ ვიდეომიმართვაში ვოლოდიმირ ზელენსკიმ განაცხადა, გათავისუფლებულ ადამიანებს შორის შრი-ლანკის 7 მოქალაქეა. „ხარკოვის ოლქში რუსული ოკუპაციისგან გათავისუფლებულ ტერიტორიებზე საგამოძიებო მოქმედებები მიმდინარეობს. იპოვეს წამების კამერები, რომლებშიც შეურაცხყოფა მიაყენეს ოკუპირებული ქალაქებისა და დაბების მშვიდობიან მცხოვრებლებს, ოთახები, რომლებშიც ადამიანები – უცხოელებიც კი იმყოფებოდნენ. კერძოდ, შრი-ლანკის რესპუბლიკის შვიდი მოქალაქე, კუპიანის სამედიცინო კოლეჯის სტუდენტები. ჯერ კიდევ მარტში ისინი რუსმა ჯარისკაცებმა შეიპყრეს, მოგვიანებით კი სარდაფში ჩაკეტეს”- ნათქვამია პრეზიდენტის ოფისის განცხადებაში.

უკრაინის შეიარაღებული ძალების გენერალური შტაბის ინფორმაციით,  რუსმა ოკუპანტებმა ომის  დაწყებიდან დღემდე,  დაახლოებით 54 250 ჯარისკაცი დაკარგეს. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 54 250 ; ​ტანკი -2 202; ჯავშანტექნიკა – ​4 701; საარტილერიო სისტემა – 1 306; სარაკეტო სისტემა – 312; საზენიტო საბრძოლო სისტემა – 168; თვითმფრინავები – 251; ვერტმფრენი – 216; ოპერატიულ-ტაქტიკური უპილოტო საფრენი აპარატი – 911; საკრუიზო რაკეტები – 236; საავტომობილო ტექნიკა და საწვავის ავზები – 3 571 ; გემი/ნავი/კატარღა – 15; სპეციალური აღჭურვილობა – 121. აღნიშნული მონაცემები, 24 თებერვლიდან 17 სექტემბრამდე პერიოდს მოიცავს.

აშშ-ის პრეზიდენტი ჯო ბაიდენი ვლადიმერ პუტინს აფრთხილებს, არ გამოიყენოს ქიმიური ან ტაქტიკური ბირთვული იარაღი უკრაინაში. ჯო ბაიდენის განცხადებით, ამგვარი ქმედებები ომის სახეს შეცვლის და აქცევს ისეთ რამედ, რაც არ ყოფილა მეორე მსოფლიო ომის შემდეგ. „არ გააკეთოთ ეს“, – აღნიშნა  ბაიდენმა. აშშ-ის პრეზიდენტს არ განუმარტავს, რა რეაგირება ექნება აშშ-ს იმ შემთხვევაში, თუ რუსეთი  ქიმიურ ან ტაქტიკუ იარაღს გამოიყენებს. „თქვენ ფიქრობთ მე გეტყვით, რა იქნება ზუსტად? რა თქმა უნდა, მე არ გეტყვით. ამას ექნება შედეგები. ისინი გახდებიან კიდევ უფრო გარიყულები მსოფლიოში, როგორც არასდროს და იმის მასშტაბების მიხედვით, თუ რას გააკეთებენ, განისაზღვრება, რა…

ომის შემსწავლელი ამერიკული ინსტიტუტი უკრაინაში აღმოჩენილ მორიგ სისასტიკეს აფასებს და აცხადებს, რომ ეს არი მშვიდობიანი მოსახლეობის მასობრივი წამება. „გათავისუფლებულ იზიუმში მშვიდობიანი მოსახლეობის მასობრივი საფლავებისა და წამების ადგილების აღმოჩენა ადასტურებს, რომ ბუჩაში მომხდარი სისასტიკე არ იყო ომის ცალკეული დანაშაულები, არამედ რუსული სიმხეცის მცირე ნაწილი, რაც ოკუპირებულ ტერიტორიებზე ჩაიდინა“, – აღნიშნულია ინსტიტუტის განცხადებაში. მათ აქვთ მოლოდინი, რომ უკრაინელი სამხედროები გააგრძელებენ ოკუპირებული ტერიტორიების გათავისუფლებას და რუსეთის ომის დანაშაულებისა და სისასტიკის მტკიცებულებების აღმოჩენას.  

უკრაინის პრეზიდენტის განცხადებით, რუსების მიერ ოკუპირებული ხარკოვის ოლქის გათავისუფლების შემდეგ, ის 7 უცხოელი ტყვეც გაათავისუფლეს, რომელიც რუსებს ჰყავდათ დაკავებული. „ხარკოვის ოლქში, რუსეთის ოკუპაციისგან გათავისუფლებულ რაიონებში გრძელდება საგამოძიებო მოქმედებები. ფიქსირდება რაშისტების ყველა დანაშაული, გროვდება მათი ბრალეულობის მტკიცებულებები. ნაპოვნია საწამებელი ოთახები, სადაც შეურაცხყოფდნენ ოკუპირებული ქალაქების და სოფლების მშვიდობიან მცხოვრებლებს, დაწესებულებები, რომლებშიც დაკავებული ჰყავდათ ადამიანები. დაკავებულებს შორის იყვნენ უცხოელებიც. მაგალითად, შრი-ლანკის შვიდი მოქალაქე, კუპიანსკის სამედიცინო კოლეჯის სტუდენტები. ჯერ კიდევ მარტში ისინი დააკავეს რუსმა სამხედროებმა და შემდგომ სარდაფში ჰყავდათ დატყვევებული. მხოლოდ ახლა, ხარკოვის გათავისუფლების შემდეგ, ეს ადამიანები გადაარჩინეს. მათ შესაბამის სამედიცინო დახმარებას უწევენ“, –…

პუტინის განცხადებით, რუსეთს უკრაინაზე იერიში სრული ძალებით არ მიუტანია და მხოლოდ არმიის ნაწილით იბრძვის. აღნიშნული განცხადება მან უზბეკეთში, სამიტის დასრულების შემდეგ გააკეთა, „კიევის ხელისუფლებამ უკვე გამოაცხადა, რომ მათ დაიწყეს და ატარებენ აქტიურ კონტრშეტევით ოპერაციას. ვნახოთ, როგორ განვითარდება და რით დასრულდება ის. ჩვენი მიზანი დონბასის მთელი ტერიტორიის გათავისუფლებაა. ეს სამუშაო გრძელდება, უკრაინის არმიის კონტრშეტევის ყველა მცდელობის მიუხედავად. ჩვენი შეტევითი ოპერაციები დონბასში არ წყდება, ისინი მიმდინარეობს. მიმდინარეობს არა დიდი ტემპით, თუმცა თანმიმდევრულად, ეტაპობრივად რუსული არმია იკავებს ახალ-ახალ ტერიტორიებს. მე ყურადღებას გავამახვილებ, რომ ჩვენ ხომ არასრული არმიით ვიბრძვით, ჩვენ მხოლოდ რუსეთის არმიის ნაწილით,…

უკრაინის პრეზიდენტის განცხადებით, იზიუმში რუსი სამხედროების მიერ ადამიანების წამების მკაფიო მტკიცებულებები არსებობს. მისი შეფასებით, რუსეთმა  იზიუმში იგივე ჩაიდინა, რაც ქალაქ ბუჩაში. „გრძელდება იზიუმთან მასობრივი სამარხის ადგილზე ცხედრების ექსჰუმაცია. ამჟამინდელი მონაცემებით, დადგენილია 440-ზე მეტი საფლავი. იქ დამარხული ადამიანების რაოდენობაზე ჯერ ადრეა საუბარი, საგამოძიებო მოქმედებები გრძელდება. არის ადამიანების წამების, მათი შეურაცხყოფის მკაფიო მტკიცებულებები. არის მტკიცებულებები, რომ რუსი სამხედროები, რომელთა პოზიციები აღნიშნული ადგილის სიახლოვეს იყო, მოკლულებს გასართობად ესროდნენ. მსოფლიომ ამ ყველაფერზე რეაგირება უნდა იქონიოს. რუსეთმა გაიმეორა იზიუმში ის, რაც ჩაიდინა ბუჩაში. ჩვენ ჯერ მხოლოდ დავიწყეთ სრული სიმართლის გაგება იმის შესახებ, რაც ხდებოდა ხარკოვის…

​ვოლოდიმირ ზელენსკი ვლადიმერ პუტინთან სალაპარაკოდ არ დაჯდება, თუმცა, ერთ საკითხზე, თანახმაა გარიგება შედგეს. უკრაინის პრეზიდენტმა „როიტერთან“ განაცხადა, რომ მხარს დაუჭერს უკრაინის გავლით რუსული ამიაკის ექსპორტს, თუ ოფიციალური მოსკოვი უკრაინელ სამხედრო ტყვეებს გადასცემს. „წინააღმდეგი ვარ, ჩვენი ტერიტორიის გავლით რუსეთის ფედერაციიდან ამიაკის მიწოდების. ამას გავაკეთებდი მხოლოდ ჩვენი ტყვეების სანაცვლოდ. ეს არის ის, რაც მე შევთავაზე გაეროს”, – განაცხადა ვოლოდიმირ ზელენსკიმ.  

უკრაინის ქალაქ იზიუმში, რუსების მიერ დახოცილი უკრაინელების სამარხების აღმოჩენით ევროკავშირი ღრმად შოკირებულია. „ევროკავშირი ღრმად შოკირებულია უკრაინის ხელისუფლების მიერ აღმოჩენილი მასობრივი სამარხით. ჩვენ უმკაცრესად ვგმობთ ამ სისასტიკეს. უკრაინის წინააღმდეგ რუსეთის აგრესიული ომი სისხლისა და ნგრევის კვალს ტოვებს მთელ უკრაინაში“, – განაცხადა უსაფრთხოების პოლიტიკის საკითხებში ევროკავშირის უმაღლესმა წარმომადგენელმა და ევროკომისიის ვიცე-პრეზიდენტმა ჯოზეფ ბორელმა. მისივე შეფასებით, რუსეთი, მისი პოლიტიკური ხელმძღვანელობა და ყველა ის, პირი ვინც ჩართულია უკრაინაში საერთაშორისო სამართლისა და საერთაშორისო ჰუმანიტარული სამართლის მიმდინარე დარღვევებში, პასუხს აგებენ.  

უკრაინის ქალაქ იზიუმში ჩადენილ რუსულ სისასტიკეს მსოფლიო ლიდერები ეხმიანებიან და ემოციებს ვერ მალავენ.  თეთრი სახლი ამ მორიგ სისასტიკეს, უკრაინელების სამარხების აღმოჩენას შემაძრწუნებელს უწოდებს. ეროვნული უშიშროების საბჭოს სტრატეგიული კომუნიკაციების კოორდინატორის, ჯონ კირბის განცხადებით, შეერთებული შტატები გააგრძელებს უკრაინის მხარდაჭერას გასამარჯვებლად. „ჩვენ გავაგრძელებთ უკრაინის აქტიურ მხარდაჭერას ომის დანაშაულებისა და სისასტიკის დოკუმენტირებაში, რომლებსაც რუსული ძალები უკრაინაში სჩადიან. ასევე, რუსების იდენტიფიცირებისა და პასუხისგებაში მიცემის მიზნით ეროვნულ და საერთაშორისო ძალისხმევას დაეხმარება“ – განაცხადა კირბიმ. შეგახსენებთ, რომ უკრაინაში, ქალაქ იზიუმში, ტყის მასივში, ნაძვნარში, უკრაინელები მორიგი სამარხები იპოვეს, სადაც რუსების მიერ დახოცილი ასობით უკრაინელის გვამია.