დღე: აგვისტო 24, 2022

უკრაინის თავდაცვის მინისტრის, ალექსეი რეზნიკოვის განცხადებით, უკრაინამ ომის ყველაზე ცუდ სცენარი უკან მოიტოვა და ბრძოლის ველისა და ხაზების სტაბილიზაციის ეტაპზეა. „ჩვენ ბრძოლის ველზე სტაბილიზაციის ეტაპზე ვართ, ქვედანაყოფების მცირე გადაადგილებით შევქმენით კარგი შემაკავებელი გარემოებები“, – აღნიშნა რეზნიკოვმა. უკრაინის თავდაცვის მინისტრის განმარტებით, რუსეთთან ომში უკრაინისთვის ერთ-ერთო ყველაზე მთავარი საფრთხე საერთაშორისო საზოგადოების „დაღლის სინდრომია“. „მე ამას ვეძახი „დაღლის სინდრომს“ და ჩემთვის ეს ერთ-ერთი ყველაზე მთავარი საფრთხეა. ჩვენ გვჭირდება, რომ ვიმუშაოთ ამ საფრთხის წინააღმდეგ. უნდა ვისაუბროთ, როგორც ახლა მე თქვენ გესაუბრებით, ვთხოვოთ ადამიანებს, არ დაიღალონ, რადგან ეს ჩვენთვის ძალიან, ძალიან სახიფათოა“, – განაცხადა რეზნიკოვმა.

უკრაინული მედიის ინფორმაციით, ქვეყნის  თითქმის მთელ ტერიტორიაზე, დროებით ოკუპირებული ყირიმისა და ხერსონის ოლქის გარდა, დილიდან საჰაერო თავდასხმის განგაშის სიგნალის ხმა ისმის. მედიის ცნობით, გვიან ღამით რუსეთმა კიდევ ერთი იერიში განახორციელა ზაპოროჟიეზე.  ზაპოროჟიეს ოლქის სამხედრო ადმინისტრაციის მეთაურის განმარტებით, რუსეთის სამიზნე ორი ქალაქის ინფრასტრუქტურა გახდა.

უკრაინის პრეზიდენტის,  ვოლოდიმირ ზელენსკის განცხადებით, უკრაინა ფრონტის ხაზზე ცეცხლის დაუყოვნებლივ შეწყვეტას არ ემხრობა. მისი თქმით, უკრაინა  ქვეყნის სამხრეთზე  რუსეთის კონტროლის შენარჩუნებას არ დაეთანხმება. „იმ ადგილზე, სადაც ახლა ვიმყოფებით, ცეცხლის შეწყვეტის რეჟიმისთვის მზად არ ვართ. ჩვენ ავხსენით, რომ არ იქნება მინსკი 3, ან მინსკი 5 თუ 7. ამ თამაშს არ ვითამაშებთ. დავკარგეთ ტერიტორიების ნაწილი და მათ ეს ძალიან კარგად იციან. ჩვენგან ეს ყველამ მოისმინა, რადგან ეს სატყუარაა“, – აღნიშნა ზელენსკიმ. ზელენსკის განცხადებით,  რუსეთის დასამშვიდებლად უკრაინა არანაირ პირობას არ დათანხმდება. „შემდეგ იქნება რაღაც პირობები. ეს გაგრძელდება რამდენიმე წელი. ჩვენ კი ამ დროს…

გერმანიის კანცლერის, ოლაფ შოლცის განცხადებით, გერმანია გაზს, რუსეთის ნაცვლად, კანადისგან შეიძენს. მისივე თქმით, კანადა  დემოკრატიული და სანდო პარტნიორია. „რუსულ გაზზე უარის თქმის პროცესში კანადა ჩვენი პარტნიორია. იმედი გვაქვს, რომ კანადური გაზი ამაში დიდ როლს ითამაშებს. კანადას ყველაფერი აქვს, რაც რუსეთს აქვს და ის დემოკრატიული და სანდო პარტნიორია“, – განაცხადა გერმანიის კანცლერმა.

უკრაინის პრეზიდენტი ვოლოდიმირ ზელენსკი დარია დუგინას მკვლელობის შესახებ პირველ კომენტარს აკეთებს და აცხადებს, რომ აღნიშნული არ არის უკრაინის პასუხისმგებლობა. მისივე თქმით, მკვლევლობაში ეჭვმიტანილი უკრაინის მოქალაქე არ არის. „ეს არ არის ჩვენი პასუხისმგებლობა. ის არ არის უკრაინის მოქალაქე, ჩვენ მისით დაინტერესებული არ ვართ. ის არ იმყოფება ჩვენს ტერიტორიაზე, არც ოკუპირებულზე“, – განაცხადა ვოლოდიმირ ზელენსკიმ. შეგახსენებთ, ალექსანდრ დუგინის შვილი დარია დუგინა რამდენიმე დღის  ავტომობილში ააფეთქეს. რუსეთის უშიშროების ფედერალურმა სამსახურის ცნობით,  მკვლელობაში ბრალდებული  უკრაინელი ქალია.

4 აგვისტოს, ოკუპირებულ აფხაზეთსა და ოკუპანტ რუსეთს შორის მორიგი ხელშეკრულება გაფორმდა. „სოციალურ-ეკონომიკური განვითარების ხელშეკრულება“ – ასე ჰქვია დოკუმენტს, რომელიც ოკუპანტმა ქვეყანამ აფხაზეთის მოსახლეობას შესთავაზა. დოკუმენტი ოფიციალურად ჯერ არ გამოქვეყნებულა, თუმცა, მას, ხელი ორივე მხარემ უკვე მოაწერა. მისი განხორციელება კი 2022-2025 წლებში უნდა განხორციელდეს. რას ითვალისწინებს ხელშეკრულება და როგორ გადადის აფხაზეთი რუსეთის შემადგენლობაში, აღნიშნულთან დაკავშირებით, 11:00 საათზე, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია „მედიაცენტრ მთავარში“  ისაუბრებს.  

დღეს უკრაინის დამოუკიდებლობის დღეა. აღნიშნულ თარიღთან დაკავშირებით პრეზიდენტი ზელენსკი საკუთარ მოსახლეობას მიმართავს და სიფრთხილისკენ მოუწოდებს. როგორც პრეზიდენტი განმარტავს, მეგობარი სახელმწიფოსგან მიიღეს გაფრთხილება, რომ რუსეთი „რაღაცისთვის“ ემზადება. „ყველა ჩვენგანისთვის მნიშვნელოვანი დღეა. სამწუხაროდ, ჩვენი მტრისთვისაც. გთხოვთ, დაიცავით უსაფრთხოების წესები. უნდა გავაცნობიეროთ, რომ შესაძლოა, ველოდოთ პროვოკაციებს და სასტიკ იერიშს. შეიარაღებული ძალები, ჩვენი დაზვერვა, სპეცსამსახურები ყველაფერს გააკეთებენ ჩვენი ხალხის დასაცავად, რამდენადაც ეს შესაძლებელია.  გთხოვთ, ამ დღეს განსაკუთრებით დაიცავით უსაფრთხოების წესები. გთხოვთ, დაიცავით კომენდანტის საათი. გაითვალისწინეთ განგაშის სიგნალები. ყურადღება მიაქციეთ ოფიციალურ განცხადებებს. ჩვენ ყველანი ერთად უნდა მივიდეთ გამარჯვებამდე“, – აცხადებს პრეზიდენტი ზელენსკი. შეგახსენებთ, რომ აშშ-ის…

ფრანგული მხარის ინფორმაციით, რუსეთი მზადაა, ზაპოროჟიეს ატომურ ელექტროსადგურზე საერთაშორისო ატომური სააგენტოს ექსპერტები დაუშვას. აღნიშნულ ინფორმაციას საფრანგეთი ქვეყნის საგარეო მინისტრზე დაყრდნობით ავრცელებს, რომელსაც კომუნიკაცია ჰქონდა რუსეთის საგარეო მინისტრთან. როგორ საფრანგეთის საგარეო საქმეთა სამინისტროში განმარტავენ,  რუსეთი თანახმაა, ზაპოროჟიეს ატომურ ელექტროსადგურზე საერთაშორისო ინსპექტორები შევიდნენ. სერგეი ლავროვს, აღნიშნულ საკითხთან დაკავშირებით საფრანგეთის საგარეო უწყების ხელმძღვანელი კატრინ კოლონა ესაუბრა. ოფიციალური რუსეთი აღნიშნულთან დაკავშირებით განცხადებას არ ავრცელებს. ადრე, ის წინააღმდეგი იყო, ტერიტორიაზე, რომელსაც რუსი ჯარისკაცები აკონტროლებენ, ვინმე შესულიყო.  

უკრაინა ერთ-ერთი უძლიერესი პარტნიორი ქვეყნისგან მორიგ დახმარების პაკეტს მიიღებს. აღნიშნული განცხადების გაკეთება დღეს, უკრაინა-რუსეთის ომიდან 6 თვის თავზე გაცხადება. როგორც საერთაშორისო მედია იტყობინება,  3 მილიარდი დოლარის ღირებულების პაკეტი მოიცავს როგოც საბრძოლო შეიარაღებას, ისე უკრაინელი სამხედროების წვრთნასა და აღჭურვას. შეიარაღების სახეობები ბუნებრივია, არ სახელდება. თუმცა, ცნობილია, რომ პაკეტში სწორედ ის დანადგარები შევა, რაც უკრაინას ყველაზე მეტად სჭირდება.  

ამერიკის შეერთებული შტატების სახელმწიფო მდივნის განცხადებით, მსოფლიომ ხშირად უნდა აკეთოს გზავნილები, რომ უკრაინის ტერიტორიები ოკუპირებულია. როგორც ენტონი ბლიკენი აცხადებს, აუცილებელია  დაჟინებული მტკიცება, რომ ყირიმი არის უკრაინა, ისევე როგორც დონეცკი და ლუგანსკია უკრაინა და ამჟამად ოკუპირებული უკრაინის ტერიტორიის ყველა ნაწილი არის უკრაინა. „უნდა გავაგრძელოთ საფასურის გაზრდა და საერთაშორისო ზეწოლა პრეზიდენტ პუტინზე და მის არაერთ ხელშემწყობზე, სანამ უკრაინელი ხალხისა და მათი სუვერენული ქვეყნის უფლებები არ იქნება აღიარებული“, – აღნიშნა სახელმწიფო მდივანმა.