დღე: ივლისი 18, 2022

,,ის რომ მედია ამ ყველაფრით არ ინტერესდება ზუსტად ისეთივე უცნაურია, როგორც ის, რომ ბანკი თვითდაზიანებას იყენებს,”- ასე ეხმიანება „ქართული ოცნების“ თავმჯდომარე, ირაკლი კობახიძე გავრცელებულ ინფორმაციას, რომ ბიძინა ივანიშვილის Credit Suisse-თან დავით შვეიცარიული მედია არ ინტერესდება. კობახიძის განმარტებით, ერთ-ერთი პრესტიჟული შვეიცარიული ბანკი ახლა თვითდაზიანების მდგომარეობაში იმყოფება და აზიანებს, როგორც   შვეიცარიულ საბანკო სისტემას, ასევე  მთლიანად შვეიცარიის სახელმწიფოს. „რატომ შეიძლება თვითდაზიანების მდგომარეობაში იყოს ერთ-ერთი პრესტიჟული შვეიცარიული ბანკი, ვის ინტერესებში შეიძლება იყოს ეს ყველაფერი და რამე პოლიტიკური კავშირი აქვს თუ არა ძალიან საინტერესოა, მით უმეტეს, როდესაც ბანკი მიუთითებს იმ რეზოლუციაზე, რომელიც ევროპარლამენტმა მიიღო და…

,,უკრაინას სჭირდება მეტი იარაღი,  თუ ომი გაგრძელდება, ჩვენც გავაგრძელებთ მხარდაჭერას”- ამის შესახებ საგარეო საქმეთა და უსაფრთხოების პოლიტიკის საკითხებში უმაღლესმა ევროკომისარმა, ჯოზეფ ბორელმა განაცხადა. მისი თქმით, რუსეთის წინააღმდეგ სანქციები გამკაცრდება. „მინისტრები ერთხმად შეთანხმდნენ უკრაინის გვერდით მტკიცედ დგომის გაგრძელების საჭიროებაზე და უკრაინისთვის მთელი ჩვენი მხარდაჭერის აღმოჩენაზე თავისუფლებისა და დამოუკიდებლობისთვის მის ბრძოლაში. უკრაინას სჭირდება მეტი იარაღი, ჩვენ მივაწვდით მას. თუ ომი გაგრძელდება, ჩვენც გავაგრძელებთ მხარდაჭერას. სწორედ ამიტომ, შევთავაზე მომდევნო ტრანში. ეს არის პოლიტიკური შეთანხმება და გადაწყვეტილებას მომდევნო დღეებში მიიღებენ, მაგრამ დღეს მინისტრები ამაზე დათანხმდნენ. მაგიდაზეა წარმოდგენილი ერთობლივი წინადადება, რომელიც კიდევ უფრო მეტი ზომების დაწესებას…

„ქართული ოცნების“ თავმჯდომარე მამუკა მდინარაძე სუს-ის ყოფილი მაღალჩინოსნის, სოსო გოგაშვილის დაკავებას ეხმიანება. მდინარაძის განცხადებით, მმართველ პარტიას შესაძლოა ხარვეზები ჰქონდეს, თუმცა სამხილებელი არაფერი აქვს. „ოცნებას“ სამხილებელი არაფერი აქვს, მთელი პასუხისმგებლობით ვამბობ. ეს არ ეხება რომელიმე კონკრეტულ ადამიანს, კონკრეტულ დაკავებას თუ გადაწყვეტილებას სამართალდამცავი ორგანოების მხრიდან. „ოცნებას“ სამხილებელი არაფერი აქვს! ხარვეზები ყველას აქვს, მაგრამ სამხილებელი, როგორც ეს უნდათ ზოგიერთ ძალებს, არაფერი გვაქვს, ამას ვამბობ მთელი პასუხისმგებლობით! რაც შეეხება კონკრეტულ დაკავებას, ეს სამართალდამცავების საქმეა და ჩემი საქმე არ არის. მართლა უხერხულად ვგრძნობ თავს, როცა ადამიანის დაკავებიდან მეორე მესამე დღეს გვეკითხებიან დეტალების შესახებ. ეს არ…

პარტია  “საქართველოსთვის“ თავმჯდომარე გიორგი გახარია,  სოციალურ ქსელ „ტვიტერში“ ირაკლი ღარიბაშვილის მიერ ევროკომისიის პრეზიდენტ ურსულა ფონ დერ ლაიენისთვის გაგზავნილ წერილს ეხმიანება. როგორც გახარია აღნიშნავს, ღარიბაშვილის წერილი ადასტურებს, რომ სახელმწიფო პერსონალურ ინტერესებს ემსახურება. ,,პრემიერ-მინისტრ ღარიბაშვილის წერილი ევროკომისიის პრეზიდენტისადმი არის დასტური იმისა, რომ სახელმწიფო პერსონალურ ინტერესებს ემსახურება. მე მჯერა, რომ კომისია გვერდში დაუდგება საქართველოს, ინსტიტუციური დემოკრატიის მშენებლობაში, რათა დასრულდეს არაფორმალური მმართველობა და გავხდეთ ევროპული ოჯახის წევრი”,- წერს გიორგი გახარია. ,,ევროპარლამენტის რეზოლუციის ჩანაწერები საქართველოში მოქმედი მმართველობის სისტემის დისკრედიტირებას ისახავს მიზნად”- ირაკლი ღარიბაშვილი – (mcm.ge)

,,ჩვენ გვაქვს გეგმა, რომელიც პარტიის თავმჯდომარემ გამოაცხადა, მივყვებით და ჩაერთონ ამ პროცესში. რაც არ უნდა მოიგონონ, პარალელური პროცესები, ვერ გააპრავებენ იმას, რომ ისინი რეალურად ევროკომისიის რეკომენდაციებს საბოტაჟს უწყობენ“,- ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ განაცხადა. მდინარაძის თქმით, სამართლებრივად და ტექნიკურად რიგგარეშე სხდომა ვერ ჩატარდებოდა, სესია ვერ გაიხსნებოდა, რადგან კომიტეტებზე საკითხების განხილვა არ ყოფილა. „ორი მდგენელი აქვს ამ ყველაფერს. ერთი, სამართლებრივ ტექნიკური და მეორე, პოლიტიკური. როდესაც მოიწვია პრეზიდენტმა დეპუტატების მოთხოვნით სხდომა, იმ ოთხი საკითხიდან, რაც დღის წერიგში ეწერა, ხომ არ იცით რომელიმე საკომიტეტო მოსმენაზე განხილული რომ ყოფილიყო? არც ერთი არ…

,,არავის არ უნდა ჰქონდეს იმის უფლება, მათ შორის არც დეპუტატს, პოლიტიკოსს და არც დიპლომატს, რომ დაიბაროს რომელიმე მოსამართლე და მოსთხოვოს ანგარიში კონკრეტულ საქმესთან დაკავშირებით,”- ასე ეხმიანება „ქართული ოცნების“ თავმჯდომარე ირაკლი კობახიძე, ნიკა გვარამიას საქმის მოსამართლის განცხადებას. კობახიძის განცხადებით, მოსამართლემ  სკანდალური ინფორმაცია გაავრცელა და ფაქტობრივად ბრალდება არის წაყენებული კონკრეტული დიპლომატის მიმართ. „საკმაოდ სკანდალური ინფორმაციაა, რაც გაავრცელა მოსამართლემ. პრაქტიკულად ბრალდება არის წაყენებული კონკრეტული დიპლომატის მიმართ, კონკრეტული საელჩოს თანამშრომლის მიმართ. ამას სჭირდება რა თქმა უნდა, მკაფიო პასუხის გაცემა. როდესაც მოსამართლე, რომელსაც საქართველოს სახელით გამოაქვს გადაწყვეტილებები, განაჩენები ასეთი ხარისხით ბრალდებას უყენებს დიპლომატს, ამას სჭირდება მკაფიო პასუხი. უნდა…

„ქართული ოცნების“ თავმჯდომარე ირაკლი კობახიძე სუს-ის ყოფილი მაღალჩინოსნის, სოსო გოგაშვილის დაკავებას ეხმიანება. მისი თქმით, გოგაშვილის დიდი ხანია შემხებლობა აღარ აქვს „ქართულ ოცნებასთან“  და აღნიშნულ საქმეზე კომენტარი პოლიტიკოსებმა არ უნდა აკეთონ. „მას ( სოსო გოგაშვილს) ძალიან დიდი ხანია შეხება არა აქვს „ქართულ ოცნებასთან“ ეს ერთი და მეორე, უმჯობესია, რა თქმა უნდა, ამ თემასთან დაკავშირებით კომენტარები აკეთონ არა პოლიტიკოსებმა, არამედ სამართალდამცავმა ორგანოებმა და ეს ასეც იქნება. ჩვენ უნდა დაველოდოთ სამართალდამცავი ორგანოების კომენტარს იმასთან დაკავშირებით თუ რას ეხება სისხლის სამართლის საქმის გამოძიება და დეტალებს მოისმენთ“, – განაცხადა ირაკლი კობახიძემ. ამასთან,  „ქართული ოცნების“ თავმჯდომარის…

„ქართული ოცნების“ თავმჯდომარე ირაკლი კობახიძეირაკლი ღარიბაშვილის მიერ ევროკომისიის პრეზიდენტ ურსულა ფონ დერ ლაიენისთვის გაგზავნილ წერილს ეხმიანება. კობახიძის თქმით, კონკრეტული პოლიტიკური ძალები ცდილობენ დეოლიგარქიზაციასთან დაკავშირებული ჩანაწერი დაუკავშირონ ბიძინა ივანიშვილს. მისი თქმით, ამ კუთხით ძალიან მნიშვნელოვანია სიცხადის შეტანა ევროკომისიის მხრიდან. „მთავარი მიზანი არის რა – ჩვენ ვნახეთ, რომ სპეკულაციებისთვის გამოიყენება როგორც რეზოლუცია, ასევე ის ჩანაწერი, რომელიც მოხვდა ევროკომისიის შეფასებაში დეოლიგარქიზაციასთან დაკავშირებით. კონკრეტული პოლიტიკური ძალები და მათი ლობისტები ცდილობენ, ეს ჩანაწერი დაუკავშირონ ბიძინა ივანიშვილს და ამ კუთხით ძალიან მნიშვნელოვანია სიცხადის შეტანა ევროკომისიის მხრიდან. მნიშვნელოვანია, რომ ეს პოზიცია საჯაროდ დაფიქსირდეს, რათა სპეკულაციებისთვის არ დარჩეს…

„ქართული ოცნების“ თავმჯდომარე, ირაკლი კობახიძე განმარტავს, თუ რატომ   განაცხადა უარი „ქართულმა ოცნებამ“, ევროკავშირს რეკომენდაციებთან დაკავშირებით პარლამენტის რიგგარეშე სესიაში მონაწილეობაზე. მისი თქმით, მმართველი გუნდი არ აპირებს მონაწილეობა მიიღოს იმ ,,სპექტაკლში”, რომელიც ოპოზიციამ შესთავაზა. ,,სავარაუდო დღის წესრიგი ჰქონდა ოპოზიციას შედგენილი, წარმოდგენილი იყო ოთხი საკითხი. ოთხივე საკითხზე ჩვენ ჩვენი პოლიტიკური პოზიცია უკვე გვაქვს დაფიქსირებული. პირველი, რაც შეეხება საკონსტიტუციო ცვლილებებს, წელს არ ვაპირებთ მეორე მოსმენით ამ კანონპროექტის განხილვას, ამაზე მყარი პოლიტიკური პოზიციაა. რაც შეეხება ანტიკორუფციას და სასამართლო საკითხებს, ამასთან დაკავშირებით შექმნილია ორი სხვადასხვა სამუშაო ჯგუფი და წარვადგინეთ კონკრეტული ვადები, შემჭიდროებული ვადები, რა ვადებშიც…

მიხეილ სააკაშვილი დედამ, გიული ალასანიამ კლინიკა “ვივამედში”  მოინახულა. ალასანიას თქმით, ყოფილი პრეზიდენტი კვლავ სუსტად გრძნობს თავს. „წარმოიდგინეთ, თითქმის 10 თვეა ადამიანი ჰაერზე არ ყოფილა, მზე არ უნახავს, მე ძალიან მეჩქარება, რომ სამართლიანი გადაწყვეტილება იქნას მიღებული. იგივე სისუსტე აქვს, იგივე ბარბაცი. გუშინდელი დღის შემდეგ 1 კილოგრამი მაქვს დაკლებულიო. არ ვიცი რა არის მიზეზი. დღეს მგონი, რაღაც ანალიზების პასუხს ელოდებიან,” – განაცხადა გიული ალასანიამ.

სახელმწიფო უსაფრთხოების სამსახური სოსო გოგაშვილის დაკავების ფაქტზე ინფორმაციას ავრცლებს. მათი ინფორმაციით, გოგაშვილმა სამსახურებრივი მდგომარეობის განიყენებით მოიპოვა და გაამჟღავნა კონკრეტული მოქალაქეების პერსონალური მონაცემები, რითაც ხელი შეუწყო აღნიშნული ინფორმაციის საჯაროდ გავრცელებას. მათივე ცნობით, სუს-ის ყოფილი მაღალჩინოსანი საცხოვრებელი სახლის ჩხრეკის დაწყებამდე არ დაემორჩილა სახელმწიფო უსაფრთხოების სამსახურის წარმომადგენელთა კანონიერ მოთხოვნას და არ გახსნა შესასვლელი კარი. „სახელმწიფო უსაფრთხოების სამსახურის გენერალურ ინსპექციაში, სამსახურებრივი მდგომარეობის გამოყენებით პერსონალური მონაცემების ხელყოფის ფაქტზე, საქართველოს სისხლის სამართლის კოდექსის 157-ე მუხლის IV ნაწილით, მიმდინარე სისხლის სამართლის საქმის ფარგლებში, მოსამართლის განჩინებით ჩატარებული ჩხრეკის შედეგად მოპოვებული მტკიცებულებების საფუძველზე, პერსონალური მონაცემების ხელყოფის (სისხლის სამართლის კოდექსის…

ბიძინა ივანიშვილის ინტერესების დამცველი შვეიცარიულ ბანკთან დავაში, იურიდიული ფირმა „ემ-ქეი-დი“ განცხადებას ავრცელებს. მათი ცნობით, Credit Suisse-ის მიერ კლიენტის მიმართ ვალდებულებების უხეში და განგრძობადი დარღვევების შესახებ ინფორმაცია მიეწოდა შვეიცარიულ მედიას. იურიდიული კომპანიის განცხადებით არც ერთმა მედიასაშუალებამ არ ისურვა აღნიშნული ტექსტის გამოქვეყნება. „2022 წლის 7 ივლისს იურიდიული ფირმის „ემ-ქეი-დი“ მიერ გამოქვეყნდა პრესრელიზი, რომელიც ბანკისა და მისი სატრასტო სტრუქტურების მხრიდან კლიენტის მიმართ არსებულ ვალდებულებათა იმგვარ დარღვევებს შეეხებოდა, რომლებსაც არათუ გამართლება, არამედ ახსნაც კი არ გააჩნია. მოცემულ პრესრელიზში ვაცხადებდით, რომ ბანკის მენეჯმენტი თვითდაზიანების რეჟიმში არის და რომ მისი მოქმედებები ანგრევს არათუ უშუალოდ Credit Suisse-ის იმიჯს, არამედ…

სუს-ის ყოფილ მაღალჩინოსან სოსო გოგაშვილს აღკვეთის ღონისძიების სახით, 2 თვიანი წინასწარი პატიმრობა შეეფარდა. გოგაშვილის მეუღლე მიიჩნევს, რომ  სუს-ის ყოფილი მაღალჩინოსანი პოლიტპატიმარია. ,,ეგენი არიან რუსი ოცნების პროკურორები და რუსი ოცნება ყველანაირად ცდილობს დახუროს სასამართლო პროცესი, რათა საზოგადოებამ არ გაიგოს სიმართლე. სოსო გოგაშვილმა როცა თქვა, რომ ვამხელ, ესე იგი, იქნება მხილებული, ის არის ვაჟკაცი, გმირი და პოლიტპატიმარი, რომლისაც ძალიან ეშინოდათ”, – განაცხადა თეა მარტყოფლიშვილმა. ცნობისთის, სუს-ის ყოფილი მაღალჩინოსანი 16 ივლისს, მისივე სახლში ჩატარებული რამდენიმესაათიანი სპეცოპერაციის შემდეგ დააკავეს. მას ბრალი სამი მუხლით – იარაღის უკანონო შეძენა-შენახვა-ტარების და პირადი ცხოვრების ამსახველი საიდუმლოების ან პერსონალური…

,,ჩვენი გეგმები იქნება მიმართული საქართველოს, როგორც სახელმწიფოს მიერ იმ ამოცანების შესრულებისკენ, რომელიც საჭიროა ევროკავშირის წევრობის მოსაპოვებლად,”- ამის შესახებ პარტია „ლელო საქართველოსთვის“ წევრმა დავით უსუფაშვილმა განაცხადა. მისი თქმით,  ის რომ რიგგარეშე სესიაში მონააწილეობაზე მმართველმა გუნდმა უარი განაცხადა, სწორი ნაბიჯი არ არის. ,,სამართლებრივად კონსტიტუცია ცალსახად მიუთითებს იმაზე, რომ რიგგარეშე სესია პრეზიდენტი იწვევს და შემდეგ ბიურო ადგენს იმ გეგმას, რომლითაც უნდა იმუშაოს, მაგრამ ამ პროცესში მონაწილეობა უმრავლესობამ მიზანშეწონილად არ ჩათვალა, რაც სწორი ნაბიჯი არ არის, ვინაიდან ჩვენ ყველა, პირველ რიგში კი, ხელისუფლება უნდა ცდილობდეს შეხების წერტილების გაჩენას და არა პირიქით. საკონსტიტუციო ცვლილებები თავისთავად,…

სუს-ის ყოფილ მაღალჩინოსან სოსო გოგაშვილს აღკვეთის ღონისძიების სახით, 2 თვიანი წინასწარი პატიმრობა შეეფარდა. გოგაშვილის ადვოკატის განცხადებით, საქმის მასალებში არ არსებობს მტკიცებულება, რომელიც დაადასტურებდა, რომ სოსო გოგაშვილმა რაიმე მატერიალური დოკუმენტაცია მოიპოვა. მისივე თქმით, წერილობით სოსო გოგაშვილს არანაირი ინფორმაცია არ მოუპოვებია რომანოვსკის საზღვრის კვეთასთან დაკავშირებით. ,,არ არსებობს საქმეში მტკიცებულება, რომელიც დაადასტურებდა, რომ სოსო გოგაშვილმა რაიმე მატერიალური დოკუმენტაცია მოიპოვა რომანოვსკის საზღვრის კვეთასთან დაკავშირებით, თუმცა არის საქმეში ერთ-ერთი ეპიზოდი და მოწმე, სადაც სოსო გოგაშვილი ერთ-ერთ პიროვნებას ეკითხება, ნამდვილად გადმოკვეთა თუ არა საზღვარი ამა და ამ პიროვნებამ. იმ პერიოდში, როცა სოსო გოგაშვილმა ეს ინფორმაცია მოითხოვა…

სუს-ის ყოფილ მაღალჩინოსან სოსო გოგაშვილს აღკვეთის ღონისძიების სახით, 2 თვიანი წინასწარი პატიმრობა შეეფარდა. გოგაშვილის შვილის განცხადებით, ყოფილი მაღალჩინოსნის საქმე ,,შეკერილია”. ,,სირცხვილია, ვიცე-პოლკოვნიკს ედავებიან, რატომ ამხილე რუსი ჯაშუშებიო, ეს ხო სასაცილოც აღარ არის. შეკერილი საქმეა, თქვენც ხო მოისმინეთ, რომ არ აცადეს ლაპარაკი, არ უნდათ რომ თქვას სიმართლე, იმიტომ რომ ეშინიათ, რცხვენიათ მაგ სიმართლის, იციან რომ ეს არის შეკერილი საქმე”, – განაცხადა ნიკა გოგაშვილმა. ცნობისთის, სუს-ის ყოფილი მაღალჩინოსანი 16 ივლისს, მისივე სახლში ჩატარებული რამდენიმესაათიანი სპეცოპერაციის შემდეგ დააკავეს. მას ბრალი სამი მუხლით – იარაღის უკანონო შეძენა-შენახვა-ტარების და პირადი ცხოვრების ამსახველი საიდუმლოების ან პერსონალური…

საუბარი იმაზე, რომ მთავრობა რეალურად არა პრემიერ-მინისტრის, არამედ პოლიტიკიდან წელიწადნახევარის წინ საკუთარი ნებით გასული ადამიანის მიერ იმართება, შეურაცხმყოფელია პირადად ჩემთვის და ჩემი ქვეყნისთვის,”- ამის შესახებ ირაკლი ღარიბაშვილის მიერ ევროკომისიის პრეზიდენტ ურსულა ფონ დერ ლაიენისთვის გაგზავნილ წერილშია ნათქვამი. პრემიერის თქმით, რეზოლუციის საფუზველზე შვეიცარიულმა ბანკმა, ბიძინა ივანიშვილს ფინანსური გადარიცხვები შეუჩერა. ,,რეზოლუცია პირდაპირ იქნა გამოყენებული შვეიცარიული ბანკის მიერ ბიძინა ივანიშვილის ფინანსური გადარიცხვების შესაჩერებლად. შესაბამისად, ბანკი ევროპარლამენტის დოკუმენტს იყენებს საქართველოს ყოფილი პრემიერ-მინისტრის კანონიერი უფლებების შესალახად, რაც, ასევე, ქვეყნის დისკრედიტაციას ახდენს. მოხარული ვარ, რომ ევროპულმა კომისიამ და ევროპულმა საბჭომ ევროპარლამენტის ყოვლად უსაფუძვლო მოწოდება არ გაიზიარეს და პირადად…

სოსო გოგაშვილს აღკვეთის ღონისძიების სახით, 2 თვიანი წინასწარი პატიმრობა შეეფარდა. მოსამართლე არსენ კალატოზიშვილმაპროკურატურის შუამდგომლობა დააკმაყოფილა. ადვოკატები გოგაშვილის გირაოთი,  50 000 ლარის სანაცვლოდ გათავისუფლებას მოითხოვდნენ მოითხოვდნენ. ცნობისთვის,  სუს-ის ყოფილი მაღალჩინოსანი 16 ივლისს, მისივე სახლში ჩატარებული რამდენიმესაათიანი სპეცოპერაციის შემდეგ დააკავეს. მას ბრალი სამი მუხლით – იარაღის უკანონო შეძენა-შენახვა-ტარების და პირადი ცხოვრების ამსახველი საიდუმლოების ან პერსონალური მონაცემების ხელყოფის მუხლებით აქვს წარდგენილი. დანაშაულის დამტკიცების შემთხვევაში გოგაშვილს 4-დან 7 წლამდე თავისუფლების აღკვეთა ემუქრება. შემდეგი სასამართლო სხდომა 8 სექტმებერს 12:00 საათზე ჩაინიშნა.

,,ევროპარლამენტის რეზოლუციის აღნიშნული ჩანაწერები არ ეფუძნება არავითარ დასაბუთებას და საქართველოში მოქმედი მმართველობის სისტემის დისკრედიტირებას ისახავს მიზნად,”- ამის შესახებ  საქართველოს პრემიერ-მინისტრის ირაკლი ღარიბაშვილის მიერ ევროკომისიის პრეზიდენტ ურსულა ფონ დერ ლაიენისთვის გაგზავნილ წერილშია ნათქვამი. პრემიერის განცხადებით,  9 ივნისს ევროიპარლამენტის მიერ საქართველოს შესახებ მიღებულ რეზოლუციაში არსებული ჩანაწერები არ ეფუძნება არავითარ დასაბუთებას და საქართველოში მოქმედი მმართველობის სისტემის დისკრედიტირებას ისახავს მიზნად. „რეზოლუციაში გამოთქმულია შეშფოთება „დესტრუქციული როლის გამო, რომელსაც ოლიგარქი ბიძინა ივანიშვილი საქართველოს პოლიტიკასა და ეკონომიკაში ასრულებს, აგრეთვე მის მიერ ხელისუფლებასა და ხელისუფლების გადაწყვეტილებებზე განხორციელებული კონტროლის გამო, მათ შორის ისეთ გადაწყვეტილებებზე, რომლებიც ჟურნალისტებისა და პოლიტიკური ოპონენტების…

„სტრატეგია აღმაშენებლის“ ლიდერი, გიორგი ვაშაძე მმართველი პარტიის გადაწყვეტილებას ეხმიანება, რომლის თანახმადაც, სალომე ზურაბიშვილის მიერ მოწვეული რიგგარეშე სესია არ ჩატარდება. ვაშაძის თქმით, „ქართულმა ოცნებამ” ნამდვილად განიცადა სტრატეგიული მარცხი. „დღეს, „ქართულმა ოცნებამ” ნამდვილად განიცადა სტრატეგიული მარცხი იმიტომ, რომ ჩვენ, როგორც ქვეყნის შიგნით ჩვენი მოქალაქეების წინაშე, ასევე დასავლელი პარტნიორების თვალწინ მოვახდინეთ მათი ლუსტრაცია, მაგრამ დიდი პოლიტიკური მარცხი მათ უნდა განიცადონ შემოდგომაზე, იმისათვის, რომ ჩვენ საბოლოო ჯამში, ევროკავშირის კანდიდატი ქვეყნის სტატუსი მივიღოთ. ეს ჩარაზული კარი არის იმის სიმბოლო, როგორ უნდათ, რომ ჩარაზონ საქართველოს პერსპექტივა და ევროკავშირი არ შემოახედონ საქართველოში, დაგვტოვონ რუსეთთან პირისპირ. სამწუხაროდ, ეს…

საქართველოს პრემიერ-მინისტრი ირაკლი ღარიბაშვილი ევროკომისიის პრეზიდენტ ურსულა ფონ დერ ლაიენს წერილით მიმართავს. როგორც პრემიერი აღნიშნავს, 9 ივნისს ევროიპარლამენტის მიერ საქართველოს შესახებ მიღებულ რეზოლუციაში არსებული ჩანაწერები არ ეფუძნება არავითარ დასაბუთებას და საქართველოში მოქმედი მმართველობის სისტემის დისკრედიტირებას ისახავს მიზნად. „როგორც მოგეხსენებათ, ამა წლის 9 ივნისს ევროპარლამენტმა მიიღო რეზოლუცია საქართველოს შესახებ. სამწუხაროდ, აღნიშნული რეზოლუცია უამრავ დაუსაბუთებელ ჩანაწერს და ფაქტობრივ უზუსტობას შეიცავს, რასთან დაკავშირებითაც მზად ვარ, საჭიროების შემთხვევაში, დეტალური ინფორმაცია მოგაწოდოთ. რეზოლუციაში გამოთქმულია შეშფოთება „დესტრუქციული როლის გამო, რომელსაც ოლიგარქი ბიძინა ივანიშვილი საქართველოს პოლიტიკასა და ეკონომიკაში ასრულებს, აგრეთვე მის მიერ ხელისუფლებასა და ხელისუფლების გადაწყვეტილებებზე განხორციელებული…

სასამართლო სხდომის დახურვამდე, სუს-ის ყოფილმა მაღალჩინოსანმა მის მიმართ განხორციელებულ ძალადობაზე ისაუბრა და აღნიშნა, რომ  მის სახლში იარაღი გენინსპექციის დირექტორის მოადგილე გიორგი ღამბაშიძემ ჩადო. მისივე თქმით, ე.წ. მოდულის შენობაში სოროში შეაგდეს. „ჩემს მიმართ იყო არაადამიანური მოპყრობა, ჩემი ოჯახის წევრების წამება და ბავშვების სტრესის ქვეშ ყოფნა. მომექცნენ როგორც უკანასკნელ ტერორისტს. არ მომცეს ადვოკატთან დაკავშირების უფლება. უკანასკნელი შეურაცხყოფა, რაც მე ვიგრძენი, იყო, როდესაც აქ მომიყვანეს, შემაგდეს სადღაც სოროში კრიმინალებთან ერთად, სადაც კედლებზე ეწერა ,,ჟიზნ ვარამ”. ეს არ უნდა ხდებოდეს და ასე არ უნდა ექცეოდნენ სახელმწიფო მოხელეს,”- განაცხადა სოსო გოგაშვილმა სასამართლო პროცესზე.

სუს-ის ყოფილი მაღალჩინოსნის, სოსო გოგაშვილის მეუღლის, თეა მარტყოფლიშვილის განცხადებით,  ოჯახი მუქრის წერილებს იღებს. მისივე თქმით, სახლსა და ავტომობილებში მოსასმენი აპარატურებია დამონტაჟებული. მარტოფლიშვილი აღნიშნავს, რომ გოგაშვილის ოჯახი არ გაჩუმდება და ხელისუფლება მისგანაც “მიიღებს საჩუქარს”. ,,მაინტერესებს, თუ სოსო დამნაშავე იყო, აქამდე სად იყვნენ? ეს ცოტა სასაცილოა. რაც ჩვენს სახლში იკადრეს, დღესაც არაფერი გამიკვირდება. მოდის მუქარა ჩემი ოჯახის და შვილების მისამართით, ვიღებთ შეტყობინებებს მათ შორის კეთილისმსურველებისგან, რომ ფრთხილად იყავით, კამერები დააყენეთ მანქანებზეო. პირობას ვაძლევ ყველას, რომ გოგაშვილის მეუღლე და მისი შვილები არ გაჩუმდებიან, როგორი საჩუქარიც გამიკეთეს, ვალში არ დავრჩები და საჩუქარს მეც გავუგზავნი,…

,,გასულ წელს, როდესაც დამტკიცდა სახელმწიფო ბიუჯეტის კანონი, განსაზღვრული იყო გარკვეული პრინციპები, როგორ უნდა მოწესრიგებულიყო საჯარო სამსახურში შრომის ანაზღაურების ნაწილი. შესაბამისად, დაევალა საქართველოს მთავრობას, წარედგინა პარლამენტისთვის კანონპროექტი, რომლის მიხედვითაც უნდა მოხდეს საჯარო სამსახურში ხელფასების მოწესრიგება”,- ამის შესახებ, საქართველოს ფინანსთა მინისტრმა, ლაშა ხუციშვილმა განაცხადა. მისი თქმით, 2026 წლამდე, ყოველწლიურად, საჯარო სამსახურში ხელფასების ოდენობა დაახლოებით 10 პროცენტით გაიზრდება. ,,2026 წლის პირველი იანვრიდან საბაზისო თანამდებობრივი სარგო უნდა განისაზღვროს იმ პროცენტული მაჩვენებლით, რა პროცენტულადაც ბოლო ოთხი კვარტლის განმავლობაში გაიზრდება არასახელმწიფო სექტორში საშუალო ხელფასი. ასევე, 2026 წლიდან საბაზისო თანამდებობრივი სარგო უნდა განისაზღვროს ისე, რომ საშუალო ხელფასი…

მოსამართლემ სუს-ის ყოფილი მაღალჩინოსნის, სოსო გოგაშვილის საქმეზე სასამართლო სხდომა დახურა. დახურვაზე შუამდგომლობა პროკურატურამ პროცესის დაწყებისთანავე დააყენა. გოგაშვილის აღკვეთ ღონისძიებაზე სასამართლო ამ წუთებში მსჯელობს. დახურვამდე, მოსამართლემ გოგაშვილს საშუალება მისცა სპეცოპერაციისა და მისი დაკავების დეტალებზე ესაუბრა. გოგაშვილის  თქმით, მის მიმართ განხორციელდა არაადამიანური მოპყრობა და ახლა ასამართლებენ, რუსი ჯაშუშების მხილებისთვის. ,,ღამის ორ საათზე, ჩვენს სახლში მოხდა შემოჭრა. არ მომხდარა არნაიარი წესების დაცვა. მათ ჰქონდათ განჩინება ჩხრეკზე და არა დაკავებაზე. მე მათ განვუმარტე, რომ სახლში იმყოფებოდნენ მცირეწლოვნები და ვუთხარი, რომ უკანა ოთახში გავიყვანდი და შემდეგ გავუღებდი კარს. მათ გააგრძელეს კარების შემონგრევა, ასაფეთქებელს აყენებდნენ კარებზე.…