დღე: ივლისი 6, 2022

,,მომავალ საპარლამენტო არჩევნებში, ფსევდო-ოპოზიციურ პარტიებს, არ უნდა მივცეთ საშუალება, ხმები ოპოზიციურ ელექტორატში მოიპოვონ და შემდეგ სადეპუტატო მანდატები „ოცნებას“ მიჰყიდონ,”- ამის შესახებ ოპოზიციონერი პოლიტიკოსი, კახა ოქრიაშვილი წერს. კახა ოქრიაშვილი მედიას, არასამთავრობო სექტორს, ოპოზიციურ პარტიებს “პოლიტიკურ აფერისტობაში ჩართული პირების” გამოვლენისკენ მოუწოდებს, რათა ქართველი ხალხი, არ შევიდეს შეცდომაში. ,,ჩემმა გუშინდელმა განცხადებამ მედიის ყურადღება მიიქცა და „გირჩის“ და „მოქალაქეების“ პარტიის წევრების გაღიზიანება გამოიწვია.  ვადასტურებ – დღესაც მიმაჩნია, რომ ორივე პარტია „ქართული ოცნების“ პარტნიორია. ისინი ერთი ხის სხვადასხვა ტოტები არიან. რა იყო გაღიზიანების მიზეზი, ვერ გავიგე, რადგან ყველასთვის ყველაფერი ისედაც ნათელია. წლებია, ეს პარტიები „ოცნების“…

,,კობახიძის ლოგიკით, დეკემბერში როცა უარს გვეტყვიან საბოლოოდ, კი არ უნდა გავბრაზდეთ ხელისუფლებაზე, უნდა გაგვიხარდეს რომ ომს აგვაცილეს,”- ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა. მისი თქმით, ტყუილია, თითქოს  დასავლეთი ომს გვთხოვს და საქართველოს მოქალაქეებმა უნდა გააკეთონ არჩევანი ომის დაწყებასა და ევროპაში ინტეგრაციას შორის. „ირაკლი კობახიძე და „ქართული ოცნება” ვერაფრით უპირისპირდებიან საზოგადოების 85%-იანი ნაწილის ნებას, რომ საქართველო უნდა გახდეს ევროკავშირის ნაწილი და დეოლიგარქიზაცია და დემოკრატია ერთმანეთთან შეუთავსებელია, რაც პირდაპირ გულისხმობს, ბიძინა ივანიშვილის ძალაუფლებისგან ჩამოშორებას. სწორედ ამიტომ, იგონებენ ტყუილს, რომ დასავლეთი ომს გვთხოვს და საქართველოს მოქალაქეებმა უნდა გააკეთონ არჩევანი ომის დაწყებასა და ევროპაში ინტეგრაციას…

საპარლამენტო უმრავლესობის წევრი რატი იონათამიშვილი ვოლოდიმირ ზელენსკის მიერ შექმნილი რუსეთის სანქცირების ჯგუფის კოორდინატორ მაიკლ მაკფოლის განცხადებას ეხმიანება. იონათამიშვილის თქმით, სანქციებზე საუბარი შესაბამისი არგუმენტების გარეშე არასწორია. „ნებისმიერ სუბიექტს, რომელიც სანქციებზე ლაპარაკობს, აქვს ვალდებულება, შესაბამისი არგუმენტებიც მოიშველიოს. როცა ამას არ ახდენს, მსგავს აქტორებს ეს საკმაოდ უხერხულ მდგომარეობაში აყენებთ. ამიტომ, თითოეულმა უნდა გაათვითცნობიეროს – უნდა, იყოს ჭორაობის მხარეს, თუ სხვა ამოცანები აქვს. ჩვენ ვერ მოვისმინეთ ვერც ერთი არგუმენტი, შესაბამისად, არგუმენტების გარეშე მსგავსი განცხადებები ფასდება, როგორც უპასუხისმგებლო განცხადება“, – განაცხადა რატი იონათამიშვილმა. ცნობისთვის, მაიკლ მაკფოლის თქმით, განიხილება გარკვეული პირების დასანქცირება საქართველოდან და ბელარუსიდან. მაკფოლი გვარებს…

„დეპოლარიზაცია, დეოლიგარქიზაცია, ზაცია, ზაცია და ამ ზაციაში ვიქნებით ჩაფლული“  – აცხადებს საქართველოს პარლამენტის ოპოზიციონერი დეპუტატი დავით უსუფაშვილი. მისი შეფასებით, დეოლიგარქიზაციას თუ ჰქვია დებიძინიზაცია, დეპოლარიზაციას ჰქვია დეკობახიზაცია. „ევროკომისიას მიეცა ჩვენი ცოდვა, რომ ახლა ამ ორი სიტყვით ვიქნებით ალბათ, მოცული რამდენიმე თვე – დეპოლარიზაცია, დეოლიგარქიზაცია, ზაცია, ზაცია და ამ ზაციაში ვიქნებით ჩაფლული. მოკლედ გეტყვით – დეოლიგარქიზაციას თუ ჰქვია დებიძინიზაცია, დეპოლარიზაციას ჰქვია დეკობახიზაცია. გაგიგიათ ჩემგან, იმის მიუხედავად რა თქვა კობახიძემ ან ხვალ რას იტყვის, რომ ის არის ქვეყნის მტერი?! არა, მე ვლაპარაკობ, რომ მას რაღაც შეეშალა, არასწორად ესმის. ესე იგი, მე ხელს ვუწყობ…

საპარლამენტო უმრავლესობის წარმომადგენელი ბექა დავითულიანი არასამთავრობო სექტორს ურჩევს, პოლიტიკურ ორგანიზაციად ჩამოყალიბდნენ. „ოპოზიციის მხრიდან არასამთავრობო სფერო მთლიანად პოლიტიკურ ინსტრუმენტად არის გამოყენებული“ – აცხადებს ბექა დავითულიანი. „პოლიტიკოსს და პოლიტიკურ ორგანიზაციას აქვს მთელი რიგი კანონით დაწესებული შეზღუდვები და არასამთავრობო ორგანიზაციას და მის წევრს არანაირი შეზღუდვა და მსგავსი პასუხისმგებლობა არ გააჩნია. რა თქმა უნდა, მათთვის არის კომფორტული, გამოვლენ დაფინანსებას აიღებენ უცხოური ფონდებიდან, რაც პარტიას ეკრძალება, როლს მოირგებენ ვითომ ობიექტური მონიტორისა, გამოვლენ და შეასრულებენ იმ პარტიის საქმეს, რომლის თანამოაზრეები და თანაგუნდელებიც არიან. თუ უნდათ, რომ პოლიტიკაში იყვნენ და პოლიტიკური მიზნები გაცხადებული აქვთ, მაშინ დარეგისტრირდნენ პოლიტიკურ ორგანიზაციად,…

„ქართული ოცნების“ თავმჯდომარე ირაკლი კობახიძე საქართველოს პრეზიდენტს გუშინდელი განცხადებების გამო აკრიტიკებს. როგორც კობახიძე აცხადებს, სალომე ზურაბიშვილი არ არის არც „ენჯეო“ და არც პოლიტიკური პარტია. „მას პასუხისმგებლობა აქვს, ნებისმიერი განცხადება ფაქტებზე დაფუძნებით გააკეთოს, თუმცა არც ერთი ფაქტი არ მოუყვანია. მან ეს სტანდარტი დაარღვია… პრეზიდენტს არც ერთი ფაქტი არ მოუყვანია, რაც მისი პასუხისმგებლობაა. „ენჯოებისა“ და ოპოზიციისგან განსხვავებით, პრეზიდენტს ევალება, ფაქტებზე დაფუძნებით ისაუბროს, რაც მას არ გაუკეთებია. 5 ივლისს ჩადენილი დანაშაულები პირდაპირ დაკავშირებულია 12 პუნქტთან, მათ შორის გამოძიების სრულ გამჭვირვალობას და ჩვენ ამ საკითხზე ჩვენი ხედვა წარმოვადგინეთ. გამოძიება პროკურატურის საქმეა და მასში ჩარევა პარლამენტს არ…

„ქართული ოცნების“ თავმჯდომარე ირაკლი კობახიძე ოპოზიციონერი პოლიტიკოსის ელენე ხოშტარიას რუსულ ფულზე ისევ საუბრობს და ამბობს რომ ის რუსულ ფულს იღებს. „აღმოჩნდა, რომ ის დიდი ოდენობით რუსულ ფულს რუბლებში იღებს. ამის შესახებ ინფორმაციას რომ მალავს, ეს იმას ნიშნავს, რომ ბევრი რამ დასამალი აქვს“, – აცხადებს ირაკლი კობახიძე ელენე ხოშტარიასთან დაკავშირებით. რუსულ ფულთან დაკავშირებით განმარტება ელენე ხოშტარიას მამამ გოგი ხოშტარიამ გააკეთა და ახსნა საიდანაა ამ ფულის წარმომავლობა. „ბიძაჩემი, სოლომონ (სოლიკო) ვირსალაძე იყო მსოფლიოს ერთ-ერთი ყველაზე გამოჩენილი სცენოგრაფი, ანუ არა უბრალოდ მხატვარ-გამფორმებელი, არამედ დამდგმელი სპექტაკლებში. მე ვარ მეორე რიგის მემკვიდრე, ჩემს დეიდაშვილთან ერთად.…

„ქართული ოცნების“ თავმჯდომარე ირაკლი კობახიძე დეოლიგარქიცაზიასთან დაკავშირებით, მმართველი გუნდის ხედვაზე საუბრობს. მისი განცხადებით, სამუშაო ჯგუფი უნდა შეჯერდეს იმაზე, რა არის ოლიგარქის ცნება და ვის მიესადაგება ეს საქართველოში. კობახიძის განმარტებით, ოლიგარქის ცნება არავითარ შემთხვევაში არ მიესადაგება ბიძინა ივანიშვილს. „თვითონ კანონი, რა თქმა უნდა, უნდა დაზუსტდეს სამუშაო ჯგუფის ფორმატში. ჩვენ წარმოვადგინეთ გეგმა, რომელიც ითვალისწინებს პასუხისმგებელ სუბიექტებს, ანუ კონკრეტულ ფორმატში იქნება განხილული ეს თემა. მათ შორის კანონპროექტი, მისი დეტალები და კონკრეტული ვადებიც დავაზუსტეთ ამისთვის. დანარჩენი, დეტალები უნდა დაზუსტდეს სამუშაო ფორმატში ობიექტური კრიტერიუმების მიხედვით. მათ შორის ვთქვით, რომ შეიძლება, უკრაინული კანონიც გამოვიყენოთ ამისთვის. შესაბამისად,…

პარტია „ქართული ოცნების“ თავმჯდომარის, ირაკლი კობახიძის განცხადებით, ქვეყანაში არის მშვიდობა და ორნიშნა ეკონომიკური ზრდა, რითაც ხელისუფლება იწერს ქულებს. მისივე თქმით, კანდიდატის სტატუსის მინიჭების შემთხვევაშიც ქულებს დაიწერს ხელისუფლება, ოპონენტები კი ყველაფერს აკეთებენ, რათა ქულები არა ხელისუფლებამ, არამედ თავად დაიწერონ. „ქვეყანაში არის სიმშვიდე და ამითაც ბუნებრივია, ხელისუფლება იწერს ქულებს, რადგან სიმშვიდე მოწონს საზოგადოებას. ამ სიმშვიდიდან გამომდინარეობს ორნიშნა ეკონომიკური ზრდა. შარშან გვქონდა 10,4 პროცენტი, წელს ხუთი თვის განმავლობაში გვაქვს 11,2 პროცენტი. ამითაც ხელისუფლება იწერს ქულებს. რა თქმა უნდა, კანდიდატის სტატუსის მინიჭების შემთხვევაშიც ქულებს დაიწერს ხელისუფლება, „ქართული ოცნება“, ახლა მათ ინტერესებში რა შედის, რომ ეს ყველაფერი…

,,ომი არ დაიწყება საქართველოში, იქნება მშვიდობა, სიმშვიდე, ეს არის ქართველი ხალხის დაკვეთა და ჩვენ ყველაფერს გავაკეთებთ იმისთვის, რომ ქართველი ხალხის ინტერესები იყოს წამოწეული, – ამის შესახებ თბილისის მერმა, კახა კალაძემ  განაცხადა. თბილისის მერის თქმით, ომის დაწყების შემთხვევაში, საქართველო  უმძიმეს მდგომარეობაში აღმოჩნდება. „ქვეყანამ ომი რომ დაიწყოს, სტატუსი კი არა, ქვეყანა აღარ დარჩება; ეს იქნება უდიდესი პრობლემა, ჩვენ ვნახეთ უკრაინის მაგალითზე და უკრაინას თავი რომ დავანებოთ, 2008 წელს, ყველამ კარგად გავიხსენოთ, თუ რა ხდებოდა ქვეყანაში – დაკარგული ტერიტორიები, ადამიანების დაკარგული სიცოცხლე, დაკარგული სოფლები, გაქცეული მთავრობის წევრები. საქართველოში ომი რომ დაიწყოს, ქვეყანა აღარ…

„ქართული ოცნების“ თავმჯდომარის, ირაკლი კობახიძის განცხადებით, ომის და კანდიდატის სტატუსის კავშირი პირდაპირ იქნა აქცენტირებული  ევროკავშირის ლიდერების მხრიდან, როდესაც თქვეს, რომ უკრაინამ ომის გამო მიიღო კანდიდატის სტატუსი. მისივე თქმით, საქართველო უკრაინის მსგავს მდგომარეობაში, რომ ყოფილიყო ქვეყანა კანდიდატის სტატუსს მიიღებდა. „ომის და კანდიდატის სტატუსის კავშირს რაც შეეხება, ეს კავშირი პირდაპირ იქნა აქცენტირებული ევროკავშირის ლიდერების მხრიდან. მათ პირდაპირ თქვეს, რომ უკრაინას ომის გამო, ომის მდგომარეობაში ყოფნის გამო მიენიჭა კანდიდატის სტატუსი. სწორედ ომის გამო შესთავაზეს მას განაცხადის შეტანა და ომის გამო მიანიჭეს კანდიდატის სტატუსი, რაც ჩემი განცხადება არ არის. ეს არის ევროკავშირის ლიდერების განცხადება.…

“სტრატეგია აღმაშენებელის” ლიდერი გიორგი ვაშაძე აცხადებს, რომ პარლამენტის თავმჯდომარის მიერ დაგეგმილ შეხვედრაში მონაწილეობას არ მიიღებს. მისი თქმით, პარტია სამოქალაქო სექტორის თხოვნით, მონაწილეობას მხოლოდ რიგგარეშე სესიაში მიიღებს. ,,პარლამენტის თავმჯდომარის მიერ დაგეგმილ შეხვედრაში “სტრატეგია აღმაშენებელი” არც ერთ შემთხვევაში მონაწილეობას არ მიიღებს – პარლამენტის თავმჯდომარე არის ჩვეულებრივი ოლიგარქიული რეჟიმის უუფლებო ჭანჭიკი, რომელსაც არანაირი სიტყვა არ ეთქმის. სამოქალაქო სექტორის თხოვნით, ჩვენ ერთადერთ გამონაკლისს დავუშვებთ, რომ რიგგარეშე სესიასთან დაკავშირებით, თუ იქნება, ამას დავეთანხმებით, თუმცა, წინასწარ ვამბობთ, რომ ამას “ქართული ოცნება” არ გააკეთებს და მკაფიო ამაზე მათი პოზიცია. რაც შეეხება კანდიდატის სტატუსს, მას საქართველო მიიღებს ერთ…

საქართველოს პარლამენტის თავმჯდომარის, შალვა პაპუაშვილის განცხადებით არასამთავრობო ორგანიზაციათა ნაწილს პოლიტიკური დღის წესრიგი აქვს და მათი მთავარი მიზანი  ხელისუფლების ინსტრუმენტების მიღებაა. პაპუაშვილის თქმით, არასამთავრობო ორგანიზაციის წარმომადგენელთა ნაწილი პარტიების ველზე ლეგიტიმაციის გარეშე შემოდიან, რაც ანტიდემოკრატიულია. „ისინი შემოდიან პარტიების ველზე ლეგიტიმაციის გარეშე და ეს თავისთავად ანტიდემოკრატიულია, როდესაც ამავე დროს პრეტენზია გაქვს, რომ შენი დღის წესრიგით განვითარდეს ქვეყანა, როდესაც ერთი ამომრჩევლის მხარდაჭერაც კი არ გაქვთ. არასამთავრობო ორგანიზაციათა ნაწილს საბოლოო ჯამში, ვინაიდან არ იმალებოდა მათი პოლიტიკოსობა, მოუწიათ გარკვეულწილად ამის აღიარება და თქმა, რომ აღარც გამორიცხავენ, რომ ამ ყველაფერმა იურიდიული სახე მიიღოს და გაფორმდნენ როგორც პარტიები. თავისთავად…

„ჩვენ ღირსეულად უნდა ვემსახუროთ ამ ქალაქში მცხოვრებ ადამიანებს მიუხედავად სხვადასხვა პოლიტიკური შეხედულებებისა“, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე გამგეობების ექვსთვიანი მუშაობა შეაჯამა. მისი თქმით, დედაქალაქის გამგეობები გზებისა და კეთილმოწყობის მიმართულებით, 99-100%-ით ასრულებენ სამუშაოებს. „მინდა საზოგადოებას მივაწოდო ინფორმაცია გამგეობების მუშაობის თვალსაზრისით,გზების და კეთილმოწყობის თვალსაზრისით როგორია საბიუჯეტო შესრულება. მინდა გითხრათ, რომ 99-100%-ით არის შესრულებები, რაც ძალიან კარგია. არის გამგეობები, რომელსაც სჭირდება უფრო მეტის გაკეთება, რადგან გზების ნაწილში არის გარკვეული ჩამორჩენები, თუმცა, პრობლემას არ წარმოადგენს ეს იმ თვალსაზრისით, რომ უნდა ამოვწიოთ ეს ყველაფერი, სადაც არის შეფერხებები უფრო მეტი…

,,გირჩის”ლიდერი იაგო ხვიჩია დღეს,  შალვა პაპუაშვილთან დაგეგმილ შეხვედრაზე მისვლას და პოზიციის დაფიქსირებას აპირებს. მისი თქმით, დეპოლარიაზაციის დასასრულებლად ორი რამეა გასაკეთებელი – საკონსტიტუციო ცვლილებები და მიხეილ სააკაშვილის საზღვარგარეთ სამკურნალოდ გადაყვანა. ,,ქართულ ოცნებას“ რაც არ უნდა ჰქონდეს ჩაფიქრებული, შალვა პაპუაშვილთან დაგეგმილ შეხვედრაზე მისვლას და პოზიციის დაფიქსირებას ვაპირებ. მინდა, რაღაცნაირად გავაჟღერო „ქართულ ოცნებასთან“ თუ „ნაცმოძრაობასთან“ ჩემი პოზიცია, რეალურად თუ როგორ შეიძლება მოხდეს დეპოლარიაზაცია. სულ ორი რამეა გასაკეთებელი, რათა ამ პრობლემის აღმოფხვრისკენ ვიმოძრაოთ – საკონსტიტუციო ცვლილებების დაჩქარებული წესით მიღება და მიხეილ სააკაშვილის საზღვარგარეთ სამკურნალოდ გადაყვანა. რაც შეეხება ოპოზიციიის წარმომადგენლებს, ვინც ამ პროცესში მონაწილეობას არ აპირებს, ჩემი აზრით, არ…