დღე: ივლისი 2, 2022

მიმდინარე აქციის გამო, ამაღლების ქუჩაზე ტრანსპორტის მოძრაობა შეზღუდულია. სატრანსპორტო საშუალებები კოჯორის, წავკისისა და კიკეთის მიმართულებით ვერ გადაადგილდებიან. მძღოლებს აღნიშნული მიმართულებით, გადაადგილება შეუძლიათ ორთაჭალიდან, კრწანისი-შინდისის დამაკავშირებელი გზით.  

სამართალდამცველებმა „თბილისი პრაიდის“ საწინააღმდეგო აქციაზე 17 „პროტესტანტი“ დააკავეს. ისინი „თბილისი პრაიდის“ კვირეულის წინააღმდეგ გამოვიდნენ და ღონისძიებების ჩაშლას სხვადასხვა ფორმით ცდილობდნენ. როგორც შინაგან საქმეთა სამინისტროში განმარტავენ, 17-ვე ადამიანი ადმინისტრაციული სამართალდარღვევათა კოდექსის დარღვევისთვის დააკავეს, რაც  პოლიციელის კანონიერი განკარგულებისა ან მოთხოვნისადმი დაუმორჩილებლობას გულისხმობს. შეგახსენებთ, რომ აქცია დილიდან იმართება. აქციის მონაწილეებმა რუსთაველის გამზირიც გადაკეტეს და ფეხით ევროკავშირის ოფისისკენ დაიძრნენ.  

„საქართველო“…  „საქართველო“… ამ შეძახილებით, აქციის მონაწილეები პარლამენტის შენობიდან ევროკავშირის ოფისისკენ დაიძრნენ. „თბილის პრაიდის“ საწინააღმდეგო აქციაზე, რომელიც პარლამენტის წინ დაიწყო, ევროკავშირისა და ლგბტ თემის დროშები დახიეს „ქართული ოცნების“ ოფისთან დაყარეს. მტკვრის მარჯვენა სანაპიროზე მოძრაობა პარალიზებულია. აქციის მონაწილეები საქართველოს საპატრიარქოსთანაც შეჩერდნენ და მხარდაჭერა გამოუცხადეს. დღევანდელი აქციის მიზანია დაანახონ ლგბტ თემს, რომ მათი იდეოლოგია ვერ გაიმარჯვებს. აქციის ერთ-ერთი ორგანიზატორია „ალტ-ინფო“. მათ, დახეული დროშის ნაფლეთები ევროკავშირის ოფისთან უნდა მიიტანონ.

შინაგან საქმეთა სამინისტრო „თბილისი პრაიდის“ ღონისძიებებთან დაკავშირებით მობილიზებულია და მოწინააღმდეგეებს მოუწოდებს დაიცვან კანონი, დაემორჩილონ პოლიციის კანონიერ მოთხოვნებს, არ გასცდნენ კანონით დასაშვებ შეკრებისა და მანიფესტაციის უფლებას. „დღეს, თბილისში პარლამენტის შენობის მიმდებარე ტერიტორიაზე დაგეგმილია პრაიდის მოწინააღმდეგეთა საპროტესტო აქცია, ასევე, პარალელურად ერთ-ერთ იზოლირებულ სივრცეში იგეგმება პრაიდ კვირეულის დასკვნითი, დახურული ღონისძიება. პრაიდის კვირეულის ფარგლებში დაგეგმილი დახურული ღონისძიებების უსაფრთხო გარემოში ჩატარების მიზნით, საქართველოს შინაგან საქმეთა სამინისტროს წარმომადგენლები აგრძელებენ კომუნიკაციას აღნიშნული ღონისძიების ორგანიზატორებთან, ასევე გამოხატვის თავისუფლების დაცვის უზრუნველსაყოფად ტარდება პრევენციული ღონისძიებები. შინაგან საქმეთა სამინისტროს თანამშრომლები, კვირეულის ფარგლებში დაგეგმილი ყველა თავშეყრის ადგილებზე უსაფრთხოების ზომებიდან გამომდინარე და მოვლენების…

პარლამენტის მიმდებარედ „თბილისი პრაიდის“ საწინააღმდეგო აქცია იმართება. პარლამენტთან შეკრებილები ლგბტ თემის ღონისძიებას აპროტესტებენ და აცხადებენ, რომ მათ არ აქვთ უფლება, რაიმე ღონისძიება ჩაატარონ. ქციის ერთ-ერთმა მონაწილემ პროტესტის უკიდურეს ფორმას მიმართა და თავის დაწვა სცადა. მან საწვავი გადაისხა, თუმცა, ჩანაფიქრის განხორციელება ვერ მოახერხა. ის პარლამენტის წინ, შადრევანში ჩააგდეს.    

დიდ დიღომში უბედური შემთხვევა მოხდა. პეტრიწის ქუჩაზე, საკუთარ ბინაში, ასაკოვანი ცოლ-ქმარი გარდაცვლილი იპოვეს. როგორც მეზობლები აცხადებენ, გარდაცვალება სავარაუდოდ, წყლის გამათბობელს უკავშირდება, რომელიც არასწორად იყო დამონტაჟებული. ცხედრები ექსპერტიზის ეროვნულ ბიუროშია გადაასვენეს.  

შინაგან საქმეთა სამინისტრომ „თბილისი პრაიდის“ მოწინააღმდეგეთა აქციაზე 26 ადამიანის დააკავა. დაკავება მთაწმინდაზე მოხდა, სადაც „თბილისი პრაიდის“ ღონისძიება იმართებოდა. ყველა მათგანი ადმინისტრაციული წესითა დააკავეს. მათ ბრალად ედებათ წვრილმანი ხულიგნობა და 173-ე პოლიციის მიმართ წინააღმდეგობის გაწევა. დაკავებულთა შორის არიან „ალტ-ინფოს“ ლიდერები – ზურაბ მახარაძე და ირაკლი მარტინენკო, ასევე, გურამ ფალავანდიშვილი და მისი შვილი ალექსანდრე ფალავანდიშვილი. ისინი „თბილისი პრაიდის“ ღონისძიების ჩაშლას ცდილობდნენ.