დღე: ივლისი 1, 2022

უკრაინის შეიარაღებული ძალების გენერალური შტაბის ინფორმაციით, ომის დაწყებიდან დღემდე, უკრაინაში დაახლოებით 35 750 რუსი სამხედრო მოკლეს. გენშტაბის მონაცემებით, რუსეთის დანაკარგები ასეთია: ჯარისკაცი – დაახლოებით 35 750, ტანკი – 1 577 ,ჯავშანტექნიკა – 3 736, საარტილერიო სისტემა – 796, სარაკეტო სისტემა – 246, საზენიტო საბრძოლო სისტემა – 105, თვითმფრინავები – 217, ვერტმფრენი – 186, ოპერატიულ-ტაქტიკური უპილოტო საფრენი აპარატი – 645, საკრუიზო რაკეტები – 143, საავტომობილო ტექნიკა და საწვავის ავზები – 2 610, გემი/ნავი/კატარღა – 15, სპეციალური აღჭურვილობა – 61. რუსი ოკუპანტების სამხედრო დანაკარგის შესახებ განახლებულ ინფორმაცია  24 თებერვლიდან 1-ელ ივლისამდე პერიოდს მოიცავს.

ევროპული საბჭო ევროპარლამენტს თხოვნით მიმართავს,  შემაკავებელი ზომების (სანქციების) დარღვევა ევროკავშირის დანაშაულთა სიას დაემატოს. ევროპული საბჭოს განმარტებით, აღნიშნული ნაბიჯი უზრუნველყოფს ევროკავშირის ტერიტორიაზე სანქციების აღსრულების თანაბარ დონეს და სანქციებისთვის თავის არიდების მცდელობას. ,,უკრაინის წინააღმდეგ რუსეთის აგრესიული ომის კონტექსტში ევროკავშირმა მიიღო რიგი შემაკავებელი ზომები და აუცილებელია ამ ზომების სრულად განხორციელება. ამჟამად წევრ ქვეყნებს აქვთ ძალიან განსხვავებული დეფინიციები იმის შესახებ, თუ რას წარმოადგენს შემაკავებელი ზომების დარღვევა და რა სასჯელები უნდა იქნას გამოყენებული დარღვევის შემთხვევაში. ამან შეიძლება გამოიწვიოს სანქციების აღსრულების სხვადასხვა ხარისხი და ამ ზომების გვერდის ავლა, რაც პოტენციურად საშუალებას მისცემს სანქცირებულ პირებს გააგრძელონ წვდომა…

უკრაინის გენერალური პროკურატურის ინფორმაციით, უკრაინაში რუსეთის სამხედრო აგრესიის შედეგად  343 ბავშვი დაიღუპა, 635-ზე მეტი კი დაშავდა. ყველაზე მეტი ბავშვი დაზარალდა დონეცკის რეგიონში – 339, ხარკოვის ოლქში – 185, კიევის ოლქში – 116, ჩერნიგოვის ოლქში – 68, ლუგანსკის ოლქში – 61, ნიკოლაევის ოლქში – 53, ხერსონის ოლქში – 52, ზაპოროჟიეს ოლქში – 31. აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა ამ ეტაპზე გართულებულია.

საფრანგეთი უკრაინას სამხედრო დახმარების სახით, კიდევ 6 ჰაუბიცას და ჯავშანტექნიკას მიაწვდის, აღნიშულ ინფორმაციას საფრანგეთის პრეზიდენტი, ემანუელ მაკრონი სოციალურ ქსელ ,,ტვიტერში” ავრცელებს. “საფრანგეთი დაუყოვნებლივ მიაწვდის უკრაინას აღჭურვილობას, რომელიც თავის დასაცავად სჭირდება, მათ შორის კიდევ 6 “კეისრის” ჰაუბიცას და ჯავშანტექნიკის მნიშვნელოვან რაოდენობას. საფრანგეთი, მოკავშირეები და ევროპელი პარტნიორები არიან და იქნებიან აქ”, – განაცხადა მაკრონმა.

უკრაინაში გაეროს მუდმივმა კოორდინატორმა, ოსნატ ლუბრანმა დღეს გამართულ პრესკონფერენციაზე განაცხადა, რომ ჰუმანიტარული დახმარება თითქმის 16 მლნ უკრაინელს სჭირდება. ,,დღეს უკრაინაში თითქმის 16 მილიონ ადამიანს ესაჭიროება ჰუმანიტარული დახმარება: წყალი, საკვები და ჯანდაცვის სერვისები”- განაცხადა ოსნატ ლუბრანმა. მისივე ინფორმაციით, უკრაინაში მიმდინარე საომარი მოქმედებების გამო, მინიმუმ 6 მილიონი ადამიანი იძულებით გადაადგილებულია, ხოლო 5,3 მილიონი ქვეყნის ფარგლებს გარეთ, ლტოლვილადაა ქცეული.

რუსეთის საგარეო საქმეთა მინისტრის, სერგეი ლავროვის  განცხადებით, რუსეთსა და დასავლეთს შორის “რკინის ფარდა” ეშვება. მისივე განმარტებით, ევროკავშირმა ათწლეულების განმავლობაში არსებული ურთიერთობა, თავადვე გაანადგურა. ,,რუსეთს და დასავლეთს შორის “რკინის ფარდა” ეშვება” . ევროკავშირმა გაანადგურა ურთიერთობა, რომელიც ათწლეულების განმავლობაში იყო აგებული ჩვენსა და ევროკავშირს შორის”,- განაცხადა სერგეი ლავროვმა.  

ბულგარეთში რუსეთის ელჩის, ელეონორა მიტროფანოვას განცხადებით, რუსეთმა ბულგარეთთან შესაძლოა დიპლომატიური ურთიერთობები გაწყვიტოს.  გავრცელებული ინფორმაციით, ბულგარეთის მთავრობამ, ჯაშუშობის ბრალდების საფუძველზე, რუსეთის საელჩოს 70 თანამშრომლის გაძევების გადაწყვეტილება მიიღო. რუსეთის ელჩის თქმით, თუ ბულგარეთის მთავრობა გადაწყვეტილებას არ შეცვლის, მოსკოვის განიხილავს დიპლომატიური ურთიერთობების გაწყვეტას.  

რუსეთის მიერ უკრაინაზე მიტანილი მორიგი იერიშის შედეგად არიან დაღუპულები და გარდაცვლილები. ამჯერად, ოკუპანტებმა იერიში ოდესის ოლქის ბელგოროდ-დნესტროვსკის რაიონზე მიიტანეს. სარაკეტო თავდასხმას, ბოლო მონაცემებით, 14 ადამიანი ემსხვერპლა. რაც შეეხება დაშავებულებს, მათი რაოდენობა 30-ზე მეტია. დაშავებულთა შორის არიან ბავშვებიც. რუსეთის ჯარებმა დარტყმა მაღასართულიან კორპუსზე მიიტანეს.  

„დღევანდელი დღის სიტყვა ნამდვილად არის კუნძული „ზმეინი“ – აცხადებს უკრაინის პრეზიდენტი ვიდეომიმართვაში და დასძენს, რომ ამ კუნძულის გათავისუფლება ვითარებას რადიკალურად ცვლის. პრეზიდენტი კუნძულის გათავისუფლებაში შეტანილი წვლილისთვის მადლობას უხდის სამხედრო მოსამსახურეებს. „დღევანდელი დღის სიტყვა ნამდვილად არის კუნძული „ზმეინი“. ამდენი ამ კუნძულზე მხოლოდ მაშინ ვისაუბრეთ, როდესაც იქ რუსული გემი ჩავიდა. შემდეგ გემიც სამუდამოდ წავიდა და ახლა კუნძულიც თავისუფალია. მინდა, მადლობა ვუთხრა დაზვერვის მთავარ სამმართველოს, ალფას მებრძოლებს, ჩვენს არტილერისტებს, არმიის პილოტებს, კუნძული ზმეინი არის სტრატეგიული პუნქტი და მნიშვნელოვნად შეცვლის სიტუაციას შავ ზღვაში. ეს ჯერ არ არის უსაფრთხოების გარანტია. ეს ჯერ კიდევ არ არის გარანტია, რომ მტერი არ…