თვე: ივნისი 2022

უკრაინის პრეზიდენტის  ვოლოდიმირ ზელენსკის  ინფორმაციით, რუსულმა ძალებმა სარაკეტო იერიში მიიტანეს  სამოქალაქო ობიექტებზე ქალაქ ნიკოლაევში. ნიკოლაევის სამხედრო ადმინისტრაციის ხელმძღვანელის, ვიტალი კიმის განცხადებით,  საცხოვრებელ კორპუსზე სარაკეტო თავდასხმის შედეგად 6 ადამიანი დაიღუპა, ხოლო დაშავდა 6 პირი. მისივე თქმით, რაკეტები მოხვდა რეკრეაციულ ცენტრსა და ავტოფარეხს. ვიტალი კიმის ცნობით, სარაკეტო თავდასხმის შედეგად დაზიანდა  7 საცხოვრებელი კორპუსი.  

,,რუსეთის არმია არ ესხმის თავს არცერთ სამოქალაქო ობიექტს”- ამის შესახებ ვლადიმერ პუტინმა, აშხაბადში “კასპიის ხუთეულის” ლიდერების შეხვედრის შემდეგ გამართულ პრესკონფერენციაზე განაცხადა. მან  კრემენჩუკის  სავაჭრო ცენტრზე თავდასხმაში, რუსეთის ბრალეულობა უარყო. ,,რუსეთის არმია არ ესხმის თავს არცერთ სამოქალაქო ობიექტს. ჩვენ ამის საჭიროება არ გვაქვს. ჩვენ გვაქვს ყველა შესაძლებლობა, რომ აღმოვაჩინოთ კონკრეტული ადგილები და ჩვენი მაღალი სიზუსტის შორ მანძილზე მოქმედი იარაღის წყალობით ვაღწევთ ჩვენს მიზნებს”, – აღნიშნა პუტინმა. შეგახსნებთ, ორი სარაკეტო დარტყმა კრემენჩუკის სავაჭრო ცენტრზე რუსეთის ძალებმა 27 ივნისს მიიტანეს. შემთხვევის შედეგად 18 ადამიანი გარდაიცვალა,  59 პირი კი დაშავდა.

უკრაინის შეიარაღებული ძალების გენერალური შტაბის ინფორმაციით,  24 თებერვლიდან 30 ივნისამდე,  უკრაინაში დაახლოებით 35 600 რუსი სამხედრო მოკლეს. გენშტაბის ცნობით, ოკუპანტების სამხედრო დანაკარგი ასეთია: ჯარისკაცი – დაახლოებით 35 600; ტანკი – 1 573; ჯავშანტექნიკა – 3 726; საარტილერიო სისტემა – 790; სარაკეტო სისტემა – 246; საზენიტო საბრძოლო სისტემა – 104; თვითმფრინავები – 217; ვერტმფრენი – 185; ოპერატიულ-ტაქტიკური უპილოტო საფრენი აპარატი – 641; საკრუიზო რაკეტები – 143; საავტომობილო ტექნიკა და საწვავის ავზები – 2 602; გემი/ნავი/კატარღა – 14; სპეციალური აღჭურვილობა – 61. მონაცემები მოიცავს 24 თებერვლიდან 30 ივნისამდე პერიოდს.

დიდი ბრიტანეთი უკრაინას დამატებით 1 მილიარდ ფუნტ სტერლინგის სამხედრო დახმარებას გაუწევს. სამხედრო დახმარება მოიცავს მოდერნიზებულ საჰაერო თავდაცვის სისტემებს, დრონებს და  ელექტრონულ საბრძოლო აღჭურვილობას. ,,რადგან პუტინი ვერ ახერხებს იმ მიზნების მიღწევას, რასაც ელოდა და რისი იმედიც ჰქონდა, და ამ ომის ამაოება ყველასთვის ნათელი ხდება, მისი თავდასხმები უკრაინელი ხალხის წინააღმდეგ სულ უფრო ბარბაროსულია. დიდი ბრიტანეთის იარაღი, აღჭურვილობა და წვრთნა ცვლის უკრაინის თავდაცვას ამ თავდასხმისგან”,- განაცხადა ბორის ჯონსონმა. ოთხშაბათს , ნატო-ს მადრიდის სამიტზე უკრაინის პრეზიდენტმა, ვოლოდიმირ ზელენსკიმ ლიდერებს მიმართა და აღნიშნა, რომ მათ სჭირდებათ მეტი დახმარება,  რადგან უკრაინის თავდაცვის ყოველთვიური ღირებულება დაახლოებით 5…

,,რუსებს გადაჭარბებული ამბიციები აქვთ, საერთაშორისო სამართალს პატივს არ სცემენ და არაფრად უღირთ ადამიანის სიცოცხლე,”- ამის შესახებ უკრაინის პრეზიდენტმა ვოლოდიმირ ზელენსკიმ NBC-სთან ინტერვიუში განაცხადა. ზელენსკის თქმით, რუსებს უკრაინელი ხალხის მიმართ უპატივცემულობის, დაპყრობის და საზარელი დანაშაულების ჩადენის სენი სჭირთ. ,,გულწრფელად ვამბობ, არ ვიცი რა ხდება ვლადიმირ პუტინის თავს. მიმაჩნია, რომ რუსებს, მართლაც უდიდესი სენი სჭირთ და მეჩვენება, რომ ეს ავადმყოფობა ბევრად უფრო რთულია, ვიდრე ის, რომელზეც თქვენ ლაპარაკობთ. ეს არის კონკრეტულად ჩვენი ხალხისადმი უპატივცემულობის სენი, დაპყრობის სენი, საზარელი დანაშაულების ჩადენის სენი, რომლებიც მათ ჩვენს მიწაზე ჩაიდინეს. მეჩვენება, რომ ეს ძალიან რთული მომენტია…

საქართველოს პრემიერ-მინისტრი ირაკლი ღარიბაშვილი დიდი ბრიტანეთისგან  5 მილიონი გირვანქა სტერლინგის გამოყოფას სოციალურ ქსელ “ტვიტერში” ეხმაურება. მთავრობის მეთაური ხაზს უსვამს, რომ ეს ქვეყნის და მთელი ევროპის უსაფრთხოებაში შეიტანს თავის წვლილს. “უაღრესად ვაფასებთ  ჩვენი სტრატეგიული პარტნიორი დიდი ბრიტანეთისგან  5 მილიონი გირვანქა სტერლინგის გამოყოფას გარე წყაროებიდან მომდინარე კიბერ საფრთხეების მიმართ საქართველოს მედეგობის გასაზრდელად, რაც  ქვეყნის და მთელი  ევროპის უსაფრთხოებაში შეიტანს თავის წვლილს”,- აღნიშნავს პრემიერი. ბრიტანეთი საქართველოს 5 მილიონ ფუნტს გამოუყოფს

ადგილობრივი მედიის ინფორმაციით, ოკუპირებული აფხაზეთი ამერიკის შეერთებული შტატების პრეზიდენტ ჯო ბაიდენს სანქციებს უწესებს. კერძოდ, ჯო ბაიდენი ოკუპირებულ აფხაზეთში ტაქსით გადაადგილებას ვეღარ შეძლებს. ტაქსის კომპანიის “ა-ტაქსის” ხელმძღვანელის განცხადებით, კომპანია არ აპირებს მოემსახუროს იმ პირებს, რომლებიც აფხაზეთის დამოუკიდებლობას არ აღიარებენ. სანქცირებულ პირთა შორის ყაზახეთის პრეზიდენტიც მოხვდა.

რუსეთის პრეზიდენტის, ვლადიმერი პუტინის განცხადებით, უკრაინაში რუსეთის სრულმასშტაბიანი შეჭრის საბოლოო მიზანი,  დონბასის გათავისუფლებაა. მისი თქმით, ,,სამხედრო ოპერაცია” გეგმის მიხედვით მიმდინარეობს. „საბოლოო მიზანი – ეს არის დონბასის გათავისუფლება, ამ ხალხის დაცვა და ისეთი პირობების შექმნა, რომელიც თავად რუსეთის უსაფრთხოებას უზრუნველყოფს. სულ ეს არის. სამუშაო მიდის მშვიდად, რიტმულად. ყველაფერი გეგმის მიხედვით მიმდინარეობს,”- აღნიშნა პუტინმა. ამასთან, პუტინის განცხადებით, ომის დასრულების ვადებზე საუბარი არასწორია. „არ არის საჭირო ვადებზე საუბარი და მე არასოდეს ვლაპარაკობ ამაზე, რადგან ეს არის ცხოვრება, ეს არის რეალური რამ. გარკვეულ ვადებში მოქცევა არასწორია“,- განაცხადა რუსეთის პრეზიდენტმა.

უკრაინის პრეზიდენტმა ვოლოდიმირ ზელენსკიმ აამოქმედა დადგენილება ოლიგარქების რეესტრის შესახებ, რომელიც მანამდე ეროვნული უსაფრთხოებისა და თავდაცვის საბჭომ დაამტკიცა. „ამოქმედდეს უკრაინის ეროვნული უსაფრთხოებისა და თავდაცვის საბჭოს 2022 წლის 29 ივნისის გადაწყვეტილება „საზოგადოებრივ ცხოვრებაში მნიშვნელოვანი ეკონომიკური და პოლიტიკური წონის მქონე პირთა (ოლიგარქების) რეესტრის შესახებ რეგულაციების დამტკიცების შესახებ. მისი ფორმირებისა და შენარჩუნების პროცედურა”,- წერია დადგენილებაში. სახელმწიფო საიდუმლოებისა და ოფიციალური ინფორმაციის შემცველი ინფორმაცია არ არის შეტანილი რეესტრში, ხოლო რეესტრში შეტანილი ინფორმაცია ოლიგარქების შესახებ არ შეიძლება იყოს კონფიდენციალური. რეესტრი შეიძლება შეიქმნას და ამოქმედდეს ეტაპობრივად, კერძოდ, მოდულურად, ამოცანების პრიორიტეტისა და რესურსების ხელმისაწვდომობის შესაბამისად.

,,რუსეთს განსაზღვრავთ, როგორც სტრატეგიულ საფრთხეს ჩვენი მოკავშირეებისთვის, და განვსაზღვრავთ საშუალებებს, ინსტრუმენტებს რომლის გამოყენებასაც ვაპირებთ, ვუპასუხოთ ამ გლობალურ საფრთხეს“,- ამის შესახებ ესპანეთის პრემიერ-მინისტრმა, პედრო სანჩესმა განაცხადა. ესპანეთის პრემიერ-მინისტრის განმარტებით, ნატო აპირებს მხარი დაუჭიროს უკრაინას, ვიდრე რუსეთის ჯარი დატოვებს ქვეყანას და პატივს სცემს უკრაინის ტერიტორიულ მთლიანობასა და სუვერენიტეტს. „წლების განმავლობაში, ნატო ძალიან გულუბრყვილო იყო რუსეთთან მიმართებაში. ნატო მკაფიო გზავნილს უგზავნის პუტინს, რაც არის ის, რომ ჩვენ ვაპირებთ უკრაინის მხარდაჭერას. მზად ვართ, მხარი დავუჭიროთ უკრაინას, ვიდრე რუსეთის ჯარი დატოვებს ქვეყანას და პატივს სცემს უკრაინის ტერიტორიულ მთლიანობასა და სუვერენიტეტს. ვფიქრობ, მნიშნველოვანია გავაგზავნოთ ერთიანობისა და საერთაშორისო საზოგადოების…

ვოლოდიმირ ზელენსკი ნატოს წევრ ქვეყნებს მოუწოდებს, გაზარდონ ზეწოლა ტერორისტულ სახელმწიფოზე. პრეზიდენტმა რუსეთის  ტყვეობიდან გათავისუფლებულ 144 ადამიანზეც ისაუბრა და აღნიშნა, რომ მათი მდგომარეობა საკმაოდ მძიმეა, განსაკუთრებით კი „აზოვსტალელი მებრძოლების“. როგორც ზელენსკიმ განაცხადა, ამ ეტაპისთვის 95 „აზოვსტალელი მებრძოლის“ დახსნა მოხერხდა, თუმცა, ყველაფერი კეთდება, ტყვეობაში მყოფი უკრაინელების ქვეყანაში დასაბრუნებლად. „ერთი კვირის წინ, ჩვენმა ქვეყანამ მიიღო ევროკავშირის წევრობის კანდიდატის სტატუსი. დღეს კი კიდევ ერთი ნაბიჯი გადაიდგა გაწევრიანების გზაზე. ძალიან პრაქტიკული ნაბიჯი“, – აცხადებს ზელენსკი  სატრანსპორტო გადაზიდვების სფეროში უვიზო მიმოსვლასთან დაკავშირებით მიღწეულ შეთანხმებაზე. უკრაინამ „აზოვსტალელი მებრძოლები“ დაიბრუნა

ომში მყოფი უკრაინის პრეზიდენტი უსაფრთხოების მყარ გარანტიებსა და ჰაერსაწინააღმდეგო თავდაცვის სისტემებს ითხოვს. როგორც ვოლოდიმირ ზელენსკი აცხადებს, უკრაინის გამო ალიანსი სტრატეგიას ცვლის. „ალიანსი ცვლის სტრატეგიას რუსეთის აგრესიული პოლიტიკისა და ჩვენი ქვეყნის წინააღმდეგ რუსეთის ომის საპასუხოდ. ცხადია, რომ ევროპის უსაფრთხოების გარანტია ასეთ პირობებში ჩვენი სახელმწიფოს გარეშე შეუძლებელია. გვჭირდება უსაფრთხოების მკაფიო გარანტიები და  ჩვენ გვექნება ისინი.  მე მოვუწოდე ნატო-ს წევრებს, მოძებნონ გადაწყვეტილებების ფორმატი, რომელიც საშუალებას მისცემს უკრაინას სრულფასოვანი მონაწილეობა მიიღოს ჩვენს საერთო ევროპულ უსაფრთხოების არქიტექტურაში“, – ასეთია პრეზიდენტის გზავნილი.

„აზოვსტალელი მებრძოლები“ რომლებიც უკრაინამ ქვეყანაში დააბრუნა, უმძიმეს ვითარებაში არიან. დაბრუნებულთა უმეტესობას კიდურები არ აქვს, ზოგს არ ესმის და ზოგს სხვა სახის სამედიცინო პრობლემა აქვს. როგორც 36-ე ბრიგადის მეთაურის, ტყვეობაში მყოფი „აზოვსტალის“ დამცველის, სერგეი ვოლინას და – ტატიანა ხარკო აცხადებს, მებრძოლების 99%-ი კიდურების გარეშე დაბრუნდნენ. „თითქმის უმეტესობა,  99% ხელების, ფეხების გარეშეა. ზოგს არ ესმის, ზოგი ვერ ხედავს, ვერ ლაპარაკობს. უმძიმეს მდგომარეობაში არიან, სასწრაფო სამედიცინო ჩარევა და შველა სჭირდებათ“ – აცხადებს ვოლინას და. რაც შეეხება თავად ვოლინას, ის ისევ რუსეთის ტყეობაში რჩება. ინფორმაციისთვის, გუშინ რუსეთსა და უკრაინას შორის ტყვეების გაცვლა მოხდა. გათავისუფლებულებიდან 95…

ფინეთისა და შვედეთისთვის ნატო-ს კარის  გახსნამ რუსეთის პრეზიდენტი მდგომარეობიდან გამოიყვანა. ვლადიმერ პუტინი ღიად აცხადებს, რომ რუსეთი იძულებული გახდება, სარკისებრი ქმედებები განახორციელოს. „რუსეთს ისეთი პრობლემები შვედეთთან და ფინეთთან არ აქვს, როგორიც უკრაინასთან, თუმცა ამ ქვეყნებში ნატო-ს სამხედრო ინფრასტრუქტურის განთავსების შემთხვევაში, მოსკოვი იძულებული გახდება, სარკისებური ზომით უპასუხოს. არაფერი გვაქვს, რასაც შეეძლო ჩვენი შეშფოთება ფინეთისა და შვედეთის ნატო-ში გაწევრიანების თვალსაზრისით. სურთ მათ, კი ბატონო. თუმცა მათ ძალიან მკაფიო წარმოდგენა უნდა ჰქონდეთ, რომ  იქ სამხედრო კონტიგენტებისა და ინფრასტრუქტურის განთავსების შემთხვევაში, იძულებული ვიქნებით, ვუპასუხოთ სარკისებურად და შევქმნათ ისეთივე საფრთხე ტერიტორიებისთვის, საიდანაც ჩვენ გვექმნება საფრთხე“, – განაცხადა რუსეთის პრეზიდენტმა. შეგახსენებთ,…

„გასულ კვირას ევროპულმა საბჭომ გადაწყვიტა საქართველოსთვის ევროკავშირში გაწევრიანების პერსპექტივის საკითხი, ვკისრულობთ ვალდებულებას შემდგომ მხარდაჭერაზე, რათა წინ წავწიოთ ეს პროცესი მეტად საჭირო რეფორმების განსახორციელებლად“ – აცხადებს – ევროპული საბჭოს პრეზიდენტი შარლ მიშელი. როგორც შარლ მიშელი აღნიშნავს, შეხვედრისას საქართველოს პრემიერ-მინისტრს კვლავ დაუდასტურა ევროკავშირის მხარდაჭერა საქართველოს ტერიტორიული ერთიანობისა და სუვერენიტეტისადმი. „საქართველოს პრემიერ-მინისტრ ირაკლი ღარიბაშვილს კვლავ დავუდასტურე ევროკავშირის მხარდაჭერა საქართველოს ტერიტორიული მთლიანობისა და სუვერენიტეტისადმი. ეს ნამდვილად გეოსტრატეგიული მომენტია. გასულ კვირას ევროპულმა საბჭომ გადაწყვიტა საქართველოსთვის ევროკავშირში გაწევრიანების პერსპექტივის საკითხი. ვკისრულობთ ვალდებულებას შემდგომ მხარდაჭერაზე, რათა წინ წავწიოთ ეს პროცესი მეტად საჭირო რეფორმების განსახორციელებლად“, – აღნიშნავს ევროპული…

„აზოვსტლელი მებრძოლები“ რომლებიც რუსეთს ტყვედ ჰყავდა აყვანილი,  უკრაინაში დაბრუნდნენ. ისინი ტყვეთა გაცვლის ფორმატით დაუბრუნდნენ ქვეყანას. „განხორციელდა პატიმართა მორიგი გაცვლა, რის შედეგადაც 144 უკრაინელი დამცველი დაბრუნდა სახლში. ეს არის ყველაზე დიდი გაცვლა რუსეთის სრულმასშტაბიანი შემოჭრის დაწყების შემდეგ. გათავისუფლებული 144 პირიდან – 95 „აზოვსტალის“ დამცველია, მათ შორის არის „აზოვის“ პოლკის 43 სამხედრო მოსამსახურე“, – ნათქვამია განცხადებაში. გათავისუფლებულ უკრაინელთა უმეტესობას სხვადასხვა სახის მძიმე დაზიანებები აღენიშნება. დამატებითი ინფორმაცია, რა თანაფარდობით მოხდა ტყვეთა გაცვლა, არ ვრცელდება. შეგახსენებთ, რომ რუსეთი უკრაინელ მებრძოლებს ტრიბუნალით გასამართლებას უპირებდა და სიკვდილით დასჯით ემუქრებოდა.  

საქართველოს პრემიერ-მინისტრი ირაკლი ღარიბაშვილი ევროპული საბჭოს პრეზიდენტ შარლ მიშელთან შეხვედრას სოციალურ ქსელ “ტვიტერში” ეხმაურება. პრემიერ-მინისტრის თქმით,საქართველოსთვის ევროპული პერსპექტივის მინიჭების შესახებ მიღებული გადაწყვეტილების შემდეგ, საქართველო ევროპულ საბჭოსთან მჭიდროდ იმუშავებს ევროკავშირის კანდიდატობის გზაზე საქართველოს დასაწინაურებლად. “ძალიან კარგი შეხვედრა მქონდა ევროპული საბჭოს პრეზიდენტ შარლ მიშელთან. საქართველოსთვის ევროპული პერსპექტივის მინიჭების შესახებ მიღებული გადაწყვეტილების შემდეგ მჭიდროდ ვიმუშავებთ ევროკავშირის კანდიდატობის გზაზე საქართველოს დასაწინაურებლად. შეხვედრაზე კვლავ აღვნიშნე საქართველოს მთავრობის მიერ ნაკისრი ვალდებულება ევროკომისიის მიერ განსაზღვრული ყველა პრიორიტეტული მიმართულებით დაუღალავი მუშაობისადმი,”-აღნიშნავს ირაკლი ღარიბაშვილი სოციალურ ქსელ “ტვიტერში”.  

“უკრაინას შეუძლია ჩვენი იმედი ჰქონდეს“ – აცხადებს ნატო-ს გენერალური მდივანი. იენს სტოლტენბერგის შეფასებით,  ნატო-ს მოკავშირეები საერთო დაფინანსების გაზრდის საკითხზე შეთანხმდნენ. შეთანხმების მიხედვით, აღმოსავლეთ ნაწილში ჯარისკაცების რაოდენობას 300 000-მდე იზრდება. „ცივი ომის შემდეგ ეს არის პირველი შემთხვევა, როდესაც ჩვენ ასეთი გეგმები გვაქვს“, – ასეთია იენს სტოლტენბერგის შეფასება შეთანხმებასთან დაკავშირებით. მან ასევე აღნიშნა, რომ დახმარება სხვადასხვა მიმართულებას მოიცავს და უკრაინას შეუძლია მათი იმედი ჰქონდეს.  

საქართველოს პრემიერ-მინისტრი ირაკლი ღარიბაშვილი დიდი ბრიტანეთისა და ჩრდილოეთ ირლანდიის გაერთიანებული სამეფოს პრემიერ-მინისტრ ბორის ჯონსონთან შეხვედრას სოციალურ ქსელ „ტვიტერში“ ეხმაურება. მთავრობის მეთაური აღნიშნავს, რომ საქართველოსა და გაერთიანებულ სამეფოს შორის არსებული სტრატეგიული თანამშრომლობა ჩვენი ქვეყნის სუვერენიტეტისა და ტერიტორიული მთლიანობის მიმართ ურყევ მხარდაჭერასა და საქართველოს სახელმწიფო უწყებების გაძლიერებას მოიცავს. „ჩრდილოატლანტიკური ალიანსის მადრიდის სამიტის ფარგლებში დიდი ბრიტანეთისა და ჩრდილოეთ ირლანდიის გაერთიანებული სამეფოს პრემიერ-მინისტრ ბორის ჯონსონს შევხვდი. ჩვენ დიდ მნიშვნელობას ვანიჭებთ საქართველოსა და გაერთიანებულ სამეფოს შორის არსებულ სტრატეგიულ თანამშრომლობას, რომელიც ურყევ მხარდაჭერას მოიცავს ჩვენი სუვერენიტეტისა და ტერიტორიული მთლიანობის მიმართ, ასევე საქართველოს სახელმწიფო უწყებების გაძლიერებას და…

,,უფრო ძლიერი ევროკავშირი ნატო-ს გახდის უფრო ძლიერს და უსაფრთხოს და ასევე გავაძლიერებთ ჩრდილოატლანტიკურ ალიანსს, რათა განახორციელოს მისი პრიორიტეტები,”- ამის შესახებ ევროპული საბჭოს პრეზიდენტმა, შარლ მიშელმა ნატო-ს მადრიდის სამიტზე განაცხადა. მიშელის განცხადებით, ევროკავშირსა და ნატო-ს აქვს საერთო ღირებულებები და მიზნები, შესაბამისად რაც კარგია ევროკავშირისთვის და ასევე კარგია ნატო-სთან თანამშრომლობისთვის. „ეს სამიტი არის მნიშვნელოვანი შეხვედრა, რადგან გვაქვს შესაძლებლობა, მივიღოთ გადაწყვეტილება შვედეთის და ფინეთის გაწევრიანებაზე. ევროკავშირი სრულად უჭერს მხარს ამ მნიშვნელოვან გადაწყვეტილებას. ასევე მნიშვნელოვანია, რადგან გვაქვს შესაძლებლობა ხელახლა გამოვხატოთ ძალიან მტკიცე და კონკრეტული მხარდაჭერა უკრაინისთვის. დარწმუნებული ვარ, რომ უფრო ძლიერი ევროკავშირი ნატო-ს გახდის უფრო ძლიერს…

,,ჩვენ ვადასტურებთ გადაწყვეტილებას, რომელიც მივიღეთ 2008 წლის ბუქარესტის სამიტზე და ყველა შემდგომ გადაწყვეტილებას საქართველოსა და უკრაინის მიმართ“,- ამის შესახებ ნატო-ს 2022 წლის სტრატეგიულ კონცეფციაშია ნათქვამი. კონცეფციის თანახმად, ალიანსისთქვის მნიშვნელოვანია იმ ქვეყნების უსაფრთხოება, რომლებიც ისწრაფვიან გახდნენ ნატო-ს წევრები. „იმ ქვეყნების უსაფრთხოება, რომლებიც ისწრაფვიან გახდნენ ალიანსის წევრები, ჩვენს უსაფრთხოებასთან გადაჯაჭვულია. ჩვენ მტკიცედ ვუჭერთ მხარს მათ დამოუკიდებლობას, სუვერენიტეტსა და ტერიტორიულ მთლიანობას. ჩვენ გავაძლიერებთ პოლიტიკურ დიალოგს და თანამშრომლობას მათთან, ვინც მიზნად ისახავს ალიანსში გაწევრიანებას, დავეხმარებით გაძლიერდეს მათი მდგრადობა მავნე ჩარევის წინააღმდეგ, გავაძლიერებთ მათ შესაძლებლობებს და გავაძლიერებთ ჩვენს პრაქტიკულ მხარდაჭერას მათი ევროატლანტიკური მისწრაფებების წინსვლისთვის. ჩვენ…

,,საქართველოს დემოკრატიზაცია და ევროატლანტიკური ფასეულობებისადმი ჩვენი ერთგულება ფუნდამენტურ მნიშვნელობას ატარებს აშშ-საქართველოს ურთიერთობების გაძლიერების მიმართულებით,” – ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელ „ტვიტერში“ წერს. მთავრობის მეთაურის თქმით, აშშ-ის სენატორების დელეგაციასთან აშშ-საქართველოს სტრატეგიული პარტნიორობა და ნატოში საქართველოს დაჩქარებულ გაწევრიანებასთან დაკავშირებით ამერიკის ძლიერი მხარდაჭერა განიხილეს. „სიღრმისეული საუბარი მქონდა აშშ-ის სენატორების ერთობლივ დელეგაციასთან ჯინ შაჰინის ხელმძღვანელობით და ტომ ტილის მონაწილეობით. განვიხილეთ აშშ-საქართველოს სტრატეგიული პარტნიორობა და ნატოში საქართველოს დაჩქარებულ გაწევრიანებასთან დაკავშირებით ამერიკის ძლიერი მხარდაჭერა. საქართველოს დემოკრატიზაცია და ევროატლანტიკური ფასეულობებისადმი ჩვენი ერთგულება ფუნდამენტურ მნიშვნელობას ატარებს აშშ-საქართველოს ურთიერთობების გაძლიერების მიმართულებით“, – აღნიშნავს პრემიერ-მინისტრი.

,,ნატო-ს ღია კარის პოლიტიკა არ უნდა გვახსენებდეს კიევის მეტროს ძველ ტურნიკეტებს: ისინი ღიაა და როცა მიუახლოვდები, ტურნიკეტები იკეტება იქამდე, ვიდრე არ გადაიხდით,”- ამის შესახებ, უკრაინის პრეზიდენტმა ვოლოდიმირ ზელენსკიმ ნატო-ს სამიტზე ვიდეოკონფერენციის რეჟიმში სიტყვით გამოსვლისას განაცხადა. ზელენსკის თქმით, უკრაინამ საკმარისი საფასური გადაიხადა ევროპისა და მთელი ცივილიზაციის დაცვისთვის. „რუსეთი იზოლირებულ უნდა იქნას. არ უნდა იყოს იმ საერთაშორისო სტრუქტურებში, რომლის განადგურება თავად სურს. არ უნდა იყოს დიალოგები, რომელსაც აზრი არ აქვს, ვიდრე თვითონ არ დაიწყებს ამ დიალოგის ძიებას. მან თავად უნდა ეძებოს დიალოგი, შესაბამისად, მშვიდობა და რა თქმა უნდა, მშვიდობისთვის ნატო-ს აღმოსავლეთ ფლანგის…

რუსეთის საგარეო საქმეთა სამინისტროს პრესსპიკერის, მარია ზახაროვას განცხადებით, რუსეთი მოუწოდებს თურქ პარტნიორებს სირიის ჩრდილოეთში ისეთი ნაბიჯების გადადგმისგან, რომელიც სიტუაციის ესკალაციას გამოიწვევს. ზახაროვს თქმით, სამხედრო ქმედებები სირიის თანხმობის გარეშე, სუვერენიტეტის და ტერიტორიული მთლიანობის დარღვევას წარმოადგენს. „ჩვენ მოვუწოდებთ ჩვენს თურქ პარტნიორებს, თავი შეიკავონ ისეთი ნაბიჯებისგან, რომელმაც შეიძლება, დაძაბულობის სახიფათო ესკალაცია გამოიწვიოს. ჩვენ გამოვდივართ იქიდან, რომ სამხედრო ქმედებები სირიის ლეგიტიმური ხელისუფლების თანხმობის გარეშე წარმოადგენს სუვერენიტეტის, ტერიტორიული მთლიანობის დარღვევას“, – აღნიშნა ზახაროვამ.

“ქართული ოცნებიდან” წასული დეპუტატები, დიმიტრი ხუნდაძე, მიხეილ ყაველაშვილი და სოზარ საუბარი ერთობლივ განცხადებას ავრცელებენ. დეპუტატების თქმით, უკრაინისთვის ევროკავშირის წევრობის კანდიდატობა დღეს სრულიად არარელევანტურია და ამ ქვეყნისთვის სტატუსი მცირე ნუგეშადაც კი არ გამოდგება. ,,ცხადია, უკრაინისთვის ევროკავშირის წევრობის კანდიდატობა დღეს სრულიად არარელევანტურია. რუსული სამხედრო აგრესიის გამო, ქვეყანა ცეცხლის ალშია გახვეული, ქვეყანა ნადგურდება, ყოველდღიურად ასეულობით ადამიანი იღუპება და ასეთ დროს, კანდიდატის სტატუსი ამ ქვეყნისთვის, ბუნებრივია, მცირე ნუგეშადაც კი არ გამოდგება. იგივე ეხება მოლდოვას, რომელიც უშუალოდ ესაზღვრება კონფლიქტის ზონას, ასეულობით ათას უკრაინელ ლტოლვილს იფარებს და უმძიმეს ეკონომიკურ პრობლემებს განიცდის. ერთადერთი, რისთვისაც კანდიდატის თემა დასჭირდათ,…