დღე: ივნისი 27, 2022

„სიქსტის კაპელაში“ ქართული გალობის მოსმენა ის ემოციური მომენტია, რომელიც ჩვენი ისტორიის წიგნებში დარჩება. მადლობა სამების საკათედრო ტაძრის საპატრიარქო გუნდს“,- ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს. პრეზიდენტის თქმით, „სიქსტის კაპელაში“ სამების საკათედრო ტაძრის მგალობელთა გუნდის კონცერტი გასულ წელს, მისი ვატიკანში ვიზიტის დროს დაიგეგმა „შარშან, როდესაც წმინდა საყდარს ოფიციალური ვიზიტით ვესტუმრე, მის უწმინდესობა პაპთან შეხვედრისას ვისაუბრეთ დღევანდელი ლამაზი საღამოს დაგეგმვის შესახებ, ჩვენი დიპლომატიური ურთიერთობების 30 წლისთავის აღსანიშნავად. დღეს ემოციური მომენტის მომსწრენი გავხდით, რომელიც ჩვენს მოგონებებში დარჩება. ჩემი უდიდესი მადლიერება პაპ ფრანცისკეს“, – წერს სალომე ზურაბიშვილი. ამასთან, პრეზიდენტმა სოციალურ ქსელ ,,ფეისბუქშიც” შეაფასა სამების საკათედრო…

იაპონიის პრემიერმინისტრ, ფუმიო კიშიდას ინფორმაციით, იაპონია რუსეთის წინააღმდეგ დამატებით სანქციებს აწესებს. სანქციებს შორისაა რუსული ოქროს იმპორტის აკრძალვა, რუსეთის ფედერაციის კიდევ 70 პირისა და ორგანიზაციის აქტივების გაყინვა  და საქონლის მიყიდვის აკრძალვა თავდაცვის სექტორთან დაკავშირებული 90 ორგანიზაციისთვის. კიშიდას თქმით, ისეთი უწყებები, როგორიცაა მაგალითად გაეროს უშიშროების საბჭო, საკმარისად ვერ გაუმკლავდა არსებულ ვითარებას.

მარიუპოლის მერის მრჩეველის, პეტრო ანდრიუშჩენკოს ინფორმაციით, მარიუპოლში, დაბომბვის შედეგად დაღუპული 100-ზე მეტი ადამიანის ცხედარი იპოვეს. ანდრიუშჩენკოს თქმით, დაბომბვის შედეგად დაღუპული 100-ზე მეტი ადამიანის ცხედარი ამ დრომდე კორპუსის ნანგრევებშია დარჩენილი. ,,ექსჰუმაცია გრძელდება. პრიორიტეტულად სკოლებისა და საბავშვო ბაღების ეზოებში. ექსჰუმაციის შემდეგ აქ მუშავდება სუნიანი ორმოები. ქუჩებში და ეზოებში დამუშავება არ ხდება”, – განაცხადა ანდრიუშჩენკომ.

„ბლუმბერგის“ ინფორმაციით, რუსეთმა 1918 წლის შემდეგ პირველად, უცხოურ ვალუტაში საგარეო ვალზე დეფოლტი გამოაცხადა. გამოცემის ცნობით, , რუსეთის მიერ დეფოლტის გამოცხადება,  დასავლეთის მიერ დაწესებული სანქციების კულმინაციაა. რუსეთს 26 ივნისს დაახლოებით 100 მილიონი დოლარის ოდენობის პროცენტის გადახდის საშეღავათო პერიოდი ამოეწურა, რაც დეფოლტის საფუძველი გახდა. მარტის დასაწყისიდან ქვეყნის ცენტრალური ბანკის სავალუტო რეზერვები  გაყინულია და უმსხვილესი ბანკები მოწყვეტილია გლობალურ ფინანსურ სისტემას. რუსეთის ფინანსთა მინისტრის, ანტონ სილუანოვის განცხადებით,  რუსულ ევრობონდებზე უცხოურ ვალუტაში გადახდების შეწყვეტა და რუბლის სქემაზე გადასვლა არ ნიშნავს დეფოლტს. სილუანოვის თქმით,რუსეთი უარს არ ამბობს ნაკისრი ვალდებულებების შესრულებაზე და ახორციელებს ყველა ქმედებას ინვესტორებამდე თანხების…

თურქეთის პრეზიდენტის მრჩეველის, იბრაჰიმ კალინმას განცხადებით, თურქეთი რუსეთის წინააღმდეგ დაწესებულ სანქციებს, ქვეყნის ინტერესების გათვალისწინებით არ უერთდება. ერდოღანის პრესსპიკერის თქმით, სანქციების დაწესება უფრო მეტად დააზარალებს თურქეთის ეკონომიკას, ვიდრე რუსეთს. „ჩვენ ვავითარებთ ურთიერთობებს რუსეთთან, როგორც ამას ვაკეთებთ ირანთან. უკრაინის ომის შემდეგ რუსეთს სანქციებს არ ვუწესებთ. რა თქმა უნდა, ჩვენ უნდა დავიცვათ ჩვენი ქვეყნის ინტერესები. ვინ დაელაპარაკება რუსეთს, თუ ყველა დაანგრევს ხიდებს? ჩვენი ეკონომიკური ურთიერთობები ისეთი ხასიათისაა, რომ სანქციების დაწესება უფრო მეტად დააზარალებს თურქეთის ეკონომიკას, ვიდრე რუსეთს. ჩვენ მკაფიო პოზიცია დავიკავეთ. ამჟამად დასავლელებმაც მიიღეს ეს. თურქეთის პოზიციაზე არაფერს ამბობენ გეოპოლიტიკური მიზეზების გამო. არის პროცესი, რომელშიც…

უკრაინის ფრაქცია “ხალხის მსახურის” თავმჯდომარე, დავით არახამია, დასავლეთის მიერ სანქცირებული, რუსული ნავთობის ტანკერის საქართველოში ჩამოსვლასთან დაკავშირებით განცხადებას ავრცელებს. მისი თქმით, საქართველოს ხელისუფლება რუსეთს სანქციების გვერდის ავლით ეხმარება. არახამიას ცნობით, შეერთებულ შტატებში ვიზიტის დროს, ერთ-ერთი განსახილველი თემა ბიძინა ივანიშვილისთვის სანქციების დაწესებას შეეხებოდა. “შეერთებულ შტატებში ვიზიტის დროს ჩვენი დელეგაციის მუშაობის ნაწილი იყო ჩვენი მოკავშირეების გაცნობა რუსების მიერ გამოყენებული სქემების შესახებ სანქციების თავიდან ასაცილებლად. ერთ-ერთი მათგანია საქართველოს იურისდიქციის გამოყენება. საქართველოს ხელისუფლება რუსეთს სანქციების გვერდის ავლით ეხმარება. როდესაც ეს ინფორმაცია ამერიკისთვის გახდა ხელმისაწვდომი, ქართველი ჩინოვნიკებისგან ბევრი სიტყვა მოვისმინეთ, რომ ეს სიმართლეს არ შეესაბამება. მაგრამ დროთა განმავლობაში…

უკრაინის პრეზიდენტი, ვოლოდიმირ ზელენსკი მორიგ  ვიდეომიმართვას ავრცელებს, სადაც აცხადებს, რომ უკრაინას თანამედროვე, სრულად ეფექტური, ძლიერი საჰაერო თავდაცვა სჭირდება, რომელსაც შეუძლია, უზრუნველყოს სრული დაცვა რუსეთის მიერ ნასროლი რაკეტებისგან. მისი თქმით, „დიდი შვიდეულის“ ლიდერებს აქვთ საკმარისი რესურსი, შეაჩერონ რუსული აგრესია „ეს შესაძლებელია მხოლოდ იმ შემთხვევაში, თუ მივიღებთ ყველაფერს, რასაც ვითხოვთ და ზუსტად ისეთ ვადებში, რომელშიც გვჭირდება – იარაღი, ფინანსური მხარდაჭერა და სანქციები რუსეთის ფედერაციის წინააღმდეგ. ამ ომში სხვაგვარად არ შეიძლება. ბოლოს და ბოლოს, აქ, კიევის ცაში, ოდესის მახლობლად ზღვაში, ხარკოვის რეგიონის მიწაზე, დონბასში, ხერსონში და ზაპოროჟიეს რეგიონში – სწორედ აქ წყდება, როგორი…