დღე: ივნისი 27, 2022

„საქართველოს პურის მრეწველთა კავშირის“ თავმჯდომარე მალხაზ დოლიძე აცხადებს, რომ ქვეყანაში ყველაფერი ძვირდება რაც პურის ფასზე ახდენს გავლენას. როგორც დოლიძემ „მედიაცენტრ მთავარში“ განაცხადა, მეწარმეებს არ აქვთ შესაძლებლობა ბუნებრივი აირის მიწოდებისთვის ის კომპანია აირჩიოს რაც მათთვის მისაღებია და დახმარებას ითხოვს. „არა ბატონებო, ფასები ამ ეტაპზე არ გაიზრდება, მაგრამ, პრობლემების მოგვარებაში დაგვეხმარეთ. პირდაპირ გეუბნებით ჟურნალისტებს. რაშია ეს პრობლემები? იცით, რომ ბუნებრივი აირის ფასები შეიცვალა. „სოკარმა“ რაიონებში დააწესა ტარიფი 1.15 ლარი, რაც ძალიან მისაღები ფასია, მაგრამ, „თბილისი ენერჯი“ კი აცხადებს, ამ ეტაპზე საშუალება არ გვაქვს და ტარიფი  1.38 ლარი იქნებაო. მინდა ვკითხო მათ, ვისაც…

ფინანსთა სამინისტროს შემოსავლების სამსახური ბათუმის ნავსადგურში შესულ გემთან და ტვირთთან დაკავშირებით განცხადებას ავრცელებს. კანონმდებლობით გათვალისწინებული შემოწმებისას დადგინდა, რომ არც გემი და არც მისი მფლობელი არ იყვნენ შეყვანილნი საერთაშორისო სანქცირებულთა სიაში. „საქართველოს ფინანსთა სამინისტროს შემოსავლების სამსახური მაღალი საჯარო ინტერესიდან გამომდინარე, საჭიროდ თვლის, დამატებითი განცხადება გააკეთოს ბათუმის ნავსადგურში შესულ გემთან და ტვირთთან დაკავშირებით. თურქეთის დროშის ქვეშ მცურავი გემი ბათუმის ნავსადგურში შევიდა მიმდინარე წლის 26 ივნისს. კანონმდებლობით გათვალისწინებული შემოწმებისას დადგინდა, რომ არც გემი და არც მისი მფლობელი არ იყვნენ შეყვანილნი საერთაშორისო სანქცირებულთა სიაში. შესაბამისად, გემს მიეცა უფლება შემოსულიყო საქართველოს ნავსადგურში, რის თაობაზეც გაკეთდა შესაბამისი განმარტება საზღვაო ტრანსპორტის სააგენტოს მიერ. რაც შეეხება…

,,ტექნიკური მთავრობა გამოსავალი არ არის – ეს ჩვენი ქვეყნისთვის ქაოსის გარდა, არაფრის მომტანი არ არის. ყველა ევროპელი ლიდერი მიუთითებს, რომ მთავარია დეპოლარიზაცია, რათა შესრულდეს ის, რაც ევროკავშირს აინტერესებს,”- ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა. მისი თქმით, საზოგადოების უდიდესი ნაწილი ხმას ,,ქართულ ოცნებას” აძლევსიმისთვის, რომ ევროინტეგრაციის მიმართულებით სერიოზული და შედეგიანი ნაბიჯები გადაიდგა. „ოპოზიციაში წინასწარ იციან, რომ ამ თემაზე ხელისუფლებას პოზიტიური გამოხმაურება არ ექნება – რასაკვირველია, ქვეყანას ამისთვის ვერ გავწირავთ. არსებობს არჩევნების დადგენილი ვადა და არა ქაოსი, რისი ამოცანაც ჩვენ წინაშე დგას. არანაირი პოზიტიური განწყობა იმის, რომ ქვეყანამ დეპოლარიზაციას მიაღწიოს,…

,,არახამიას და ადამიანების გარკვეულ ჯგუფს ინტერესი აქვს საქართველოში განვითარდეს რევოლუციური პროცესი და ამან ყველაფერმა მიგვიყვანოს ქაოსამდე, მეორე ფრონტის გახსნის იდეა დღის წესრიგიდან არ მოხსნილა,”- ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა. მისი თქმით, მეორე ფრონტის გახსნის იდეა  დღის წესრიგიდან  არ მოხსნილა და ახლა შემოვლითი გზით გადაწყვიტეს შემოტევა. “პარლამენტში არიან შეძლებული ადამიანები, ბიზნესიდან მოსული ადამიანები, რომლებსაც შესაძლებლობაც აქვს, მათ შორის უცხოეთშიც იქონიოს ანგარიში. ასეთი რამდენია და ვინ არის, არ ვიცი, მაგრამ ამაში დასაძრახი არაფერია. გამოვრიცხავ ისეთ მონაცემებს, რომელიც აქვს არახამიას და არ აქვს უფრო კომპეტენტურ სტრუქტურებს. თუ მკითხავთ, აბა რა…

სახელმწიფო საზღვრის უკანონო კვეთის საქმეზე, ბრალდებული ყოფილი პრეზიდენტის, მიხეილ სააკაშვილის სასამართლო პროცესი კვლავ გადაიდო. პროცესი 14:00 საათზე თბილისის საქალაქო სასამართლოში უნდა გამართულიყო, თუმცა მიხეილ სააკაშვილის ჯანმრთელობის მდგომარეობის გამო სხდომა გადაიდო. სააკაშვილის ადვოკატის, შოთა თუთბერიძის განცხადებით,  სხდომა გადაიდო, ვიდრე სასამართლო  დააზუსტებს სამკურნალო დაწესებულების მიერ გაცემული ცნობის დეტალებს. “სასამართლომ გადადო სხდომა, ვიდრე სასამართლო შემადგენლობა დააზუსტებს სამკურნალო დაწესებულების მიერ გაცემული ცნობის დეტალებს და “ვივამედში” მიხეილ სააკაშვილის მიერ პროცესში ჯეროვანი მონაწილეობის შესაძლებლობას”,- განაცხადა თუთბერიძემ.

,,ხელისუფლებას ერთი ნაბიჯიც არ გადაუდგამს, რათა თავიდან აღეკვეთა ასეთი უკანონო ეკონომიკური საქმიანობა ოკუპანტ სახელმწიფოსთან. ამიტომ, ბიძინა ივანიშვილის წინააღმდეგ სანქციებზე საუბარი ბუნებრივი იქნება,”- ამის შესახებ  „ნაციონალური მოძრაობის“ წევრმა, ლევან ბეჟაშვილმა განაცხადა. მისი თქმით, საქართველო რუსეთის ფედერაციისთვის „შავ ხვრელად“ გადაიქცა, რომ მათ თავი აარიდონ სანქციებს. „რამდენიმე თვის წინ უკრაინის სადაზვერვო სამსახურებმა განცხადება გააკეთეს, რომ ინფორმაცია არსებობდა, ფარული მოლაპარაკებები მიმდინარეობდა რუსეთის ფედერაციასა და საქართველოს მთავრობას შორის, რათა სანქციების გვერდის ავლით ეკონომიკური ურთიერთობები გაღრმავებულიყო. გვახსოვს, „ქართულ ოცნებას“ როგორი რეაქცია ჰქონდა, მაგრამ ფაქტია, რომ ეს ინფორმაციები რეალიზდება და დასტურდება. ვხედავთ, ჩრდილოეთ საბაჟოზე რამდენი მანქანა მიდის…

საქართველოს საზღვაო ტრანსპორტის სააგენტოს დირექტორის თამარ იოსელიანის განცხადებით, ბათუმის პორტში შემოსული გემი და არც გემთმფლობელი სანქცირებული არ არის, ტვირთის სკრინიგს  კი, შემოსავლების სამსახურის საბაჟო დეპარტამენტი ახორციელებს. მისი თქმით, საქართველოში ნავსადგურები არის კერძო მფლობელობაში. აქედან გამომდინარე სახელმწიფო კომერციულ საქმიანობაში ვერ ერევა. „საქართველოში და საქართველოს ნავსადგურებში შემავალ ყველა გემთან მიმართებაში ორდონიანი სკრინინგი ტარდება – პირველზე პასუხისმგებელია საზღვაო ტრანსპორტის სააგენტო და შესაბამისი დეპარტამენტები ახორციელებენ როგორც გემის, ასევე გემთმფლობელის შემოწმებას სანქციებთან მიმართებაში და თუ გემი ან გემის მფლობელი არის სანქცირებული, მაშინ მას საქართველოს ნავსადგურებში არ ეძლევა შემოსვლის უფლება. რაც შეეხება ტვირთს, ტვირთთან მიმართებაში სკრინინგს…

„მეპურეებიც ამბობენ, რომ გარკვეულწილად ფასის შენარჩუნებისკენ მიდიან, თუმცა სამომავლოდ პროგნოზებს ვერც ისინი აკეთებენ და ვერც ჩვენ. როგორი იქნება პურის ფასი ამისი თქმა ამ ეტაპზე შეუძლებელია“ – – აღნიშნული განცხადება „მედიაცენტრ მთავარში“ „საქართველოს ხორბლისა და ფქვილის მწარმოებელთა ასოციაციის“ აღმასრულებელმა დირექტორმა, ლევან სილაგავამ გააკეთა. როგორც რესპონდენტმა აღნიშნა, საქართველოში ხორბლის მარაგი არ არსებობს, არც შემოდის და მხოლოდ ფქვილის იმპორტი ხორციელდება. „მნიშვნელოვანია, რომ ქვეყანაში ხორბლის მარაგი არსებობდეს. ეს არის  გაეროს რეკომენდაცია, რომ ქვეყანაში 2-თვიანი მინიმალური მარაგი უნდა არსებობდეს. დღეს საქართველოში წისქვილკომბინატები არ მუშაობს. ხორბალი თითქმის არ შემოდის. ის, რომ იმპორტირებული ფქვილი 3-4 ლარით იაფად შემოდის,…

,,ხალხი ახლა ირაკლი ღარიბაშვილისგან ელოდება არა პოზიტიური სტატისტიკური მონაცემებით მანიპულაციას, არამედ გადადგომას, როგორც იმ მთავრობის ხელმძღვანელის პასუხისმგებლობას, რომელმაც საქართველოსთვის კანდიდატის სტატუსის მოპოვება ვერ უზრუნველყო,”- ამის შესახებ “სტრატეგია აღმაშენებლის” ლიდერმა, გიორგი ვაშაძემ განაცხადა. გიორგი ვაშაძემ  საქართველოს პრემიერ-მინისტრს გადადგომისკენ და დეპოლარიზაციისთვის ხელის შეწყობისკენ მოუწოდა. ,,კარგი იქნება ღარიბაშვილმა ციფრებით ჟონგლიორობას თავი დაანებოს და კონკრეტული ნაბიჯები გადადგას იმ ეროვნული ამოცანის შესასრულებლად, რომელსაც საქართველოს ევროპაში ინტეგრაცია ჰქვია. რაც შეეხება ციფრებს – მას არ უხსენებია მისი და „ქართული ოცნების“ მთავარი მიღწევა, რომ ქვეყანა რეფორმების ჩემპიონობიდან რეგიონის მაჩანჩალა სახელმწიფოდ იქცა. სწორედ ამიტომ, ხალხი ახლა მისგან ელოდება არა პოზიტიური…

,,საქართველოში მიტინგის ჩატარებას არავის უშლიან, ისევე, როგორც აზრის გამოხატვას, მაგრამ არსებობს მიტინგზე უფრო მძლავრი და დიდი იარაღი ეს არის არჩევნები, რადიკალური ოპოზიცია არჩევნებს არასოდეს არ აღიარებს,”- ამის შესახებ პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილმა განაცხადა. მისი თქმით, ტექნიკური მთავრობის მოთხოვნა თანხვედრაში არ არის იმ პოლიტიკურ დღის წესრიგთან, რაც საქართველომ ევროკავშირისგან მიიღო. „ჩვენ გვაქვს ძლიერი გზავნილი, პერსპექტივა და გეგმა, რაც მიმდინარე წელს უნდა განხორციელდეს. მთავრობასა და პარლამენტს პასუხისმგებლობა აქვთ, ეს რეკომენდაციები ხარისხიანად იყოს შესრულებული. მთავრობის ცვლილება, არასტაბილურობა და ქართულ პოლიტიკაში სხვა მომენტების შემოტანა იმ სულისკვეთებას ეწინააღმდეგება, რაც ევროკავშირმა მიიღო. ასეთ…

,,არახამიას ნებისმიერი განცხადება რუსეთის ინტერესებს ემსახურება, ამ ადამიანს პირდაპირ აქვს სურვილი, რომ საქართველოში დესტრუქცია იყოს,”- ამის შესახებ საპარლამენტო უმრავლესობის წევრმა გურამ მაჭარაშვილმა განაცხადა. მისი თქმით, დავით არახამიას რუსეთთან კავშირი დადგენილია. „არახამია არ არის სამშობლოს მოყვარული ადამიანი, მისი განცხადებები არის დესტრუქციული, ომისკენ მოწოდება და ა.შ. მისი რაღაც ლოზუნგები, თითქოს საქართველოა ჩართული რუსეთთან მხარდაჭერაში, მის საწინააღმდეგოდ მოქმედებს. მისი განცხადება, რომ გვარებს დაასახელებს, შემიძლია, დაგისახელოთ სახელი და გვარი, რომელიც აღიარებს, რომ რუსეთიდან დიდი ოდენობის თანხებს იღებს. ამას საზოგადოებას ვეუბნებით. არავის სჯერა ისეთი ადამიანების განცხადებების, რომელთაც ვერ გაურკვევიათ, რომელ სამშობლოს და საერთოდ ვის ემსახურებიან.…

ეკონომიკისა და მდგრადი განვითარების მინისტრის, ლევან დავითაშვილი  ბათუმის ნავსადგურში სანქცირებულ კომპანიასთან გაფორმებული ტვირთით დატვირთული გემის შემოსვლას ადასტურებს. მისი თქმით, საბაჟო ორგანოებს ტვირთის მიღებაზე თანხმობა არ გაუციათ. „სამწუხაროდ, ხდება ისე, რომ ნებისმიერი საკითხი, რომელიც შეძლება, ეხებოდეს დღეს სანქციებს, ხდება ხოლმე არასწორი ინტერპრეტირების საგანი. ის, რომ ბათუმის ნავსადგურში არსებული გემი შემოვიდა სანქცირებულ კომპანიასთან გაფორმებული ტვირთით, ეს ფაქტია. ჩვენ დოკუმენტები შევისწავლეთ და შესაბამისად, საბაჟო ორგანოები იღებენ გადაწყვეტილებას პასუხისმგებლობით, რომელიც მათ გააჩნიათ. საქართველოში, არც ერთი ფაქტი სანქციების ან გვერდის ავლის, ან სანქციების დარღვევის, არ ყოფილა. ამ შემთხვევაშიც ასე იქნება. ვიღაცას შეიძლება სურვილი ჰქონდეს საქართველოში ასეთი პროდუქტების…

პარლამენტის საპროცედურო საკითხთა კომიტეტის თავმჯდომარის მოადგილე გურამ მაჭარაშვილი აცხადებს, რომ ოპოზიციამ ევროკავშირის 12-პუნქტიანი რეკომენდაციების ნაცვლად, საკუთარი შვიდპუნქტიანი გეგმა შეიმუშავა. მისი თქმით, ოპოზიციის წარმომადგენლებს იმის განცდა არ აქვთ, რომ სამართლებრივ სახელმწიფოში ცხოვრობენ, სადაც საზოგადოება პოლიტიკურად გაზრდილია. „12-პუნქტიანი რეკომენდაციების ნაცვლად, საკუთარი შვიდპუნქტიანი გეგმა შეიმუშავეს. იმის ნაცვლად, რომ ხელისუფლება, ოპოზიცია, საზოგადოება ერთად დავდგეთ და ეს პუნქტები მაქსიმალურად შევასრულოთ, რაღაც ე.წ. ტექნიკურ მთავრობაზე საუბრობენ, თითქოს ენჯეოს აფუძნებდნენ – რამდენიმე ადამიანი შეიკრიბება, არასამთავრობო ორგანიაციას დააფუძნებს და ლაპარაკობს ხალხის სახელით. ჰგონიათ, ხელისუფლებაც ასე კომპლექტდება. ამ ადამიანებს იმის განცდა არ აქვთ, რომ სამართლებრივ სახელმწიფოში ცხოვრობენ, სადაც საზოგადოება…

ეკონომიკისა და მდგრადი განვითარების მინისტრი ლევან დავითაშვილი მთავრობის სხდომის დასრულების შემდეგ ბრიფინგზე, დავით არახამიას მიერ „ტელეგრამის“ საშუალებით გაკეთებულ განცხადებას გამოეხმაურა. მინისტრის თქმით, ეს იყო აბსოლუტურად უპასუხისმგებლო განცხადებები, რომელსაც არანაირი ფაქტები არ ამყარებდა. „ბატონი არახამიას ცრუ ბრალდებებს რაც შეეხება, რომელიც მანამდეც არაერთი მოგვისმენია, ეს იყო აბსოლუტურად უპასუხისმგებლო განცხადებები, რომელსაც არანაირი ფაქტები არ ამყარებდა. დღესაც იგივეა. ჩვენ მოვისმინეთ საუბარი მხოლოდ ბრალდებებზე, მაგრამ ეს არ არის კონკრეტული ფაქტებით გამყარებული. მან უნდა წარმოადგინოს ფაქტები, ძალიან მარტივია. ნებისმიერი ადამიანი როდესაც სხვა ადამიანს ბრალს სდებს, უნდა იყოს ფაქტებით გამყარებული. ეს არის აბსოლუტურად უპასუხისმგებლო, შეურაცხმყოფელი ჩარევა საქართველოს…