დღე: ივნისი 23, 2022

ევროპული საბჭოს პრეზიდენტმა შარლ მიშელმა ბრიუსელში ევროკავშირის სამიტის დაწყებამდე განაცხადა, რომ დღეს ევროკავშირი გეოპოლიტიკურ არჩევანს გააკეთებს. მიშელი დარწმუნებულია, რომ კანდიდატის სტატუსს უკრაინა და მოლდოვა მიიღებენ. „ეს გადამწყვეტი მომენტია ევროკავშირისთვის, გეოპოლიტიკური არჩევანი, რასაც დღეს გავაკეთებთ. დარწმუნებული ვარ, ჩვენ მივცემთ კანდიდატის სტატუსს უკრაინას, მოლდოვას და გამოვხატავთ ცხად, ძლიერ ევროპულ პერსპექტივას უკრაინისთვის, საქართველოსა და მოლდოვისთვის. დღეს ასევე მნიშვნელოვანი შეხვედრაა დასავლეთ ბალკანეთის ქვეყნების ლიდერებთან. მნიშვნელოვანი მომენტია, რადგან არის ძალიან ძლიერი პოლიტიკური ნება პროცესის გამოცოცხლებისთვის დასავლეთ ბალკანეთის ქვეყნებთან დაკავშირებით, რომ გაიგზავნოს ცხადი შეტყობინება. მოვლენების განვითარებას აქტიურად ვაკვირდებით საფრანგეთის საპრეზიდენტო მანდატთან ერთად, რომ შეძლებისდაგვარად სწრაფად დაიწყოს…

ევროპარლამენტის პრეზიდენტმა, რობერტა მეცოლამ ბრიუსელში ევროპული საბჭოს სამიტის დაწყებამდე განაცხადა, რომ ევროპარლამენტმა პირველივე დღიდან განსაზღვრა, სამივე ქვეყნისთვის კანდიდატის სტატუსის მინიჭების საჭიროება. „ბოლო დღეებისა და კვირების განმავლობაში ბევრ ქართველს ვესაუბრე. საბჭოს დასკვნის ფორმულირება ხსნის გზას საქართველოსთვის. ეს არის ის, რაც ევროპარლამენტმა განსაზღვრა პირველივე დღიდან, რომ ჩვენ გვჭირდება სამივე ქვეყნის მიღება, როგორც კანდიდატი ქვეყნების. ეს ფორმულირება ასახული იქნება დღევანდელ გადაწყვეტილებებში ევროკავშირის საბჭოში. დღეს ასევე არის ისტორიული და განსაკუთრებული დღე, რადგან გვაქვს ომი ჩვენს კონტინენტზე და იმედი მაქვს, მივცემთ კანდიდატის სტატუსს უკრაინასა და მოლდოვას“, – განაცხადა მეცოლამ. შეგახსენებთ, ევროკავშირის წევრი ქვეყნების ლიდერები საქართველოს, მოლდოვისა და…

„ზუსტად ასეა, როდესაც ეს კრიტერიუმები დაკმაყოფილდება, კანდიდატის სტატუსის მინიჭება მოხდება ავტომატურად“,-  ასე უპასუხა საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა კითხვას, მიენიჭება თუ არა კანდიდატის სტატუსი საქართველოს, მას შემდეგ რაც დააკმაყოფილებს შესაბამის კრიტერიუმებს. ამასთან, მისი თქმით, ქართველებს ახლა აქვთ მკაფიო გზა და შესასრულებელი საქმეები. „ჩემი გზავნილია, რომ ეს არის მათთვის წინგადადგმული ნაბიჯი. მათ არ უნდა განიხილონ ეს ნეგატიურად. ახლა მათ აქვთ მკაფიო გზა, ახლა მათ აქვთ შესასრულებელი საქმეები, აქვთ განრიგი, ასე რომ ეს არის მნიშვნელოვანი წინგადადგმული ნაბიჯი, გააგრძელეთ ამაზე მუშაობა, თქვენ კარგ გზაზე ხართ“, – აღნიშნა ბორელმა.

ევროკავშირის წევრი ქვეყნების ლიდერები საქართველოს, მოლდოვისა და უკრაინის განაცხადზე საბოლოო გადაწყვეტილებას დღეს მიიღებენ. ევროპელ ლიდერებს უკვე გაეგზავნებათ ევროპარლამენტის რეზოლუციაც, რომელიც დღეს დამტკიცდება. ,,დღეს ევროპული საბჭო უკრაინის, მოლდოვისა და საქართველოს ევროპულ პერსპექტივას აღიარებს,” – წერს ევროპული საბჭოს პრეზიდენტი, შარლ მიშელი ,,Instagram-”ის ოფიციალურ გვერდზე.

,,კრემლი ელოდება, რომ მსოფლიო დაიღლება უკრაინით. დროა ვაჩვენოთ: მსოფლიო დაიღალა რუსეთის შანტაჟით,“- ამის შესახებ უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი „ტვიტერზე“ წერს. მისი თქმით, რუსული პოლიტიკის შედეგები, მსოფლიოსთვის რთულ გამოწვევებად გარდაიქმნა. ,,დაუსჯელი რუსული ბოროტება ყოველთვის იზრდება. არჩევნებში ჩარევა, პოლიტიკური მკვლელობები და ქიმიური იარაღი – ქალაქების დაბომბვად, მიგრაციულ კრიზისად და შიმშილობის საფრთხედ გარდაიქმნა,”- აღნიშნა პოდოლიაკმა.    

აშშ-ის ჰელსინკის კომისია ევროპელ პარტნიორებს მოუწოდებს, სამივე კანდიდატ ქვეყანას, საქართველოს, უკრაინასა და მოლდოვას კანდიდატის სტატუსი მიანიჭონ. როგორც განცხადებაშია ნათქვამი, საქართველოს მოსახლეობამ  დიდი მსხვერპლი გაიღო ბოლო ათწლეულების განმავლობაში თავისი ევროპული იდენტობისთვის. „საქართველოს მოსახლეობამ ასევე დიდი მსხვერპლი გაიღო ბოლო ათწლეულების განმავლობაში თავისი ევროპული იდენტობისთვის, რუსეთის საომარი მოქმედებებისა და მტკივნეული რეფორმების გამოწვევების მიუხედავად. მათ აჩვენეს, რომ შეუძლიათ, გაუმკლავდნენ გამოწვევებს, თუ გზა სუფთაა. ჩვენ გვჯერა, რომ მათ ასევე უნდა შესთავაზონ ევროკავშირის წევრობის თანაბრად კონკრეტული საგზაო რუკა. ევროპული საბჭოს შეხვედრის წინ ჩვენ მოვუწოდებთ ევროპელ მეგობრებს, მიანიჭონ კანდიდატის სტატუსი სამივე ქვეყანას. ლიბერალური დემოკრატიისკენ გზა არასდროს არის პერიოდული წარუმატებლობების, გადახვევების გარეშე და…

უკრაინის პრეზიდენტი ვოლოდიმირ ზელენსკი მორიგ ვიდეომიმართვას ავრცელებს, სადაც უკრაინის სამხრეთ-აღმოსავლეთ ნაწილში არსებულ მდგომარეობაზე საუბრობს. მისი თქმით, რუსი ოკუპანტების მიზანი, მარიუპოლის მსგავსად, სხვა უკრაინული ქალაქების განადგურებაა. „დამპყრობლებმა ნიკოლაევში შვიდი რაკეტა ჩამოაგდეს. საბედნიეროდ, დაღუპულები არ არიან, ხუთი ადამიანი დაშავებულია. დარტყმები განხორციელდა ხარკოვის ოლქში. არის მსხვერპლი. ცეცხლი გაუხსნეს ჩერნიგოვის და სუმ-ის ოლქების საზღვრებს. დონბასში გრძელდება მასიური საავიაციო და საარტილერიო დარტყმები. დამპყრობლების მიზანი ამ მიმართულებით უცვლელია – მათ ნაბიჯ-ნაბიჯ სურთ მთელი დონბასის განადგურება. ლისიჩანსკის, სლავიანსკის, კრამატორსკის – ნებისმიერი ქალაქი მათ უნდათ, რომ აქციონ ისეთად, როგორიც მარიუპოლია. მთლიანად განადგურებულად. სწორედ ამიტომ ჩვენ მუდმივად ხაზს ვუსვამთ უკრაინისთვის იარაღის მიწოდების დაჩქარებას.…

რუსული მედიის ინფორმაციით, დიდმა ბრიტანეთმა რუსეთის დელეგაციის წევრებს ვიზებზე უარი უთხრა. მათ ეუთოს საპარლამენტო ასამბლეის სესიაში უნდა მიეღოთ მონაწილეობა. აღნიშნული ინფორმაცია, რუსეთის საბჭოს საგარეო საქმეთა კომიტეტის თავმჯდომარის პირველმა მოადგილემ, ვლადიმერ ჯაბაროვმა გაავრცელა. მისი  თქმით,  რუსეთი არ აღიარებს ეუთოს საპარლამენტო ასამბლეის სესიის გადაწყვეტილებებს, რომელშიც რუსეთის დელეგაციის წევრები ვერ მიიღებენ მონაწილეობას.

ევროპარლამენტარი მიხაილ გალერი საქართველოს პრემიერ-მინისტრის განცხადებებს ეხმიანება. მისი თქმით, ქართველმა ხალხმა უკეთ იცის, ვინ უნდა დაადანაშაულოს, ევროკომისიის გადაწყვეტილებაში, რომელიც საქართველოსთვის  კანდიდატის სტატუსის მინიჭებას ეხება. ,,დარწმუნებული ვარ ქართველმა ხალხმა, რომელიც საქართველოს ევროპული მომავლის დემონსტრირებას ახდენს, უკეთ იცის, ვინ დაადანაშაულოს იმ ფორმულირებისთვის, რომლის გამოყენებაც ევროკომისიას მოუწია, რათა შესაბამისად და სამართლიანად გამოხმაურებოდა საქართველოს მთავრობის პრობლემებს”,- განაცხადა მიხაილ გალერმა.

უკრაინის პრეზიდენტი ვოლოდიმირ ზელენსკი დარწმუნებულია, რომ უკრაინა ევროკავშირის წევრობის კანდიდატის სტატუსს მიიღებს. მისი თქმით, ევროკავშირის გადაწყვეტილება უკრაინისთვის იქნება ისტორიული მოვლენა, რომელიც დიდი მოტივაციას მისცემს უკრანელ ხალხს. „მჯერა, რომ ამ გადამწყვეტ დღეებში უკრაინა მიიღებს ევროკავშირის წევრობის კანდიდატის სტატუსს. ჩვენ ამისკენ ძალიან დიდ ხანს მივდიოდით, ჩვენი ხალხი, ჩვენი რევოლუციები, ჩვენი ომი. და ეს სტატუსი არის ძალიან მნიშვნელოვანი მომენტი. ეს არის ჩვენი ისტორიის სხვა ფურცელზე გადასვლა, ძალიან დადებითი გადასვლა. მე მჯერა, რომ ევროპის 27-ივე ქვეყანა მხარს დაუჭერს ჩვენთვის ასეთ სტატუსს“, – განაცხადა ზელენსკიმ.

შვედეთის ყოფილი პრემიერ-მინისტრი და ევროპული საბჭოს საგარეო კომიტეტის თანათავმჯდომარე კარლ ბილდტი საქართველოს პრემიერ-მინისტრის  ირაკლი ღარიბაშვილის განცხადებას  ეხმაურება. ბალდტის თქმით, ღარიბაშვილი ”რელსებიდან გადავიდა”. “ეს ბიჭი – საუბარი მაქვს საქართველოს პრემიერმინისტრზე – შეკეთებას აღარ ექვემდებარება. პარლამენტში სიტყვით გამოსვლისას ჩემი ცოლის დადანაშაულება საქართველოს ბიუჯეტიდან მილიონების მოპარვაში, აჩვენებს, რომ რელსებიდან გადავიდა. ის ტრაგედიაა ძალიან კარგი ქვეყნისთვის”, -წერს კარლ ბილდტი. კარლ ბილდტის ცოლის კომპანიას მილიონები აქვს წაღებული ბიუჯეტიდან, დღეს გამოდის და გვმოძღვრავს“ – ირაკლი ღარიბაშვილი

გერმანიის კანცლერი ოლაფ შოლცი ადასტურებ ინფორმაციას, რომ მომავალ კვირას „დიდი შვიდეული“ შეიკრიბება, სადაც განსახილველი ერთ-ერთი საკითხი უკრაინა იქნება. კანცლერი არ გამორიცხავს, რომ „მარშალის გეგმაზეც“ იმსჯელონ. „უკრაინას დღეს ნამდვილად სჭირდება „მარშალის გეგმა“ აღმშენებლობისთვის, გაძლიერებისთვის. მილიარდობით დოლარი იქნება საჭირო წლების განმავლობაში აღმშენებლობის პროგრამების დასაფინანსებლად. ეს მხოლოდ იმ შემთხვევაში იქნება ეფექტური, თუ ევროპული ქვეყნები, დონორები და საერთაშორისო ორგანიზაციები ერთად იმუშავებენ,“- აცხადებს გერმანიის კანცლერი. გერმანია „დიდი შვიდეულის“ სამიტს  26 ივნისიდან უმასპინძლებს.