დღე: ივნისი 21, 2022

სპეციალურმა საგამოძიებო სამსახურმა ჟურნალისტების მიმართ განხორეციელებულ ძალადობასთან დაკავშირებით სპეციალური ბრიფინგი გამართა. როგორც სამსახურის ხელმძღვანელმა, კოკა კაციტაძემ აღნიშნა, ქალაქ ბათუმში, „TV პირველის“ ოპერატორის მიმართ განხორციელებული ძალადობის ფაქტზე ორი ადამიანი დააკავეს. „უმოკლეს დროში გატარებული ოპერატიული და საგამოძიებო მოქმედებების შედეგად, მოპოვებული მტკიცებულებების საფუძველზე, საქართველოს სისხლის სამართლის კოდექსის 156-ე მუხლის მე-2 ნაწილით გათვალისწინებული დანაშაულის ჩადენისთვის, რაც გულისხმობს ადამიანის დევნას მის პროფესიულ მოღვაწეობასთან დაკავშირებით, ბრალდებულის სახით დაკავებული იქნა 2001 წელს დაბადებული ორი მოქალაქე. გამოძიებით დადგინდა, რომ 2022 წლის 18 ივნისს, 23:15 საათზე, ქალაქ ბათუმში, 6 მაისის პარკის მიმდებარე ტერიტორიაზე, „TV პირველის“ ოპერატორი პროფესიულ მოვალეობას ასრულებდა…

პატიმრობაში მყოფი მიხეილ სააკაშვილი სოციალურ ქსელში განცხადებას ავრცელებს და მიხეილ სააკაშვილს ემუქრება. „ივანიშვილის შნირები უსინდისო იდიოტები და ქოსატყუილები არიან. უკრაინის დეოლიგარქიზაციის კანონის ორი ავტორიდან და თანამომხსენებლიდან უშიშროების საბჭოზე ვიყავი მე. უფრო მეტიც, მე ვიყავი კანონის უფრო მკაცრი ვერსიის მომხრე. მთელი ჩემი შეგნებული მოღვაწეობა უკრაინაში, ვებრძოდი ოლიგარქებს, ვიყავი დეოლიგარქიზაციის მოძრაობის ლიდერი. 85 მილიონი დოლარიც მქონია თურმე – აუცილებლად ვუჩივლებ ამ თანხაზე ბიძინა ივანიშვილს და „კრედიტ სვისიდან“ წამოვიღებ ამ თანხას და სანდრას საქველმოქმედო ფონდს ჩავურიცხავ“, – წერს მიხეილ სააკაშვილი.  

დეოლიგარქიზაციის კანონთან დაკავშირებით დასმული შეკითხვის საპასუხოდ, პარლამენტის ვიცე-სპიკერმა არჩილ თალაკვაძემ განაცხადა, რომ ბიძინა ივანიშვილს დასამტკიცებელი არაფერი აქვს. ,,ბატონ ბიძინა ივანიშვილს დასამტკიცებელი არაფერი აქვს, არაფერი. თუ ვინმეს რამე ექნება დასამტკიცებელი, სწორედ ჩამოთვლილ გვარებს ექნებათ [სააკაშვილი, კეზერაშვილი, ხაზარაძე და ჯაფარიძე], იმიტომ რომ მათ კონკრეტული ქმედებები, კონკრეტული გადაწყვეტილებები და მონაწილეობა აქვთ მიღებული და ეს კანონი თუ იქნება ისეთი სახით მიღებული როგორც უკრაინაში, პასუხები ექნებათ გასაცემი მათ”- განაცხადა არჩილ თალაკვაძემ.

პოლიტიკური ჯგუფის „ევროპელი სოციალისტების“ წევრმა, დავით ზილფიმიანმა პარლამენტის პლენარულ სხდომაზე ევროინტეგრაციის საკითხზე და ქვეყანაში არსებულ ვითარებაზე ისაუბრა. „ჯერ კიდევ 80-იან წლებში როცა ევროპის სამეცნიერო დაწესებულებებში დავიწყე მოღვაწეობა, სულ ვოცნებობდი და მქონდა წინათგრძნობა – დადგებოდა დრო როცა საქართველო ამ ოჯახში ფეხს დადგამდა. შემდეგ იყო საბჭოთა კავშირის დანგრევა, შემდეგ შეიქმნა გაერთიანებული ევროპა და კვალავაც გაგვეზარდა ეს შანსები და შესაძლებლობები. მერე გახსოვთ როგორ გამოგლიჯა ბალტიისპირეთი ელიცინის რუსეთს. მათ თავი დააღწიეს ყველაზე ადრე. აქ კიდევ უფრო დიდი გახდა ჩვენი რწმენა, იმისა, რომ ევროპის ნაწილი გავხდებოდით. შემდეგ გავხდით ასოცირებული წევრები, ეს სწორედ ის არის რაც…

„ქართულ ოცნება ორი-სამი დღე კიდევ აქვს დარჩენილი. 24 ივნისს ჩვენ გეგმას აუცილებლად წარვადგენთ,”- ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა. ვაშაძის თქმით, ოლიგარქატი უნდა დასრულდეს, რადგან დეოლიგარქიზაციის გარეშე კანდიდატის სტატუსი არ იქნება. „როდის ნახეთ თავისი მოტივაციით ქუჩაში გამოსული ამდენი გულანთებული ადამიანი? ძალაუფლება ხალხს ეკუთვნის, ვინც გუშინ შეიკრიბა რუსთაველზე და მთელი მსოფლიოდან გულშემატკივრობდა ასობით ათასი ემიგრანტი – ძალაუფლება მათ ეკუთვნით და არა ოლიგარქს. ოლიგარქატი უნდა დავასრულოთ, რადგან დეოლიგარქიზაციის გარეშე კანდიდატის სტატუსი არ იქნება. „ქართულ ოცნებას“ ორი-სამი დღე კიდევ აქვს დარჩენილი. 24 ივნისს ჩვენ გეგმას აუცილებლად წარვადგენთ. საკმაოდ საინტერესო ხუმრობა წავიკითხე…

,,რუსეთის შემადგენლობაში შესვლა შესაძლებელია, როგორც ცალკე სუბიექტად, ასევე ცალკე სუბიექტად ჩრდილოეთ ოსეთთან შემდგომი გაერთიანებით,”- ამის შესახებ ოკუპირებული ცხინვალის რეგიონის თვითგამოცხადებულმა პრეზიდენტმა, ალან გაგლოევმა განაცხადა. გაგლოევის თქმით, სურთ სამხრეთ ოსეთი რუსეთის შემადგენლობაში შევიდეს. „ჩვენ დავაფიქსირეთ ჩვენი პოზიცია, რომ ყველანი ვართ რეფერენდუმის მომხრე, გვინდა, რომ სამხრეთ ოსეთი რუსეთის შემადგენლობაში შევიდეს. ამ საკითხის შემუშავებაში რუსულ მხარესთან რამდენიმე ნაბიჯი შემუშავდა. რეფერენდუმის ფორმულირებაც სერიოზულ კითხვებს აჩენს: მხარს უჭერთ თუ არა სამხრეთ ოსეთის რესპუბლიკისა და რუსეთის გაერთიანებას? ჩვენ შევთანხმდით კონკრეტული ფორმულირების შემუშავებაზე, რადგან რუსეთის შემადგენლობაში შესვლა შესაძლებელია, როგორც ცალკე სუბიექტად, ასევე ცალკე სუბიექტად ჩრდილოეთ ოსეთთან შემდგომი გაერთიანებით. ამიტომ,…

,,სააკაშვილი არის არაფორმალური ლიდერი, პოლიტიკაზე პირდაპირი გავლენა აქვს და პირდაპირ აფინანსებს საკუთრებაში არსებულ ტელევიზიებს, სააკაშვილი ცალსახად არის ოლიგარქი,”- ამის შესახებ საპარლამენტო უმრავლესობის ლიდერმა, ირაკლი კობახიძემ განაცხადა. მისი თქმით, არც ერთი ფაქტი არ არსებობს იმის, რომ ივანიშვილი რაიმე ფორმით ერევა პოლიტიკაში ან მედიაში. რაც შეეხება კეზერაშვილს, ხაზარაშვილს, ეს ფაქტებით დასტურდება. „უკრაინაში მოქმედებს კანონი დეოლიგარქიზაციის შესახებ. შეგვიძლია, ეს კანონი საქართველოში პირდაპირ დავაკოპიროთ და ვნახავთ, რომ ამ კანონის მიხედვით, ბიძინა ივანიშვილი ვერაფრით ჩაითვლება ოლიგარქად, მაგრამ ჩაითვლებიან – კეზერაშვილი, ხაზარაძე და სხვები, რადიკალური ოპოზიციის ლიდერები. აქედან გამომდინარე, შეგვიძლია, დავაკოპიროთ ან უკრაინულ ენაზეც დავამტკიცოთ, ეს…

სახალხო დამცველი, ნინო ლომჯარია 20 ივნისს გამართულ აქციას ეხმაურება და წერს, რომ ქართული საზოგადოება გაცილებით პროგრესული და ევროპულია, ვიდრე ქართული პოლიტიკური ელიტა. ,,ჩემი შთაბეჭდილებები გუშინდელი აქციიდან: 1. კვლევების შედეგები, რომ მოსახლეობის 80%-90%-ს ევროპა უნდა, რეალობაა; 2. აქციაზე თუ ყველა პარტიის მხარდმჭერები იყვნენ, ეს არაჩვეულებრივი ამბავია! ჩავთვალოთ, რომ დეპოლარიზაციის მოთხოვნის შესრულებისკენ ხალხი დგამს ნაბიჯებს; 3. ქართული საზოგადოება (განურჩევლად თაობისა) გაცილებით პროგრესული და ევროპულია, ვიდრე ქართული პოლიტიკური ელიტა; 4. მმართველი პარტიის პროპაგანდა და ნაბიჯები, რომელიც მუდმივად გათვლილი იყო სტერეოტიპულ, პოსტ საბჭოთა მენტალობის მქონე ქართველზე, უბრალოდ არ იმუშავებს, რადგან იხილეთ მე-3 პუნქი; 5.…

„საქართველოს კონსტიტუციაში უწერია ევროპული არჩევანი და ეს მიზანი არ და ვერ შეიცვლება ვერანაირ მოცემულობაში – გვეამაყება, რომ საქართველოს მოქალაქეების უდიდეს ნაწილს ეს მიზანი გვაერთიანებს“,- ამის შესახებ საქართველოს პარლამენტის თავმჯდომარის მოადგილემ, არჩილ თალაკვაძემ პლენარულ სხდომაზე განაცხადა. არჩილ თალაკვაძის თქმით, საქართველოს ევროპული არჩევანი ისტორიულია და ის არცერთ ოპოზიციურ ლიდერს ან ადამიანს არ ეკუთვნის. პარლამენტის თავმჯდომარის მოადგილე გამოეხმაურა გუშინ გამართულ აქციასაც და აღნიშნა, რომ ჩვენი ქვეყნის ევროპული მომავალი გაცილებით მეტ ადამიანს აერთიანებს. „ საქართველოსთვის ამ მნიშვნელოვან მომენტში, როდესაც ევროინტეგრაციის გზაზე ვდგამთ ახალ ხელშესახებ ნაბიჯებს, ყველას გვახსენდება ზურაბ ჟვანიას სიტყვები: „მე ვარ ქართველი, მაშასადამე,…

„სამგორის გამგებლის განცხადება მე შეიძლება არ მომეწონა, თუმცა, ნებისმიერ ადამიანს აქვს თავის პირად სივრცეში აზრის გამოხატვის უფლება“, – ასე გამოეხმაურა თბილისის მერი კახა კალაძე სამგორის რაიონის გამგებლის, კახა სამხარაძის მიერ სოციალურ ქსელში, პირად გვერდზე გამოქვეყნებულ სტატუსს. კახა კალაძის თქმით, მიუღებელია შენიშვნები და კრიტიკა ისმოდეს იმ ადამიანებისა და ტელევიზიების მხრიდან, რომლებიც სიძულვილის ენას თავად აღვივებენ. „შეიძლება არ მომეწონა ეს განცხადება, ვიღაცას შეიძლება მოეწონა. ეს მისი პირადი გვერდია და თავის პირად სივრცეში ადამიანი, რასაც უნდა იმას დაწერს. შეიძლება ჩემთვის არ იყო მოსაწონი, თუმცა, ამ ქვეყანაში სიტყვის და გამოხატვის თავისუფლება უმაღლეს დონეზეა დაცული.…

პარტია „ქართული ოცნების“ თავმჯდომარე ირაკლი კობახიძემ, იმ ევროპარლამენტარებთან დაკავშირებით აკეთებს განცხადებას, რომლებმაც გუშინ აქციის მონაწილეებს მიმართეს. მისი თქმით, აღნიშნული პიროვნებები აფილირებული არიან პირდაპირ „ნაცმოძრაობასთან“. „კონკრეტული ადამიანები არიან, რომლებიც აფილირებული არიან პირდაპირ „ნაცმოძრაობასთან“ და ისინიც საქართველოში პოლარიზაციის ხელშემწყობი ადამიანები არიან, რაც ძალიან სამწუხაროა, რადგან მათ ევროპული მანტია აქვთ მოსხმული, თუმცა სინამდვილეში, მარტივი დანამატი არიან იმ პარტიის, რომელსაც „ნაცმოძრაობა“ ჰქვია და ისინიც ჩვენს ქვეყანაში ხელს უწყობენ პოლარიზაციას. ყველამ ვიცით მათი გვარები, სახელები, მათი გვარები საზოგადოებამ ზეპირად დაიმახსოვრა. ევროკომისიის მთავარი მოთხოვნა პოლარიზაციის შემცირება იყო და ყველა ეს მესიჯი ემსახურება პოლარიზაციის გაღვივებას. რადიკალური ოპოზიცია…

,,საქართველოში ბევრ ადამიანს აქვს სურვილი, რომ ჩვენი ქვეყანა ევროკავშირის წევრი გახდეს,” – ამის შესახებ დედაქალაქის მერმა, კახა კალაძემ მედიასთან კითხვა- პასუხის დროს განაცხადა. მისი თქმით, საქართველოში ევროინტეგრაციის პროცესს, აქციაზე „შინ ევროპისკენ“ წარმოდგენილი ადამიანების რაოდენობაზე მეტი მხარდამჭერი ჰყავს. „პირდაპირ ვიტყვი, აღნიშნული აქცია არ ასახავს რეალობას. ევროპასა და ევროინტეგრაციას ჰყავს გაცილებით მეტი მხარდამჭერი. ძალიან ბევრ ადამიანს აქვს სურვილი, საქართველო გახდეს იმ დიდი ოჯახის წევრი, რომელსაც ევროკავშირი ჰქვია. 2012 წლიდან ამ მიმართულებით ბევრი ნაბიჯი გადავდგით. თუმცა, სამუშაო ბევრია. ყველაფერი უნდა გავაკეთოთ იმისთვის, რომ თუნდაც კანდიდატის სტატუსის მისაღებად არსებული დათქმები შესრულდეს. ამისთვის ხელისუფლება მზად…

,,თქვენ ხომ შეგეძლოთ გადაგედგათ რამდენიმე ნაბიჯი და დარჩენილი, თუნდაც ერთ პროცენტიანი შანსი გამოგეყენებინათ? რატომ არ იღებს ბუტაფორია პრეზიდენტი გადაწყვეტილებას პოლიტიკურ პატიმრებთან დაკავშირებით?,”- ამის შესახებ გაერთიანებული ოპოზიცია „ძალა ერთობაშია“ წევრმა რომან გოცირიძემ პლენარულ სხდომაზე განაცხადა. მისი თქმით,  მთელი მსოფლიო განცვიფრებული და აღფრთოვანებულია ქართველი ხალხის ნებით, რომ ისინი არიან ევროპელები და სურთ ევროპულ ოჯახში დაბრუნება. „რა გააკეთეთ იმისათვის, რომ გვერდში დავდგომოდით ხალხს. მთელმა მსოფლიომ ნახა, წარმოუდგენელი კადრები იყო გადაღებული. გინახავთ ოდესმე თავისუფლების მოედნიდან რესპუბლიკის მოედნამდე ერთი კილომეტრის  სიგრძის რუსთაველი გადაჭედილი?  მთელი მსოფლიო განცვიფრებული და აღფრთოვანებულია ქართველი ხალხის ნებით, რომ ისინი არიან ევროპელები და სურთ…

„ბიძინა ივანიშვილსა და სამშობლოს შორის რა გადაწყვეტილებას იღებთ – ბიძინა თუ საქართველო? თუ საქართველო, მაშინ თქვით, როგორ აპირებთ ჩამოწერილი პუნქტების შესრულებას“,- ასე მიმართა ბლოკი „ერთიანი ნაციონალური მოძრაობა – გაერთიანებული ოპოზიცია „ძალა ერთობაშია“,- ს წევრმა, ლევან ხაბეიშვილმა საპარლამენტო უმრავლესობის წევრებს პლენარულ სხდომაზე. ლევა ხაბეიშვილმა 20 ივნისს გამართული აქციის შესახებ ისაუბრა. „ამაყი ვარ საქართველოს თითოეული მოქალაქით, რომელმაც თავისი პოზიცია მყარად დააფიქსირა რუსთაველზე და სიმართლე გითხრათ, გაკვირვებული ვარ – ნაცვლად იმისა, რომ თქვენც ბედნიერები იყოთ, რომ ათი ათასობით ჩვენი თანამოქალაქე, რას ითხოვს განა ცუდს, ითხოვს თავისუფალ, დამოუკიდებელ, დემოკრატიულ, ევროპულ საქართველოში ცხოვრებას და ამასობაში,…

„არჩევანი არის ქართველ ხალხზე: ან ვირჩევთ ევროპას და ჩვენს მომავალს ევროკავშირში ან ვირჩევთ რუსი ოლიგარქის რეჟიმს და მისი მმართველობის გაგრძელებას ამ ქვეყანაში. არავის ვურჩევ, რომ რაღაც ინიციატივებით სამართლებრივი დევნა დაიწყოს ქვეყანაში ოპოზიციის წინააღმდეგ ოლიგარქიასთან ბრძოლის საფარქვეშ“, – განაცხადა პარლამენტის წევრმა სალომე სამადაშვილმა პარლამენტის პლენარულ სხდომაზე. მისი თქმით, ყველა მსგავსი ინიციატივა მხოლოდ დააჩქარებს იმ პროცესს, რაც უკვე დაიწყო. „ქართული ოცნებიდან ყველა ნაბიჯი, რომელიც შეზღუდავს ჩვენს ქვეყანაში დემოკრატიულ სივრცეს, მხოლოდ დააჩქარებს როგორც მრავალრიცხოვანი აქციების გაგრძელებას ჩვენს ქვეყანაში, ასევე ევროკავშირისა და აშშ-ის მხრიდან სიტყვებიდან მოქმედებაზე გადასვლას. ამიტომ ორჯერ დავფიქრდებოდი თქვენ ადგილზე, როგორ მოვიქცეოდი…

საპარლამენტო უმრავლესობის წევრის, ირაკლი კობახიძის განცხადებით, საქართველოში ოლიგარქიზაციის შესახებ კანონი, რომ მოქმედებდეს ,,ნაციონალური მოძრაობის” და ,,ლელოს” ლიდერები აღიარებული იქნებოდნენ ოლიგარქებად. „დეოლიგარქიზაციაზე საუბრობენ „ნაციონალები“ და „ლელო“ – ორი მთავარი რადიკალური ოპოზიციური პარტია. შეგახსენებთ, რომ ამ თემაზე უკრაინაში არის მიღებული კანონი ოლიგარქიზაციის შესახებ და ეს რომ საქართველოში იყოს მოქმედი, ამ კანონის მიხედვით, ორივე პარტიის ლიდერები იქნებოდნენ აღიარებული ოლიგარქებად. ესენი არიან „ლელოში“ ხაზარაძე-ჯაფარიძე და „ნაცმოძრაობაში“ სააკაშვილი-კეზერაშვილი. ასე რომ, ოლიგარქები მოიკითხეთ თქვენკენ და მოემზადეთ დეოლიგარქიზაციისთვის“, – განაცხადა ირაკლი კობახიძემ.

პოლიტიკური ჯგუფის „მოქალაქეების“ თავმჯდომარის, ალექსანდრე ელისაშვილის შეფასებით, ევროკავშირში ინტეგრაციამდე საქართველოს ორი ნაბიჯი აშორებს და მნიშვნელოვანია, რომ ამისთვის ყველამ ყველაფერი გააკეთოს. „ქართველ ხალხს ერთი არჩევანი გავქვს და ეს არჩევანი არის ევროპა. ეს ვიგრძენი გუშინ გამართულ აქციაზე, სადაც დავინახე საჯარო მოხელეები და „ქართული ოცნების“ მხარდამჭერებიც და ამან კიდევ უფრო გამამხნევა, რადგან სწორედ გვაქვს ყველაფერი გააზრებული. ერთი ხელის გაწვდენაღა დაგვრჩა, რომ ჩვენი წინაპრების და ჩვენი ნაოცნებარი ასრულდეს. ორი ნაბიჯიღა დაგვრჩა და ერთი ნაბიჯი უკვე მომწიფებულია. ვფიქრობ, ყველამ კარგად უნდა გავაცნობიეროთ, ხელისუფლებამაც და ოპოზიციამაც, რომ ის 12 პუნქტი ჩვენი ისტორიული ამოცანა და დავალებაა. პოლარიზაციის…

,,გუშინ ბევრი ადამიანი იყო გამოსული რუსთაველზე, თუმცა არის სამი მილიონი ადამიანი და მეტი საქართველოში დამატებით, რომელიც მხარს უჭერს ევროპას და ეს არის საქართველოს 85%-ს,”- ამის შესახებ უმრავლესობის ლიდერმა ირაკლი კობახიძემ განაცხადა. მისი თქმით, აქციის ორგანიზატორები, არ აჟღერებდნენ პოლიტიკურ გზავნილებს იმისათვის, რომ ხალხი არ დაშლილიყო, თუმცა ბოლოს მაინც გაახმოვანეს ბაკურიანის გეგმა, რომელიც ითვალისწინებს ქვეყნის წალეკვას. „ვისი ორგანიზებული იყო აქცია, აქ დაისვა კითხვა. რა თქმა უნდა, ეს იყო „ნაცმოძრაობის“ და „სირცხვილიას“, მისი ახალგაზრდული ფრთის მიერ ორგანიზებული და ეს იყო, დამატებით მოგახსენებთ, ბაკურიანის გეგმის შემადგენელი ნაწილი. ეს გეგმა დაისახა ბაკურიანში და დაიწყეს მისი…

,,გუშინ აქციაზე მისულ ბევრ ადამიანს არ აინტერესებდა ვინ ვისი მომხრეა, მათი გზავნილი იყო, რომ ევროპა საქართველოს მომავალია,”- ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა. მისი თქმით, გუშინდელი აქცია იყო ბევრი პოლიტიკური შეხედულების და  აბსოლუტურად აპოლიტიკური ადამიანებისგან შემდგარი აქცია. „ნაცების“ მიერ ორგანიზებულ აქციაზე იმდენი „არანაცი“ და ევროპული იდეის მომხრე მივიდა, რომ აქციის ორგანიზატორებს თავისი ბელადის ავტომატურად უარყოფა მოუწიათ და საერთოდ არ უხსენებიათ მიხეილ სააკაშვილი. ეს იყო ბევრი პოლიტიკური შეხედულების, აბსოლუტურად აპოლიტიკური ადამიანებისგან, მათ შორის „ნაცმოძრაობის“ მომხრეებისგან შემდგარი, გაგიკვირდებათ და ჩვენი მომხრეებისგან შემდგარი აქცია, რისთვისაც მთავარი მიზანი იყო – დაფიქსირებულიყო…

,,ხალხმა თავისი ნება ნათლად აჩვენა. ამ ნების დასანახად არც ოპოზიციაა არის მზად, რადგან იმის ართქმა, რას აპირებ და ამბობ, რომ მოდი, 24 ივნისს გეტყვი, პირველი ნაბიჯია გადადგმული სისუსტისკენ,”- ამის შესახებ ოპოზიციონერმა დეპუტატმა იაგო ხვიჩიამ განაცხადა. მისი თქმით, სერიოზული შედეგის მისაღწევად, საჭიროა გეგმის დადება და იდეის მოფიქრება. „რაც ევროპელებმა გვთხოვეს, ამას ხელისუფლებამ თავისი ნებით არ გააკეთებს და ან ყველაფერს გააკეთებს იმისთვის, რომ ეს არ მოხდეს. ფაქტობრივად, მოთხოვნა იყო ერთპიროვნული მმართველობის დასრულება და ხელისუფლების რეალური გადანაწილება. რომ გითხრათ, რომ გუშინდელი აქციის შემდეგ ხელისუფლება ამაზე ფიქრს და ამის გაკეთებას უკვე დაიწყებს, ამის ნაკლებად…

,,ჩვენი მოსახლეობის 80 პროცენტზე მეტი მხარს უჭერს ევროატლანტიკურ ინტეგრაციას და ჩვენ, ჩვენმა პარტიამ და მთავრობამ ყველაფერი გააკეთა, რაც შესაძლებელი იყო, 2012 წელს ხელისუფლებაში მოსვლის დღიდან. ხელი მოვაწერეთ ევროკავშირთან ასოცირების შეთანხმებას, თავისუფალი ვაჭრობის შესახებ შეთანხმებას, უვიზო მიმოსვლის რეჟიმს, ახლა კი ოფიციალურად წარვადგინეთ განაცხადი, რაც შეეხება ნატო-ში გაწევრიანებას, ეს არის ჩვენი მიზანსწრაფვა, – ამის შესახებ საქართველოს პრემიერ-მინისტრმა ირაკლი ღარიბაშვილმა კატარის ყოველწლიური ეკონომიკური ფორუმის ფარგლებში პანელურ დისკუსიაზე სიტყვით გამოსვლისას განაცხადა. მისივე თქმით, 2017 წელს ასევე განხორციელდა საკონსტიტუციო ცვლილებები და მასში განისაზღვრა საქართველოს საგარეო პოლიტიკური კურსი. „2017 წელს საკონსტიტუციო ცვლილებები განვახორციელეთ და მასში განვსაზღვრეთ…

,,მაკრონმა საჯაროდ განაცხადა, რომ ევროკავშირმა გადაწყვიტა, მიენიჭებინა უკრაინისთვის კანდიდატის სტატუსი, რადგან ის ომშიაო. ეს არის წახალისება, ეს არის ბონუსი უკრაინისთვის“,- ამის შესახებ საქართველოს პრემიერ-მინისტრმა, ირაკლი ღარიბაშვილმა ყატარის ეკონომიკურ ფორუმზე, ერთ-ერთ პანელურ დისკუსიაზე სიტყვით გამოსვლისას განაცხადა. ღარიბაშვილის თქმით, ევროკომისიის გადაწყვეტილება, რომელმაც უკრინასა და მოლდოვასთვის სტატუსის მინიჭებას რეკომენდაცია გაუწია, საქართველოს კი ჯერ კონკრეტული პირობების შესრულებისკენ მოუწოდა – უსამართლოა. „უსამართლოა, მაგრამ გვესმის და ევროპელი ლიდერებისგან გავიგეთ, რომ მათ გადაწყვიტეს, მიენიჭებინათ სტატუსი უკრაინისთვის, რადგან უკრაინა არის ომში. მოლდოვაც მეზობელი ქვეყანაა და ძალიან მჭიდროდ არის, ძალიან რთულ სიტუაციაშია. ეკონომიკური უსაფრთხოების საკითხები ზედაპირზე აქვს. საქართველოს მუშაობას…