დღე: ივნისი 14, 2022

კრემლის პრესსპიკერის, დიმიტრი პესკოვის განცხადებით, რუსეთი უპრეცედენტო ეკონომიკური ომის გამო რთულ სიტუაციაშია. მისი თქმით, სარეზერვო ვალუტების როლი სუსტდება და ბევრი ქვეყანა კარგავს ნდობას იურიდიული და ფინანსური სისტემების მიმართ. ,,არსებული სიტუაცია არ არის მარტივი, პირიქით, შეიძლება შეფასდეს როგორც რთული ამ უპრეცედენტო ეკონომიკური ომის თვალსაზრისით, მაგრამ არ არსებობს ბოროტება სიკეთის გარეშე – ეს ვითარება გვიბიძგებს ჩვენ და ჩვენს მეგობარ ქვეყნებს, ვეძიოთ ურთიერთქმედების ახალი გზები, ურთიერთქმედების ახალი მექანიზმები, ფინანსური ანგარიშსწორების ახალი მექანიზმები. სარეზერვო ვალუტების როლი, დოლარის როლი, ევროს როლი სუსტდება. ბევრი ქვეყანა კარგავს ნდობას იურიდიული და ფინანსური სისტემების მიმართ“,- განაცხადა პესკოვმა.

უკრაინის პრეზიდენტის მრჩეველი, მიხაილო პოდოლიაკი საქართველოს პრემიერ-მინისტრს ირაკლი ღარიბაშვილს მიმართავს. პოდოლიაკი სოციალურ ქსელში გავრეცელებულ მიმართვაში აღნიშნავს, რომ უკრაინა ევროკავაშირის წევრობისა და დემოკრატიისთვის საფასურს იხდის. ,,რუსული რაკეტებისგან სიკვდილისთვის მოხალისეობრივად რიგში არავინ დგება, ირაკლი ღარიბაშვილო. უკრაინა საშინელ ფასს იხდის ევროპული დემოკრატიის არჩევისთვის. ევროკავშირი მაღალ ფასს იხდის თავისი ცივილიზაციის დასაცავად. ღირებულებები უფრო მნიშვნელოვანია, ვიდრე სარგებელი. თქვენთვის რა არის მნიშვნელოვანი? განაცხადის რიგის ნომერი?”- აცხადებს პოდოლიაკი.

ოლაფ შოლცმა სლოვაკეთის პრემიერ-მინისტრთან, ედუარდ ჰეგერთან შეხვედრისას განაცხადა, რომ  გერმანია უკრაინას ანტისარაკეტო თავდაცვის თანამედროვე სისტემას მიაწვდის. გერმანიის კანცლერის თქმით,  გერმანია უკრაინას არტილერიის აღმოსაჩენ რადარსაც გადასცემს. „აშკარაა, რომ უკრაინას თავდაცვისთვის დამატებითი იარაღი სჭირდება. ამ კრიტიკულ ფაზაში ჩვენ მნიშვნელოვნად ვაფართოებთ ჩვენს მხარდაჭერას. სხვა რაღაცებთან ერთად, უკრაინას თანამედროვე ანტისარაკეტო სისტემას და არტილერიის აღმოსაჩენ რადარს მივაწვდით“, – განაცხადა შოლცმა.  

თეთრი სახლის პრესმდივანის, კარინ ჟან-პიერმის განცხადებით, აშშ მუშაობს სხვა ქვეყნებთან, რათა აღკვეთოს უკრაინაში მოპარული მარცვლეულის გაყიდვა. „ჩვენ ვმუშაობთ სხვა ქვეყნებთან, რათა აღვკვეთოთ მარცვლეულის გაყიდვა, რომელიც სავარაუდოდ უკრაინიდან მოიპარეს“, – განაცხდა კარინ ჟან-პიერმა. კარინ ჟან-პიერმა აღნიშნა, რომ აშშ გააგრძელებს უკრაინის დახმარებას.

,,ევროკომისია მოუწოდებს ევროკავშირს, მიანიჭოს კანდიდატის სტატუსი ომის შედეგად განადგურებულ უკრაინას,”- აღნიშნულ ინფორმაციას გამოცემა Politico ავრცელებს. გამოცემის ინფორმაციით,  ევროკომისია რეკომენდაციას გაუწევს უკრაინისთვის ევროკავშირის კანდიდატი ქვეყნის ოფიციალური სტატუსის მინიჭებას. ამასთან, მათივე ცნობით, ევროკომისრები მხარს უჭერენ მოლდოვას, თუმცა ნაკლებად დარწმუნებული არიან საქართველოს მიმართ. „მოლდოვამ და საქართველომ ასევე გააკეთეს განაცხადი კანდიდატის სტატუსის მისაღებად. ოფიციალური პირების თქმით, კომისრები, საერთო ჯამში, მხარს უჭერენ მოლდოვას, სადაც ახლა ევროკავშირის მომხრე მთავრობაა, მაგრამ ნაკლებად არიან დარწმუნებულები საქართველოს მიმართ, რომელიც, ბოლო წლებში, განიცდის ყოვლისმომცველ პოლიტიკურ არეულობას და შესამჩნევ დემოკრატიულ უკუსვლას,“- ნათქვამია სტატიაში.

ევროპის საბჭო 2006 წელს რუსეთიდან საქართველოს მოქალაქეების მასობრივი დეპორტაციის გამო დაკისრებული კომპენსაციების გადახდას აიძულებს. საქმეს ევროსაბჭო სექტემბერში განიხილავს. რუსეთს საქართველოს 1 500 მოქალაქისთვის მორალური ზიანის მიყენების გამო 10 მილიონი ევრო უნდა გადაიხადოს. ევროსაბჭოს მინისტრთა კომიტეტი ორგანიზაციის წევრ სახელმწიფოებს მოუწოდებს შეისწავლონ ყველა შესაძლო მექანიზმი, რათა კრემლმა დაკისრებული კომპენსაცია გადაიხადოს.

უკრაინის რეზიდენტის, ვოლოდიმირ ზელენსკის განცხადებით, უკრაინა მზად არის რუსეთთან მოლაპარაკებებისთვის, თუ მოსკოვს ნამდვილად სურს ომის დასრულება. მისი თქმით, უკრაინას არ აქვს დრო, იმ მოლაპარაკებებისთვის, რომელიც არ მუშაობს. ,,ჩვენ არ გვაქვს დრო მოლაპარაკებებისთვის, რომელიც არ მუშაობს. ჩვენ ზუსტად ვიცით, რას ვაკეთებთ. ხაზს ვუსვამ, ჩვენ არ გვაქვს ეჭვები და ჩვენ მზად ვართ, ვილაპარაკოთ მხოლოდ იმ შემთხვევაში, თუ მეორე მხარე მზად არის, ომი დაასრულოს“, – განაცხადა ვოლოდიმირ ზელენსკიმ.

ქალაქ მარიუპოლის მერის მრჩეველის, პიოტრ ანდრიუშენკოს განცხადებით, რუსეთი უკრაინის ოკუპირებული ტერიტორიების სრულ იურიდიულ ანექსიას სექტემბრამდე გეგმავს. მისი თქმით,  რუსეთს უკრაინის ოკუპირებულ ტერიტორიებზე განათლების, საბანკო და საკანონმდებლო სისტემა რუსულ სისტემაზე გადაჰყავს. „გუშინ რუსეთის ახალგაზრდობის განათლების პროპაგანდის მინისტრმა განცხადების ფორმით, ისაუბრა, როგორ ჩაატარებენ საგანმანათლებლო პროცესს „რუსეთის“ დონეცკის, ლუგანსკის, ზაპოროჟიეს და ხერსონის ოლქებში. არანაირი კვაზირესპუბლიკები და სატელიტები. არაფერი იმალება“, – განაცხადა ანდრიუშენკომ.

მარიუპოლის მერის ვადიმ ბოიჩენკოს განცხადებით, ქალაქში მძიმე ჰუმანიტარული მდგომარეობაა შექმნილი. მისი თქმით, საჭიროა ადგილობრივი მოსახლეობის ევაკუაციისთვის მწვანე დერეფნის შექმნა და ამისთვის, საერთაშორისო პარტნიორებს დახმარებას სთხოვს. „სამწუხაროდ, ქალაქში სიტუაცია ძალიან რთულია, ჰუმანიტარული კატასტროფის ზღვარზეა. ამას გარდა, რთულია ეპიდემიოლოგიური მდგომარეობა, რომელიც ზაფხულში გართულდება. ბევრი მასობრივი სამარხია, რადგან რუსებმა ბევრი ადამიანი მოკლეს. არ ხდება ნაგვის გატანა. ქალაქში არ მუშაობს კანალიზაცია, თითქმის არ არის წვდომა სასმელ წყალზე. ყველაფერმა ამან შეიძლება, ინფექციური დაავადებების გავრცელება გამოიწვიოს, რის შედეგადაც, ჩვენი ექიმების მონაცემებით, ამ ზაფხულს მოსალოდნელია გარდაცვალების იმდენივე შემთხვევა, რამდენიც ამ გამანადგურებელ და სასტიკ ომს ემსხვერპლა. საუბარია ათასობით…

უკრაინის პრეზიდენტი ვოლოდიმირ ზელენსკი მორიგ ვიდეომიმართვას ავრცელებს და აცხადებს, რომ უკრაინული არმია დროებით ოკუპირებულ ყველა ტერიტორიას გაათავისუფლებს. მისი თქმით, ომის დასრულების შემდეგ, ყველაფერს, რაც დამპყრობლებმა გაანადგურეს უკრაინა აღადგენს. „ვთხოვ ყველას, ვისაც აქვს ასეთი შესაძლებლობა, ესაუბრეთ ხალხს ოკუპირებულ სამხრეთში, დონბასში, ხარკოვის ოლქში. ელაპარაკეთ მათ უკრაინაზე. უთხარით სიმართლე, უთხარით, რომ თავისუფლება იქნება. უთხარით, რომ უკრაინული არმია აუცილებლად მოვა. რა თქმა უნდა, ჩვენ გავათავისუფლებთ ჩვენს ყირიმსაც. უკრაინის დროშა კვლავ აღიმართება იალტის და სუდაკის, ჯანკოის და ევპატორიის თავზე. ყველა რუს მაღალჩინოსანს, რომელმაც მიიტაცა ძვირფასი მიწა ყირიმში, ახსოვდეს: ეს ის მიწა არ არის, სადაც ისინი მოსვენებას ნახავენ. არ არსებობს…

პრეზიდენტი ზელენსკი უკრაინასთან დაკავშირებით  გერმანიის პოზიციით უკმაყოფილოა და აცხადებს, რომ მათ დარწმუნება სჭირდებათ. „კანცლერ ემანუელ შოლცისგან გვჭირდება დარწმუნება, რომ გერმანია მხარს უჭერს უკრაინას. მან და მისმა მთავრობამ უნდა მიიღონ გადაწყვეტილება. არ უნდა იყოს მცდელობა, უკრაინასა და რუსეთთან ურთიერთობებს შორის ბალანსის შესანარჩუნებლად. უკრაინის დახმარების მხრივ პირველი იყო აშშ, ასევე სლოვაკეთი, პოლონეთი, დიდი ბრიტანეთი, ბულგარეთი, ბალტიის ქვეყნები. გერმანია და საფრანგეთი იყვნენ ბევრად მოგვიანებით.  ეს სიმართლეა“  – აცხადებს ვოლოდიმირ ზელენსკი. მისივე შეფასებით, თავდაპირველად, გერმანია უკრაინას პოლიტიკურ მხარდაჭერას დაპირდა, მაშინ, როცა ომის პირობებში, მათ არა პოლიტიკა, არამედ, რეალური დახმარება სჭირდებოდათ.  

უკრაინის საჭირო შეიარაღებით მომარაგებასთან დაკავშირებით აშშ-ის თავდაცვის მინისტრი საუბრობს. როგორც ლოიდ ოსტინი აცხადებს,  უკრაინამ მიიღო და კიდევ მიღებს საჭირო შეიარაღებას. „აშშ მზადაა, დაეხმაროს უკრაინას წარმატების მიღწევაში. ჩვენ გაითვალისწინეთ, რომ გვყავს პარტნიორები მთელი მსოფლიოდან, რომლებიც ასევე მზად არიან, დაეხმარონ უკრაინას. უკვე გავგზავნეთ უკრაინაში დიდი რაოდენობით ჰაუბიცები და მნიშვნელოვანი რაოდენობით საბრძოლო მასალა, სხვა ბევრ რამესთან ერთად, მაგრამ სხვა ქვეყნებმაც ასევე გაგზავნეს 155 ჰაუბიცა,“- აცხადებს თავდაცვის მინისტრი. როგორც ლოიდ ოსტინი აღნიშნავს, აშშ და პარტნიორები მუშაობენ უკრაინისთვის მეტი შეიარაღების მისაწოდებლად. შეგახსენებთ, რომ უკრაინულმა მხარემ მძიმე შეიარაღება, ჰაუბიცები და მრავალჯერადი გაშვების სარაკეტო სისტემები ითხოვა.