დღე: ივნისი 14, 2022

პრეზიდენტმა სალომე ზურაბიშვილმა 20 ივნისის აქციის ორგანიზატორებს მიმართა და მოუწოდა, რომ ეს აქცია გადაიდოს. „თუ დაფიქრდებიან, შეიძლება, გადაიდოს ეს გამოსვლა, რომელიც ბევრ საფრთხეს უკავშირდება.  ჩემი აზრით, არაა დრო პოლიტიკური ამბიციების გამოჩენის და საზოგადოების გახლეჩვა-გაყოფის“ – აღნიშნა პრეზიდენტმა. შეგახსენებთ, რომ 20 ივნისს ოპოზიცია მასშტაბურ აქციას გეგმავს. „ვაფრთხილებ ხელისუფლებას რაღაც განცხადებების შემდეგ, თუ მაინც ჩატარდა ეს გამოსვლა და ჩემი გადასაწყვეტია არ არის, შემიძლია, მივმართო თხოვნით. თუ მაინც ჩატარდა ეს პროტესტი, ყოველივე ექსცესზე ხელისუფლების პასუხისმგებლობა იქნება, რამეთუ დემონსტრანტების უფლება უნდა იყოს დაცული და უზრუნველყოფილი. ახლა ჩვენი ერთობის და მხოლოდ ერთობის დროა. თუ ამას შევიგნებთ, ეს იქნება…

საქართველოს პრეზიდენტის განცხადებით, ნიკა გვარამიას დაკავება უდროო და მძიმე ფორმა იყო. როგორც სალომე ზურაბიშვილი განმარტავს, თუ შედეგიანი პოლიტიკა გვინდა, ყველაფერზე დროულად უნდა ვიფიქროთ. „შეიძლება ვახსენოთ გვარამიას უდროო და სასჯელის ყველაზე მძიმე ფორმით დაკავება, როცა უკვე ვიცოდით, რომ ეს საკითხები დადგებოდა ევროპარლამენტის რეზოლუციაში. მე კი მითხრეს, სასამართლოს დროულობა არ ახასიათებსო, მაგრამ პოლიტიკას – კი. თუ გვინდა შედეგიანი პოლიტიკა, ყველაფერზე დროულად უნდა ვიფიქროთ. ასევე, აჩქარებული წესით მიყურადების კანონში ცვლილებების შეტანა – ეს ყველაფერი გარედან როგორ იკითხება. იკითხება ისე, რომ ყველა ეს ნაბიჯი გადადგმულია ისე, რომ დიდად არ ვანიჭებთ მნიშვნელობას ევროკავშირის რეაქციებს, არ ვაჩვენებთ ჩვენს…

საქართველოს პრეზიდენტი სალომე ზურაბიშვილი ამ წუთებში მედიისთვის პრესკონფერენციას მართავს. როგორც სალომე ზურაბიშვილი აცხადებს, მას ბრიუსელში ბევრი გაფუჭებული საქმე დახვდა. პრ4ზიდენტის შეფასებით, ოპოზიცია ევროპარლამენტარებთან მუშაობდა, ხელისუფლებას კი არაფერი გაუკეთებია. „დავბრუნდი საქართველოში საკმაოდ კონტრასტული ვიზიტების შემდეგ. იტალიაში მქონდა არაჩვეულებრივი მხარდაჭერა. ქვეყანა, სადაც დაიბადა ევროპა და სადაც იშვა ევროპული ცივილიზაცია. დაიწერა ევროპული კანონმდებლობა და ევროპის იდეის ინსპირატორი გახდა. მეორეს მხრივ ჩავედი ბრიუსელში ევროპული საბჭოს პრეზიდენტთან შარლ მიშელთან, სადაც დამხვდა დამძიმებული სურათი. შექმნილი ვითარებიდან გამომდინარე,  ვაპირებდი საფრანგეთსა და პოლონეთში სტუმრობას,  მაგრამ, ნურც გაფრინდები ნურც მოფრინდების ლოგიკამ გაიმარჯვა იმაზე, რაც ჩემი აზრით იქნებოდა ქვეყნის ინტერესში ამ…

,,თუ ასეთ გადაწყვეტილებას მიიღებენ, მაშინ შეიძლება ქართველმა ხალხმა მართლაც დასვას კითხვა, რა ვქნათ – დსთ-ში შევიდეთ იმისთვის, რომ ევროკავშირის წევრობის კანდიდატის სტატუსი მივიღოთ, თუ მოლდოვას მსგავსად ნეიტრალური სტატუსი გამოვაცხადოთ? – ამის შესახებ განცხადებას სოზარ სუბარი აკეთებს. სოზარ სუბარის განცხადებით, საქართველომ ევროკავშირის კანდიდატის სტატუსის მისაღებად დიდი მსხვერპლი გაიღო და რეფორმების გატარების კუთხით, საქართველო უსწრებს მოლდოვას და უკრაინას. ,,ჩვენი ქვეყნის ამოცანა არის ევროკავშირში გაწევრიანება. ეს საქართველოს კონსტიტუციაში მკაფიოდ ჩაიწერა და ერთადერთი პარტია, ვინ ამ ჩანაწერს ხმა მისცა, არის “ქართული ოცნება“. საქართველოს ხელისუფლებას გაცხადებული ჰქონდა, რომ ევროკავშირში წევრობის კანდიდატის მოსაპოვებლად 2024 წლისთვის გავაკეთებდით…

პარლამენტის თავმჯდომარე შალვა პაპუაშვილი  „დროას“ ლიდერის, ელენე ხოშტარიას განცხადებას ეხმიანება.  პაპუაშვილის განცხადებით, ნებისმიერი ნაბიჯი, რომელიც მიმართულია სახელმწიფო ინსტიტუტების დისკრედიტაციისკენ, არის შეტევა საქართველოს ევროპულ მომავალზე. „ზუსტად ასეთ ნაბიჯებზე ვსაუბრობთ, როცა ვამბობთ, რომ ოპოზიცია აკეთებს ყველაფერს, რომ ჩაშალოს საქართველოს მიერ კანდიდატის სტატუსის მიღება, ვინაიდან ნებისმიერი ნაბიჯი, რომელიც მიმართულია სახელმწიფო ინსტიტუტების დისკრედიტაციისკენ, არის ნაბიჯი, რომელიც მიმართულია საქართველოს ევროპული მომავლის დისკრედიტაციისკენ. ნებისმიერი ასეთი დამოკიდებულება თუ შეტევა სახელმწიფო ინსტიტუტების მიმართ, არის შეტევა საქართველოს ევროპულ მომავალზე“, – განაცხადა შალვა პაპუაშვილმა. შეგახსენებთ, ელენე ხოშტარიამ სასამართლო სისტემაში დასაქმებული პირების სანქცირება მოითხოვა.

საპარლამენტო უმრავლესობის წევრის, სოზარ სუბარის განცხადებით, 20 ივნისს დაგეგმილ აქციაზე მოსახლეობის დიდი ნაწილი არ მივა. მისი თქმით, ოპოზიცის დაგეგმილი ნებისმიერი აქცია, საბოლოოდ  მიდის არეულობის მცდელობამდე და ხელისუფლების შეცვლის მოთხოვნამდე. ,,გაუგებარია, როდესაც ძალიან მნიშვნელოვანი გადაწყვეტილების წინ ასეთი აქცია იმართება, თუმცა კარგად გამოჩნდა აზრთა სხვადასხვაობა და განხეთქილება, რომელიც ოპოზიციურ სპექტრშია. პრაქტიკულად უკანასკნელი სიტყვებით აგინებენ, ლანძღავენ ერთმანეთს და ერთმანეთს ეცილებიან აქციის ორგანიზატორობას. ერთი რამ, რაც ძალიან კარგად გამოჩნდა ამ ყველაფერში, არის პოლიტიკური კეთროვანი მიხეილ სააკაშვილი. სადაც მისი სახელი გამოჩნდება, იქ საპროტესტო აქციებზე ლაპარაკი ზედმეტია. ეს დაინახა ოპოზიციამაც. მხოლოდ მცირე რაოდენობის ნაცსექტანტები დარჩნენ, რომლებსაც…

საქართველოს პარლამენტის თავმჯდომარის შალვა პაპუაშვილის განცხადებით, სტატუსის მინიჭებაზე რომელიმე ქვეყნის გამორჩევა არასწორი პოლიტიკური გზავნილი იქნება. მისი თქმით, სამივე ქვეყნის მიმართ მიდგომა უნდა იყოს ერთიანი. „ბოლო პერიოდში სხვადასხვა მოდელთან დაკავშირებით გვესმის, ვხედავთ, რომ კითხვის ნიშნის ქვეშ არის პოზიტიური გადაწყვეტილებების მიღება სამივე ქვეყნის მიმართ. ვხედავთ, რომ რთულია რაიმე პროგნოზების გაკეთება, ექსპერტებსაც უჭირთ. ერთადერთი, საუბრებიდან გამომდინარე, რაც ამ დღეებშიც იყო და მანამდეც, ბრიუსელში ჩემი ვიზიტის დროს, ვფიქრობ, განწყობა იმის მიმართ, რომ ახლა გამორჩევა რომელიმე ქვეყნის იქნებოდა არასწორი პოლიტიკური გზავნილი. თუ მიდგომა იქნება, მიდგომა უნდა იყოს ერთიანი, რადგან აქ აწონ-დაწონვა, მით უმეტეს, ახლა, როცა…

,,ნაციონალური მოძრაობის” წევრის, რომან გოცირიძე აშშ-ის ელჩის კელი დეგნანის განცხადებას ეხმიანება. გოცირიძის თქმით, დეგნანმა არცთუ ისე დიპლომატიური ფორმით შეახსენა ხელისუფლებას, რომ საქართველოს დამოუკიდებლობის გარანტი არის ევროკავშირი და აშშ. ,,ეს არის პირდაპირი შეხსენება არცთუ ისე დიპლომატიური ფორმით იმის, რომ დღეს საქართველო არ იარსებებდა, რომ არა ამერიკის ფინანსური, სამხედრო და პოლიტიკური მხარდაჭერა. საქართველოს დამოუკიდებლობის გარანტი არის ევროკავშირი და აშშ, ხოლო ეს ადამიანები, რომლებიც დღეს წკავწკავებენ და ევროპას და აშშ- ს თავს ესხმიან, მომართულნი არიან ერთი მიზნით, მათთვის არ არსებობს არაფერი წმინდა, არც სამშობლო, არც მათი მომავალი, მათი ამოცანაა ივანიშვილის ძალაუფლების შენარჩუნება და…

„სტრატეგია აღმაშენებელის“ ლიდერის გიორგი ვაშაძის განცხადებით, მიმდინარეობს უმძიმესი და უბოროტესი შეთქმულება საქართველოს სახელმწიფოს და ქართველი ხალხის წინააღმდეგ. მისი თქმით, საქართველოს მასშტაბით გააქტიურებულია რუსული აგენტურული ქსელები. „ღიად უნდა ვთქვათ, რომ სახეზე გვაქვს უმძიმესი და უბოროტესი შეთქმულება საქართველოს სახელმწიფოს და ქართველი ხალხის წინააღმდეგ. დიახ, მთელი საქართველოს მასშტაბით გააქტიურებულია რუსული აგენტურული ქსელები, რომლებიც დეზინფორმაციას ავრცელებენ საზოგადოებაში. რაც ყველაზე საგანგაშოა, მათი იდეოლოგიური წყარო არის „ქართული ოცნების“ ლიდერების განცხადებები, სწორედ ის ანტიდასავლური, ანტიეროვნული და ანტიქართული განცხადებები, რომელიც გვესმის „ქართული ოცნების“ ლიდერების მხრიდან. დავდივართ რაიონებში და მინდა დაგარწმუნოთ, რომ საქართველოს მოქალაქეების განწყობა არის ერთიანი ევროპულ პერსპექტივასთან…

უმრავლესობის წევრი გურამ მაჭარაშვილი 20 ივნისს დაგეგმილი აქციის შესახებ განცხადებას აკეთებს. მისი თქმით, აღნიშნული აქცია რის წმინდა პოლიტიკური, ომის პარტიის მიერ დაანონსებული აქცია. „ის რომ 20 ივნისს „ნაციონალურ მოძრაობას“ და ომის პარტიას დაანონსებული აქვს აქცია, არავინ დაუჯერებს, რომ ეს აპოლიტიკური აქციაა. თქვენ ნახეთ სოციალურ ქსელშიც როგორი დაპირისპირება იყო. ეს დაახლოებით ისეთი განცხადებაა სალომე სამადაშვილმა რომ თქვას, ჩემ განცხადებაში არ იქნება არანაირი სიძულვილის ენა. ამას არავინ დაუჯერებს სამწუხაროდ, ასევე არავის სჯერა, რომ 20 ივნისის აქცია არის მხოლოდ და მხოლოდ ევროპისკენ სწრაფვის აქცია. ეს არის წმინდა პოლიტიკური, ომის პარტიის მიერ დაანონსებული აქცია“,…

საპარლამენტო უმრავლესობის წევრის, ირაკლი ზარქუას განცხადებით, ევროკავშირის კანდიდატის სტატუსის მიღებას საქართველო იმსახურებს. მისი თქმით, ქვეყანამ ამისთვის საკმარისი საფასური გადაიხადა. „საქართველო თუ ამ შესაძლებლობის მიღმა დარჩა, თუმცა ამის არ მჯერა, პოზიტიური მოლოდინი მაქვს სამართლიანობიდან გამომდინარე, საქართველომ გადაიტანა ამ 30 წლის განმავლობაში ყველა ის უბედურება, რაც ჩვენ გზაზე შეგვხვდა – ომები, დაპირისპირება, ქიშპობა, რუსეთთან ერთი ომი, მეორე ომი, თუ ეს არ დაუფასდა საქართველოს და ქართველ ხალხს, ამის შემდეგ ძალიან გაგვიჭირდება ჩვენი მოსახლეობის დარწმუნება. დიახ, სწორედ ევროპაა სამართლიანობა, ევროპაა უკეთესი სტანდარტები, ევროპაა კონკურენცია და ევროპაა სიმართლე. ჩვენ ძალიან ბევრი განსაცდელი გამოვიარეთ. დღეს უკრაინა იგივე ეტაპს…