დღე: ივნისი 7, 2022

„მათი მოთხოვნები ლეგიტიმურია“ – პროფკავშირების გაერთიანების თავმჯდომარე ირაკლი პეტრიაშვილი ბორჯომის ქარხანაში  დასაქმებულებს სოლიდარობას უცხადებს. „კიდევ ერთხელ გამოვხატავ სოლიდარობას ჩვენი დების და ძმების, ბორჯომის ქარხნის დასაქმებულების მიმართ. კომპანია ვალდებულია თითოეულ თანამშრომელს კუთვნილი ორი თვის ხელფასი, რომელიც არ აუღიათ,  აუნაზღაუროს. უპირობოდ უნდა აღადგინონ სამსახურიდან უკანონოდ გათავისუფლებული თანამშრომლები და გაუფორმონ უვადო შრომითი ხელშეკრულებები. ვიმედოვნებ, მედიაციის პროცესი სათანადოდ წარიმართება და დასაქმებულების სრულიად სამართლიანი  მოთხოვნები დაკმაყოფილდება“ – განაცხადა ირაკლი პეტრიაშვილმა. ბორჯომის ქარხნის დასაქმებულების გაფიცვის მერვე დღეს ბორჯომის ქახნის მიმდებარე ტერიტორიაზე რამდენიმე ინციდენტს ჰქონდა ადგილი. როგორც აგრარული მეურნეობის, ვაჭრობისა და მრეწველობის პროფკავშირის ხელმძღვანელი გიორგი დიასამიძე აცხადებს,…

საქართველოს პროკურატურა დავით ბერძენიშვილზე განხორციელებულ თავდასხმასთან დაკაშირებით განცხადებას ავრცელებს. როგორც პროკურატურაში აცხადებენ, ბრალი ერთ პირს წარუდგინეს. „შინაგან საქმეთა სამინისტროს მიერ ჩატარებული გამოძიებით დადგინდა, რომ 2022 წლის 6 ივნისს, თბილისში, რუსთაველის გამზირზე, ბრალდებულმა დავით ბერძენიშვილის მიმართ ამ უკანასკნელის პოლიტიკურ მოღვაწეობასთან დაკავშირებით, განახორციელა დევნა ჩადენილი ძალადობით. სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა მის პოლიტიკურ მოღვაწეობასთან დაკავშირებით, ჩადენილი ძალადობით) წარედგინა. პროკურატურა ბრალდებულისთვის აღკვეთის ღონისძიების სახით პატიმრობის გამოყენების თაობაზე სასამართლოს კანონით დადგენილ ვადაში მიმართავს. სისხლის სამართლის საქმეზე, დამატებითი მტკიცებულებების მოპოვების მიზნით,…

დეპუტატებმა „საჯარო სამსახურის შესახებ“ კანონში შესატან ცვლილებაზე პირველი მოსმენით იმსჯელეს და მხარი ერთხმად, 84 ხმით დაუჭირეს. ფრაქცია „ქართული ოცნების“ თავმჯდომარის პირველი მოადგილის,  გივი მიქანაძის განცხადებით, კანონპროექტით  საჯარო დაწესებულებაში სტაჟირებასთან და სტაჟიორისათვის დადგენილ ძირითად მოთხოვნებთან დაკავშირებული საკითხები წესრიგდება. მისივე თქმით, საჯარო უწყებებში სტაჟირება და სტაჟირების გავლის წესი დღეს ფაქტობრივად, ინდივიდუალურ პრაქტიკადაა ჩამოყალიბებული და საკანონმდებლო დონეზე არ არის დარეგულირებული. კანონს დაემატება ახალი თავი, რომელიც დეტალურად განსაზღვრავს სტაჟირების წესს და მითითებულია კონკრეტული კრიტერიუმები, რომლითაც უნდა მოხდეს სტაჟიორების შერჩევა. სტაჟიორად შეიძლება მიღებულ იქნეს პირი, რომელიც სწავლობს უმაღლესი განათლების პირველ (დამამთავრებელი წლის შემთხვევაში), მეორე ან მესამე საფეხურზე ან პროფესიული…

საქართველოს მესამე პრეზიდენტი, მიხეილ სააკაშვილი სოციალურ ქსელში განცხადებას ავრცელებს. სააკაშვილი აღნიშნავს, რომ მას ხშირად მოიხსენიებენ, როგორც ,,ნაციონალური მოძრაობის” ლიდერს. მისი განმარტებით, პარტიას ჰყავს ლიდერების მთელი თანავარსკვლავედი, მათ შორის დემოკრატიულად არჩეული პარტიის თავმჯდომარე, ნიკა მელია.   „ხშირად არა, მაგრამ ზოგჯერ ვუთმობ დროს ქართული პოლიტიკური გადაცემების ყურებას და მათ შორის ძალიან ბევრ ტელეგადაცემაში მომიხსენიებენ, როგორც “ნაციონალური მოძრაობის” ლიდერს. მინდა ყველას ვუთხრა, „ნაციონალურ მოძრაობას” ჰყავს ლიდერების მთელი თანავარსკვლავედი, მათ შორის დემოკრატიულად არჩეული და არა დანიშნული პარტიის თავმჯდომარე, ნიკა მელია და სწორედ ის არის დღეს პარტიის მთავარი ლიდერი. რაც შემეხება მე – მე დღესდღეობით უკვე საერთაშორისო…

„ბატონმა ივანიშვილმა, ღარიბაშვილის მეშვეობით, ახალი მესიჯბოქსი შემოგვთავაზა საზოგადოებას: თურმე, ევროკავშირში გაწევრიანებისთვის ყველა პირობა შევასრულეთ და ხელს მარტო ნაციონალური მოძრაობა გვიშლის. გამოდის, ნაციონალურ მოძრაობას იმხელა გავლენა აქვს ევროკავშირის 27-ვე ქვეყანაზე, რომ შეუძლია ჩვენი წევრობა დაბლოკოს, ან პროცესი დადებითად გადაწყვიტოს“ – აცხადებს საქართველოს პარლამენტის წევრი კახა ოქრიაშვილი. დეპუტატის კითხულობს, ამ ლოგიკით, რაში გვჭირდება „ოცნება“, თუ ნაციონალურ მოძრაობას შეუძლია ევროკავშირის წევრი გაგვხადოს, თანაც ავტომატურად, ერთი ზარით?! „ევროკავშირის ელჩი საქართველოში, კარლ ჰარცელი აცხადებს, ცუდად ხართ მომზადებულებიო  და ევროკავშირის წევრობის გზაზე ნაკისრ დემოკრატიულ რეფორმებს არ ატარებთო. ივანიშვილი კი პასუხობს, რომ ყველა პირობა შესრულებული აქვს.  აქედან…

აჭარის უმაღლესი საბჭოს სხდომაზე, აჭარის მთავრობის თავმჯდომარეს თორნიკე რიჟვაძის ანგარიშს მოუსმინეს. მოხსენების დასრულების შემდეგ, თორნიკე რიჟვაძემ დასმულ შეკითხვებს უპასუხა, რასაც ხმაური მოჰყვა. „ნაციონალური მოძრაობის“ დეპუტატმა ელგუჯა ბაგრატიონმა  რიჟვაძე ნეპოტიზმში დაადანაშაულა, რაზეც აჭარის მთავრობის თავმჯდომარემ უპასუხა, რომ დეპუტატი მას მორალს ვერასდროს წაუკითხავს. „ბატონო ელგუჯა, თქვენ და თქვენს კოლეგებს მინდა გითხრათ, რომ აქ რომ შემობრძანდით, ეს თქვენს თავმოყვარეობაზეა, ეს ერთი, მეორე მორალს და სენტენციებს მიკითხავთ, ყოველდღიურად ახსენებთ ჩემი ოჯახის წევრებს, მათ შორის მამაჩემს, თქვენც საჯარო პირი ხართ, თქვენი ოჯახის წევრები მიხსენებია ოდესმე? 1999 წელს ნასამართლევი ხართ ჯგუფური ძარცვისთვის, ავტომობილის გატაცებისთვის და ყაჩაღობისთვის. თქვენ მე მორალს ვერასდროს წამიკითხავთ“…

,,სტრატეგია აღმაშენებლის” ლიდერის გიორგი ვაშაძის განცხადებით,  ერეკლე მეფის საკითხზე დისკუსია ხელოვნურად არის გამოწვეული. „ფსევდოპატრიოტიზმი გვესმის, სად ერეკლე და სად “ქართული ოცნება”, ან სად საქართველოს ისტორია და სად “ქართული ოცნება”? გგონიათ სამშობლო უყვართ? თავიანთი თავი, ბევრი ფული და კორუფცია უყვართ, მეტი არაფერი, თორემ ასეთი დაჩაჩანაკებული არ იქნებოდა ქვეყანა. როცა არგუმენტი არ აქვს დარჩენილი მმართველ პარტიას, რაზე მიდის ხოლმე – ფსევდოპატრიოტიზმზე. გგონიათ ღარიბაშვილმა იცის ერეკლე მეფის ქმედებების შესახებ, ან სამშობლო უყვარს? მაშინ დღე და ღამე იშრომებდა, რომ კანდიდატის სტატუსი მივიღოთ, ჩვენს გულშემატკივრებს თავს კი არ დაესხმებოდა. ხალხი გიჟს ჰგავს, ნაბიჯი გადმოდგითო ეუბნებიან…

ფრაქცია „ქართული ოცნების“ თავმჯდომარის მამუკა მდინარაძის განცხადებით, ალტ-ინფოს და ,,ნაციონალური მოძრაობის” განწყობები არის ერთი მედლის ორი მხარე. მისი თქმით, ისინი ერთი და იგივე საქმეს ემსახურებიან, თუმცა განსხვავებული მეთოდებით. ,,ჩემთვის პირადად, ალტ-ინფო და მისი ეს განწყობები და ნაცმოძრაობის ქცევები და განწყობები არის ერთი მედლის ორი მხარე. ჩემი აზრით, ამით ყველაფერია ნათქვამი, ერთი მედლის ორი მხარე. ერთი და იგივე საქმეს ემსახურებიან, ოღონდ სხვადასხვა პიარული ეგიდით, ეს არის სულ, ერთ საქმეს ეხმაურებიან, საბოლოო ჯამში. ისინი ვითომ პროდასავლური ეგიდით აკეთებენ, ამის დეკლარირებით, მაგრამ  რეალურად აკეთებენ რუსულ საქმეს, მეორე მხრივ ეს ადამიანები აკეთებენ რუსულ საქმეს,…

,,სამწუხაროდ, მრჩება შთაბეჭდილება, რომ ხელისუფლებას უნდა, ეს ქვეყანა ახალგაზრდებისგან დაიცალოს, სხვანაირად მისი პოლიტიკა ვერ აიხსნება,” – ამის შესახებ პარტია „საქართველოსთვის“ წევრმა და დეპუტატმა ანა ბუჩუკურმა პარლამენტის საგაზაფხულო სესიის პლენარული სხდომაზე განაცხადა. ანა ბუჩუკური თბილისის სახელმწიფო უნივერსიტეტში მიმდინარე სტუდენტების პროტესტს გამოეხმაურა. დეპუტატმა აღნიშნა, რომ ახალგაზრდების პროტესტზე ხელისუფლების მხრიდან არანაირი გამოხმაურება არ მოყოლია. „რამდენიმე კვირაა, თბილისის სახელმწიფო უნივერსიტეტში გვესმის სტუდენტების პროტესტი, თუმცა რაც არ გვესმის – არის ხელისუფლების ადეკვატური პასუხი და რეაგირება, ამ პროცესის მიმართ ან თუნდაც ინტერესი. პრინციპში არაფერს განსაკუთრებულს ეს ახალგაზრდები და ეს ბავშვები არ ითხოვენ. ისინი ითხოვენ  ელემენტარული სოციალური…

ფრაქცია „ქართული ოცნების“ თავმჯდომარის მამუკა მდინარაძის განცხადებით, ოპოზიციამ გეგმა შეიმუშავა, რომლის მიხედვით, სტატუსის მიღების შემთხვევაში, ეს დაიბრალონ და ნეგატიური გადაწყვეტილება თუ იქნება, ხელისუფლებას დაბრალდეს. მისი თქმით, კანდიდატის სტატუსის მიღება იმ რეფორმების დამსახურებაა, რომელიც ასოცირების ვალდებულების შესრულების კონტექსტში ხორციელდებოდა. „ამ დღეების ერთ-ერთი მთავარი პარადოქსია და ამავდროულად, იშიფრება ოპოზიციის პიარული გეგმა. საქართველოსთვის თუ პოზიტიური გადაწყვეტილება იქნება, ეს დაიბრალონ, თითქოს ალდე-მ, „ევროპის სახალხო პარტიამ“ და ცალკეულმა წარმომადგენლებმა უზრუნველყვეს ეს ყველაფერი. ამ დროს სინამდვილეში ხალხზეა საუბარი, რომელიც თუკი რაიმე უნდა მოიგონო ქვეყნის შიგნით და შემდეგ გაავრცელო ქვეყნის გარეთ, ამას აკეთებენ, ცდილობენ, მათ მიეწეროს ეს…

პარლამენტის ვიცე-სპიკერმა არჩილ თალაკვაძემ საკანონმდებლო ორგანოში სიტყვით გამოსვლისას განაცხადა,რომ ოპოზიციის ერთი ნაწილის მხრიდან გაჟღერებული განცხადებები არის თვალთმაქცობის კიდევ უფრო მაღალი დონე. მისი თქმით, ხელისუფლება ძალადობას არ ახალისებს. „ეს ადამიანები თავის სამშობლოს უყენებენ პირობებს და ჩვენ გველაპარაკებიან ევროპულ ფასეულობებზე. ქალბატონ ხათუნა სამნიძეს მინდა, ვუთხრა. ძალადობის წახალისებაში ჩვენ რომ გვადანაშაულებს, სინამდვილეში, ჩვენ ვგმობთ ძალადობას, ვრეაგირებთ ძალადობაზე. აქაც პოლიციამ დროულად იმოქმედა და დაიცვა ადამიანები ძალადობისგან. ძალადობა და ძალადობის წახალისება, სინამდვილეში, არის ის, რასაც თქვენ აკეთებდით და აკეთებთ, როდესაც მთავარ მოძალადეს აცხადებთ თავისუფალი მედიის მენეჯერად. როდესაც ადამიანის უფლებების უმძიმეს დარღვევებში ბრალდებული ადამიანი გმირად გამოგყავთ…

„ამ ქვეყნის იდენტობას და მომავალს ებრძვით თქვენ, როდესაც რეალურ პრობლემებზე არ საუბრობთ და ცდილობთ საზოგადოება კიდევ უფრო დააპირისპიროთ ფსევდო პატრიოტიზმის გამო“  – ამის შესახებ „რეფორმების ჯგუფის“ თავმჯდომარემ, ხათუნა სამნიძემ პარლამენტის პლენარულ სხდომაზე განაცხადა.  „ამ ყველაფრის ნაცვლად,  გვესმის მისგან ძალადობის წახალისება, რომელსაც ადგილი აქვს ქვეყანაში და ამ წახალისებასთან ერთად, ერთგვარი მოწოდებაც, რომ მომავალშიც ყველა მოძალადე, ვინც არ ეთანხმება რომელიმე პოლიტიკოსს, პოლიტიკურ შეხედულებას – მზად იყოს, რომ მათი თავდასხმა არ იქნება დასჯილი.  თურმე ახლა მმართველი პარტიის თავმჯდომარემ უნდა ისაუბროს ეროვნულ იდენტობაზე. სინამდვილეში მისთვის ერეკლე მეორის კრიტიკა კი არ არის პრობლემა არამედ, „ქართული ოცნების“ მეფე, მთავარი…

„ქართული ოცნების“ თავმჯდომარე ირაკლი კობახიძე მთავრობის მხრიდან,  დიპლომატიური წარმომადგენლობის ხელმძღვანელთა დანიშვნასა და გათავისუფლებაზე, პრეზიდენტსა და მთავრობას შორის უფლებამოსილებების გამიჯვნაზე საკონსტიტუციო სასამართლოსთვის მიმართვას ეხმიანება. მისი თქმით, საქმე ეხება კონკრეტული ელჩების დანიშნვნაზე პრეზიდენტის მხრიდან უარს და აღნიშნული საქმე ვერავითარ შემთხვევაში არ გახდება და ვერ გახდება იმპიჩმენტის საფუძველი. „ცალსახად შემიძლია გითხრათ, რომ ეს კონკრეტული საქმე ვერავითარ შემთხვევაში არ გახდება და ვერ გახდება იმპიჩმენტის საფუძველი. შესაბამისად, ეს არის სპეკულაცია. ერთადერთი, რასაც გააკეთებს საქართველოს საკონსტიტუციო სასამართლო, ეს არის ნორმის განმარტება. ანუ განმარტავს იმას, როგორ უნდა დაინიშნონ ელჩები, ვისი მატერიალური პრეროგატივაა ელჩების დანიშვნა. ამით შემოიფარგლება საკონსტიტუციო…

„მთელი კამპანია თვეების მანძილზე იყო, რომ ოპოზიცია ებრძვის ევროკავშირის კანდიდატის სტატუსის მიღებას.  ამას წერტილი დაესვა შაბათს, როდესაც ALDE-მ (ლიბერალ-დემოკრატიული ალიანსი ევროპისთვის), სწორედ ჩვენი, ოპოზიციური პარტიების ინიციატივით, მხარი დაუჭირა საქართველოსთვის  ევროკავშირის წევრობის კანდიდატის სტატუსის მინიჭებას, EPP-მ დააინიცირა რეზოლუცია, სადაც ასევე მხარდაჭერილია ეს ყველაფერი. ამის გაგრძელებაა, რომ ევროპარლამენტის ფრაქციების ხელმძღვანელებს გააქვთ რეზოლუცია, რომელიც მხარს უჭერს საქართველოსთვის, უკრაინისა და მოლდოვისთვის ევროკავშირის კანდიდატის სტატუსის მინიჭებას.“ – ამის შესახებ საპარლამეტო პოლიტიკური ჯგუფი „რეფორმების ჯგუფი“-ს წევრმა გიორგი ვაშაძემ პლენარულ სხდომაზე განაცხადა, მისი თქმით, ხელისუფლება ცდილობს შექმნას პოლიტიკური ფონი, რომ საქართველოს არ მისცენ ევროკავშირის კანდიდატის სტატური. „თქვენ თავს ესხმით…

„ევროკავშირი, ევროცივილიზაცია საქართველოს ისტორიული არჩევანია. ამ არჩევანისკენ მიდიოდა ყველა ქართველი მეფე და რელიგიური თუ საერო მოღვაწე მიუხედავად იმისა, რომ მათ ფიზიკური შემხებლობა არ ჰქონდათ იმ გეოპოლიტიკურ სივრცესთან, სადაც ევროპული ცივილიზაცია ყალიბდებოდა“,- განაცხადა  საპარლამენტო უმრავლესობის წევრმა, საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა პარლამენტის პლენარულ სხდომაზე პოლიტიკური განცხადებების ფორმატში გამოსვლისას. მისი თქმით, სწორედ ერეკლე მეფის არჩევანი იყო ის, რაც დღეს საქართველოში რეალიზების გზაზეა. „როგორც დღეს გვეუბნებიან, თურმე ის მეფე მოღალატეა; თურმე ის ეკლესია ხელის შემშლელია, თურმე ევროკავშირში ლობირება უნდა გავუწიოთ იმ გადაწყვეტილებას, რომ  სამების ტაძრის აშენებაში, ანუ ცივილიზაციურ მშენებლობაში  ვინც იღებდა მონაწილეობას, იმ…

ირაკლი კობახიძე ევრონესტის საპარლამენტო ასამბლეის თანაპრეზიდენტის ანდრიუს კუბილიუსი და „ევროპის სახალხო პარტიის“ ვიცე-თავმჯდომარის, რასა იუკნევიჩიენეს განცხადებას ეხმიანება. მისი თქმით, ევროპარლამენტარების განცხადებას არავითარი მნიშვნელობა არ აქვს. „ანდრიუს კუბილიუსისა და რასა იუკნევიჩიენეს განცხადებას არავითარი მნიშვნელობა არ აქვს არც ჩვენთვის და არც ქართული საზოგადოებისთვის. ეს არის დაახლოებით იგივე, რომ გუბაზ სანიკიძემ და სალომე სამადაშვილმა რომ გააკეთონ ხვალ ერთობლივი განცხადება. არავითარი განსხვავება არ არის კუბილიუსსა და გუბაზ სანიკიძეს შორის, ასევე რასას და სალომე სამადაშვილს შორის. ისინი არიან „ნაცმოძრაობის“ ლობისტები, სააკაშვილის, „ნაცმოძრაობის“ მეგობრები და რა თქმა უნდა, „ნაცმოძრაობის“ მეგობარი საქართველოს მეგობარი ვერ იქნება“, – აღნიშნა კობახიძემ. ამასთან, ირაკლი კობახიძის განცხადებით, საქართველო…