დღე: ივნისი 5, 2022

რომის პაპი მსოფლიო ლიდერებს მიმართავს, ყველაფერი იღონონ, რომ უკრაინაში ომი შეაჩერონ. „გრძელდება სიკვდილის მრისხანება და ნგრევა უკრაინაში. ვრცელდება წინააღმდეგობრივი პოზიციები, რაც ასაზრდოებს ესკალაციას და რომელიც სულ უფრო საშიში ხდება ყველასთვის. კვლავ მივმართავ ეროვნულ ლიდერებს: ნუ გაანადგურებთ კაცობრიობას“  –  განაცხადა პაპმა წმინდა პეტრეს მოედანზე შეკრებილთა წინაშე ქადაგებისას. პაპი დიპლომატებს ურჩევს, მოლაპარაკებების პროცესში ჩაერთონ და ნგრევა შეაჩერონ. „გამართეთ ნამდვილი მოლაპარაკებები. ყური დაუგდეთ დატანჯული ხალხის განწირულ ხმას, რასაც ჩვენ ყოველდღე ვხედავთ მასობრივი ინფორმაციის საშუალებებში.  პატივი ეცით ადამიანურ სიცოცხლეს, ყველგან შეაჩერეთ ქალაქებისა და სოფლების საშინელი ნგრევა“, – განაცხადა რომის პაპმა.  

რუსეთის პრეზიდენტი პუტინი ისევ იმუქრება. ამჯერად, ის მუქარას ამერიკის შეერთებულ შტატებს უთვლის და აფრთხილებს. როგორც პრეზიდენტი პუტინი აცხადებს, ახალ სამიზნეებზე იერიშს მიიტანს თუ შეერთებული შტატები უკრაინისთვის დიდ რადიუსზე მოქმედი რაკეტების მიწოდებას დაიწყებს. შეგახსენებთ, რომ რუსეთმა კიევზე შტურმი დილით განახორციელა. როგორც ჩანს, აღნიშნული პუტინის გამაფრთხილებელი დარტყმა იყო. რაც შეეხება კიევისთვის დიდ რადიუსზე მოქმედი რაკეტების მიწოდების საკითხს, ის აშშ-ში აქტიურად განიხილება. ამავდროულად, შტატებმა უკრაინისგან პირობა მიიღო, რომ სისტემებს რუსეთის ტერიტორიაზე არ გამოიყენებს და მას მხოლოდ თავდასხმისგან დასაცავად გამოიყენებს.  

​დელავერის რეზიდენციიდან აშშ-ის პრეზიდენტისა და პირველი ლედის ევაკუაცია განხორციელდა. როგორც საერთაშორისო მედია ავრცელებს ინფორმაციას, ინცინდენტი უცნობ საფრენ აპარატს უკავშირდება. პრეზიდენტი და პირველი ლედი დელავერის შტატში ისვენებდნენ, როდესაც აკრძალულ საჰაერო სივრცეში მცირე ზომის კერძო თვითმფრინავი შეამჩნიეს. უსაფრთხოებიდან გამომდინარე, აშშ-ის პრეზიდენტისა და პირველი ლედის ევაკუაცია განხორციელდა. „მცირე ზომის კერძო თვითმფრინავი აკრძალულ საჰაერო სივრცეში შევიდა. მიღებულ იქნა სიფრთხილის ზომები. პრეზიდენტსა და მის ოჯახს საფრთხე არ ემუქრება“, – აღნიშნულია ოფიციალურ განცხადებაში. მოგვიანებით გაირკვა, რომ აკრძალულ ზონაში თვითმფრინავი შეცდომით მოხვდა და პილოტთან კომუნიკაციის შემდეგ, ის აღნიშნული ზონიდან გაიყვანეს.  

უკრაინული მხარის ინფორმაციით, ოკუპანტებმა კიევს შეუტიეს. კერძოდ, უკრაინის დედაქალაქში რამდენიმე აფეთქება მოხდა. როგორც კიევის მერი ვიტალი კლიჩკო აცხადებს, შესაბამისი ჯგუფები შემთხვევის ადგილზე გასულები არიან და ვითარებაში შეძლებისდაგვარად ერკვევიან. „რამდენიმე აფეთქება მოხდა. საუბარია დარნუცკის და დნიპროვსკის რაიონებში“ – აცხადებს კლიჩკო. განხორციელებული სარაკეტო თავდასხმების შედეგად, ერთი ადამიანი დაშავდა, რომელიც კლინიკაში გადაიყვანეს. კიევზე განხორციელებულ შეტევას უკრაინის გენერალური შტაბიც ადასტურებს.  

ფინეთისა და შვედეთის ალიანსში გაწევრინებასთან დაკავშირებით თურქეთს ისევ პრობლემები აქვს. როგორც პრეზიდენტის ადმინისტრაციაში აცხადებენ, ამ პრ ქვეყანას, პრობლემების გამოსწორება არც დაუწყია. „ჩვენ კონსტრუქციულად გავუზიარეთ ჩვენი მოლოდინი და შეშფოთება ჩვენს შვედ და ფინელ კოლეგებს. ხაზი გავუსვით ტერორიზმთან ბრძოლის მნიშვნელობას და ამ ქვეყნებში ისეთი კრიმინალური ორგანიზაციების წევრების ყოფნის დაუშვებლობას, როგორებიცაა PYD/YPG და ფეთულაჰ გიულენის მიმდევრები. ანკარამ ჰელსინკსა და სტოკჰოლმს გადასცა სრული ინფორმაცია ამ სტრუქტურების სისხლიანი დანაშაულების შესახებ, ასევე ტერორისტების შესახებ შვედეთსა და ფინეთში“, – აცხადებს თურქეთის პრეზიდენტის პრესმდივანი იბრაჰიმ კალინი. მისივე შეფასებით, თურქეთი დაელოდება ფინეთისა და შვედეთის მხრიდან ტერორიზმთან ბრძოლის მიმართულებით კონკრეტული…

  რომის პაპი ვატიკანში ბავშვებს შეხვდა. შეხვედრის მიზანი სხვადასხვა სასწავლო ინიციატივა და საგანმანათლებლო შესაძლებლობები იყო. შეხვედრაზე პაპს ერთ-ერთმა ბავშვმა თხოვნით მიმართა და ომში მყოფ ქვეყანაში ჩასვლა სთხოვა. „მე არ მაქვს კითხვა,  მაქვს თხოვნა. შეგიძლიათ უკრაინაში ჩახვიდეთ ყველა ბავშვის გადასარჩენად, ვინც ახლა იქ იტანჯება?“- მიმართა ბავშვმა რომის პაპს. პაპმა ფრანცისკემ კი უპასუხა, რომ უკრაინაში ჩასვლა სურს. „ბევრს ვფიქრობ ბავშვებზე, რომლებიც უკრაინაში არიან და ამიტომაც გავგზავნე კარდინალები დასახმარებლად,  რომ ხალხთან და ბავშვებთან ახლოს იყვნენ. ნამდვილად ვისურვებდი უკრაინაში წასვლას. უბრალოდ, უნდა დაველოდო დროს, ამის გასაკეთებლად. მარტივი არაა გადაწყვეტილების მიღება, რომელმაც შეიძლება მეტი ზიანი…

უკრაინულ მხარეს იმედი აქვს, რომ რუსეთი უკრაინაში ომს მიმდინარე წელს დაასრულებს. აღნიშნული შესაძლებლობის შესახებ უკრაინის თავდაცვის მინისტრმა ისაუბრა, როგორც ალექსი რეზნიკოვი აღნიშნავს, ოპტიმისტური პროგნოზებით, უკრაინის წინააღმდეგ რუსეთის სრულმასშტაბიანი ომი წელს დასრულდეს. „რუსეთი აგრძელებს ძალისხმევის გაწევას მთელი ჩვენი სახელმწიფოს ოკუპაციისთვის. შუძლებელია წინასწარმეტყველება,  როდის დასრულდება ომი, მაგრამ ჩემი ოპტიმისტური პროგნოზია, რომ რეალურია ამის გაკეთება ჯერ კიდევ მიმდინარე წელსაც. შემდეგი იქნება პოლონეთი, ბალტიის ქვეყნები, სლოვაკეთი და სხვები, ამიტომ ჩვენ უნდა შევაჩეროთ რუსეთი და შევაკავოთ მომავალში“,- აცხადებს რეზნიკოვი.