დღე: ივნისი 3, 2022

პარლამენტის ვიცე-სპიკერი გიორგი ვოლსკი პრეზიდენტის განცხადებას აფასებს და ამბობს, რომ საქართველოს პარლამენტმა სწორი გადაწყვეტილება მიიღო, რომ პრეზიდენტ ზელენსკის არ მოუსმინა. „თუ საქართველოს პრეზიდენტი ამბობს, რომ უნდა დაგვეშვა პარლამენტში ვოლოდიმირ ზელენსკის გამოსვლა, მან უნდა იცოდეს, რომ ჯერ ერთი, ასეთი თხოვნით ზელენსკის არ მოუმართავს და მეორეც, მან საკმაოდ აგრესიული განცხადებები გააკეთა“ – აღნიშნა ვოლსკიმ მედიასთან. მისივე შეფასებით,  საქართველომ უკრაინის დასახმარებლად ყველა რესურსი გამოიყენა. „არსი იმისა, რომ ჩვენ უკრაინის მიმართ რაიმე შეცდომა დავუშვით, მისივე განცხადებას ეწინააღმდეგება, რომელიც სულ ახლახან გააკეთა.  ხაზგასმით და სწორად აღნიშნა, რომ საქართველოს ყველა რესურსი გამოყენებული აქვს უკრაინის დასახმარებლად.  მიუხედავად იმისა, რომ უკრაინაში…

ქვეყნის მესამე პრეზიდენტი კლინიკაში დედამ – გიული ალასანიამ მოინახულა. როგორც მან მედიასთან განაცხადა, ვითარება უცვლელია, მისი შვილი სუსტადაა და შეიძლება, ნებისმიერ დროს წაიქცეს. „საკმაოდ სუსტადაა. მუდმივად მაქვს შიში, რომ შეიძლება ადამიანი გელაპარაკება და უცებ შეიძლება დაეცეს. ძალიან მეშინია ამ პროცესის, ძალიან სწრაფად უნდა მოხდეს სწორედ საზღვარგარეთ გადაყვანა”, – განაცხადა კლინიკიდან გამოსულმა გიული ალასანიამ მედიასთან. გიული ალასანია არ გამორიცხავს, პრეზიდენტმა სალომე ზურაბიშვილმა გადაწყვეტილება შეცვალოს და საზღვარგარეთ გაყვანაზე თანხმობა განაცხადოს.  

საქართველოს პრემიერ-მინისტრმა ირაკლი ღარიბაშვილმა ბრატისლავაში, გლობალური უსაფრთხოების  ფორუმზე სიტყვით გამოსვლისას განაცხადა, რომ საქართველომ ევროპეიზაციისთვის ხელშესახებ შედეგებს მიაღწია. მისი თქმით, ასოცირების ხელშეკრულების 45 პროცენტი უკვე შესრულდა და ლიდერია აღმოსავლეთ პარტნიორობის ქვეყნებში ,,ჩვენ შევასრულეთ საშინაო დავალება, ველოდებით ევროკავშირის გადაწყვეტილებას, უნდა გავიგოთ, რომ სტატუსის მინიჭება ან არმინიჭება არის პოლიტიკური გადაწყვეტილება, ეს გახლავთ სტრატეგიული და ასევე მორალური თემა. ბოლო რამდენიმე წლის განმავლობაში ჩვენ განვახორციელეთ ძალზე ამბიციური რეფორმები, 2012 წლიდან ყველა მიმართულებით, სასამართლო, მასმედიის თავისუფლება, კანონის უზენაესობის სფეროში, დემოკრატიის კონსოლიდაციის სფეროში. 2014 წელს ასოცირების ხელშეკრულებას მოვაწერეთ ხელი და ეს არის ძირითადი გეგმა ჩვენი ქვეყნისთვის, საქართველოს…

მიხეილ სააკაშვილის დედის, გიული ალასანიას განცხადებით, ალტერნატიული ექსპერტიზის დანიშვნის მიზეზი შესაძლოა, პროცესის გაჭიანურება იყოს. მისი თქმით, სააკაშვილი ავად არის და დრო არ ითმენს. „ის, რომ პროცესის გაჭიანურება სურთ, ჩემთვის უკვე დიდი ხანია ნათელია, მაგრამ ამ შემთხვევაში, არ შეიძლება, დაუშვებელია იმიტომ, რომ ჩვენ დრო არ გვაქვს, სულ ამას ვიმეორებ. სწრაფად უნდა მოხდეს ყველაფერი იმიტომ, რომ ადამიანი მართლა ავად არის, მართლა პრობლემა აქვს და არ ვიცი, რას ემსახურება ეს გაჭიანურება. ალბათ, სჯობს, რომ გაერთიანებული ექსპერტიზა ჩატარდეს”,-განაცხადა გიული ალასანიამ.

„ნაციონალური მოძრაობის” წევრი რომან გოცირიძე სალომე ზურაბიშვილის განცხადებას ეხმიანება, რომლის თქმითაც  ხელისუფლება დასავლელ პარტნიორებზე თავდასხმით უპასუხისმგებლობას და დანაშაულს სჩადის. რომან გოცირიძის განცადებით, ზურაბიშვილმა ხელისუფლება ამხილა იმაში, რომ არ დგას უკრაინის გვერდით. „ზურაბიშვილის განცხადება იყო უმძიმესი ბრალდება „ქართული ოცნების” მიმართ, სხვათა შორის, არცთუ ისე დიპლომატიური ენით. ყველა თემას შეეხო, განსაკუთრებით მათ მთავარ იდეოლოგიურ საყრდენს, რომ თურმე ვიღაცები ქვეყანაში თუ საზღვარგარეთ ომის მომხრეები არიან, ზურაბიშვილმა თქვა, რომ ეს არის აბსურდი და მთლიანად ჩამოუშალა “ქართულ ოცნებას” პროპაგანდისტული მანქანის მიერ განხორციელებული ზეწოლა მოქალაქეებზე. ფაქტობრივად, ამხილა იმაში, რომ არ უდგას ხელისუფლება უკრაინას გვერდით. ჯუჯა სახელმწიფო…

პარლამენტის თავმჯდომარე შალვა პაპუაშვილი სასამართლო სისტემასთან დაკავშირებით სალომე ზურაბიშვილის განცხადებას ეხმიანება. პაპუაშვილის თქმით, ეპითეტებით საუბრის ნაცვლად საჭიროა არგუმენტები. „ჩვენ მოვისმინეთ ეპითეტი, მაგრამ არ მოვისმინეთ არგუმენტი, ეს არის მნიშვნელოვანი. განსაკუთრებით, როდესაც ასეთი მძიმე ეპითეტებით მოიხსენიება ესა თუ ის კონსტიტუციური ორგანოები, ამას სულ მცირე უნდა მოყვეს არგუმენტი. აქ საკმარისი არ არის, რომ ვიღაცამ გააკრიტიკა, ვიღაცამ ასე თქვა და ვიღაცამ ისე თქვა. აქ მნიშვნელოვანია არგუმენტი, ჩვენ ვსაუბრობთ კონსტიტუციურ ორგანოზე, როდესაც ერთი კონსტიტუციური ორგანო მეორე კონსტიტუციურ ორგანოს ასეთი ეპითეტით ამკობს. ამ კუთხით მნიშვნელოვნად მიმაჩნია, რომ იყოს არგუმენტები. სწორედ ამიტომაც, პარლამენტში შექმნილია ჯგუფი, რომელშიც ოპოზიციაც…

საქართველოში ესტონეთის ელჩის რინა კალიურანდის განცხადებით, ევროკავშირის წევრობის კანდიდატის სტატუსის მიღება არ იქნება დაფუძნებული ერთ სამართლებრივ საქმეზე. მისი თქმით, კანდიდატის სტატუსის მიღება დამოკიდებული იქნება მართლმსაჯულების ფუნქციონირების ზოგად შეფასებაზე. „ჩემთვის რთულია, კომენტარი გავაკეთო რომელიმე სპეციფიკურ სამართლებრივ საქმეზე. ვფიქრობ, ევროკავშირის წევრობის კანდიდატის სტატუსის მიღება არ იქნება დაფუძნებული ერთ სამართლებრივ საქმეზე, ის დამოკიდებული იქნება მართლმსაჯულების ფუნქციონირების ზოგად შეფასებაზე. საქართველოს აქვს კარგი პროგრესი ამ მიმართულებით, მაგრამ წინ გასავლელი კიდევ ძალიან, ძალიან გრძელი გზაა. იმედი მაქვს, ეს ბოლო სამართლებრივი საქმეები არ ეფუძნება რაიმე სახის პოლიტიკურ გადაწყვეტილებას. ჩვენ მხარს ვუჭერთ თავისუფალ და დამოუკიდებელ სასამართლო პროცესებს, მათთან…

ალეკო ელისაშვილი სალომე ზურაბიშვილის განცხადებას ეხმიანება, რომლის თქმითაც ოპოზიცია ხელისუფლების შეცდომებით სარგებლობს და  ბრიუსელში დადიან. ელისაშვილის თქმით, საქართველოს საწინააღმდეგო განცხადებებს არ აკეთებს  და პრეზიდენტის კრიტიკას საკუთარ თავზე ვერ მიიღებს. „პრეზიდენტის განცხადებას აბსოლუტურად ვეთანხმები, რადგან „ქართული ოცნება“ მიეჩვია ევროპარლამენტარებზე ისე ლაპარაკს, როგორც მიჩვეულია საკუთარ ოპონენტებთან და მათ ნაწილს უკვე ეძახის კიდეც „ნაციონალური მოძრაობის“ წარმომადგენლები არიანო. ეს რაღაც საყმაწვილო სენია, რომ იმ ადამიანებს ლანძღავ, რომელთაც გადაწყვეტილება უნდა მიიღონ საქართველოს ევროპის პერსპექტივაზე. რა თქმა უნდა, აქ ზოგიერთი ჩვენი ოპოზიციონერი კოლეგაც სცოდავს, რომელიც სახელმწიფო მნიშვნელობის საკითხს და პარტიულ შიდა ინტერესებს ვერ ანახვავებს და ამით შეგნებულად აზიანებენ ქართულ სახელმწიფოს.…

პარლამენტის ვიცე-სპიკერი დავით სერგეენკო სალომე ზურაბიშვილის განცხადებებს აფასებს, რომლის თქმითაც ნიკა გვარამიას დაკავების შესახებ გადაწყვეტილება პოლიტიკურად დროული არ იყო. სერგეენკოს თქმით, სავსებით მისაღებია პრეზიდენტს  მმართველი პარტიისგან განსხვავებული შეხედულება ჰქონდეს. ,,მართლმსაჯულების პროცესი დამოუკიდებელი უნდა იყოს და სასამართლოს გადაწყვეტილებები ადგილობრივ თუ საერთაშორისო პოლიტიკურ ვითარებასთან არ უნდა სინქრონიზირდებოდეს. საქართველოს პრეზიდენტის განცხადებები ყოველთვის მნიშვნელოვანია, თუმცა არ უნდა დაგვავიწყდეს, რომ პრეზიდენტი რომელიმე პარტიის წარმომადგენელი არ არის. მან კენჭი როგორც დამოუკიდებელმა კანდიდატმა იყარა და არანაირი ვალდებულება არ არის, რომ პრეზიდენტისა და მმართველი პარტიის პოზიციებს შორის აბსოლუტური სინქრონი იყოს – პოლიტიკური პროცესია, შეიძლება პრეზიდენტს სხვა შეხედულება ჰქონდეს,…

პარლამენტის თავმჯდომარე შალვა პაპუაშვილი სალომე ზურაბიშვილის განცხადებას ეხმიანება, რომლის თქმითაც თუ მიხეილ სააკაშვილის  მკურნალობა საქართველოში ვერ ხერხდება, მაშინ ხელისუფლებამ მისი საზღვარგარეთ გაყვანა ან უცხოელი ექიმის ჩამოყვანა უნდა უზრუნველყოს. შალვა პაპუაშვილის განცხადებით, როდესაც რამე სერვისი საჭირო იყო, ყველა სერვისი მიეწოდებოდა მიხეილ სააკაშვილს. „მიხეილ სააკაშვილის სახელთან დაკავშირებით არის ორი განზომილება. ერთი, მიხეილ სააკაშვილმა დადასტურებულად ჩაიდინა ორი დანაშაული. ეს არის სანდრო გირგვლიანისა და ვალერი გელაშვილის საქმე, ეს არის დადასტურებული. არავის ამ ქვეყანაში ეჭვი არ ეპარება ამ საკითხში, თუკი, ის მიკერძოებული არ არის. შესაბამისად, დანაშაულის გამო სასჯელი ყველა ადამიანმა უნდა მოიხადოს. სხვათა შორის, ამ ბოლო პერიოდში რასაც…

საქართველოს პარლამენტის თავმჯდომარე შალვა პაპუაშვილი,  საქართველოს პრეზიდენტის სალომე ზურაბიშვილის განცხადებას ეხმიანება, რომლის თქმითაც  ვოლოდიმირ ზელენსკისთვის შესაძლებლობა უდნა მიეცათ, საქართველოს პარლამენტისთვის სიტყვით მიემართა. პაპუაშვილის განცხადებით, ზელენსკის თავად არ გამოუთქვამს სურვილი საქართველოს პარლამენტისთვის სიტყვით მიემართა. „რაც შეეხება პრეზიდენტ ზელენსკის ჩართვას, მთელი საკითხი იმაშია, რომ მგონი, ყველას დაავიწყდა, პრეზიდენტს ზელენსკის არც არასდროს გამოუთქვამს სურვილი პარლამენტს ჩართვოდა. ყველას კარგად გახსოვთ, რომ ეს „ნაციონალური მოძრაობის“ იდეა გახლდათ. ასე რომ, მე არ ვიცი საერთოდ ეს საკითხი საიდან დადგა, ვინაიდან არ ყოფილა არცერთი მომენტი, როდესაც მას ასეთი სურვილი ჰქონდა გამოთქმული“, – განაცხადა შალვა პაპუაშვილმა.

კულტურის მინისტრი, თეა წულუკიანს სალომე ზურაბიშვილის განცხადებას ეხმიანება, რომლის თქმითაც, იკა გვარამიას დაკავების შესახებ გადაწყვეტილება არ იყო პოლიტიკურად დროული. წულუკიანის თქმით, ამ ქვეყანაში ყველამ უნდა ისწავლოს მოსამართლის და მისი გადაწყვეტილების პატივისცემა. „ალბათ, ყველამ უნდა ვისწავლოთ ამ ქვეყანაში მოსამართლის პატივისცემა. მოსამართლე იმიტომ არის მოსამართლე, რომ მისი გადაწყვეტილება ვიღაცას არ მოსწონდეს. სასამართლო პროცესში ყოველთვის არის ორი მხარე და არასდროს არ გამოდის ისე, რომ ორივე მხარემ მოიგოს დავა. როგორც წესი, ერთი იგებს, მეორე აგებს. როდის გამოიტანს მოსამართლე გადაწყვეტილებას და რა გადაწყვეტილებას გამოიტანს, ეს არის მხოლოდ მოსამართლის საქმე. ხანდახან ისე ჩანს, რომ მსოფლიოს ყველა…

„გირჩის“ წევრის, ჰერმან საბოს განცხადებით, სალომე ზურაბიშვილიც პოზიციები სრულ თანხვედრაშია პარტია ,,გირჩის” პოზიციასთან. მისი თქმით, რიტორიკის ნაწილში მმართველ გუნდს უფრო რბილად რომ ესაუბრა, კანდიდატის სტატუსის მიღების გაცილებით მაღალი შანსი ექნობდა საქართველოს. „​ვთვლით, რომ ხელისუფლებას ყველა ბერკეტი აქვს, კანდიდატის სტატუსს პროცესს უფრო მომზადებული შევხვედროდით. რიტორიკის ნაწილში მმართველ გუნდს უფრო რბილად რომ ესაუბრა, შეიძლება, ჩვენი შანსები უფრო მეტად მაღალი ყოფილიყო. ფაქტები არ მაქვს, რომ ჩვენი რომელიმე ოპოზიციონერი კოლეგა ასეთ საქმიანობას ეწეოდეს. იმ პროცესის პარალელურად, რასაც ახლა საქართველო გადის, არ შეიძლება, პირად პარტიულ ინტერესებს ყველაფერი გადავაყოლოთ. ხელისუფლების მიმართ ჩვენი კრიტიკა მაქსიმალურად მოზომოლი უნდა…

„ლელოს“ წევრი ანა ნაცვლიშვილი სალომე ზურაბიშვილის განცხადებას ეხმიანება, რომლის თქმითაც, უმრავლესობის წევრებისგან  დაუფიქრებელი და არასაჭირო განცხადებები ისმის. ნაცვლიშვილის განცხადებით, როდესაც კანდიდატის სტატუსზე უნდა იმსჯელოს ევროკავშირმა პრეზიდენტის განსხვავებული პოზიციები გასაკვირი არ არის. „გასაკვირი არ არის, რომ პრეზიდენტი ხაზგასმით ცდილობს ჰქონდეს განსხვავებული პოზიციები, განსაკუთრებით ახლა, როცა კანდიდატის სტატუსზე უნდა იმსჯელოს ევროკავშირმა და არაერთი მწვავე საკითხია ქვეყნის შიგნით. „ქართულ ოცნებას“ აქვს იმდენად არასწორი ხაზი და გეზი, რომ ყველა გონიერი პოლიტიკური ფიგურა ცდილობს არ იჯდეს იმავე ნავში, რომელშიც ზის „ქართული ოცნება“, რადგან ეს ნავი ცუდი მიმართულებით მიდის, ამიტომ გასაკვირი არ არის ჩემთვის, როცა პრეზიდენტი…

მიხეილ სააკაშვილის ჯანმრთელობის მდგომარეობის შესწავლაში სამხარაულის ექსპერტიზის ეროვნული ბიურო ერთვება. სააკაშვილის ადვოკატის,  შოთა თუთბერიძის  განცხადებით, ხელისუფლება თავისი პოლიტიკური მიზნების მისაღწევად მის ხელთ არსებულ კიდევ ერთ ინსტრუმენტს იყენებს. ,,ახლა, როდესაც ცენტრმა ემპათიამ დაიწყო ნეიტრალური ექსპერტიზის ჩატარება, სწორედ ახლა გადაწყვიტა სპეციალურმა საგამოძიებო სამსახურმაც სამხარაულისთვის მიემართა და ექსპერტიზის ჩატარების მხრივ ინფორმაცია გაევრცელებინა. ბუნებრივია, ეს იმას ნიშნავს, რომ ხელისუფლება იყენებს კიდევ ერთ მის ხელთ არსებულ ინსტრუმენტს სწორედ თავისი პოლიტიკური მიზნების მისაღწევად და ცდილობს გამოიყენოს ეს სამსახური ან სხვისი დასკვნის გასაშავებლად, რეპუტაციის შესალახად ან საკუთარი პოზიციის გასამყარებლად”, – განაცხადა  შოთა თუთბერიძემ.