დღე: მაისი 25, 2022

უკრაინის გენერალური პროკურატურის ინფორმაციით, რუსეთის სამხედრო აგრესიას უკრაინაში 238 ბავშვი ემსხვერპლა, 433-ზე მეტი კი დაშავდა. უწყების ინფორმაციით, ყველაზე მეტი ბავშვი დაზარალდა დონეცკის ოლქში – 149, კიევის ოლქში – 116, ხარკოვის ოლქში – 104, ჩერნიგოვის ოლქში – 68, ლუგანსკის ოლქში – 50, ხერსონის ოლქში – 49, ნიკოლაევის ოლქში – 45, ზაპოროჟიეს ოლქში – 28, სუმის ოლქში – 17, დედაქალაქში – 16,  ჟიტომირის ოლქში – 15. ოკუპანტის  ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 1 848 სასწავლო დაწესებულება, საიდანაც 173 მთლიანად განადგურებულია. აქტიური საომარი მოქმედებების გამო, დაღუპულთა და დაშავებულთა…

უკრაინის სამხედრო ძალების ინფორმაციით, ლუგანსკის და დონეცკის რაიონებში 24 მაისს რუსული ძალების მასობრივი თავდასხმების შედეგად სულ მცირე 14 მშვიდობიანი მოქალაქე დაიღუპა და 15 დაშავდა. სამხედროების ცნობით, ოკუპანტებმა გამოიყენეს მრავალჯერადი სარაკეტო გამშვები მოწყობილობა, არტილერია, ტანკები, ნაღმტყორცნები და რაკეტები. ვოლოდიმირ ზელენსკის განცხადებით, დონბასის რეგიონში მდგომარეობას უკიდურესად მძიმეა. მისი თქმით, რუსული ჯარების მიზანია, აღმოსავლეთ უკრაინის მთავარ ქალაქებში ყველაფერი გაანადგურონ.

აშშ-ის სახელმწიფო დეპარტამენტის წარმომადგენელის, ნედ პრაისის განცხადებით, აშშ შეშფოთებულია თურქეთის პრეზიდენტის, რეჯეპ ტაიპ ერდოღანის მიზნებით, სირიის სამხრეთ საზღვართან ახალი სამხედრო ოპერაციის დაწყების შესახებ. პრაისის თქმით, აღნიშნული ოპერაცია საფრთხეს შეუქმნის რეგიონის სტაბილურობას. „შეშფოთებული ვართ ჩრდილოეთ სირიაში პოტენციურად გაზრდილი სამხედრო აქტივობებით. ვაღიარებთ  სამხრეთ საზღვრის უსაფრთხოებასთან დაკავშირებით თურქეთის ლეგიტიმურ წუხილს, მაგრამ ნებისმიერი ახალი შეტევა კიდევ უფრო მეტად გამოუთხრის ძირს რეგიონის სტაბილურობს და საფრთხეს შეუქმნის ამერიკის სამხედრო ძალებს და „აისისის“ წინააღმდეგ არსებულ კამპანიას“, – განაცხადა ნედ პრაისმა. რეჯეფ თაიფ ერდოღანი სირიაში ქურთების წინააღმდეგ ახალ სამხედრო ოპერაციას გეგმავს

უკრაინის პრეზიდენტი ვოლოდიმირ ზელენსკი მორიგ ვიდეომიმართვას ავრცელებს. ზელენსკის განცხადებით, დონბასში კრიტიკული ვითარებაა და რუსული მხარის მთელი სამხედრო რესურსი, ამ რეგიონისკენაა მიმართული. ,,ეს არის რუსი ოკუპანტების სამთვიანი ომის დანაშაულები. თავდასხმების, ნგრევის, ბლოკადისა და ჩვენი ხალხის მასობრივი ექსპლუატაციის სამი თვე. ყოველთვის უნდა გვახსოვდეს, რომ ჩვენ ამ სამ თვეს გადავურჩით ათიათასობით ადამიანის წყალობით, ვინც იცავს სახელმწიფოს და ოკუპანტების მიერ მოკლული უკრაინელი კაცებისა და ქალების ათიათასობით სიცოცხლის ფასად. დაიღუპა თითქმის 30 000 რუსი ჯარისკაცი. 200-ზე მეტი ჩამოგდებული თვითმფრინავი, ათასობით დაკარგული რუსული ტანკი, ჯავშანტექნიკა და სხვა აღჭურვილობა. რუსული სარაკეტო საბრძოლო მასალა თითქმის მთლიანად არის გამოყენებული და ტყუილებით უნდათ…

უკრაინის პრეზიდენტის ვოლოდიმირ ზელენსკის განცხადებით, რუსეთთან მოლაპარაკებები განახლდება მას შემდეგ, რაც ოკუპანტი ქვეყანა 24 თებერვლის შემდეგ მიტაცებულ უკრაინის ტერიტორიებს დააბრუნებს. „დარწმუნებული ვარ, რომ უნდა დავიბრუნოთ ჩვენი ყველა ტერიტორია, მაგრამ ამისთვის საფასურის გადახდა მოგვიწევს. ჩვენ იმ ტერიტორიების დაბრუნებაც გვსურს, რაც 24 თებერვლის შემდეგ მიიტაცეს. ამის შემდეგ დავბრუნდებით მოლაპარაკების მაგიდასთან“, – განაცხადა ზელენსკიმ. უკრაინის პრეზიდენტის განმარტებით, რუსეთის მიერ დაკავებული ტერიტორიების გათავისუფლების გარეშე მოსკოვთან ცეცხლის შეწყვეტის შესახებ დიალოგი რთული იქნება. ამასთან, ზელენსკის განცხადებით, ყირიმი და დონბასი უკრაინის კუთვნილებაა, მაგრამ ახლა მთვარი ამოცანა ბოლო სამი თვის განმავლობაში მიტაცებული ტერიტორიების დაბრუნებაა. „მსოფლიო უკრაინას სამ დღეს…

ინფორმაციას უკრაინული მედიის ინფორმაციით, კანადა უკრაინას 20 000 საარტილერიო საბრძოლო მასალას გადასცემს. არსებული ინფორმაციით, აღნიშნული სამხედრო მასალა კანადამ ამერიკის შეერთებული შტატებისგან დაახლოებით 98 მილიონ დოლარად შეიძინა. მათი გამოყენება საარტილერიო ქვემეხებიდან, მათ შორის M777 ჰაუბიცებიდანაცაა შესაძლებელი.  დახმარება უკრაინას უკვე გაეგზავნა. მედიის ცნობით, უკრაინისთვის დამატებითი სამხედრო დახმარების გამოყოფა  კანადის თავდაცვის მინისტრმა ანიტა ანანდმა დაანონსა.

უკრაინის თავდაცვის უწყების ინფორმაციით, უკრაინელმა სამხედროებმა კიდევ ერთი რუსი გენერალი გაანადგურეს. საუბარია გენერალ-მაიორი კანამატ ბოტაშევზე. გავრცელებული ინფორმაციით, უკრაინელენებმა თვითმფრინავი – „სუ 25“ ჩამოაგდეს, რომელსაც გენერალი თავად მართავდა.  

ამერიკის შეერთებულ შტატებში, ტეხასის შტატში, ერთ ერთ სკოლაში ცეცხლსასროლი იარაღით თავდასხმა განხორციელდა. სროლის შედეგად მოსწავლეები და მასწავლებელი დაიღუპა. არსებული ინფორმაციით, დაწყებით სკოლაში გარდაცვლილია 14 მოსწავლე და ერთი მასწავლებელი. არიან დაშავებულებიც, რომლებიც კლინიკებში გადაიყვანეს. თავდამსხმელი კი 18 წლის მამაკაცი იყო, რომელიც გაქცევისას პოლიციელების ტყვიას ემსხვერპლა.