დღე: მაისი 19, 2022

ბრიტანეთის პრემიერ მინისტრმა და უკრაინის პრეზიდენტმა დახმარების მორიგ ეტაპზე ისაუბრეს. როგორც ბორის ჯონსონმა ვოლოდიმირ ზელენსკისთან აღნიშნა, ბრიტანეთი უკრაინას 1.3 მილიარდი ფუნტი სტერლინგის სამხედრო დახმარებას გაუწევს. სამხედრო დახმარების შემადგენლობაში შორ მანძილზე მოქმედი არტილერია, ხომალდსაწინააღდმდეგო რაკეტები და უპილოტო თვითმფრინავები იქნება. მხარეებმა რუსეთის შეჩერების ვარიანტებიც განიხილეს. ბრიტანეთი უკრაინის ერთ-ერთი მსხვილი მხარდამჭერია.

მეტი...

უკრაინის ქალაქ მარიუპოლში მდებარე მიწასთან გასწორებულ „აზოვსტალის ფოლადის ქარხნიდან“ უკრაინელი მებრძოლების გამოყვანის პროცესი გრძელდება. რუს სამხედროებს ისინი რუსეთის მიერ კონტროლირებად ტერიტორიებზე გადაჰყავთ. უკრაინულ მხარეს იმედი აქვს, რომ მათ სამხედროები უვნებლები დარჩებიან და მალე ქვეყანაშიც დაბრუნდებიან. გამოყვანის პროცესში ჩართულია გაერო და „წითელი ჯვარი“. რუსეთის პროკურატურა კი მათ დაკითხვას უწყობს. რა ბედი ელით „აზოვსტალელებს,“  უცნობია. უკრაინული მხარე კი მათ რუს ტყვეებში გაცვლას ელოდება.  

მეტი...

ნატო-ს გენერალური მდივნის შეფასებით, თურქეთის კრიტიკა და შეშფოთება ალიანსში ფინეთისა და შვედეთის გაწევრიანებასთან დაკავშირებით გასათვალისწინებელია. როგორც იენს სტოლტენბერგმა აღნიშნა, როდესაც თურქეთი, ალიანსის ძლიერი მოკავშირე შეწუხებულია აღნიშული საკითხით, მოლაპარაკება და საერთო ენის გამონახვა უნდა მოხდეს. „ნამდვილად მნიშვნელოვანი და ისტორიული გადაწყვეტილებების მიღება ხდება. მივესალმები, რომ ფინეთმა და შვედეთმა ნატო-ში გაწევრიანების შესახებ განაცხადი წარადგინეს. აღნიშნულთან დაკავშირებით, გათვალისწინებული უნდა იყოს ყველა მოკავშირის ინტერესები და შეშფოთებები. დარწმუნებული ვარ, რომ სწრაფ გადაწყვეტილებამდე მივალთ, რომ მივესალმოთ შვედეთსა და ფინეთს ნატო-ს ოჯახში. როდესაც ისინი გაწევრიანდებიან, ევროკავშირის მოსახლეობის 96% ნატო-ს ქვეყანებში იცხოვრებს“, – აღნიშნა იენს სტოლტენბერგმა დანიის პრემიერ-მინისტრთან ერთობლივ პრესკონფერენციაზე.…

მეტი...

ამერიკის შეერთებული შტატების პრეზიდენტი შვედეთის პრემიერ-მინისტრსა და ფინეთის პრეზიდენტს მასპინძლობს. შეხვედრის თემა ალიანსში გაწევრიანების საკითხია. შვედეთის პრემიერ-მინისტრ მაგდალენა ანდერსონსა და ფინეთის პრეზიდენტ საული ნიინისტოს აშშ-ის პრეზიდენტი თეთრ სახლში მასპინძლობს. ჯო ბაიდენი ღიად აფიქსირებს, რომ ის მხარს უჭერს ამ ორი ქვეყნის ალიანსში გაწევრიანებას. შეხვედრის დასრულების შემდეგ კი სამი ქვეყნის ლიდერი ოფიციალურ განცხადებას გააკეთებს. შეგახსნებთ, რომ ბოლო რამდენიმე დღეა, ფინეთისა და შვედეთის ალიანსში გაწევრიანება ხმაურის მიზეზი გახდა. კერძოდ, თურქეთი წინააღმდეგია, ეს ორი ქვეყანა ალიანსის წევრი გახდეს, რადგანაც მათ ტერორისტების მფარველობაში ადანაშაულებს.

მეტი...

უკრაინის ეროვნული უსაფრთხოებისა და თავდაცვის საბჭოს მდივანის, ალექსეი დანილოვის განცხადებით, ომი მაისში ან ერთ კვირაში ვერ დასრულდება. მისი თქმით, ფრონტზე არსებული სიტუაცია დამოკიდებული იქნება დასავლური შეიარაღების მიწოდებაზე. „ის ადამიანები, რომლებიც ამბობენ, რომ ომი დასრულდება მაისში ან ერთ კვირაში, მიამიტები არიან. ეს არის ძალიან რთული და მრავალკომპონენტიანი პროცესი, ჩვენი პარტნიორების დახმარება იარაღით არის დღეს საკვანძო მომენტი სიტუაციის განსაზღვრისთვის. იმის მიხედვით, თუ რისი მოწოდება და რა ვადებში მოხდება, სასწორი გადაიხრება ხან ერთ და ხან მეორე მხარეს“, – განაცხადა ალექსეი დანილოვმა.  

მეტი...

მარიუპოლში მდებარე ,,აზოვსტალის” ქარხანა კვლავ იბომბება.  ქარხნის ტერიტორიიდან განხორცილებული ევაკუაციის მიუხედავად,  ოკუპანტები ტერიტორიაზე დარჩენილი სამხედროების ბლოკადას აგრძელებენ. ქალაქის მერის, ვადიმ ბოიჩენკოს განცხადებით, ოკუპანტების მიერ მარიუპოლში ჩამოგდებული ყველა ბომბის სიძლიერე ხიროსიმას და ნაგასაკის ატომური ბომბების სიძლიერეს აღემატება. ქალაქის მერმა ოკუპანტების უკრაინელი ერის წინაშე ჩადენილ გენოციდში დაადანაშუალა. ამ დროისთვის მძიმე ვითარებაა დონეცკის ოლქის სხვა ქალაქებშიც. მტერმა იერიში მიიტანა ქალაქ ბახმუტში, 5 სართულიან საცხოვრებელ კორპუსზე, რომელის ნაწილიც მთლიანად განადგურდა. ოლქის გუბერნატორის განცხადებით, მაშვლებმა ნანგრევებიდან 6 ადამიანი ამოიყვანეს, მათ სიცოცლხეს საფრთხე არ ემუქრება.  

მეტი...

უკრაინის საგარეო საქმეთა მინისტრი, დმიტრო კულება უკრაინის ევროკავშირში გაწევრიანების შესახებ განცხადებას სოციალურ ქსელ Twitter-ში ავრცელებს. მისი თქმით, გაურკვევლობა უკრაინის ევროპული პერსპექტივის შესახებ უნდა დასრულდეს. „სტრატეგიული გაურკვევლობა უკრაინის ევროპული პერსპექტივის შესახებ, რომელსაც ბოლო წლებში ევროკავშირის ზოგიერთი წევრი სახელმწიფო ახორციელებდა, წარუმატებელი აღმოჩნდა და უნდა დასრულდეს. ამან პუტინი მხოლოდ გაათამამა. ჩვენ არ გვჭირდება სუროგატები ევროკავშირის კანდიდატის სტატუსისთვის, რაც უკრაინის მიმართ მეორეხარისხოვან მოპყრობას ცხადყოფს და უკრაინელების გრძნობებს შეურაცხყოფს“, – წერს დმიტრო კულება  Twitter-ზე.

მეტი...

გერმანიის კანცლერის ოლაფ შოლცის განცხადებით,  უკრაინაში მიმდინარე ომი ევროკავშირის ისტორიაში ყველაზე დიდი კრიზისია. „მშვიდობა მხოლოდ ის არის, რაც შეგვიძლია თავისთავად მივიღოთ, თუ მზად ვართ, დავიცვათ იგი. ეს არის გაკვეთილი, რომელიც ჩვენ უკრაინაზე რუსეთის სასტიკი თავდასხმისგან ვისწავლეთ“, – განაცხადა ოლაფ შოლცმა. გერმანიის კანცლერის განმარტებით, უკრაინაში ომი  გარდამტეხი მომენტია და ევროკავშირის წევრი ქვეყნები,  მას დაუპირისპირდებიან. „ჩვენ ყველას ერთი მიზანი გვაქვს – რუსეთმა არ უნდა გაიმარჯვოს ამ ომში. უკრაინამ უნდა გაიმარჯვოს. ქვეყანას, რომელსაც სასტიკად დაესხნენ თავს, დახმარება სჭირდება საკუთარი თავის დასაცავად და ამას არ შეიძლება ესკალაცია ეწოდოს“, – აღნიშნა ოლაფ შოლცმა.

მეტი...

ოპოზიციის წარმომადგენლები აშშ-ს სახელმწიფო მდივნის მრჩეველს, დერეკ შოლეს შეხვდნენ. შეხვედრაზე მხარეებმა ქვეყანაში არსებული პოლიტიკურ ვითარებაზე, მართლმსაჯულებასა და უსაფრთხოების კუთხით არსებულ გამოწვევებზე ისაუბრეს. ნიკა მელიას განცხადებით, შეხვედრაზე  ნიკა გვარამიასა და მიხეილ სააკაშვილის პატიმრობის შესახებაც ისაუბრეს. ,,ნიკა გვარამიასთან და მიხეილ სააკაშვილთან დაკავშირებითაც იყო სრულყოფილად საუბარი. პოლიტიკური პატიმრობა, რომ სენსაციად აღარ აღიქმება ჩვენს ქვეყანაში, ეს არის უფრო შემაშფოთებელია ჩვენი პარტნიორებისთვის. ამ ვითარებას ამძიმებს გარემოება, რომელშიც მიხეილ სააკაშვილი იმყოფება, იგი იბრძვის სიცოცხლისთვის და ებრძვის სიკვდილს და აქაც ძალიან მნიშვნელოვანია ჩვენი პარტნიორი სახელმწიფოს წარმადგენლების როლი და აქაც როგორც არასოდეს, ვარ ოპტიმისტურად განწყობილი, რომ ეს ვითარება…

მეტი...

დიდი ბრიტანეთი რუსული ავიაკომპანიებს ახალ სანქციებს უწესებს. დიდი ბრიტანეთის საგარეო მდივნის, ლიზ ტრასის განცხადებით, ბრიტანეთი წარადგენს ახალ შეზღუდვებს, რომლებიც რუსული სახელმწიფო ავიაკომპანიების აქტივებს გაყინავს. სანქციების მიხედვით, დიდი ბრიტანეთის აეროპორტებში რუსულ ავიაკომპანიებს მათი ადგილების გაყიდვა ეკრძალებათ. „ჩვენ უკვე დავხურეთ ჩვენი საჰაერო სივრცე რუსული ავიაკომპანიებისთვის. დღეს ჩვენ გავაკეთებთ ყველაფერს, რაც შესაძლებელია, რომ მათ ვერ შეძლონ, გაანაღდონ ჩვენს აეროპორტებში მათი მომგებიანი დასაჯდომი ადგილები. ყოველი ეკონომიკური სანქცია აძლიერებს ჩვენს გზავნილს პუტინისადმი – ჩვენ არ გავჩერდებით, ვიდრე უკრაინა არ გაიმარჯვებს“, – განაცხადა ლიზ ტრასმა.  

მეტი...

რუსეთის საგარეო საქმეთა მინისტრის მოადგილე, ანდრეი რუდენკო ოკუპირებულ ცხინვალში ჩატარებული ე.წ. რეფერენდუმის შესახებ ისაუბრა. მისი განმარტებით, რეფერენდუმის საკითხის განხილვისას აუცილებელია, მსოფლიოში არსებული ვითარების გათვალისწინება. ,,სამხრეთ ოსეთში რეფერენდუმის საკითხის განხილვის დროს აუცილებელია, გავითვალისწინოთ მსოფლიოში არსებული გეოპოლიტიკური ვითარება. ჯერ დავაკვირდებით იმას, როდის შედგება რეფერენდუმი, როგორი იქნება სამხრეთ ოსეთის მოსახლეობის ნება, შემდეგ კი იქნება რეაგირება რუსეთის მხრიდან. უნდა გავითვალისწინოთ ფაქტორების მთელი ერთობლიობა, მათ შორის მსოფლიოში არსებული გეოპოლიტიკური ვითარება და ის, თუ რამდენად მიზანშეწონილი და დროულია სწორედ ახლა ამ გადაწყვეტილების მიღება,”- განაცხადა ანდრეი რუდენკომ

მეტი...

საქართველოს პრემიერ-მინისტრი ირაკლი ღარიბაშვილი აშშ-ის სახელმწიფო მდივნის მრჩეველს პოლიტიკის საკითხებში, დერეკ შოლეს შეხვდა. მთავრობის მეთაურმა დერეკ შოლეს საქართველოში ვიზიტისთვის მადლობა გადაუხადა და აღნიშნა, რომ ეს ქვეყნის მიმართ აშშ-ის მხარდაჭერის კიდევ ერთი მკაფიო გამოხატულებაა. მხარეებმა განიხილეს ორ ქვეყანას შორის არსებული სტრატეგიული პარტნიორობა და სამომავლო თანამშრომლობის პერსპექტივები. ითქვა, რომ 30-წლიანი პარტნიორობის ფარგლებში, საქართველო არის კარგი მაგალითი იმისა, თუ როგორ აძლიერებს აშშ-ის ურყევი მხარდაჭერა და დახმარება ქვეყნის დემოკრატიულ ინსტიტუტებს, თავდაცვის შესაძლებლობებს, ეკონომიკურ განვითარებას. მხარეებმა განიხილეს ოკუპირებულ ტერიტორიებზე არსებული მძიმე ვითარება. აშშ-ის მხარემ საქართველოს სუვერენიტეტისა და ტერიტორიული მთლიანობის მტკიცე მხარდაჭერა კიდევ ერთხელ მკაფიოდ დაადასტურა. აგრეთვე, საუბარი შეეხო რეგიონული…

მეტი...

კრემლის პროპაგანდისტი, თინა კანდელაკი Telegram არხზე საქართველოს შესახებ განცხადებას ავრცელებს. მისი თქმით, ხშირად არ წერს მშობლიურ ქვეყანაზე, რადგან საქართველოში კარგი არაფერი ხდება. ,,ხშირად მეკითხებიან, რატომ ვწერ იშვიათად ჩემს მშობლიურ საქართველოზე. არ მინდა ცუდზე ვწერო, კარგი სიახლეები კი ბოლო წლებში იქიდან არ ყოფილა. ან გავრილოვს პარლამენტში არასწორ სავარძელზე დასვამენ, ან პოზნერის დაბადების დღეს ჩაშლიან. აღსანიშნავია, რომ ყოველი ასეთი ინციდენტის უკან სააკაშვილის ყოფილი მმართველი პარტია იდგა, რომლის ამომრჩეველიც ყოველწლიურად იკლებს, რაც ხელს უწყობს პოლიტიკური სისტემის სტაბილიზაციას. საქართველოს დღევანდელი ხელმძღვანელობის გაწონასწორებულმა პოზიციამ სასიამოვნოდ გამაოცა. ბოლო მოვლენების კონტექსტში, უკრაინელმა ტექნოლოგებმა რამდენჯერმე სცადეს ე.წ. “ქართული…

მეტი...

რუსეთის სამხედრო აგრესიის შედეგად უკრაინაში უკვე 231 ბავშვი დაიღუპა, 427-ზე მეტი კი დაშავდა. ინფორმაციას უკრაინის გენერალური პროკურატურა ავრცელებს. უწყების ინფორმაციით, ყველაზე მეტი ბავშვი დაზარალდა დონეცკის ოლქში – 144, კიევის ოლქში – 116, ხარკოვის ოლქში – 100, ჩერნიგოვის ოლქში – 68, ხერსონის ოლქში – 48, ლუგანსკის ოლქში – 47, ნიკოლაევის ოლქში – 44, ზაპოროჟიეს ოლქში – 28, სუმის ოლქში – 17, დედაქალაქში – 16,  ჟიტომირის ოლქში – 15. რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 1 828 სასწავლო დაწესებულება, საიდანაც 171 მთლიანად განადგურებულია. აქტიური საომარი მოქმედებების…

მეტი...

გერმანიის კანცლერი, ოლაფ შოლცი უკრაინის ევროკავშირში დაჩქარებული წესით გაწევრიანების შესახებ განცხადებას აკეთებს. მისი თქმით, გაწევრიანების პროცესი არ არის რამდენიმე თვის ან რამდენიმე წლის საკითხი. „ის, რომ უკრაინის ევროკავშირში გაწევრიანების გზაზე მოკლე გზა არ არსებობს, სამართლიანობის იმპერატივია დასავლეთ ბალკანეთის ექვსი ქვეყნის მიმართ, რომლებსაც დიდი ხანია ევროკავშირში გაწევრიანება სურთ“, – აღნიშნა გერმანიის კანცლერმა ბუნდესტაგში სიტყვით გამოსვლისას.

მეტი...

რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის, ზურაბ აბაშიძის ინფორმაციით, სატელეფონო საუბარი შედგა რუსეთის ფედერაციის საბჭოს საერთაშორისო კომიტეტის თავმჯდომარესთან, გრიგორი კარასინთან. აბაშიძის განცხადებით,  სატელეფონო  საუბარი შეეხო ცხინვალის რეგიონში დაგეგმილ ე.წ. რეფერენდუმს. „შედგა სატელეფონო საუბარი გრიგორი კარასინთან. მან გააკეთა მოკლე კომენტარი ცხინვალის რეგიონში დაგეგმილ ე.წ. რეფერენდუმთან დაკავშირებით და აღნიშნა, რომ მოსკოვში საქმის კურსში არიან ჩვენი უარყოფითი დამოკიდებულების შესახებ, ეს მათი მხრიდან არ დარჩება უყურადღებოდ. მან ასევე თქვა, რომ რეფერენდუმთან დაკავშირებით მოსკოვი არანაირ აქტივობაში არ არის ჩართული. მოგეხსენებათ, ანალოგიური კომენტარი რამდენიმე დღის წინ კრემლის პრესსპიკერმა დიმიტრი პესკოვმაც გააკეთა“, – განაცხადა აბაშიძემ. ზურაბ აბაშიძის განმარტებით, გრიგორი კარასინთან სატელეფონო საუბრისას…

მეტი...

რუსეთის საგარეო საქმეთა სამინისტროს სპიკერის, მარია ზახაროვას განცხადებით, 900-ზე მეტი უკრაინელი მებრძოლი, რომელიც მარიუპოლის აზოვსტალის ფოლადის ქარხანაში იყო, რუსეთის მიერ კონტროლირებად ტერიტორიაზე ციხე-კოლონიაში გადაიყვანეს. გავრცელებული ინფორმაციით, ქარხანაში, რომელსაც მარიუპოლის დამცველები აფარებდნენ თავს, რამდენიმე კვირის განმავლობაში, საკვებისა და წყლის მარაგის დეფიციტი იყო. ზახაროვას თქმით, სამშაბათის შემდეგ, 959 უკრაინელი სამხედრო მოსამსახურე ჩაბარდათ. მისივე განცხადებით, მათგან 51-ს სამედიცინო მომსახურება სჭირდებოდა და ისინი მკურნალობენ, დანარჩენები კი, დონეცკის რეგიონში, ქალაქ ოლენოვკაში მდებარე ციხე-კოლონიაში გაგზავნეს.  

მეტი...

თურქეთის საგარეო საქმეთა მინისტრმა, მევლუთ ჩავუშოღლუმ აშშ-ის სახელმწიფო მდივან ენტონი ბლინკენთან შეხვედრისას განაცხადა, რომ ნატოს ღია კარის პოლიტიკას უკრაინაში ომამდეც უჭერდა. მისი თქმით, ახლა ვითარება შეიცვალა, რადგან თურქეთი უსაფრთხოებასთან დაკავშირებული საკითხების გამო, საფრთხეს ხედავს ფინეთის და შვედეთის ალიანსში გაწევრიანებით. „ჩვენ ვხედავთ საფრთხეებს ჩვენს რეგიონში და ამ მიზეზით ჩვენ ვხედავთ, რომ ფინეთსა და შვედეთს სურთ, გახდნენ ნატო-ს ახალი წევრები. თქვენ იცით, რომ თურქეთი ნატოს ღია კარის პოლიტიკას ამ ომამდეც უჭერდა მხარს. თუმცა, რაც შეეხება ამ შესაძლო კანდიდატებს ან უკვე კანდიდატ ქვეყნებს, ჩვენ ასევე გვაქვს უსაფრთხოებასთან დაკავშირებული ლეგიტიმური შეშფოთებები, რომ ისინი მხარს უჭერდნენ…

მეტი...

ოპოზიციონერი დეპუტატი, პაატა მანჯგალაძე ირაკლი ღარიბაშვილისა და ნატო-ს გენერალური მდივნის შეხვედრის შესახებ კომენტარს აკეთებს. დეპუტატის თქმით, კარგია, რომ შეხვედრა არ გაუქმდა და შედგა. „ნატო-ს გენერალურ მდივანთან შეხვედრის გაუქმება საქართველოსთვის ძალიან მძიმე და ცუდი იქნებოდა. კარგი იყო, რომ რესურსი გამოინახა შეხვედრისთვის, რათა საქართველოს ზიანი არ მიეღო, რადგან ნატო ჩვენი უსაფრთხოების გარანტია. შეიძლება, ვიღაცას ამ შეხვედრის გაუქმება მოკლე მხედველობიდან გამომდინარე გაუხარდა, მაგრამ მე ეს გამიხარდა, რადგან ქვეყნის უსაფრთხოებაზეა საუბარი. ვშიშობდი, ვინმე „ქართული ოცნებიდან“ არ გამოსულიყო და არ ეთქვა, რომ ნატო-ს გენერალური მდივანი ირაკლი ღარიბაშვილს იმიტომ არ ხვდება, რომ მხოლოდ მას ხვდებიან, ვისაც…

მეტი...

უკრაინაში ოკუპანტები არ წყვეტენ შეტევითი ოპერაციებს ქვეყნის აღმოსავლეთის ოპერატიულ ზონაში და მათი ძირითადი აქცენტი დონეცკისკენაა მიმართული,- აღნიშნულ ინფორმაციას უკრაინის შეიარაღებული ძალების გენერალური შტაბი ავრცელებს. „ბელარუსის რესპუბლიკის ტერიტორიიდან უკრაინის ტერიტორიაზე არსებულ სამოქალაქო და სამხედრო ინფრასტრუქტურის ობიექტებზე სარაკეტო და საარტილერიო დაბომბვის საფრთხე კვლავ ნარჩუნდება. ჩერნიგოვისა და სუმის რაიონებზე მტერმა საარტილერიო და ნაღმმტყორცნებით შეტევა, ხოლო დესნას დასახლებაზე სარაკეტო იერიში განახორციელა. ხარკოვის რეგიონში ოკუპანტების ძირითადი ძალისხმევა მიმართული იყო ოკუპირებული საზღვრების შენარჩუნებაზე და კონტრშეტევების უზრუნველყოფაზე დაკარგული პოზიციების აღდგენის მიზნით. ასევე, დონეცკის რეგიონის დროებით ოკუპირებულ ტერიტორიებზე სამობილიზაციო რესურსების არარსებობის პირობებში, საოკუპაციო ძალების სარდლობა უმაღლესი საგანმანათლებლო დაწესებულებების…

მეტი...

ოფიციალური ვიზიტის ფარგლებში, პოლიტიკის საკითხებში აშშ-ის სახელმწიფო მდივნის უფროსი მრჩეველი, დერეკ შოლე არასამთავრობო ორგანიზაციების წარმომადგენლებს შეხვდა. შეხვედრას ასევე ესწრებოდა საქართველოში აშშ-ის ელჩი კელი დეგნანიც. ახალგაზრდა იურისტთა ასოციაციის თავმჯდომარის ნიკა სომონიშვილის განცხადებით, შეხვედრაზე ყურადღება გამახვილდა მართლმსაჯულების რეფორმაზე. „რა თქმა უნდა, ამ შეხვედრაზე ძირითადად ჩვენი მხრიდან იყო ინფორმაცია მიწოდებული. მათ განსაკუთრებით შეკითხვები ჰქონდათ მართლმსაჯულების სისტემაზე, როგორ იმართება რეალურად მართლმსაჯულების სისტემა, როგორ არის ის პოლიტიკური მიზნებისთვის გამოყენებული. რა თქმა უნდა, ჩვენი მხრიდან იყო საუბარი წამოჭრილი იმ საკითხებზე, თუ როგორ უნდა მოხდეს ქვეყნის მხარდაჭერა ევროინტეგრაციის პროცესში და რამდენად მნიშვნელოვანია ამ პროცესში რეფორმის ჩატარება მართლმსაჯულების…

მეტი...