დღე: მაისი 18, 2022

კანადა რუსეთის პრეზიდენტ ვლადიმერ პუტინს და მის გარემოცვას სანქციებს უწესებს. სანქცირებულ პირებს შორის მოხვდნენ თავდაცვის მინისტრი სერგეი შოიგუ, საგარეო საქმეთა მინისტრი სერგეი ლავროვი და იუსტიციის მინისტრი კონსტანტინე ჩუიჩენკო. ,,პუტინის რეჟიმის სასტიკი თავდასხმის ფონზე, კანადა უკრაინის გვერდით დგას. პუტინის რეჟიმის ახლო თანამოაზრეებისა და მთავარი მხარდამჭერებისთვის, მათ შორის ამ არაპროვოცირებულ აგრესიაზე პასუხისმგებელი პირებისთვის ჩვენს ქვეყანაში შესვლის აკრძალვა არის ერთ-ერთი იმ მრავალ გზას შორის, რომლითაც ჩვენ რუსეთს პასუხისმგებლობას ვაკისრებთ მის დანაშაულებებზე”, -განაცხადაკანადის საზოგადოებრივი უსაფრთხოების მინისტრმა. 

მეტი...

ფინეთმა და შვედეთმა ნატოში გაწევრიანების თაობაზე განაცხადი ოფიციალურად შეიტანეს. შესაბამისი განაცხადები ალიანსში შვედეთისა და ფინეთის ელჩებმა ნატოს გენერალურ მდივანს, იენს სტოლტენბერგს გადასცეს. განაცხადებზე ოფიციალურ პასუხს ქვეყნები სავარაუდოდ რამდენიმე კვირის შემდეგ მიიღებენ, თუმცა მათ უკვე აქვთ ალიანსის წევრი ქვეყნების თითქმის სრული უმრავლესობის მხარდაჭერა. „თქვენ ჩვენი უახლოესი პარტნიორები ხართ და თქვენი წევრობა ნატოში ჩვენს საერთო უსაფრთხოებას გაზრდის. განაცხადი, რომელიც თქვენ დღეს გააკეთეთ ისტორიული ნაბიჯია“, – აღნიშნა ნატოს გენერალურმა მდივანმა, იენს სტოლტენბერგმა.

მეტი...

ევროპული საბჭოს პრეზიდენტი შარლ მიშელი საქართველოს პრემიერ-მინისტრ ირაკლი ღარიბაშვილთან  გამართუი შეხვედრის შესახებ სოციალურ „ტვიტერში“ წერს. მიშელის განცხადებით, ევროკავშირი სრულად უჭერს მხარს საქართველოს ტერიტორიულ მთლიანობას. “ვისაუბრე პრემიერ ირაკლი ღარიბაშვილთან იმასთან დაკავშირებით, რომ ევროკავშირი სრულად უჭერს მხარს საქართველოს სუვერენიტეტსა და ტერიტორიულ მთლიანობას. ევროკავშირი მზად არის, კიდევ უფრო გააძლიეროს პარტნიორობა საქართველოსთან. ხაზგასმით აღინიშნა, რომ დემოკრატიზაციის პროცესისა და კანონის უზენაესობის მიმართულებით რეფორმები საჭიროა ისე, როგორც არასდროს”, – წერს შარლ მიშელი.

მეტი...

ნატო-ში შვედეთის ელჩმა აქსელ ვერნოფმა და ფინეთის ელჩმა კლაუს კორჰონენმა იენს სტოლტენბერგს ქვეყნების ნატო-ში გაწევრიანების განაცხადები გადასცეს. ნატო-ს გენერალურმა მდივანმა განაცხადა, რომ მიესალმება ფინეთისა და შვედეთის ნატო-ში გაწევრიანებას. „ეს არის ძალიან კარგი დღე ჩვენი უსაფრთხოებისთვის ამ კრიტიკულ მომენტში. მადლობა ფინეთსა და შვედეთს ნატო-ში გაწევრიანების სურვილის შესახებ განაცხადების გადმოცემისთვის. ყველა ქვეყანას აქვს უფლება, თავად განსაზღვროს საკუთარი გზა. თქვენ, ორივე ქვეყანამ გააკეთეთ თქვენი არჩევანი, დემოკრატიული პროცესების თანმიმდევრულად და მე მივესალმები ფინეთისა და შვედეთის ნატო-ში გაწევრიანების შესახებ განაცხადს. თქვენ ხართ ჩვენი ახლო პარტნიორები, თქვენი ნატო-ში წევრობა გააძლიერებს ჩვენს საერთო უსაფრთხოებას. თქვენი დღევანდელი განაცხადები…

მეტი...

უკრაინული მედიის ინფორმაციით, მარიუპოლის ,,აზოვსტალის” ქარხნიდან ევაკუირებული ჯარისკაცები , რუსეთის მიერ კონტროლირებად ქალაქ ოლენივკაში, ყოფილ სასჯელაღსრულების დაწესებულებაში გადაიყვანეს. 50-მდე მძიმედ დაშავებული სამხედრო გუშინ ღამით რუსეთის მიერ კონტროლირებად ტერიტორიაზე, საავადმყოფოში გადაიყვანეს, ხოლო 200-ზე მეტი ჯარისკაცი ოლენივკაში, დონეცკის მახლობლად. შეგახსენებთ, უკრაინა აზოვსტალიდან ევაკუირებულ სამხედროებს რუს ტყვეებში გაცვლის, თუმცა კრემლი ამას ოფიციალურად არ ადასტურებს. ამ დროისთვის უცნობია, თუ რა გარანტიები გასცა რუსულმა მხარემ ევაკუირებულთან დაკავშირებით.

მეტი...

უკრაინის გენერალური პროკურატურის ინფორმაციით, რუსეთის სამხედრო აგრესიის შედეგად უკრაინაში 229 ბავშვი დაიღუპა, 424-ზე მეტი კი დაშავდა. უწყების ცნობით, ყველაზე მეტი ბავშვი დაზარალდა დონეცკის ოლქში – 141, კიევის ოლქში – 116, ხარკოვის ოლქში – 100, ჩერნიგოვის ოლქში – 68, ხერსონის ოლქში – 48, ლუგანსკის ოლქში – 47, მიკოლაევის ოლქში – 44, , ზაპოროჟიეს ოლქში – 28, სუმის ოლქში – 17, დედაქალაქში – 16,  ჟიტომირის ოლქში – 15. ოკუპანტების  მიერ უკრაინის ქალაქებისა და სოფლების მასიური დაბომბვის შედეგად დაზიანდა 1 772 სასწავლო დაწესებულება, საიდანაც 161 მთლიანად განადგურებულია. აქტიური საომარი მოქმედებების გამო, დაღუპულთა და…

მეტი...

„აზოვის“ ლეგიონის დამფუძნებელი და პარტია „ეროვნული კორპუსის“ ლიდერი, ანდრეი ბილეცკი განცახებას ავრცელებს. მისი თქმით, „აზოვსტალის“ დამცველებთან კავშირი აქვს და ითხოვს, პოლკის ევაკუაციის ყოველი დეტალის გასაჯაროება არ მოხდეს. ამასთან, ბილეცკიმ საზოგადოებას მოუწოდა, მარიუპოლის ოპერაციის შეფასებისა და კრიტიკისგან თავი შეიკავონ. „82 დღე ისინი წარმოუდგენელ პირობებში იბრძოდნენ. 70-ზე მეტი დღის განმავლობაში აკავებდნენ მტერს, სრულ ალყაში მყოფები და მტრის უდიდესი უპირატესობის – საშინელი საავიაციო, სახომალდე, არტილერიისა და სხვა დაბომბვის პირობებში. მათ ჩაიდინეს ისეთი რამ, რაც უსიტყვოდ შევა სამხედრო სახელმძღვანელოების ისტორიაში. ახლა მთავარი ამოცანა ამ ადამიანების გადარჩენაა, ისინი ჯერ კიდევ დასჭირდებიან, რა თქმა უნდა, უკრაინას.…

მეტი...

უკრაინის პრეზიდენტი ვოლოდიმირ ზელენსკი მორიგ ვიდეომიმართვაში ,,აზოვსტალიდან” უკრაინელი სამხედროების ევაკუაციის პროცესზე საუბრობს.  უკრაინის პრეზიდენტის განცხადებით, ევაკუაციის პროცესს ზედამხედველობას უკრაინის ჯარი და დაზვერვა უწევს. ზელენსკიმ ვიდეომიმართვაში რამდენიმე რეგიონში რუსეთის სარაკეტო დარტყმებსა და მოსკოვზე სხვადასხვა სახის ზეწოლის აუცილებლობაზე ისაუბრა. ,,83-ე დღე უკრაინაზე რუსული დარტყმების საკმაოდ ძლიერი კომბინაციით დაიწყო. ლვოვის, სუმის, ჩერნიგოვის რეგიონებში სარაკეტო დაბომბვით. საჰაერო დარტყმები იყო ლუჰანსკის რეგიონში. სპეციფიკური დივერსიული აქტივობა უკრაინის სასაზღვრო არეალში.მათ არ შეუძლიათ წარმატების დემონსტრირება ზოგადი სამხედრო მოქმედებებით იმ ადგილებში, სადაც წინსვლას ცდილობენ. ამიტომ, ისინი ცდილობენ აჩვენონ წარმატება თავიანთი რაკეტებით და სხვა ქმედებებით. დღეს საკმაოდ პროდუქტიული საუბარი მქონდა გერმანიის კანცლერთან. უპირველეს…

მეტი...

ელისეის სასახლის ინფორმაციით, საფრანგეთის პრეზიდენტსა და უკრაინის პრეზიდენტს შორის სატელეფონო საუბარი გაიმართა. საუბრის ერთ-ერთი თემა უკრაინისთვის მორიგი დახმარება იყო. ფრანგული მხარის ინფორმაციით, პრეზიდენტი მაკრონი პრეზიდენტ ზელენსკის დაჰპირდა, რომ  დამატებით იარაღს გამოუყოფს. საუბარია როგორც სამხედრო, ისე ჰუმანიტარულ დახმარებაზე. პრეზიდენტებმა ასევე ისაუბრეს უსაფრთხოების გარანტიებსა და „აზოვსტალის“ ქარხნიდან აზოვის მცველების ევაკუაციაზე.

მეტი...

ამერიკის სახელმწიფო დეპარტამენტის პრესსპიკერი ნედ პრაისი საქართველოს  თანამშრომლობის შესახებ მორიგ განცხადებას აკეთებს. როგორც პრესსპიკერი განმარტავს, საქართველო აშშ-ის სტრატეგიული პარტნიორია და მაქსიმალურად დაეხმარებიან რეფორმების გზაზე. „საქართველოს მისწრაფებები ერთ ღამეში არ ხდება. მათი რეალიზება შეუძლებელია ერთი წლის განმავლობაში, თუნდაც ერთი ათწლეულის განმავლობაში. ამისთვის ბევრი შრომა და მოთმინებაა საჭირო. ჩვენი ამოცანის ნაწილია, გავაგრძელოთ პარტნიორობა საქართველოსთან, გავაგრძელოთ მათი მხარდაჭერა. ჩვენ გავაგრძელებთ მჭიდრო თანამშრომლობას ჩვენს ქართველ პარტნიორებთან,“ – აცხადებს ნედ პრაისი.  

მეტი...