დღე: მაისი 17, 2022

18 მაისს საქართველოს ამერიკის შეერთებული შტატების სახელმწიფო დეპარტამენტის მრჩეველი, დერეკ შოლე ეწვევა. ვიზიტის ფარგლებში, შოლე ევროპის უსაფრთხოებისა და დემოკრატიული განვითარების საკითხებზე კონსულტაციებს გამართავს. დერეკ შოლე ოპოზიციისა და სამოქალაქო საზოგადოების წარმომადგენლებთან განიხილავს რუსეთის მიერ საქართველოს რეგიონების ოკუპაციას, კრემლის სასტიკ ომს უკრაინის წინააღმდეგ და საქართველოს მოსახლეობის დემოკრატიულ მისწრაფებებს.

,,კიევის ჩრდილოეთით მდებარე ჩერნიგოვის რეგიონში, დაახლოებით 3 500 შენობა განადგურდა ან დაზიანდა უკრაინის დედაქალაქისკენ რუსეთის წინსვლის დროს,” – აღნიშნულ ინფორმაციას, დიდი ბრიტანეთის დაზვერვა ავრცელებს. უწყების ინფორმაციით, რეგიონში დაზიანებული შენობების უმეტესობა საცხოვრებელი სახლებია. „ამ ზიანის მასშტაბები მიუთითებს რუსეთის მზადყოფნაზე გამოიყენოს არტილერია დასახლებული ტერიტორიების წინააღმდეგ, გარჩევის ან პროპორციულობის მინიმალური გათვალისწინებით,“ – აღნიშნავენ ბრიტანეთის თავდაცვის უწყებაში. მათივე ცნობით, რუსეთი საარტილერიო დაბომბვას, სავარაუდოდ, სამიზნის აღქმადობის შეზღუდული შესაძლებლობის გამო იყენებს. „უახლოეს კვირებში, რუსეთი, სავარაუდოდ, გააგრძელებს მასობრივ საარტილერიო დარტყმებს, რადგან ის ცდილობს დაიბრუნოს პოზიციები დონბასში,“- ნათქვამია დიდი ბრიტანეთის დაზვერვის სამსახურის განცხადებაში.

დიდი ბრიტანეთის საგარეო საქმეთა მინისტრის, ლიზ ტრასის განცხადებით, შვედეთი და ფინეთი NATO-ში დაუყონებლივ უნდა გაწევრიანდნენ. ლიზ ტრასის განმარტებით,  დიდმა ბრიტანეთმა ორივე ქვეყნის NATO-ში გაწევრიანებას მხარი მტკიცედ დაუჭირა. ,,ჩვენ მოუთმენლად ველით მათთან, როგორც NATO-ს ახალ მოკავშირეებთან მუშაობას და მზად ვართ, მათ გაწევრიანების პროცესში ჩვენი დახმარება შევთავაზოთ. ჩვენი ორმხრივი უსაფრთხოების დეკლარაციები, რომელთაც შვედეთთან და ფინეთთან ერთად, პრემიერ-მინისტრის მიერ გასულ კვირას ხელი მოეწერა, აჩვენებს ჩვენს მტკიცე და ცალსახა ერთგულებას ორივე ქვეყნის მიმართ, ამ პროცესში და მის მიღმა,” – აღნიშნავს ლიზ ტრასი.

უკრაინის შეიარაღებული ძალების გენშტაბი განცხადებას ავრცელებს. განცხადებაში ნათქვამია, რომ  გარნიზონმა „მარიუპოლმა“ დაკისრებული საბრძოლო ამოცანა შეასრულა, „აზოვსტალის“ ტერიტორიაზე მყოფი ქვედანაყოფების მეთაურებმა მიიღეს პირადი შემადგენლობის სიცოცხლის გადარჩენის ბრძანება. „გარნიზონმა „მარიუპოლმა“ შეასრულა დაკისრებული საბრძოლო ამოცანა. უმაღლესი სამხედრო სარდლობის მიერ „აზოვსტალში“ მყოფი ქვედანაყოფების მეთაურებისთვის გასცა ბრძანება, გადაარჩინონ პირადი შემადგენლობის სიცოცხლე. მიმდინარეობს ქარხნის ტერიტორიაზე ბლოკირებული უკრაინის დამცველების გადარჩენის ოპერაცია“, – წერია გენშტაბის განცხადებაში. უკრაინის თავდაცვის სამინისტროს ინფორმაციით, 16 მაისს „აზოვსტალიდან“ განხორციელდა მძიმედ დაჭრილი 53 სამხედროს ევაკუაცია, ისინი ოკუპირებულ ტერიტორიაზე მდებარე ქალაქ ნოვოაზოვსკის სამედიცინო დაწესებულებაში არიან გადაყვანილი. უკრაინული მხარის ცნობით, კიდევ 211 დამცველი ჰუმანიტარული დერეფნით ევაკუირებულია…

ამერიკის შეერთებული შტატების პრეზიდენტმა, ჯო ბაიდენმა საბერძნეთის პრემიერ-მინისტრთან შეხვედრა გამართა. შეხვედრაზე მხარეებმა  უკრაინაში მიმდინარე ომზე ისაუბრეს. ჯო ბაიდენის განცხადებით, ამერიკა პარტნიორებთან ერთად ეხმარება უკრაინას და რუსეთს მძიმე ეკონომიკურ ფასს აკისრებს. ,,ჩვენ ვხედავთ საშინელ სისასტიკეს და ომის დანაშაულებს, მასობრივ საფლავებში დამარხულ ბავშვებს, მილიონობით ლტოლვილს, რომლებიც პუტინის ომს გაექცნენ. შეერთებული შტატები დგას უკრაინელი ხალხის მხარდასაჭერად და რუსეთს აკისრებს მძიმე ეკონომიკურ ფასს, რათა პუტინს პასუხისმგებლობა დაეკისროს. ბატონო პრემიერ-მინისტრო, მინდა მადლობა გადაგიხადოთ მორალური გამბედაობისთვის და სიცხადისთვის, რომელიც თქვენ გამოიჩინეთ ამ კრიზისის დასაწყისიდან: დაუყონებლივ დაგმეთ რუსეთის აგრესია, მიიღეთ უკრაინელი ლტოლვილები. ჩვენ ერთად ვაჩვენებთ დემოკრატიების ძალასა…

რუსული მხარე დონეცკისა და ლუგანსკის ტერიტორიებს უტევს. უკრაინის გაერთიანებული ძალების სამუშაო ჯგუფის განცხადებით,  დონეცკისა და ლუგანსკის რეგიონებში რუსული დაბომბვების შედეგად, 20 მშვიდობიანი მოქალაქე, მათ შორის ერთი ბავშვი დაიღუპა. ცეცხლი რეგიონების 25 დასახლებას გაუხსნეს, მათ შორის 42 საცხოვრებელი კორპუსი და სკოლაა. რუსული ძალების მხრიდან თავდასხმები გრძელდება ქვეყნის დასავლეთ ტერიტორიებზეც. ამასთან, საჰაერო იერიში განხორციელდა ოდესის ოლქში. საოკუპაციო ძალებმა უკრაინის დასავლეთ ნაწილში, პოლონეთის საზღვრიდან დაახლოებით 15 კილომეტრში მდებარე სამხედრო ბაზაზე, სარაკეტო იერიში მიიტანეს. გვიან ღამით აფეთქება მოხდა ლვოვში.  

უკრაინულმა მხარემ ,,აზოვსტალის” ქარხნის ტერიტორიიდან სამხედროების გათავისუფლების ოპერაცია დაიწყო. არსებული ინფორმაციით, სამედიცინო დაწესებულებაში  53 მძიმედ დაჭრილი სამხედრო გადაიყვანეს, ხოლო  211 ადამიანი ჰუმანიტარული დერეფნით ოლენევაკის მიმართულებით წაიყვანეს. ,,აზოვის” პოლკის მეთაური, დენის პროკოპენკო განცხადებას ავრცელებს და აღნიშნავს, რომ მიუხედავად ყველა სირთულისა, მარიუპოლის დამცველებმა ბრძანება შეასრულეს და ღირსეულად  იგერიებდნენ მოწინააღმდეგის ძალებს. ,,მარიუპოლის დამცველებმა ბრძანება შეასრულეს ყველა სირთულის მიუხედავად, 82 დღის განმავლობაში მოწინააღმდეგის ძალებს იგერიებდნენ და უკრაინის არმიას გადაჯგუფების, მეტი პირადი შემადგენლობის მომზადების და პარტნიორი ქვეყნებისგან მეტი შეიარაღების მიღების საშუალება მისცეს. ვერცერთი შეიარაღება ვერ იმუშავებს პროფესიონალურად მომზადებული სამხედროების გარეშე, რაც მათ არმიის ყველაზე ღირებულ…

,,ევროკომისია ევროკავშირის საბჭოს უკრაინის, საქართველოსა და მოლდოვის მიერ შევსებული კითხვარის შეფასებას ძალიან მალე წარუდგენს,”– აღნიშნული განცხადება, ევროკავშირის უმაღლესმა წარმომადგენელმა, ჯოზეფ ბორელმა ბრიუსელში გამართულ პრესკონფერენციაზე გააკეთა. ევროკავშირის უმაღლესმა წარმომადგენელმა აღნიშნა, რომ დასავლეთ ბალკანეთის ქვეყნების ევროკავშირის გაწევრიანების პროცესს უკრაინის მიერ ევროკავშირის წევრობის განაცხადთან კავშირი არ აქვს. „ევროკომისია სწავლობს უკრაინის, საქართველოსა და მოლდოვის განაცხადს და მალე, ჩვენი სტანდარტებით ძალიან მალე წარუდგენს საბჭოს თავის შეფასებას. მე ვამბობ სწრაფად, რადგან ამგვარ პროცედურებს წლები სჭირდება. პირველი ორი ნაბიჯი – კითხვარის წარდგენა, პასუხების გაცემა და მათი შესწავლა ევროკომისიის მოსაზრების წარსადგენად უკრაინის შემთხვევაში სინათლის სიჩქარით ხდება, სხვა პროცესებთან შედარებით“, – აღნიშნა ბორელმა.

თურქეთის პრეზიდენტი ერდოღანი ისევ კატეგორიულია და აცხადებს, რომ ფინეთისა და შვედეთის ადგილი ნატო-ში არ არის. რეჯეფ თაიფ ერდოღანი არ აპირებს, ამ ორი ქვეყნის ალიანსში  გაწევრიანებას მხარი დაუჭიროს. პრეზიდენტი ფინეთისა და შვედეთის დელეგაციებს ურჩევს, თურქეთში არ ჩავიდნენ მისი თანხმობის მისაღებად. „ისინი ორშაბათს თურქეთში ჩამოდიან. ჩვენს დასარწმუნებლად მოდიან?  თავს ნუ დაიღლიან. უპირველეს ყოვლისა, ჩვენ არ ვეტყვით ნატო-ში გაწევრიანებაზე „კი“-ს მათ, ვინც თურქეთს სანქციებს უწესებს. რადგან მაშინ ნატო აღარ იქნება უსაფრთხოების ორგანიზაცია და გახდება ტერორისტული ორგანიზაციების წარმომადგენლების კონცენტრაციის ადგილი“, – ასეთია ერდოღანის გზავნილი. თურქეთი ფინეთსა და შვედეთს ტერორისტების მფარველებად ასახელებს და აცხადებს, რომ ისინი „ქურთისტანის მუშათა პარტიასთან“…

ქალაქ მარიუპოლის „აზოვსტალის ქარხნიდან“ მძიმედ დაჭრილების გამოყვანასთან დაკავშირებით პრეზიდენტი ზელენსკი ვიდეომიმართვაში საუბრობს. ვოლოდიმირ ზელენსკის განცხადებით, მძიმედ დაჭრილების გამოყვანა „წითელი ჯვრისა“ და გაეროს ჩართულობით მოხერხდა. მას იმედი აქვს, რომ უკრაინელ ჯარისკაცებს გადაარჩენენ. ,,უკრაინელი სამხედროების, უკრაინის შეიარაღებული ძალების, დაზვერვის, მოლაპარაკებების ჯგუფის, “წითელი ჯვრის” საერთაშორისო კომიტეტისა და გაეროს ქმედებების წყალობით ვიმედოვნებთ, რომ შევძლებთ ჩვენი ბიჭების სიცოცხლის გადარჩენას. მათ შორის არიან მძიმედ დაჭრილები, მათ სამედიცინო დახმარება უტარდებათ.  უკრაინას ცოცხალი სჭირდება უკრაინელი გმირები.  ყველა ადეკვატური ადამიანი ამ სიტყვებს გაიგებს. მარიუპოლის დამცველების გადარჩენის ოპერაცია ჩვენმა სამხედრო და დაზვერვის ოფიცრებმა დაიწყეს. ბიჭების სახლში მისაყვანად მუშაობა გრძელდება, ამას…

უკრაინის თავდაცვის სამინისტრო ადასტურებს ინფორმაციას, რომ ქალაქ მარიუპოლში, კერძოდ, „აზოვსტალის ქარხანაში“ ჩარჩენილი დაჭრილების ევეკუაცია განხორციელდა. გავრცელებული ინფორმაციით, 53 მძიმედ დაჭრილი მებრძოლი ქალაქ ნოვოაზოვსკში გადაიყვანეს, რომელსაც რუსები აკონტროლებენ. 211 ადამიანის კი გადაყვანილია ასევე რუსეთის მიერ კონტროლირებად სხვადასხვა ტერიტორიაზე.