დღე: მაისი 6, 2022

„არასდროს დავუშვებთ მიშას ფატალური შედეგით დასრულებას“ – ეს განცხადება პატიმრობაში მყოფი მიხეილ სააკაშვილის ძმამ, გიორგი სააკაშვილმა ბათუმში მიმდინარე აქციაზე გააკეთა. როგორც მან აღნიშნა, მიშასთვის ბრძოლა ახლა იწყება. „ეს არის ბრძოლის დასაწყისი. არ დავუშვებთ მიშას ფატალური შედეგით დასრულებას. მე მაქვს თითოეული თქვენგანის იმედი. მე ვიღებ პასუხისმგებლობას, ოჯახის სახელით ჩავუდგე სათავეში მოძრაობას, რომელიც მიაღწევს, რომ მიშა  გვყავდეს ჯანმრთელი. ჩვენ ვართ ძალიან ცუდად, ვინაიდან მიშა არის ციხეში. მისი ადგილი იქ ნამდვილად არ არის. ეს არის რუსი ოლიგარქის დამსახურება, რომელმაც წაართვა ამ ადამიანს სიცოცხლის უფლება, მაგრამ ჩვენ დავიცავთ ბოლომდე“ – განაცხადა გიორგი სააკაშვილმა აქციაზე. მისივე თქმით,…

მეტი...

პატიმრობაში მყოფი მიხეილ სააკაშვილის საზღვარგარეთ სამკურნალოდ გადაყვანის მოთხოვნით, ბათუმში, აჭარის მთავრობის სახლთან საპროტესტო აქცია გაიმართა.  აქციის მონაწილეები ბათუმის უნივერსიტეტთან შეიკრიბნენ. მათი განცხადებით, ადგილი სიმბოლურად შეარჩიეს. აქციაზე მიხეილ სააკაშვილის ძმა, გიორგი სააკაშვილიც იმყოფებოდა. მისი თქმით, ბათუმი სწორედ ის ადგილია, რომელიც მიშამ ააყვავა. „ამ ადგილით ამაყობდა მიხეილ სააკაშვილი. ხედავთ სასტუმროებს, ინფრასტრუქტურას, ეს არის მიშას დამსახურება. თითოეული თქვენგანის იმედი მაქვს. ოჯახის სახელით ვიღებ პასუხისმგებლობას, სათავეში ჩავუდგე მოძრაობას, რომელიც გადაარჩენს მიშას“, – განაცხადა აქციაზე მიხეილ სააკაშვილის ძმამ, გიორგი სააკაშვილმა. აქციაზე სიტყვით გიგი უგულავაც გამოვიდა, მისი განცხადებით, ქვეყანა უფსკრულის წინაშეა. „შიგნიდან წნეხი, გარედან წნეხი და…

მეტი...

მიხეილ სააკაშვილის თანაგუნდელმა, ეკა ხერხეულიძემ რუსთავის პენიტენციური დაწესებულების დატოვების შემდეგ გრიგოლ ვაშაძის განცხადებაზე განმარტება გააკეთა. საუბარია ვაშაძის კომენტარს, სადაც მან აღნიშნა, რომ მიხეილ სააკაშილი ნანობს საქართველოში დაბრუნებას. როგორც ხერხეულიძემ განმარტა, სააკაშვილმა საქართველოში დაბრუნებაზე სხვა კონტექსტით ისაუბრა და არა პირდაპირი გაგებით. „მას არაერთხელ გამოუხატავს სინანული საქართველოში ჩამოსვლასთან დაკავშირებით, მაგრამ აქ მნიშვნელოვანია კონტექსტი. ის გულისხმობს უკრაინაში მიმდინარე მოვლენებს, რომელში მონაწილეობის მიღებასაც პატიმრობაში ყოფნის პერიოდში ვერ ახერხებს. ნანობს, რომ სწორედ ამ პერიოდში აღმოჩნდა საქართველოში, მაშინ როდესაც შეუძლია ყველაზე ეფექტურად დაეხმაროს უკრაინას”, – განმარტავს ეკა ხერხეულიძე.  

მეტი...

„სააკაშვილს სიცხე აქვს და წონაში კლებას განაგრძობს“ – აცხადებს „ნაციონალური მოძრაობის” წევრის ეკა ხერხეულიძე, რომელმაც მიხეილ სააკაშვილი  რუსთავის მე-12 პენიტენციურ დაწესებულებაში  მოინახულა. მისივე შეფასებით, ხერხეულიძის თქმით, ამ მძიმე მდგომარეობაში მყოფი სააკაშვილისთვის მხოლოდ  მორიგე ექიმი საკმარისი არ არის. „ჯანმრთელობის მდგომარეობა არის უცვლელად მძიმე და კრიტიკული. მას ისევ აქვს სიცხე და წონაში იკლებს ყოველდღიურად. მორიგე ექიმი უწევს მეთვალყურეობას, მაგრამ ეს საკმარისი არ არის. თუ გვინდა ადამიანი გადარჩეს, ერთადერთი გამოსავალია ქვეყნიდან გაყვანა და შესაბამისი მკურნალობა. საქართველოში მისი აბსოლუტური გამოჯანმრთელება არის შეუძლებელი”, – განაცხადა  ეკა ხერხეულიძემ.  

მეტი...

,,ყველას გაუკვირდა, მათ შორის მეც და ვფიქრობ, რუსეთის ხელმძღვანელობასაც, თან ძალიან აშკარად. ყველა პროგნოზირებდა, მათ შორის ამერიკელებიც, რომ კიევი სამ დღეში დაეცემოდა”- ამის შესახებ, საქართველოს პრეზიდენტმა სალომე ზურაბიშვილმა PARIS MATCH-თან ინტერვიუში ისაუბრა. სალომე ზურაბიშვილის განცხადებით, უკრაინაში ომის თვეობით გაგრძელება მოულოდნელი იყო მისთვისაც და თავად რუსეთის ხელისუფლებისთვისაც. ,,ყველას გაუკვირდა, მათ შორის მეც და ვფიქრობ, რუსეთის ხელმძღვანელობასაც, თან ძალიან აშკარად. ყველა პროგნოზირებდა, მათ შორის ამერიკელებიც, რომ კიევი სამ დღეში დაეცემოდა. ყველა რამდენიმე საკითხით იყო გაკვირვებული: უკრაინის სამხედრო წინააღმდეგობის უნარით, მათი თავდაცვის ორგანიზებით და მოსახლეობის ერთიანობით; ოჯახები მიდიოდნენ, მამაკაცები კი, ბრუნდებოდნენ და ახლაც ბრუნდებიან საბრძოლველად. არის…

მეტი...

,,თუ დააკვირდებით, ნახავთ, რომ მოთხოვნა მიხეილ სააკაშვილის რომელიმე კლინიკაში გადაყვანის თაობაზე არ დგას, აქტიური მოთხოვნა მისი უცხოეთში წაყვანაა,” – აღნიშნული განცხადება, პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ გააკეთა. დეპუტატის განცხადებით, პატიმრის ფსიქოლოგიური და სტრესული მდგომარეობა გასაგებია, თუმცა ეს მიზეზი ვერ გახდება დანაშაულის არიდების მიზეზი. „​აბსოლუტურად გასაგებია ფსიქოლოგიური და სტრესული მდგომარეობა, რომელშიც პატიმარი იმყოფება იმის გამო, რომ ვერ ეგუება და არ აქვს საპატიმრო დაწესებულებასთან შეგუების სურვილი, თუმცა ეს სასჯელის გადავადების ან მართლმსაჯულებისთვის გვერდის ავლის მოთხოვნას არ წარმოშობს. ომბუდსმენის კონსილიუმის ექიმები გამოსავლად მაინცა და მაინც უცხოეთში წასვლაზე არ უთითებენ, ისინი…

მეტი...

მიხეილ სააკაშვილის საზღვარგარეთ სამკურნალოდ გადაყვანის მოთხოვნით, “ერთიანი ნაციონალური მოძრაობის“ მხარდამჭერები რუსთავის ციხესთან აქციას მართავენ. აქციის მონაწილეებმა, ავტომანქანებით მსვლელობა “ნაციონალური მოძრაობის” ცენტრალური ოფისიდან დაიწყეს. რუსთავის ციხის შემდეგ, ,,ნაციონალური მოძრაობის” მხარდამჭერები  ათონელის რეზიდენციასთან გადაინაცვლებენ.

მეტი...

,,სტრატეგია აღმაშენებლის“ თავმჯდომარის გიორგი ვაშაძის განცხადებით,რომ საქართველოში რიგგარეშე არჩევნები ჩატარდება. ვაშაძე მიიჩნევს, რომ  „ქართული ოცნება“ რადიკალიზაციისკენ მიდის, რაც ამერიკელი და ევროპელი კოლეგებისთვის მიუღებელია. „საქართველოში იქნება რიგგარეშე არჩევნები, რატომ? ამას აქვს ორი ფაქტორი: პირველი – „ქართული ოცნება“ მიდის მეტი რადიკალიზაციისკენ, ის არ გვისმენს ჩვენ, არ ასრულებს არაფერს. მას სურს, ყველა მოგვნათლოს „ომის პარტიებად“. სასაცილოა უბრალოდ მათი ეს არგუმენტაცია, ჩვენი ამერიკელი პარტნიორებისთვის აბსოლუტურად მიუღებელია. მეორე – ხელისუფლება თავად ახდენს რადიკალიზაციას, პოლარიზებას. ყველა შეთანხმების, თანხმობის წინადადებაზე უარს გვეუბნება. მოუსმინეთ ამერიკის ელჩს, ის ამბობს, რომ უნდა დავდგეთ ერთად. რას ვამბობთ ჩვენ, „სტრატეგია აღმაშენებელი“? –…

მეტი...

თბილისის მერის, კახა კალაძის განცხადებით, ყველა პატიმრის ჯანმრთელობის უზრუნველყოფა, მათ შორის მიხეილ სააკაშვილისაც, სახელმწიფოს ინტერესებში შედის. „ეს არის თვითდაზიანების რეჟიმი, თუ ეს ასეა, არ ვიცი, არ მაქვს ამასთან დაკავშირებით ინფორმაცია, შესაბამისი უწყება ყველაფერს გააკეთებს, რომ ყველა პატიმრის ჯანმრთელობა იყოს დაცული. ეს არის სახელმწიფოს ინტერესში და რა თქმა უნდა, ამ პატიმრებში შედის მიხეილ სააკაშვილი, მისი ჯანმრთელობა მაქსიმალურად იქნება დაცული“, – აღნიშნა კახა კალაძემ. კახა კალაძის განმარტებით, მიხეილ სააკაშვილი საპატიმროს დროზე ადრე დატოვებას ვერ შეძლებს. „ვინმეს თუ ჰგონია, რომ რაღაც სიმულაციებით შეძლებს საპატიმროდან გასვლას, შეძლებს თავი აარიდოს სასჯელს, ეს არის ტყუილი, ასე…

მეტი...

,,აღნიშნული კითხვარის მომზადების პარალელურად, ძალიან ინტენსიურად ვმუშაობდით ჩვენს პარტნიორ სახელმწიფოებთან, ევროკავშირის წევრ სახელმწიფოებთან ყველა მიმართულებით”- ამის შესახებ, საგარეო საქმეთა მინისტრმა, ილია დარჩიაშვილმა განაცხადა. მინისტრის განმარტებით, რეფორმები რომელსაც ახლა საქართველო ატარებს  და მომავალშიც გაატარებს, უფრო მეტად დააახლოებს ქვეყანას ევროკავშირთან. “ჩვენ აღნიშნული კითხვარის მომზადების პარალელურად, ძალიან ინტენსიურად ვმუშაობდით ჩვენს პარტნიორ სახელმწიფოებთან, ევროკავშირის წევრ სახელმწიფოებთან ყველა მიმართულებით, რათა მათთან გვქონოდა ძალიან მჭიდრო კოორდინაცია და კომუნიკაცია –  ეს პროცესი დღესაც გრძელდება. რა თქმა უნდა, ჩვენი ქვეყნის და მთავრობის მოლოდინია, რომ საქართველოს ექნება ძალიან კონკრეტული ხელშესახები შედეგები აღნიშნულ დოკუმენტზე ჩვენი ევროპელი პარტნიორების მხრიდან, თუმცა რაიმე კონკრეტულზე…

მეტი...

საქართველო კითხვარის მეორე ნაწილს ევროკომისიას 10 მაისისთვის გადასცემს, – აღნიშნულ ინფორმაციას, საქართველოს საგარეო საქმეთა მინისტრმა ილია დარჩიაშვილი ავრცელებს. ილია დარჩიაშვილის ცნობით, საქართველომ კითხვარის მეორე ნაწილზე მუშაობა დაასრულა და აღნიშნული დოკუმენტი მხოლოდ ტექნიკურ ნაწილში საჭიროებს მომზადებას. „გვსურს, ვაცნობოთ საზოგადოებას, რომ საქართველომ დაასრულა კითხვარის მეორე ნაწილზეც მუშაობა. აღნიშნული დოკუმენტი მხოლოდ ტექნიკურ ნაწილში საჭიროებს მომზადებას და ვგეგმავთ, რომ 10 მაისისთვის ევროკომისიას გადასცეს კითხვარის ბოლო ნაწილი. როგორც ცნობილია, კითხვარის მეორე ნაწილი უფრო მეტად ტექნიკურ-სექტორული ხასიათის იყო, რომლის მომზადებაშიც საკმაოდ დიდი ძალისხმევა გაიწია. მინდა, ყველა სახელმწიფო უწყებას, ვინც იღებდა მონაწილეობას ამ მნიშვნელოვან პროცესში, მადლობა გადავუხადო. შემდგომი…

მეტი...

დეპუტატი იაგო ხვიჩია აცხადებს, რომ მიხეილ სააკაშვილის ქვეყნის შიგნით არსებულ საავადმყოფოებში გადაყვანას აზრი არ აქვს. ამასთან, ოპოზიციონერი დეპუტატი ყოფილი პრეზიდენტის ჯანმრთელობის მდგომარეობის შეფასებისკენ თავს იკავებს. „ქვეყნის შიგნით საავადმყოფოში მის გადაყვანას დიდი მნიშვნელობა არ ექნება, რადგან, როგორც ჩანს, პატიმრობის პირობებში ჯანმრთელობის აღდგენა უფრო რთულად ხდება. აქედან გამომდინარე, სააკაშვილის მეგობრებს მოვუწოდებდი, რომ ქვეყნის შიგნით გადაყვანაზე მაინც და მაინც დიდი აქცენტი არ გააკეთონ. ზოგადად გვინდა, რომ მიხეილ სააკაშვილი გაიქცეს ქართული პოლიტიკიდანაც და ციხიდანაც. არანაირი საფუძველი არ აქვს, მიხეილ სააკაშვილის მკურნალი ექიმების კვალიფიკაციაში ეჭვი შევიტანო, შესაბამისად, საკუთარ თავს უფლებას არ მივცემ, სააკაშვილის ჯანმრთელობის მდგომარეობა…

მეტი...

,,მიხეილ სააკაშვილის ჯანმრთელობა არის ის საკითხი, რომელსაც რაღაც ფორმით გადაწყვეტა სჭირდება. ქვეყნის შიგნით უნდა დავრწმუნდეთ, რომ მისი ჯანმრთელობა დაცულია”- ამის შესახებ, პარლამენტის ვიცე-სპიკერმა, ლევან იოსელიანმა განაცხადა. ლევან იოსელიანი განცხადებით, მიხეილ სააკაშვილის ჯანმრთელობის მდგომარეობასთან დაკავშირებით კვალიფიციური დასკვნა არის საჭირო. „მხოლოდ ურთიერთგამომრიცხავ ინფორმაციას ვისმენთ. ჩემთვის დამაჯერებელი არც ერთი მხარე არ არის. სინამდვილეში, ეს კაცი როგორ არის, რა აწუხებს და შესაძლებელია თუ არა საქართველოში მკურნალობა თუ მისი საზღვარგარეთ გაყვანა, ამაზე კვალიფიციური დასკვნა გვჭირდება, რომელსაც ყველა ენდობა. ვფიქრობ, რომ კონსულიუმი უნდა შეიქმნას, სადაც იქნებიან ორივე მხარის მიერ ნდობით აღჭურვილი ექიმები და მან უნდა დაადგინოს…

მეტი...

,,მოვუწოდებთ ევროკავშირს, მიანიჭოს საქართველოს კანდიდატის სტატუსი, მივმართავთ ყველა პოლიტიკურ ძალას, შემოგვიერთდეს” – ამის შესახებ პარტია „საქართველოსთვის“ წევრებმა ბრიფინგზე განაცხადეს. როგორც პარტიის ერთ-ერთმა ლიდერმა, ნათია მეზვრიშვილმა აღნიშნა, ისინი მიმართავენ ყველა პოლიტიკურ ძალას, შეუერთდნენ პარტიას „საქართველოსთვის“ ევროკავშირისადმი მოწოდებას და გააერთიანონ ძალისხმევა ქვეყნის ეროვნული ინტერესებისთვის. ამასთან, ნათია მეზვრიშვილის განცხადებით , საქართველომ ევროპული ოჯახის წევრობისთვის ფასი არაერთხელ გადაიხადა. „მოგმართავთ ყველა პოლიტიკურ ძალას, შემოგვიერთდით ამ მოწოდებაში. დავდგეთ ერთად, ვინაიდან ევროინტეგრაცია ჩვენი ქვეყნის დამოუკიდებლობის, სუვერენიტეტის შენარჩუნების და ეროვნული სახელმწიფოს მშენებლობის ერთადერთი გარანტიაა. ევროინტეგრაციაზე გადის ქვეყნის თავისუფალი მომავალი. დღეს გაჩენილი ამ შესაძლებლობის ხელიდან გაშვება დიდი ნაბიჯებით დაგვაშორებს…

მეტი...