დღე: მაისი 5, 2022

ევროპული საბჭოს პრეზიდენტმა შარლ მიშელმა „ინტერფაქს უკრაინასთან“ ინტერვიუში განაცხადა, რომ ევროკავშირი უკრაინისთვის მარშალის ევროპულ გეგმის განხორციელებას იწყებს. შარლ მიშელი მიიჩნევს, რომ დონორთა კონფერენცია, რომელიც პოლონეთის დედაქალაქში გაიმართება, გახდება საწყისი წერტილი უკრაინის ევროპული მარშალის გეგმისთვის. „ეს ზუსტად ის არის, რაც უნდა გავაკეთოთ, ჩვენ უნდა გავუგზავნოთ ძალიან ძლიერი სიგნალი, რომ მხარს დავუჭერთ უკრაინას იმდენად, რამდენადაც ეს შესაძლებელია. უკრაინას არა მხოლოდ სიტყვით დავუჭიროთ მხარი, ეს საკმარისი არაა – საჭიროა გადაწყვეტილებები, საჭიროა ფული, ძლიერი კოორდინაცია და გვჭირდება პოლიტიკური ნება. ჩვენ ამ კონფერენციაზე საერთაშორისო საზოგადოების ყურადღების მიპყრობა გვსურს, რათა მსოფლიოს სხვადასხვა კუთხიდან მრავალ დონორს მივცეთ შესაძლებლობა,…

მეტი...

დიდმა ბრიტანეთმა დახმარების ახალი პაკეტი დაამტკიცა უკრაინისა და მის საზღვრებში მოწყვლადი ჯგუფების დასახმარებლად. საგარეო საქმეთა მინისტრის, ლიზ თრასის განმარტებით, 45 მილიონი ფუნტის (57 მილიონი აშშ დოლარი) ღირებულების დახმარების პაკეტი გადაეცემა გაეროს სააგენტოებსა და საქველმოქმედო ორგანიზაციებს, რომლებიც ძალადობის მსხვერპლ ქალებსა და ბავშვებს ეხმარებიან. “ბრიტანული დახმარება უკრაინაში ყველაზე დაუცველებს უჭერს მხარს, განსაკუთრებით ქალებსა და ბავშვებს, რომლებიც სექსუალური ძალადობისა და ექსპლუატაციის გაზრდილი რისკის წინაშე დგანან”, – განაცხადა ლიზ თრასმა.

მეტი...

,,საქართველო და მოლდოვა  შეერთებული შტატების მნიშვნელოვანი პარტნიორები არიან. ჩვენ მათი სუვერენიტეტის, დამოუკიდებლობისა და ტერიტორიული მთლიანობის ერთგულნი ვართ, ”– განაცხადა აშშ-ს სახელმწიფო დეპარტამენტის პრესსპიკერმა, ნედ პრაისმა. პრაისის განცხადებით , აშშ გააგრძელებს ორივე ქვეყნის მხარდაჭერას. „ჩვენ ყოველთვის კავშირზე ვართ რეგიონში ჩვენს პარტნიორებთან ჩვენი საელჩოს, დეპარტამენტის საშუალებით. ეს, რა თქმა უნდა, ეხება ჩვენს კოლეგებს თბილისში. ეს დისკუსიები გრძელდება. ჩვენ ვიცით, რომ ვლადიმირ პუტინს შესაძლოა, ჰქონდეს მისწრაფებები  რეგიონის სხვა ქვეყნების წინააღმდეგ. ვფიქრობ, საპასუხოდ ჩვენ დემონსტრირებას ვახდენთ, თუ როგორ უზრუნველვყოფთ ჩვენს უკრაინელ პარტნიორებს იმით, რაც მათ სჭირდებათ, რომ იყვნენ ეფექტური რუსული აგრესიის  წინააღმდეგ. ჩვენ ვაჩვენებთ, რომ…

მეტი...

უკრაინის შინაგან საქმეთა მინისტრის მრჩევლის, ანტონ გერაშჩენკოს ინფორმაციით , რუს სამხედროებს „აზოვსტალის“ ქარხანაში შესასვლელი საიდუმლო გვირაბების შესახებ ინფორმაცია, თავად  ქარხნის ყოფილმა თანამშრომელმა მიაწოდა. „რუსმა ნაძირლებმა ქარხნის თანამშრომლებს შორის მოღალატე იპოვეს. ელექტრიკოსი, რომელმაც მათ მიწისქვეშა გვირაბები აჩვენა. მოღალატეებისგან მიღებული ინფორმაციის გამოყენებით, გუშინ რუსებმა ამ გვირაბზე შტურმი დაიწყეს“, – აღნიშნა ანტონ გერაშჩენკომ.

მეტი...

მოსკოვი მზად არის 7 მაისის ჩათვლით ადგილობრივი დროით დილის 08:00-დან საღამო 18:00 საათამდე ,,აზოვსტალის” ქარხნიდან მოქალაქეების გასაყვანად ჰუმანიტარულ დერეფნები გახსნას – ამის შესახებ ინფორმაციას,  რუსეთის თავდაცვის სამინისტრო ავრცელებს. გავრცელებულ ტექსტში ნათქვამია, რომ ამ პერიოდის განმავლობაში რუსეთის შეიარაღებული ძალები საომარ მოქმედებებს შეწყვეტენ. ამასთან,  ვოლოდიმირ ზელენსკი  გაეროს გენერალურ მდივანს თხოვნით მიმართავს, უშუამდგომლოს “აზოვსტალიდან” დაჭრილების გამოყვანასა და მათ გადარჩენაში.

მეტი...

უკრაინის პრეზიდენტის, ვოლოდიმირ ზელენსკის ინფორმაციით, მარიუპოლიდან მშვიდობიანი მოსახლეობის ევაკუაციის მეორე ეტაპი განხორციელდა. როგორც პრეზიდენტი აცხადებს ქარხნის ტერიტორიიდან გამოყვანილია 344 ადამიანი. „მარიუპოლიდან ევაკუაციის ოპერაციის მეორე ეტაპი დასრულდა. ქალაქიდან და მისი შემოგარენიდან 344 ადამიანი გადაარჩინეს.  ამდენი ადამიანი გაემგზავრა დღეს ზაპოროჟიესკენ. ჩვენი გუნდი ემზადება მათთან შესახვედრად. ყველა მათგანი მიიღებს განსაკუთრებულ მზრუნველობას სახელმწიფოსგან,”- აცხადებს ზელენსკი. პრეზიდენტი დანარჩენი მოსახლეობის გამოსაყვანად ცეცხლის შეწყვეტას ითხოვს. „ვაწარმოებთ მოლაპარაკებებს და იმედი გვაქვს, გავაგრძელებთ ხალხის გადარჩენას აზოვსტალიდან, მარიუპოლიდან. ჯერ კიდევ არიან მშვიდობიანი მოქალაქეები, ქალები, ბავშვები. ჩვენ გვჭირდება ცეცხლის შეწყვეტა მათი გადასარჩენად“, – აცხადებს პრეზიდენტი ზელენსკი.  

მეტი...